euro go go

Open Now

Now Closed

Euro go go係我嘅食堂, 通常諗唔到食乜都會去食呢間, 所以之前都已經試過唔少款式嘅野食。呢間分店無論晏晝定夜晚一樣好多人, 所以黎到嘅時間都有心理準備室內嘅座位會full. 如果坐outdoor嘅話, 佢會將你張單轉外賣, 同埋落單時會俾一個提示器你, 當野食準備好就會響, 提醒你要入返室內攞野食。叫咗半份鮮蕃茄牛油果薄餅($50)、一份煙肉芝士薯皮($45)同埋一份菠菜汁龍脷柳闊條麵($68), 等咗大概15分鐘先有得食。講咗薄餅先。當你咬落去有鮮蕃茄部份嘅時候, 你只會食到蕃茄味, 因為佢嘅酸甜味完全蓋過牛油果嘅味。如果只係咬到只有牛油果嘅部份, 食到嘅牛油果味都係偏淡。如果係牛油果愛好者, 應該會唔夠喉。薄餅屬於薄批嘅類型, 餅邊似餅乾, 食落都幾脆。煙肉芝士薯皮係三款野食入面最好食嘅, 雖然係咁, 但45蚊嘅價錢我覺得唔太抵食。薯皮表面有一層烤過嘅芝士, 但當你咬落去嘅時候, 會有啲茄汁咇出黎。芝士同薯皮嘅組合基本上都好合大眾口味, 就算求其整都會整得好食。食菠菜汁龍脷柳闊條麵記得要搞拌下, 如果唔係底層嘅闊條麵掛唔到汁。可能落咗菠菜嘅關係, 個汁雖然有混入芝士, 但

Euro Go Go 水準非常穩定，下午茶好抵食，雖然要排隊，但服務員都好有禮，好清楚安排位置。最喜歡蜜糖雞翼，即叫即做夠熱辣，又夠蜜糖，雞翼都夠大隻。再加 $10 配個蕃茄通粉，剛夠飽。有時會配咖啡，但強烈推薦加 $8 配忌廉朱古力，夠多忌廉，又香又滑，朱古力不會過甜。

行開沙田諗唔到有咩好食 突然想起好耐冇食過euro gogo 就去左食 沙田呢間係火車站上面個商場到 都幾近 唔洗搵路 上到去眼見位置都唔多 坐滿晒人 呢間要係出面排隊等位 唔洗自己搵 睇下menu 嘩 加價加得勁快又加得多 😨等左陣終於有位 叫左個菠菜汁龍利柳闊條麵 因為之前食過份量得好少所以轉咗做意粉 感覺上好似多啲咁 晏晝就有餐跟咗個蒜蓉包跟住加$8就一杯凍嘅忌廉朱古力 另外仲叫咗蜜糖雞翼 呢間鋪頭全部都係用即棄嘅餐具好唔環保嘢食又等得耐 等左差唔多四五個字先有嘢食我見隔離枱又係等個Pizza等到唔耐煩 但係啲職員成班係到玩 要人地催左幾次先有 到我個意粉嚟到佢係用錫紙兜嘅 個職員兜野擲落嚟 大佬丫 我有個小朋友係到嫁 辣親點算 個意粉又咸 蜜糖雞翼冇蜜糖 得啲油係到 呢間野真係越做越差 咁嘅價錢咁嘅服務真係俾錢買難受

一直以黎幾鍾意EURO GOGO, D意粉味道幾好, 價錢又幾親民, 所以性價比幾高, 只係佢所有餐具都係即棄, 好浪費,  有次去EURO GOGO叫左杯凍檸茶,本身因為自己有帶玻璃飲管,所以叫佢走飲管, 結果上餐時都係連埋支飲管比我, 覺得有D浪費,

工作後和媽媽逛街逛到大約九時多，於是便隨意選擇一間西餐廳進食。雖然大約九時多，但是餐廳還需要排隊的，可見餐廳很具人氣，不過等位的時間也不會太長。餐廳的菠菜龍利樓闊條麵充滿着忌廉汁和芝士汁，口感十分creamy，而且魚柳的份量也很多，性價比很高。而且Pizza的款式可以半半選擇，讓食客可以多嘗試幾款口味。而且餐廳亦有很多飲品提供選擇，咖啡的款式也很多，亦有甜品購買，可以同時滿足食客幾個願望。由頭盤直到甜品也包羅萬有👍🏻👍🏻

昨日跟媽咪去沙田行街，媽咪話想食euro gogo 我地就黎左呢到等位食。以前食過其他分店一直都覺得幾好食。沙田連城呢間第一次食，間舖都幾細下，座位不多，但店舖後方有啲戶外座位（不屬餐廳範圍但可以去果到用餐）。我地兩人叫左兩份下午茶餐，一份係麵包布甸配熱奶茶，一份係粟米薯蓉配七喜，另外再散叫左半份千島薄餅。麵包布甸我第一次食，冇得比較，但覺得都ok，唔會太甜，又有啲提子乾係上面吊下味，但媽咪就覺得麻麻地，奶茶又偏苦。粟米薯蓉就正正常常，都ok，但杯七喜唔知係咪溝得太多水，好淡 千島薄餅令人失望，平時係其他分店食好好味，呢次食好鹹，鹹味蓋過千島醬既味道搞到我地都冇食晒。

其實以前有段時間都幾鍾意Eurogogo, 西菜簡單也算美味。適逢今日green monday，諗唔到沙田邊度有素食，醒起eurogogo有素意粉，所以就想簡單食一個快午餐。去到點了磨菇粟米鮮茄醬意粉，味道可以啦，性價比👌🏼，始終快餐，不能要求太多，加4蚊有蒜蓉多士同飲品。但最令我接受不了，是全餐廳都用即棄餐具，就算我用自備餐具，碟杯都避不了，我今餐點食素都補唔番對環境影響🤦🏻‍♀️所以，無下次了😭😭

芝士吞拿魚意粉($54)-芝士同吞拿魚滿佈係成個意粉，呢個都好推薦！百寶pizza(half:$48)-呢個pizza係蕃茄醬，雖然係薄批，但都好好食。四式芝士蒜蓉包($65)-呢個真係大力推薦！四式包括牛肉、吞拿魚、雞肉同蕃茄，下面再有一層芝士，再加香濃嘅蒜蓉味真係好出色！香辣雞翼($44)-雞翼嘅辣汁真係好出色，又唔會太辣。呢度所有食物都係用即棄嘅紙碟，好有快餐店嘅感覺。

今日11點就吃了lunch ，未到4點就想食個下午茶。 在沙田連城廣場逛了一圈，最後決定選了西式下午茶吧！ 餐廳門口位放了很多有相片及名餐牌，更有正餐或下午茶系列，最後選了1份下午茶蘑菇肉醬意粉(細)及熱檸檬茶。餐廳內更設有室內及戶外坐位蘑菇肉醬意粉(表層醬汁焗到好燶）肉醬汁太少及太稀，拌勻後也不足夠令全部意粉也沾上醬汁。 熱檸檬茶餐廳下午茶價錢不貴，但意粉味道及賣相，也較令人失望。 室內坐位偏窄，戶外坐位較佳。

琴日喺度食過早餐，覺得質素唔錯，所以食過返尋味，今日決定喺度食午飯。叫咗個蘑菇肉醬意粉（$48），原來加$4就可以有一塊蒜蓉包同嘢飲，當然加錢啦！塊蒜蓉包有好重嘅蒜蓉味，但係有少少‘林’，唔夠脆，如果脆嘅話，就非常理想喇！3個肉醬意粉有大大片嘅蘑菇，啲意粉有濃烈既茄汁味，仲有好多肉碎添，所以整體來講好好味，呢個價錢比起大型連鎖快餐店多左塊蒜蓉包，所以係唔錯的開飯選擇。

喺新城市廣場睇完戲，跟住去連城廣場揾食，但係未夠11點，冇咩鋪頭開，剩係得Euro go go 較吸引。仲係早餐時間，於是買個早餐食。個番茄湯通粉好好味，番茄湯好濃，好味到我連湯都飲埋。牛角包都好鬆軟，不過如果係熱既就更加好喇。可惜杯檸檬茶，唔知係唔係浸左太耐，唔記得攞塊檸檬出來，所以有啲苦澀味，唔好飲。不過整體來講，我都好滿意，因為喺大商場裏面，$36有個早餐，已算不錯了。

雖然係沙田已經開左一段時間, 但一直都未有機會試到呢間野, 今日係機緣功合之下, 終於有機會試到呢間野啦星期5晚, 門口都排左3-4個人, 眼見店舖入面座位唔多, 不過出餐速度都OK快! 所以好快就有位喇!!入到去叫左個蜜糖雞翼, 菠菜汁龍利柳闊條麵同埋carbonara。蜜糖惹味, 焗得香脆夠creamy! 但係又唔會食到好滯!!呢個就一般, 闊條麵太硬 龍利柳冇乜味, 價錢方面每樣都係50-70蚊左右, 晚市黎講算抵食! 諗唔到食咩可以黎試下!

假期約咗朋友睇戲，未夠鐘就諗住食d野，沙田有eurogogo就唔洗諗食咩喇不過沙田依間分店真係有點失望首先嗌咗個辣肉腸火腿意粉，味道保持水準。但依到無得嗌蒜香蜆肉意粉！夏威夷pizza，其中一塊可以一d料都無😅今次都比較乾身必嗌既蜜糖雞翼，味道都正常，但今次真係好燶，塊皮係食唔到榛子泡沫咖啡，送一舊蛋糕，幾中意依隻咖啡，唔怕太苦唔知係咪假期多人，d食物都有d失準咁，咁多間分店，始終覺得水準最好都係旺角分店

自從畢業後，就好似無食過幾乎有 5 年無去過 euro go go最懷念杯朱古力加 whipped cream煙肉芝士焗磨菇 ($40) 第一次上枱係唔熟嘅，第二次上枱係出哂水芝士味可以話係無，似白烚磨菇咁芝士鮮茄汁海鮮闊條麵 ($68)味道可以接受，茄汁味濃，但茄肉都無，其實唔可以叫做鮮茄汁，無乜芝士，麵有啲乾蜜糖雞翼 ($44) 最正常都係依個！好味半份超級 pizza ($48)都算正常味道，合格！可以要一半份量好好，可以食下其他野焗薯皮 ($35)Size 都算大，芝士下面係沙律醬咁嘅味嘅野，都開胃嘅Iced chocolate with whipped cream ($30) 係好肥，但真係好好飲

今次黎試左鮮蕃茄牛油果薄餅～因爲男朋友話想試下，但佢明明唔鐘意食蕃茄😂一睇真係好多牛油果，但我唔係特別鐘意食牛油果🙈重點係冇咩調味🙈雖然健康但好淡。仲有記得一定要趁熱食，凍左唔好味🤢.煙肉磨菇薯蓉都幾推介～份量多，而且好多芝士！😍好味。.芝士鮮茄汁海鮮闊條麵一向唔太鐘意呢到嘅肉醬，好甜好重茄汁味🙈海鮮有魚柳、八瓜魚同蝦。個蝦唔錯，好彈牙。闊條麵偶爾有啲焗得好硬。.最後都嗌左每次黎都會嗌嘅蜜糖雞翼，唔太健康但個皮係燒得好脆好入味😋勁推介。注意蜜糖好多，比較甜～