頤東酒家

Open Now

Now Closed

太子舊鳳城結業後, 原班人馬在熟客接手下, 就開了這酒家, 同類情況並不罕見, 例如金橋小食的車仔麵在熟客支持下就變成了來多碗車仔麵, 現在甚至變成了連鎖麵店. 裝修沒有太大變化, 菜單和菜式也是, 就是順德經典菜式再加上一些抵食大件的一般粵菜菜式, 和老友吃飯, 簡單又開懷.炸子雞原隻二百九十元, 雞肉鮮味豐富, 外皮香脆而帶雞油, 顏色偏深但沒有焦燶, 特別之處是除了淮鹽外, 也有檸檬汁作伴. 中和其油膩. 連東寶小廚的半隻炸子雞也收我同樣價錢呀, 這裏相對來說已算超值. 經典菜式如蝦多士和大良炒鮮奶不是驚為天人, 但味道和口感熟悉, 不會過燶過老. 反而平時少吃的焗西米布甸, 從一大碗作為飯後甜品難以KO, 換上可以獨立一碗的份量, 吃起來剛剛好, 外表香脆, 中間蛋香豐富之餘, 也有爽口的西米, 底部的蓮蓉順滑, 層次豐富, 是舊鳳城的經典.Eton Restaurant is opened by the chefs of original Fung Shing Restaurant that can provide traditional Shunde cuisine. Th

朋友成日講笑話食完呢間野就可以直上去太陽城~ 咁我地有個好玩得既朋友生日咪去左呢度食囉！孖寶套餐 - 鮑魚雞煲 + 時蔬鮑魚講明有3隻，仲要係超大隻，好入味，D雞係雞塊個種~ 賣相都唔錯~份量算多，清湯底，乾淨脆口，唔錯~百花釀蟹鉗同一般唔同的係佢真係用真正的蟹鉗整，入面真係有蟹肉，趁熱食幾香口~是日杏仁豬肺湯好濃杏仁味，有湯渣提供，不過例牌只有5碗，性價比唔夠高。炸子雞 (半隻)比想像中份量多，個皮係幾脆嘅，不過呢間價錢相對比較貴~大良炒鮮奶全世界都睇錯以為係炸的~ 大良奶成日都覺得就係炸, 呢碟野賣相麻麻地, 咸咸的, 未必係大眾心水~蓮蓉西米焗布甸 呢個推介一下，好滯肚，雖然我見唔到佢真身係點，上菜就已經變成咁樣 (幫我地分左)，但味道好食嘅~多西米，唔會話好甜，又有蓮蓉味道，幾正！椒鹽豆腐腰果幾好食，但係豆腐唔入味，好多炸蒜，工作姐姐表示我哋好識嗌😂😂😂

成日都嚟呢間酒樓飲茶，必點炸魷魚鬚，從前嘅又大條。又好味，而家係又細條，口感又唔係以前咁樣，失望。。了解過原來換咗點點心師父，所以出品都不同了。。真心希望酒樓會有所調整吧

每次去到假期 都一定會同屋企人飲茶🫖呢一間茶樓 個人最推介就係佢個沙律鍋貼蝦！佢其實係蝦多士🤣炸到金黃色 賣相勁靚！炸到外脆內鬆軟 食落唔會好油 入面仲有原條開邊蝦唔係蝦膠 鮮味十足🦐

好耐冇同屋企人飲茶了。屋企人揀選左呢間喺太子站瞓覺嘅傳統茶樓～原來佢仲係2021年米芝蓮之選嚟㗎茶樓總共有兩層不過位置唔多所以要來嘅朋友記得要訂位先啦嗌咗好幾個唔同嘅菜式～分別有炸魷魚、肉碎米粉、炒飯、蟹肉東茸樣樣都非常出色而且係有一種好耐以前飲茶嘅味道炒飯非常乾身值得推介炸魷魚都非常香口鬆脆好好食肉碎米粉味道非常好好似係屋企煮嘅咁樣蟹肉更就比較一般總括而言呢間茶樓嘅味道非常唔錯覺得可以再返嚟食，下次再去試佢多啲唔同嘅點心先

3個月後，相信廚房換人了。完全不同人了。之前雞包仔有蝦的！現在只剩下風和失落之前鮮蝦韭菜角，隻隻都脹卜卜。現在又是風，更重要大縮水，以前的一隻等於現在4隻。相信3個月的飲食寒冬，令餐飲業也很難做。開得番也七勞八傷，辛苦了

快過年，和Honey逛花墟，先到太子飲茶。雖然知道不再是從前的「鳳城」，但很久沒有再來這地方，Honey說今天不如去「新鳳城」試下啦，現在這裡叫「頤東」。飲茶的人不算少，要等位，座位的擺放跟從前的一樣，不過，連店名都轉了，當然點心和味道都不一樣了。一坐下，我就不太喜歡，因為碗碟不太乾淨，油油膩的，心裏有點……不過，當點心上桌，噫……還可以喎。每份點心都是大大件的。先上麻蓉煎堆仔。熱辣辣的，糯米心軟，但「 黐牙」，不太甜。Honey喜歡的蝦子柚皮，這個不錯。處理柚子皮好多工序，不然，柚皮會澀。但這個柚皮鬆化，不澀。而且，蝦子香，不鹹，是鹹香。之後的三款點心，一般。份量是好大份的，但味道就一般。蝦餃確實非常大粒，一粒頂得住其他茶樓兩粒。不過，餃皮沒有澄麵皮的咬感，而且餃皮挺厚。灌湯餃也一樣，份量好大，好多蝦肉豬肉……感覺上，和剛才吃蝦餃是一模一樣……點心份量大，但吃的時候，餡料和味道，是一樣的。煎腸粉也一般。腸粉近乎看不到蝦米，煎得不透。整體而言，食物一般，服務也一般。

很多年前都試過這裡嘅舊店 雖然變咗老闆和名 但其實格局和食料都應該無咩點變 今次係和朋友慶祝生日 剛剛撞正做冬前一日 所以都有心理準備 沒有任何優惠和價錢應該比平日貴 所以點菜都比較保守 以下係今次點嘅菜式：這個八寶鴨想當年係佢哋嘅名菜 所以點都希望再次試一次 想當年一圍一隻 所以根本唔夠食 所以問了酒樓先預訂 這樣就保證一定可以食到酒樓都強調要先訂才會及早準備 四個人食就一定夠 其實今次再試 發覺六個人點這個就剛剛好老實講我覺得合格和夠入味 此中這個菜式唔係經常試到 所以都無咩好食嘅準則 姐姐都好友善幫我們砌開還和我們講這樣影相就最靚不過都要大家留意 如果有燒味敏感 就最好唔好試 那些配菜都很足夠 所以如果唔點菜 其實都可以這個虾多士 都係這裡嘅出名名菜 但估唔到晚市都有 但嗰名唔係叫虾多士 所以大家要留意魚香茄子煲份量足料 好驚喜 我們大家都覺得值得一試 下次都會再試價錢唔算太貴 四人絕對足夠 滿足這個甜品係酒樓附送 本來姐姐推介西米露但最後發覺送晒好可惜 這裡嘅員工禮貌和服務我們都好滿意 本來都怕遇到一些只對熟客好嘅老伙記 但又唔係我心目中那感覺 價錢又唔會因為冬至加價太厲害最好

之前食過晚飯同飲過茶 覺得幾好食所以啱啱打去訂枱 訂1/1飲茶有個唔知係男定女廣東話又唔正既聽電話 一聽到我話訂4位飲茶就話以“為訂四圍酒席 咁心急” 問佢貴姓又唔講 話“你咪投訴我囉 我唔做啦 吹咩” 睇黎呢間淨係歡迎熟客 熟客唔洗卜唔洗排都可以直入 (親眼見)

今日專誠去以前鳳城酒樓現已改名為頤東大酒樓，有聞他的廚師及侍應員全部都是舊人，所以決定去懷舊。這裏地方不大，卻排隊取票等入座，幸而只需二十分鐘便有位。先來過龍井茶嘆下先，再選擇各類點心：～蝦餃皇兩隻， 又大又新鮮，內裡很多蝦，很美味又有嚼感。～燒賣皇兩隻，很大而且 用了兩三隻蝦仔和豬肉包在一起，有嚼勁又惹味。～鹵水豬手粒，切得很大舊，鹵水味偏甜，但我較喜歡鹽味。～香芋鴨腳扎，芋頭煑得淋，鴨腳皮亦很爽，味道適中，很有嚼感。～懷舊糯米雞， 材料很豐富，有雞丶鹹蛋黃丶叉燒丶燒肉丶冬菇 丶蝦仁等食物，很惹味。肚子飽飽，再來兩杯茶解肥膩，足矣😋🤗

昔日有名的粤菜酒樓已易名原址經營，久未去訪，今天難得路過便走上去一試，未及中午已經要等位🤔等了十多分鐘前台安排了在訂位樓層的檯😉點了:蝦餃兩隻裝燒賣兩隻裝鴨腳扎鹵水豬手粒傳統糯米雞蝦餃，燒賣大大隻味道討好， 不太肥膩， 餡肉爽口😋鴨腳扎水準一般， 鹵水豬手粒味濃一点更完美傳統糯米雞好懷舊，今餐我最受落的點心，糯米皮軟熟盡吸餡料鮮味， 餡料斤兩十足，值得一試😋😋此店亦標榜2021年名列米之蓮推介食店名單上，總括今次不失為一好去處

太子頤東酒家 前身是鳳城酒家最近一年好像得到了米芝蓮肯定平日飲茶都幾多人叉燒酥加了一粒核桃 賣相同平時有點不同~一隻糯米雞就足以食飽! 入面有蝦米 雞肉 瘦肉等唔同食材啖啖糯米都食到荷葉香味,大隻又抵食 一個飽半日呢!合桃叉燒酥,酥香脆口,帶甜味,叉燒餡料唔多,但整個酥口感豐富環境好懷舊保留左幾十年特色!影相好有feel!消費$70旺角彌敦道749號歐亞銀行大廈1樓及2樓

週末同2老飲茶要入去，冇問題！掃左出行先啦多人到顛，樓底比較低，完全隔唔到聲，超級嘈🙉🙉🙉🙉🙉🙉🙉🙉🙉🙉🙉🙉🙉🙉🙉🙉🙉🙉🙉🙉

今天下午見肚餓，所以去了頤東酒家 Eton Restaurant食下午茶☕️🍛因為今天早上我冇食早餐，下午也未吃午餐，所以太肚餓關係😅所以我自己一個人點了七樣點心來自己吃😋解決自己嘅肚餓苦況😅我點了七款點心 ： 懷舊豬爽肚燒賣 一疊沙嗲金錢肚 一疊鮮蝦腐皮卷 兩件黑椒豬爽肚 一碗淡水仙蝦餃皇 兩隻鮮蝦燒賣皇 兩隻酥炸魷魚鬚 半份食得非常滿足😋全部也完成晒✌🏿價錢合理，味道也不錯。

今日出太子，因為家中小寶貝要做公公，慘慘豬🐷⋯⋯我地放低左佢係診所之後，就去頤東酒樓飲茶，嘆下一盅兩件，開心下先😇頤東酒樓前身係鳯城酒樓，易手後繼續沿用舊班底，將順德菜手藝傳承下去！👍1. 鮮蝦腐皮卷：皮薄香脆，炸到金黃色，餡料豐富，大大粒蝦仁，蝦滑，雞肉，真係好鬼正😆2. 美味鳯爪： 鳯爪炸得夠身，所以蒸出嚟鳯爪好淋，不過嫌佢調味偏淡，適合清淡朋友仔🙂3. 蠔皇叉燒包： 叉燒肥瘦適中，包皮又好軟熟唔痴牙，散發出陣陣叉燒香味😁4. 淡水蝦餃皇： 見到大大粒蝦餃，好鬼開心，一口都食唔晒，要分幾次先食完，真係份量十足🤣5. 鮮蝦燒賣皇： 鮮蝦燒賣皇令人流晒口水，內餡有著鮮蝦、豬肉、香菇，咬下濃濃的香氣撲鼻而來！😎6. 柚子桂花糕： 桂花糕清爽不甜膩，上層係桂花，下層係柚子，咬一啖好爽口又有柚子同桂花香味，互相交替😝