Video
Read full review
2017-01-16
1806 views
之前有朋友嚟"月"打過邊爐話好食，於是約埋一班朋友嚟試新嘢。喺一幢唐樓上面，門口有檔賣衫嘅舖頭。試咗一次之後，急不及待再book第二次，然後第三次試埋個西餐，真係食過番尋味，一個月內食咗3次，未試過咁愛一間食店。呢間私房菜環境我幾鍾意，唔會迫，坐得舒服，唔洗分時段，慢慢食，傾下計，飲吓嘢，唔覺唔覺就幾個鐘。先講講個打邊爐，湯底無味精又足料，個個都飲返一兩碗先開始烚吓烚吓; 材料新鮮，賣相亦相當唔錯。佢會預先叫你揀定一個湯底，預設一個菜單，當然，唔啱食係可以叫佢改。有5款海鮮，每款都好新鮮，最欣賞個蝦，係用酒浸，食嘅時候好甜好彈牙，仲有陣陣酒香添。牛肉一般，魚片頭幾香，黑毛豬比較鞋，栗米好甜，南瓜正常，值得一提係個魚皮，真係脆到無朋友，"正"﹐個雜菜盤D菜極新鮮，仲砌得好靚！同場追加咗一客松露醬薯條，唔洗15分鐘清碟，唔係因為細碟，實在都算大份，6個人一人都有10條8條; 另外仲追加咗一份沙律，又係好大份，菜好新鮮，個汁仲好好味，又係好快照鏡，好似餓鬼上身咁講完打邊爐，又講下第三次幫襯嘅西餐，呢次同另一班朋友，一行6人，不約而同都係讚不絕口。薯條同沙律唔重覆講，一樣咁好食，又係極速照鏡，
試咗一次之後，急不及待再book第二次，然後第三次試埋個西餐，真係食過番尋味，一個月內食咗3次，未試過咁愛一間食店。
呢間私房菜環境我幾鍾意，唔會迫，坐得舒服，唔洗分時段，慢慢食，傾下計，飲吓嘢，唔覺唔覺就幾個鐘。
先講講個打邊爐，湯底無味精又足料，個個都飲返一兩碗先開始烚吓烚吓; 材料新鮮，賣相亦相當唔錯。佢會預先叫你揀定一個湯底，預設一個菜單，當然，唔啱食係可以叫佢改。
有5款海鮮，每款都好新鮮，最欣賞個蝦，係用酒浸，食嘅時候好甜好彈牙，仲有陣陣酒香添。
牛肉一般，魚片頭幾香，黑毛豬比較鞋，栗米好甜，南瓜正常，值得一提係個魚皮，真係脆到無朋友，"正"﹐個雜菜盤D菜極新鮮，仲砌得好靚！
同場追加咗一客松露醬薯條，唔洗15分鐘清碟，唔係因為細碟，實在都算大份，6個人一人都有10條8條; 另外仲追加咗一份沙律，又係好大份，菜好新鮮，個汁仲好好味，又係好快照鏡，好似餓鬼上身咁
講完打邊爐，又講下第三次幫襯嘅西餐，呢次同另一班朋友，一行6人，不約而同都係讚不絕口。
薯條同沙律唔重覆講，一樣咁好食，又係極速照鏡，有朋友遲嚟，食到中途再嚟多客，一樣極速食晒！
首先嚟個磨菇湯，夠濃又有夠香，一人仲有兩塊蒜蓉包，焗到脆脆哋，好食！
跟住嚟個煙肉芝士焗大啡菰，好香，仲有一個好特别嘅口感，我研究過係D煙肉，佢係連住少少豬皮，煙煙靭靭，好有口，未食過呢個口感，好特別！
跟住嚟個魚扒，唔記得係咩班，唔腥，有魚味，中間D肉就好滑，剛剛熟，側邊有些少鞋，舊魚好厚肉，好難避免，個皮煎得好脆，鹽落得唔太均勻，有D部分過鹹，總括嚟講都係好食！
再嚟個酒煮硯，硯新鮮，味道一般般。
然後係豬鞍，肉好嫩，食得出係靚豬鞍，好juicy﹐好味!
驚你唔飽再整個松露意粉，比較香，意粉硬度適中偏硬，我鍾意，不錯！
最後甜品係朱古力雪糕加cheese cake﹐雪糕好食，cheese cake一般，兩樣都唔知係自家制定現成。
3次都係食得好飽，佢哋預得個分量幾好。我哋帶咗4支酒上去，開瓶費全單收$50﹐好實惠！
打邊爐收費約$400/位，西餐約$440/位，個人覺得價錢適中。
有少少美中不足係，如果有單列返邊樣幾錢會好D﹐同埋老闆主動D同客人溝通，同早少少溝通會好好多，回覆快一D會更好。
Post
