煌宴酒家

Open Now

Now Closed

12月28日星期五10:45am在煌宴酒樓，一名女員工工作態度十分惡劣，我當時Order咗嘅食物還未到，打算叫佢替我跟進一下，我見到佢擺明見到我叫佢的，但佢扮睇唔到我，之後我再叫佢，佢竟然乸起口面，話唔好叫我，服務態度有待改善👎🏻X＝愛

新都城其實都幾多酒樓，週末既時接近間間都要排隊，上星期食左煌宴酒家附近個間，因為見唔洗排隊，點知真係中中地伏😅，所以今次見到呢間唔算多人排就等一等。.呢間酒樓都幾靚，環境乾淨，服務都OK- 乳鴿做得幾好，皮夠脆夠香，而肉唔會好‘蘇’，有肉汁👍🏻- 薑蔥牛柏葉份量都幾多，仲有好多菜係入面。牛柏葉還算新鮮爽口，不韌，而且都幾香。 - 黃金糕有三大塊，椰香味都幾出，口感好煙韌，但偏硬，唔夠軟熟，同埋都幾乾👎🏿👎🏿 - 叉燒腸粉粉皮好厚好粉，難食👎🏿👎🏿 - 椒鹽魷魚蘇係呢堆野之中最好味，炸粉薄得黎炸得香脆，不會油膩，魷魚都算新鮮，還算爽口彈牙，表面灑左避風塘調味料，令味道更上一層樓👍🏻 - 奶黃包好差，仲差過超市個d，奶黃味好假，餡又少。整過黎講，不過不失，但又未稱得上好味。

愈來愈難食。。。諗住同屋企人食個飯，見呢間完全唔駛等，就入左黎。點知中哂伏。真係唔可以見到無人就入。坐左15分鐘無人開茶，杯污糟又話本身係咁，又上錯菜。叫左4個送，除左炒菜之外全部難以入口。同相片完全唔同。黑松露炒大蝦急凍中蝦四隻，炒蛋出水，無黑松露味。片味鴨，皮厚肉老，薄餅皮勁難食尖椒黑豚肉，明明就係三層肉。。。肉炒到好硬，咬都咬唔到。鮑魚海鮮鍋，完全貨不對辦問阿姐係咪岩，又話唔知，要問部長。咁樣算唔算違反商品說明呢？最後食剩左好多。。。真係食一次就夠，怕怕。

星期六放假要同外父飲茶是常識吧新都城茶樓既選擇多但來來去去老人家鐘意既都係3期皇宴同富臨富臨地方細，成日排長龍所以今日去左皇宴下午茶黎講，呢到算係抵既除左餐牌個d，仲有下午茶紙不過星期六日及公眾假期就每樣加$3大家留意返，埋單唔駛以為計錯數最鐘意叫呢個拼盤，因為樣樣都有d老婆最鐘意食既薑汁紅棗糕，但我唔鐘意食拼盤就岩哂啦！得兩舊，唔會食唔哂呢到d薄餐算係咁啦，唔會淨係得d粉不過始終無以前傳統酒樓咁加埋菜譜咁好味例牌既蒸牛肉，唔好咁有奇望酒樓野，蒸得熟已經好開心同埋好彩係山竹牛肉（唔係打風既山竹），有d酒樓既牛肉球變左用椰菜蒸，一d都唔好食，山竹始終係原汁原味豉油王炒麵，係呢到既炒粉麵黎講係咁上下之前叫金菇炆伊麵就一d都唔好食，完全得d伊麵，無菇d粥真係麻麻地， ‘杰’到一個點完全唔ok，可以唔駛叫——————————————————-整體d野食都係一般服務就得個男經理好服務d同埋會做野其他女人都係三催四請都明既，人手唔夠所以平民酒樓就係平民既服務同質素啦

星期日中午時間來飲茶一定好多人，羅飛個陣要等11張枱，就一直企係門口等叫飛，等左好耐都無郁過，就行埋去問下知客小姐係咪無枱，點知一問完，個no#就不停跳，跳到剩反4張到我地，但完全無人入，應該d人等到走晒，其實好奇怪架，點解會甘呢？最後直頭大嗌有無5-6位既未入，我地先可以入去坐😰😰咸菜胡椒豬肚，份量少到喊，未見過酒樓俾呢個份就，但賣成$45皮蛋瘦肉粥，淡而無味，比白粥還要淡其他嘢都係中規中矩，無乜特別，試過一次都唔再來幫襯

暑假期間帶姪仔去將軍奧商場第三期跳彈彈牀，之後去咗啲間開業無幾耐嘅煌府酒家飲茶。地方好大，天花吊咗好多盞水晶燈，牆壁上掛有幾部電視，其中一個有成幅牆咁大，真係夠氣派。價錢合理，下午2:00重有下午茶優惠時段連星期六同日都有，不過每碟比平時貴3元。南瓜西米露值得推介，夠曬足料甜度適中😋👍

今晚突發地一班狗友們聚埋一起，在家附近的商場酒樓晚餐， 這酒家已經開業一段日子，但我們全都是第一次去幫襯。。。乳豬不脆口，不鬆化，就是已沉睡一段長時間了， 很感失望 薑葱炆蠔 ~ Size 不算細隻，但也似乎不太新鮮，有些腥味。 只有西蘭花炒花姿带子， 能取回一些分数！ 带子也算大只，而且分量也算足夠！ 寄望日間酒樓點心能挽回信心吧！

難得早起身～諗住飲早茶～又諗起都算新開嘅煌宴～之前食過一次晚飯～～佢嘅冬瓜盅好淡無乜味～手工叉燒最出名～～一碟好似有八舊～ 我哋剛剛好八個人～所以每人食咗一嚿～～之後再補多一碟～其他小菜都可以嘅～所以就去哩間飲早茶～～不過……就有啲失望～ 煎釀茄子～～一睇就知係返炸仲要食落係唔夠熱嘅……係個牛肉球熱辣辣又夠彈牙棉花雞都唔錯～～蝦餃佢好似做特價$4.8～2粒係好抵～但皮有啲啲厚同淡～不過咁平～唔好要求太多～～鮮竹卷好一般……我同男友都覺得金錢肚係我地至愛～～但唔淋～唔入味點心我地要求唔高……但真係好一般……春風得意腸～嗯～唔知點解會有蟹籽……腸粉皮～有啲厚……相放唔到上黎飲茶真係無下次……晚市或燒味就ok服務就唔敢講……我地係搭枱～佢地唔知係唔夠人定唔習慣收點心籠～我同對面搭枱嘅夫婦～一齊搭咗七八個籠～好高都無人收～茶位$8一位～～晚市$10一位價錢唔太記得～～影埋張單～～不過早兩日係寶琳商場茶居～買外賣有驚喜～～唔錯～

難得星期日放假，就打算同屋企人飲茶，決定去試一試呢一間酒樓，點知最後一肚氣！首先無論係門口派籌嘅職員，定係酒樓入面嘅樓面侍應，個個態度都係極差。例如，等左好耐之後，佢哋安排左一張近門口嘅枱比我地，我向佢哋表示想錯入啲，唔想坐門口位，點知佢哋竟然話，「 冇位㗎啦，你對眼邊度見到有多張枱俾到你？」跟住我同佢講我可以等，佢就話「得啦得啦，咁你出去等吧啦」我真係吾明，點解個客好聲好起同你講野，你會咁嘅態度。最後我係決定離開嘅間咁嘅酒樓，去第二間食。所以係到奉勸大家吾好嚟呢間酒樓！

週末晚上一行6人去食晚飯，晚上7點幾酒楼只坐滿一半已覺得可能中伏。不過肚餓無法。入到去坐低因有小朋友觉得凍要求轉枱，個侍應即刻黑口黑面話其它枱已經被人訂左唔可以轉！因有小朋友係度费時同佢理論。我們叫了薑葱焗美國桶蠔，玫瑰豉油雞，海皇冬瓜盅，清蒸多宝魚及燒鹅。焗蠔味道非常咸！而目有陣怪味，食左少少就唔敢食。豉油雞O K好入味唔錯，冬瓜盅就淡而無味，似滚水加雞粉。多宝魚一D都唔新鮮又细條，燒鵝就有一陣油益味似隔了夜。食物水準不敢恭維。難怪週末晚上也那麼冷清！最意想不到的事情是我們晚上有幾個人肚痛！但不碓定是否與食物有关自行買藥食了便算！

新都城商場二期有一間酒樓叫煌宴，早茶好好吃，又夠靜又光猛，容易有位，點心孖寶好抵吃，我點了牛肉腸和山竹牛肉，腸粉皮滑又薄，山竹牛肉夠彈口，重有好多選擇，不過自己一個祇有叫少啲

星期六通常同家人貪方便就去屋企附近商場酒樓飲茶，但始終飲到有D悶。今次見天氣好，媽咪精神又好，決定去新都城飲茶。我哋以前間中都嚟呢間前身酒樓午餐及晚餐，轉左呢間之後飲過一次匆忙嘅中午茶。今次要認真品嘗下，結果冇失望個人覺得點心併盤好抵食，我最喜歡春風得意腸及蒜香魚雲飯(忘記正確名稱)。由於顧住食好西，有D點心忙記影相：鳳爪、蝦餃、煎薄餅及鮮竹牛肉順便一提，我哋等位期間見到麥包及江美儀响酒樓出入，其中一次响媽咪身邊經過添。其實呢個商場都成日見到電視台藝員㗎

今年難得年30晚出街食飯，基本上其實都無咩要求，打定底，預左唔會好食，唔會要求有咩服務。屋企人一早book定枱，食第2輪，叫左個12人set。頭盤係燒味拼盤，一食個叉燒！！哇！！！好感動，係好食既叉燒，唔會太肥太瘦太乾，肥瘦適中，又淋，食左好幾舊！第2碟係蝦球魷魚荷蘭豆，蝦球同魷魚都幾新鮮，又夠味！第三碟係炸蝦球~大大粒，好爽口，配埋泰式辣醬係perfect!第四碟有發菜蠔士豬脷，我個人一向唔多食呢d，同行親友覺得味道唔錯，唔會太咸。第五碟年年有餘~不過條魚好似蒸得熟左少少，唔係好夠滑....湯~魚賜?湯，一般般，無乜特別。跟埋主食有臘咪?米飯，我好少食?米飯既一向，但呢個既我食左兩碗，因為真係好好食！！甜品係蓮蓉壽桃包。平時呢餐飯其實已經值比正常/好評，但年30食呢餐飯，無想像中既失望，仲要表現咁好，真係值得比個大哈哈笑你！

星期天同姨媽飲茶, 佢話呢間酒樓新新地, 未試過想試下呢, 好耐冇飲茶嘅我當然會去喇!!!腸粉, 是非一般的腸粉, 布拉腸粉包左炸蝦春卷再加上蟹子。第一次見到呢個組合, 可惜味道一般, 炸蝦春卷不太脆, 應該是預先整好的。咸水角味道都正正常常, 唔係即炸的, 但皮都唔會太厚。鳳爪排骨飯細細盅, 份量兩個人分黎食加點心就剛剛好, 鳳爪夠淋同入味, 排骨都唔算少, 都唔錯。炒米粉就有啲油膩, 味道偏淡, 可以唔洗試。釀尖椒都唔錯, 份量多, 而且魚肉都彈牙!!

聽聞開咗幾個月。入到去，光光亮亮，枱與枱之間都有啲空間，基本上都坐滿，估記都OK：晚飯孖寶 ($188 + $20)清蒸海虎斑仔 - 新鮮，但輕輕蒸耐咗啲啲，有少少少少韌，嘥咗。蜜汁叉燒皇 - 門口寫住手工皇牌叉燒，啲肉乸到好林，有少少甜(蜜糖？)味，不致超好食，普通好食啦。滋補羊腩煲 ($198) - 都夠大煲，羊肉夠林，唔覺羶，有少少薑味，碟菜都算新鮮，抵食吖。燒汁野菌牛柳粒 ($98) - 唔細碟，牛肉唔韌，味道普通。魚香茄子煲 ($68) - 無特別食到魚香味，平平。荔芋南瓜臘味煲 ($88) - 我嫌佢味太重豉油定咩味，食唔到臘味嘅味道，荔芋唔夠香，南瓜唔夠甜。椒鹽豆腐粒 ($48) - 雖然係一碟平價小食，都幾大碟，豆腐似超級市場果類，都滑，味道似七味粉。香妃雞 (5位以上送一隻) - 真係完全不知情 。我以為好好味，想啲人再來幫襯，但味道同肉質都係普通咋喎。今餐外帶生日蛋糕，無切餅費喎！喺一個連港鐵嘅商場入面，但就唔係旺區，算唔平唔貴，平均分得個OK啦。