月

Open Now

Now Closed

讚1.叫左幾款火鍋湯底都好味，海鮮湯好濃郁，胡椒豬肚湯係第一次試，好開胃！炸雞翼、魚皮、斜餐肉同薯條都炸得好，夠惹味；墨魚丸望落無乜特別，但味道好鮮，無乜特別嘢但樣樣都唔錯彈1.冷氣勁得滯

朋友生日, 相約一齊食飯。朋友素來對食都好講究。佢專誠揀咗幾間餐廳俾我哋, 最後佢推介咗由尖沙咀搬去太子嘅呢間餐廳, 因為佢哋之前食開同個老闆熟,  可以俾個BUDGET 佢 (我哋最後決定每人 $300) , 再由佢哋發辦。門口裝潢用咗低調嘅灰色, 加上綠色窗框, 都幾搶眼。原來餐廳有兩層, 餐廳安排咗樓上位置俾我哋。雖然喺樓上, 但係常駐有店員, 食客完全唔會被忽略咗。當日同朋友不斷傾不斷食, 相聚2 個鍾已經食到勁飽。老闆安排嘅每樣都好好味! 而且由沙律, 湯, 餐包, 主菜到甜品, 樣樣齊! 有牛肉, 有海鮮, 有意粉! 飲品方面, 就有自家制冷泡茶, 有隻桃味嘅, 老公讚口不絕! 直到最後個甜品 - 芒果卷都超好食! 估唔到太子都有D 咁高質嘅食店, 好SURPRISED! 下次都會選擇去呢間食呀! 

好友介紹𠵱間大南街小店，店面裝修似台灣cafe，店員（可能係老闆先啱）親切有禮。我哋嗌咗炸西班牙黑毛豬飯（$89）、脆香雞柳飯（$79）、香辣蒜香蝦肉意粉（$79）🍝，三個都加咗$5要太陽蛋。-跟主菜有前菜，飲品，前菜係青瓜配帶子裙邊，酸甜醬汁裙邊配極凍青瓜，又脆又新鮮，好吃得令人期待主菜😋主菜上桌，炸物十分脆，炸粉薄，咬落卜卜聲好好聽，肉汁鮮嫩，有少少肥膏，罪惡感強烈，但十分好吃‼️我輸了😵‍💫最緊要係豬排無油騷味，雞肉都唔鞋，每啖都好享受。仲要讚係佢隻蛋，燶邊流心新鮮雞蛋🥚，簡單又完美。個飯仲要加咗啲神秘醬汁，唔似豉油咁單調死鹹，加分❤️‍🔥至於意粉，質感Al dente，夠辣，香口，無咩好剔剔。最後，杯餐飲熱菊花蜜真係有菊花🌻喺入面，唔似一般無層次糖水，仲要泳池咁大杯，好誇張🌝

放假想去深水埗一轉買下材料,但又唔想係深水埗d文青cafe等到2046,咁岩見到新開左呢間餐廳裝修有台式感覺,價錢合理就入去食睇得出店主好有心去裝修有心思位,文創感覺重好似去左台灣咁餐牌放左係店面中間,有d位置唔太睇到我地叫左 韓式汁燒頂級牛柳粒飯 $99牛肉好香,雖然全熟但唔韌,個汁帶甜味,涼拌茄子配菜都好好食,好入味炸美國天然豬扒飯/鵝油撈麵$79豬油撈麵成日見,鵝油就真係第一次油係岩岩好,可惜我麻麻地呢個味反而個豬肉,炸漿同豬肉痴埋,唔會一咬就分開就算我放左一陣先食,都係好香脆又唔多油,肉質有彈性跟餐有冷泡茶,都係好香又無甜,可以比口腔清新下,會再黎!!!

見相熟朋友盛讚這間新開不久的餐廳的食物水準極高，引得我記下這間餐廳的名字，擇日造訪。前次到來，摸了一次門釘，今天再次到訪，雖然在餐廳外等了十多分鐘才可入內用餐，仍然覺得不枉此行，非常滿意。如果要我以四句說話概括我對這間餐廳的印象，會是食物水準高，價錢合理，服務極佳，環境也不錯。店舖以大自然色彩為基調，店內用的是木桌木椅，店外的綠色窗花，也予人懷舊的感覺。店中無論食物還是飲品，選擇都不太多，卻正好解釋了「貴精不貴多」的道理。這一天，無論飯或意粉，都有甚高水準，冷熱飲品雖然各自只得三款，卻來得特別和健康。友人評價甚高的「咖喱炸豬扒飯」（$89） 是這裡的熱門菜式，聽介紹說用的是美國的天然豬，詳細的資料我就不知道了，只知道這「咖喱炸豬扒飯」味道很好，混有肉碎和洋蔥等在裡面的咖喱汁辣得好味，配以白飯絕對能令人精神一振。豬扒雖然有點筋和脂膏，口感仍然不錯，外脆內軟，仍有肉汁在裡面的炸豬扒還是好吃的。作為伴菜的茄子肉末，也起了錦上添花的作用。「香辣蒜片蝦肉意粉」（$79）香氣撲鼻，意粉彈牙得很，味道辣得恰到好處，開胃而不過辣，蝦有五隻，經已醃過的蝦已有味道，加上大量的蒜片和羅勒葉，是一碟水準極高的

聽講佢地嘅豬好正，特登黎試下。唔知係呢日人多定點，都真係等左段時間。不過侍應服務態度好，我也不介意等多一會。而且豬扒的確非常好食，有汁不鞋口，也沒有豬臭味。👍👍

店外以綠色懷舊窗花，再加上少許植物擺設，裝修清新簡潔，很有大自然的氣息；遠看還以為又開了一間新的咖啡店，但近看才知是一間食店；但「月」店名，怎麼這樣熟呢，原來就是之前在尖沙咀樓上打邊爐的店舖；之前吃過的所有美好回憶，立即湧上心頭，就決定星期六一早來試試。店舖不是好大，大概只有十張二人枱，如遲一點來，可以未必有位。餐牌掛在牆上及門外，種類不是太多，可能方便今時今日只能做午餐的環境吧！希望在有晚市後，可以再來打邊爐吧；聽說這裡的羊腩煲及炸雞翼也很不錯，希望快啲可以試吓。咖哩黑毛豬扒飯～炸豬扒切粒碎上，外層炸得酥脆但又不會過厚，豬肉中間還有一定肉汁及帶有肉香，非常不錯；咖哩汁中的薯仔，切成長條形狀，煮得唔會過淋，還保留一定咬口，幾好；伴碟還有茄子及肉碎，加上惹味又香辣的咖哩汁，將所有食材撈勻一起食用，真是美味的佳餚；寫的這刻，已有衝動想再去多次了。炸西班牙黑毛豬鵝油撈麵～太太沒有要咖哩汁，把白飯改為鵝油撈麵，而撈麵上放有一隻香脆的太陽蛋，麵質煙韌有彈性，幾好；可惜鵝油唔夠香口，明顯唔及配白飯這樣吸引。菊花蜜～很香的菊花香味，而且甜度適中，潤肺明目又清熱，好飲。生薑茶～甜度適中，但薑味唔夠辣，

上網見到大南街一帶開左新餐廳，今日放假就同朋友試左呢間小清新嘅小店，店內環境都幾舒適，一直都有播放住acoustic嘅音樂，頓時放鬆哂～•🍝意式茄醬雞肉長通粉(HKD 79)食落第一啖非常滿足！因為長通粉係煮至Al dente狀態😍係Shirley最愛嘅質感！茄醬係比較稠身，帶點千島醬嘅感覺，同一般茄醬好唔同，甜甜酸酸，越食越滋味。雞肉新鮮而且超滑身，長通粉仲有有點點羅勒葉，真係帶比我驚喜😋·🍛炸西班牙黑毛豬扒飯(HKD 79)豬扒炸得鬆脆，保留到肉汁！炸粉份量適中，唔會影響肉嘅質感👍🏼而伴菜亦都可以為炸豬扒提味，相當不錯！·🍵凍頂烏龍 (套餐包)超驚喜的是店鋪用樽裝的烏龍茶茶包，好有特色！香氣清新淡雅而且不澀，解滯又解渴，非常推薦！不過好嘅食物需要耐心嘅等候，大家放假都不妨來店鋪支持一下，聞說店鋪新年仲有蘿蔔糕可以預訂tim☺️

一向知道佢整黑毛豬好食，一見到俾餐有得食梗係要叫嚟食啦，果然無失望，有D意外係，無估到有咁多疏菜，仲有兩款，有矮瓜同雜菇，可以做到營養均衡！非常讚！希望疫情快D過去，可以去嘆個晚餐咁就好啦！加油！

大南街cafe林立，進駐了這家特色意粉，閒日下午唔算多人，不用等位。門口有menu可以慢慢睇。落單嘅時候，個姐姐三番四次強調要我哋耐心等待，叫我哋慢慢傾住計先，所以我都有心理準備要等一段時間，我眼見客人唔多，所以都唔知道原因，係今日要等特別耐定平時都係咁。炸黑毛豬都ok，但鵝油撈麵就無咩味道，麵身唔算爽彈，好在有煎蛋🍳滋潤下d麵。呢個蝦肉意粉做得好出色，意粉嘅軟硬程度啱啱好，偏硬，係我鍾意嘅程度。有五隻蝦，一啲都唔孤寒，意粉嘅份量非常多，調味啱啱好，有蒜片嘅香味，少少辣。跟餐會送埋冷泡茶，四季春做得唔錯，有茶香有回甘。$79意粉連野飲，性價比高！但希望上菜可以快少少，唔使等25分鐘。

從尖沙咀私房小店已開始幫襯「月」一直是我的火鍋首選全因料靚、用心、價錢公道老闆一家本身識食有個性又好玩現在搬到大南街地舖暫時無得打邊爐午市的「碟頭飯」同意粉卻一點不平凡堅持優質！今日食咗吉烈黑毛豬扒配鵝油撈麵厚切炸黑毛豬扒酥脆多汁鵝油撈麵夠甘香個麵軟硬度剛好再top隻脆邊太陽蛋真正老饕先諗到呢啲配撘仲食埋飲品叫咗生薑蜜見到一片片真薑片就知比人更用心極度滿足！其實非常「餓」佢d火鍋湯底希望今個冬天可以食到

路過見到開了新店，即管試試。坐下後發現原來menu只得門口塊黑板上寫的食物，侍應哥哥立即掏出了自己的手提電話，俾我地睇返門口塊板的相來點餐，忍唔住問左句：「你地開張左幾耐？」原來才開業兩星期。點了炸豬扒飯同香辣蝦意粉。香辣蝦意粉夠香辣，可惜蝦細隻同少左啲（得三粒），由於我掛住食自己碟飯，忘了影相。碟豬扒飯就相當唔錯。豬扒炸得香脆，厚果邊咬落有少少韌，但個人覺得好過腍得好緊要的豬扒。另外值得大力讚揚的是碟飯側邊的伴菜：炒茄子同牛油磨菇。好食好夾送飯。跟飯/粉仲有冷熱飲品，公道價錢，有質素的食物，值得一試。最後最後，店員們工作很有幹勁，大家都爭住快手做野，感覺良好。