月 (Moved) New Location

之前有朋友嚟"月"打過邊爐話好食，於是約埋一班朋友嚟試新嘢。喺一幢唐樓上面，門口有檔賣衫嘅舖頭。試咗一次之後，急不及待再book第二次，然後第三次試埋個西餐，真係食過番尋味，一個月內食咗3次，未試過咁愛一間食店。呢間私房菜環境我幾鍾意，唔會迫，坐得舒服，唔洗分時段，慢慢食，傾下計，飲吓嘢，唔覺唔覺就幾個鐘。先講講個打邊爐，湯底無味精又足料，個個都飲返一兩碗先開始烚吓烚吓; 材料新鮮，賣相亦相當唔錯。佢會預先叫你揀定一個湯底，預設一個菜單，當然，唔啱食係可以叫佢改。有5款海鮮，每款都好新鮮，最欣賞個蝦，係用酒浸，食嘅時候好甜好彈牙，仲有陣陣酒香添。牛肉一般，魚片頭幾香，黑毛豬比較鞋，栗米好甜，南瓜正常，值得一提係個魚皮，真係脆到無朋友，"正"﹐個雜菜盤D菜極新鮮，仲砌得好靚！同場追加咗一客松露醬薯條，唔洗15分鐘清碟，唔係因為細碟，實在都算大份，6個人一人都有10條8條; 另外仲追加咗一份沙律，又係好大份，菜好新鮮，個汁仲好好味，又係好快照鏡，好似餓鬼上身咁講完打邊爐，又講下第三次幫襯嘅西餐，呢次同另一班朋友，一行6人，不約而同都係讚不絕口。薯條同沙律唔重覆講，一樣咁好食，又係極速照鏡，

今日黎左衣間隱閉私房菜，唔係朋友食過應該都唔會識黎，餐廳上樓的，冇咩燈箱指示，只靠這一小字上去餐廳除左西式私房菜，仲有可以打邊爐，無論食邊種都好，都要預約定，可以讓老闆提早準備食物，西式私房菜單之前已聯絡好，以我所知菜單種類都差不多的，只因應幾多人就分配返份量，今次我地就6人份，菜單係一個價錢已包足夠食物的，不需再逐樣叫。另外若選擇打邊爐亦可提早預訂，可叫老闆揀海鮮。上到去環境好特別，枱不多，只有三大張，另還有一間房。前盤小食- 薯條拼黑松露醬，薯條粗粗又熱辣辣，衣個黑松露醬真係超級好味，係會停唔到口，今次好味到嗌多一客，本身黑松露醬都夠沾薯條，不過如要再添加就要收費了跟住就黎一個什菜沙律，衣個都好味，醬汁適中餐湯- 西班牙海鮮湯，裡面有蜆，墨魚等...雖然外貌似羅宋湯咁，但味道唔似的，食得出都新鮮的蒜蓉包+香草白汁忌廉煮青口，因個人不太好青口，故比左朋友食，淨食蒜蓉包都好味，但原來個包沾d香草白汁忌廉係仲好味，建議可以咁食食到衣度我地已經開始有d飽意，可能之前又叫多左客薯條，心知不妙因為仲有2個扒同意粉，咁慢慢食同傾下計都可以既黑毛豬鞍扒，雖然大家已有飽意，但此時仍有覺好味既感覺，1

朋友一早就約我黎呢間私房菜吃生日飯，超期待今晚既來臨！有驚喜呀！多謝晒！最鍾意個沙律問豬手好味到喊 呢個白洒青囗配蒜蓉包，真係無得彈！我食左四件包 下次要試埋個火鍋！等我呀！

每次由加連威老道搭扶手電梯見到呢間店出面望入去白雪雪。所以就揀朋友生日黎試下。一入到門口見到綠悠悠。好似係街見到既差唔多，簡而潔既裝修。 呢個蜆好味。入面仲放左金華火腿。真係估唔到 其實之前仲有食薯條。不過太餓無影到🙈 😋呢個係牛扒。 肉質鮮嫩。我地要五成、餐廳整得岩岩好。 豬手加埋旁邊既醬酸酸地仲野味😍連伴碟既菠蘿都好甜好好味 食西餐點都飲D酒.呢到仲可以叫酒飲。三五知己係到食下野傾下計都唔錯。因為呢到環境唔會嘈。呢到D人都好Nice好有禮貌。起碼唔會好似其他餐廳趕你走咁趕住收野先。如果以同區比較，咁既環境同咁既食物質素，真係抵食。除左相之外，其實仲有其他意粉同小食我無影到😂。下次有時間一定會再黎試下😁

一次和朋友聚會去了一間私房菜。給我第一感覺環境好舒服，服務一流。另外除了有火煱之外還有西餐，俾我感覺與別不同。我們選擇了食火煱，湯底好濃全沒有味精感覺，極力推介黑松露蝦滑。分量啱啱好黑松露香味不會蓋過蝦嘅鮮味。正👍👍👍另外花雕醉蝦都好新鮮爽口彈牙🙊🙊🙊

一食就知係新鮮薯仔之作...好味道蕃茄XX意粉...我個女食到LAM LAM脷~外脆內軟...岩哂我呢個雞翼精~ 青口加個蒜蓉多士...一個人食左8件多士...真係會飽到嘔自己唔太好豬手...但朋友話GOOD~我唔食豬扒既...所以無食...朋友都話好正~大大隻...正~沙律中規中矩啦~多謝老友們給我的蛋糕