euro go go

Open Now

Now Closed

2020年3月22日因為約左朋友行個晏晏地既道風山。所以就係火車站搵啲野食左再行。一去到都幾多人。仲有好多好似準備上山露營既人。好多大背囊！坐低就比左張餐牌我。因為諗住快啲食完快啲上行山。就掛住食唔係好記得影相。我叫左凍蜜桃茶，同行友人叫咗熱蜜桃茶。我覺得熱蜜桃茶冇咁好飲，但同行友人唔飲凍野。叫咗個焗田螺，但係真心失望超級鹹！！最後都係食淨左係度。除咗焗田螺我哋仲嗌左半份Pizza。好似係叫百寶pizza。由於我哋要分所以叫咗服務員比把刀我哋。佢哋服務好好，但係由於係膠刀既關係切得好辛苦。

沙田呢間鋪地方比較大，可以先入座，再點餐！🕞輪後時間🕤等左十幾分鐘就有野食，服務員細心，安排甜品後上！🥢推介食品🥢1️⃣蜜糖雞翼每一次食都會叫，因為次次都有水準都保持到，皮脆又充滿蜜糖，真係必食推介！2️⃣香蕉班戟賣相唔錯，濃濃既cream皮薄3️⃣千島海鮮pizza味道一般般，個醬太濃，食一舊都有點肥膩味道 😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦🏦(5分最高）✨餐廳環境✨：餐廳坐位比較迫🧑🏻‍🍳侍應服務🧑🏻‍🍳：服務員態度一般🔆總結一下🔆：適合閒時食下既輕食，西餐，不過價錢遍貴

因為想簡簡單單揾啲嘢食，就揀咗呢間首先我哋揀咗呢個蘑菇肉醬意粉，基本上呢個配搭都唔會難食得去邊，果然正正常常，冇乜特別另外我哋叫咗半份蕃茄芝士薄餅，都係一款安全嘅食物，都唔會伏得去邊，冇乜驚喜因為芝士味唔會特別濃呢間嘅分店都算多，唔會值得特登嚟食，但係如果想快，同埋想簡單食一餐嘅話，佢都係一個唔錯嘅選擇，但就唔好預佢質素好好，期望太高

鮮茄湯通粉：通粉熱辣辣上枱，沒有什麼特別的賠了只有番茄味的通粉，偏酸、普普通通但是小孩喜愛。千島海鮮薄餅(半份)：即叫即焗，千島汁和配料都非常豐富，特別欣賞魷魚新鮮爽口，還有蝦和蟹柳，薄餅皮不算太厚，很好吃！卡邦尼意粉：絕對建議上枱立即吃，否則醬汁會凝固變硬，意粉上面鋪滿很多火腿，味道很好，亦是小孩最喜歡的食品之一。焗薯皮拼盤伴希臘乳酪醬：焗薯皮真是一個敗筆，兩小口十分喜歡吃，誰不知這次薯皮非常、非常乾而且硬，特別期待食這個出名的焗薯皮，今次真係完全浪費$86！熱香餅併香蕉：熱香餅唔夠英文字母餐廳好食，因為熱香餅比較硬，不夠鬆化難以吸收糖漿的甜味。配以充滿朱古力醬的香蕉其實也算很好吃！凍忌廉朱古力：絕對加分，凍飲朱古力完全沒有冰塊但是非常凍，這就不減朱古力的原味道，又不會把忌廉溶化變水，推介！

來到沙田連成廣場，是想到旅遊樓層，有點餓，先找個下午茶。同樣也有熟識的店子，來到這連鎖的咖啡店。這分店是先付款，才入坐。付款後，先坐下來，不久店員也送上餐具、紙巾及調味用糖。仍舊喜愛班戟套餐，等了不久，最先送上的是通粉。鮮茄湯通粉，鮮紅色的底，有著碎碎的蕃茄，湯中也混有香草，卻是用紙的碗送上，感覺有點不環保。湯底鮮茄味香，帶點點酸，而且香味及酸味較厚，與樂富分店的有點點不同，通粉不軟不硬，味道也剛好。蜜桃班戟，看來份量比樂富分店稍為細小的班戟，仍是旁邊放著兩塊蜜桃，加上小小的忌廉作襯托。蜜桃味道很香很甜，甜味沒那裡濃，班戟內蜜桃也較小，可是班戟的外皮卻為薄，相對技巧也要較高。藍色為主的紙杯，相信咯分店也一樣，這次是咖啡，仍是帶點點酸，卻比之前在這分店飲過的酸度較低，不需加太多糖已可中和。都是相同的班戟套餐，想不到不同分店也有一點不同。可是服務則需要改善，之前只送上鮮茄湯通粉，等了很久也沒送上其他，再問店員說是以為稍後才上，若客人說稍後才送上，也沒理由連飲品也不送上的，看來有點問題，需要改善。

我落外買買意粉，佢話餐具要收$1。我問佢一隻叉都無，我係唔係要用手食。佢又答唔到我。唔好以環保名義收費la。要環保嘅就唔做外賣，堂食唔好用即棄餐具。唔係咁就唔好扮環保la。

我只係個工讀生，唔係乜嘢飲食達人，但煮番兩味我都仲可以，更何況我阿爸阿媽都開過餐廳，亦算係半個職業廚師，我知道乜嘢食應該係乜嘢味，所以呃我唔到。芝士吞拿魚意粉， 吞拿魚用罐頭貨就一定啦，所以都唔需要期望太高，只要唔好太腥就ok，呢個tomato source 好酸唔合比例 , 而且太多汁，香草落得太少，寬條麵煮得太淋，口感唔好，而且太淋係煮 pasta 嘅大缺點，味道好港式，整體嚟講真係唔係咁好味，還好有芝士搭救，而且都好大碟，食佐一定飽肚。

其他嘢我冇試....所以不予置評.......見咁多人...應該都OK掛...應該係除非唔係...但可以確定嘅係千祈唔好點咖啡.........我點左杯凍牛奶咖啡加焦糖....成杯野過甜都算喇....杯嘢好似係水加冰再溝糖咁...一啲咖啡味都冇.....哩杯應該係由我出世以來飲過最難飲嘅咖啡.....🤢🤢🤮我諗我朦住眼用最平嘅咖啡粉沖出嚟都好飲過佢...可以沖到咁難飲都真係著實難得........

有日同個friend去一田掃完貨，行到超累😴，咁諗住搵個地方坐底吓食D野，抖抖先，如果唔係，隻腳實死得，咁佢問我鍾唔鐘意飲荔枝茶，我話鍾意食荔枝多D，佢即刻話得啦，等我帶你去食荔枝啦，我心諗🤔，有邊度地方可以坐底慢慢食荔枝架，我就即管跟住你，睇吓你去邊。去到，原來帶我黎食euro go go。呢度要排隊等位，但都好快有位，我個friend就推介呢度既荔枝茶，同蜜糖雞翼，仲有煙肉蘑菇，佢話一定要試。D野食都好快送黎，抵讚！杯荔枝茶真係好飲，真係有荔枝食，仲要好大粒。 蜜糖雞翼又好甜好野味，個蘑菇又清甜可口。今餐真係好美味呀，又可以繼續掃貨啦😁😁

下午茶想食吓小食pizza, 意粉，芝士蒜蓉包，蜜糖雞翼，法式薯蓉田螺，值得推介的小店。環境細小要等位，不過也等得快。推介蜜糖雞翼，好香口，雞翼不算太細隻，好食。法式薯蓉田螺，每今次有點失望，是焗燶底，不過職員好快換另一個，重新等了6分，服務唔錯芝士蒜蓉包，不太硬，好香，好鬆脆，芝士味濃，推介小食。意粉種類非常多，最終我都揀咗芝士吞拿魚意粉，即焗出來，香噴噴，上面舖滿芝士，味道濃郁，加上我最喜愛的吞拿魚也好豐富，味道十分配合。建議pizza，不要太多醬，千島海鮮pizza，有點酸，不好吃了。煙肉磨菇pizza,蕃茄醬太多，有點點酸，煙肉有點咸。大至上滿意，因為熱辣辣，焗出來，碟邊全部都熱的。

約左老友等佢放lunch一齊食為左時間食得充裕一早出黎拎定位每次見好多人排隊，呢間又唔限時，所以要預左排下隊先食得！但會選佢黎食係因為佢既野食好味，又抵！最喜歡佢呢度既蜜糖雞翼，有拉絲既蜜糖！焗到香香甜甜，好好食我就叫左杯凍檸檬汁，唔會太酸，都醒胃解膩口吖👍🏻由於老友要注意健康，我地點左半份牛油果pizza，味道特別，牛油果份量十足！素食朋友可以試下，唔係好多地方有半份有三片🍕再黎叫左個煙肉蘑菇薯蓉，三十幾蚊都幾大份量，三個人食岩岩好，料又多，啖啖美味食小食係唔夠飽！我地再追加個菠菜闊意麵，芝士好多，菠菜舖滿面，龍俐柳比想像多，但個闊麵就變得難夾左，痴埋一堆下午茶有一杯熱飲配，唔夠食就可以正價再加，相對單叫一杯野飲會比較抵食！野食好味，唯一差少少係所有餐具器皿用即棄，不太環保♻️

Euro gogo差不多任何時間都好多人，特別係晚飯時間，所以我通常都避開晚飯時間，食下午茶，又抵又好食！！黎襯都必叫蜜糖雞翼😋😋😋😋下午茶仲可以加$10配鮮茄濃湯通粉，我咁大食緊係加$10啦！今期仲有婦女節（唔係過左好耐啦咩？！）優惠，加$22有沙律，不過我無要🤣🤣🤣餐飲叫左咖啡，今次唔係點齋啡，要左少奶，唔錯😌😌😌一共$58😌😌以西餐黎講，Euro gogo真係價性比好高既餐廳，唔怪得咁多人幫襯！要改善地方就係只收現金唔太方便！

午餐同朋友行過    見到呢間想試好內  終於!! 試左了，味道一般般 唔算特別好食  亦唔會難食   但份量充足  淨係咁樣我同朋友已經飽了    下次會好想試下 香辣雞翼，番到公司聽同事講 ，會令人係咁想食，食上癮 Juicy的雞翼@@!  同埋應該會試蒜蓉包  ，因為見到隔離枱點左，賣相好靚,而且好香，搞到我都好想食呀!! 但真係飽了  所以最未都冇叫到呢~~ 下次下次 大概可以~    重點係呢到唔貴呀!~ 抵食抵食 

Euro go go係我以前讀書時食過嘅餐廳，今早經過沙田連城廣場，見返Euro go go就二話不說，就想去食啦。點知，原來沙田連城廣場店有分店外同店內的位置，由於今日好熱嘅關係，我地決定排隊，等待店內位置用餐。人多嘅關係，所以都等咗陣先有位坐，叫完餐之後，仲要等30分鐘先有野食。今次叫咗我童年回憶-芝士吞拿魚意粉、凍檸茶少冰少甜，味道不變，仲係咸咸地。蕃茄湯通粉又夠味，雞翼好好食，下次一定要試，正呀呢間鋪同其他分店唔同，用外賣錫紙兜、碗，同即棄餐具，感覺有點格格不入。

到沙田MCL睇戲 , 睇戲前一刻最好就係去戲院，旁邊連城廣場搵野食，個度不嬲食肆多，但因為驚睇戲睇得晏會肚餓，於是去Euro gogo 大刷一餐 , 這樣就不怕擔心會有趕時間入埸的問題，又唔怕睇睇下戲肚餓！但卡比仔今晚唔想食意粉咁heavy，於是揀左煙肉芝士焗蘑菇，又飽又唔會太漏！焗磨菇算係Eurogogo 整得唔錯既茶式，唔會飆好多汁出嚟，食落去啲汁依然喺蘑菇入面， 都幾爽口嘅加埋煙肉同芝士呢啲咁香口嘅嘢，梗係令我食唔停口 ~