每日

Open Now

Now Closed

兩個星期前已經預訂座位，今晚六時在門外排隊入座，竟然沒有記下我的預約。當時店內沒有坐滿，店員安排我坐在近門口的長桌，最後也有安排坐在裡面。以蔬菜類為主，食物不太油，可惜不夠熱。大約六時十五分，西米焗布甸出爐，亦好快給拿光。Refill也好快，來來去去也是這些。大約吃了一個小時，鄰座的陸續已經結帳了。

第一次吃了午餐，星期五lunch,因為等開門，排長龍都係等一陣就有位。味道清新，冇味精，多是新派素食，是不錯的用心料理。頭盆5、6款，沙律水果款式多而新鮮，main有成十二、三款，有炸物，飯麵，有湯，有冷熱飲品，有多款甜品，感覺好豊富，賣相亦吸引。員工說一個月會換一次餐牌，但每日新鮮做，不留到明天，晚餐會多3、4款主菜。午餐$88，晚餐$138。只開了一個月，地方清雅舒適，洗手間也乾淨。服務是自助形式，不要預太多服務，但員工友善。好旺場book枱穩陣啲。推介。

有時食得太多肉都想轉下囗味食下多D蔬菜令個人健康D！最近發現尖沙咀沙林道有間裝修白色簡約風嘅餐廳🍴⋯⋯好似開業仲未夠一個月但已經有好多人排隊等位～當時我同朋友六點過去以為無人，點知都有好多一早book定位嘅食客已經不急及待入去拎野食～（建議不要walk-in ，因為一定會等好耐）今晚餐廳有好多合家歡一家大細嘅食客，反而少有後生80后90后一族黎食～入到去食物位～眼見都幾多款式～主要中式為主⋯⋯平時少食素食嘅我反而覺得今次自助餐好有驚喜！因為留意到餐廳食具都好環保👍🏻有時最怕D碟太重～用竹製餐具感覺易拎又時尚!同埋食物賣相很不錯！早前有睇其他食評話食物補給慢但今次好快速，服務員不時都check住食物情況～相信開業了一排送菜補給情況已經漸漸改善！而大部份口味都算清淡唔太濃味！感覺都幾健康！由於選擇多～我食完一round之後，已經搵到其中6款係我再encall要食嘅野：1) 鮮椰汁焗南瓜🎃椰汁配南瓜食落香甜，比我想像中又唔太漏：）2) 綠茶芋泥餅賣相夠新𩓙！～未食前仲以為只係綠茶餅～咬落原來有薄薄嘅芋泥蓉餡喺入面，而餅邊鋪滿左芝麻所以整體味道非常香口～我食左好幾塊都唔覺得太漏👍🏻 3）香蕉

姊妹飯局相約在山林道新張不久的「每日」，是姊妹好介紹，大夥兒吃$168一位的素食自助晚餐，來到地舖看見全玻璃牆幾特別，看見室內光猛整潔。先來個大巡視，發覺冷熱盤、湯、甜品、炸物、沙律....素材多，賣相也吸引！而且有蛋冇蛋都標明，品類也很多！我唔客氣，開餐啦！紫色是沙律球，反沙竽頭凍了！有點兒硬！皮蛋夾爽脆開胃酸薑！豉油王炒麵雖然是油膩咗却很美味！節瓜夾著是葱菜蓉好惹味，不過多吃會好鹹！很喜歡蛋白西蘭花，但油份較多，淺嘗好了！沒有豬腳的薑醋蛋，原來都不錯！腰果酥可惜腍了！否則一定很美味！右上角的炸物，竽頭粒很可口，炸物始終多油，吃一件好了！楊枝金露和拔絲蘋果，挺好的味道！吃埋生果我已經飽飽了！

今天我和仔女12左右已到發現好多美食在前…紫薯蘋果沙律球好好味熱食和炸物好平均兼有水準水果粒粒都清甜果汁好特出(蘋果橙)飲完再添紅豆沙好熱兼起沙飯有個叫(雜糧飯)超好吃我為他出左去好多次我首次到安排左張好好的枱更仔女吃得開心加上店長親切有善(沒收我仔女錢只收大人)那店好吃過無肉食!我和仔女會再來。

入座時太混亂，要排隊等候但入座並不是跟排隊入座，環境差，嘈雜，食物一般一般，第二輪枱食第一輪剩下食物，上菜太慢，再添加時只是炒麵及油炸食物，其他份量都少，湯料無味，水果茶太淡，糖水唔夠熱。但服務態度算好，有禮貌。因剛開始試業，希望有改進。

一家大细，有老人有小孩，一早訂了枱12:00-1:30， 仲要前一天本人再打去確認多次。点知去到，他們話没有記錄。還叫我們稍等，待所有人入座後，根本就没有空位，不只我一家，共有3家人也沒有枱。之後店員對另外兩家人話-'他們是book了1:30pm那時段。當然他們即時的反應是“ 有冇攪錯？我們是book 12:00㗎”。真的不知他們是怎運作的，連最基本的訂枱服務也如此劣等。就算價格合理，這種情況怎會使人可再次光臨呢！

星期６、１１点半到門口排隊、１２点正入店、無予約１位、＄１０８。呢個價位來講種類算少、但少得黎算精美的、味道正常、無話邊様特別好味、又無話咩特別難食、食完唔会中伏好怒、可能係新開既原因好多野都仲係学習中、所以運作得未係咁好。所以個人來講無咩事都係返「無X食」底ｄ・・起馬種類多又平幾１０蚊（食呢ｄ素食自助餐最好在８０蚊楼下、係平先中意去、因為菜本身真係唔直銭既囉、比成百幾蚊食幾條菜同生果有ｄ唔合付経済原則了）。呢間既菜式同其他素食自助餐來比係有自己風格既、絶対有來一次既価値、就一次咁多。総結：「唔好食、唔難食、唔底食、無驚喜」

網上見到有新開既素食餐廳，仲要係自助餐形式，同埋價錢又抵，就黎試一試佢既自助晚餐啦 😃 預早打左黎book位，但安排入座上有點混亂，好多人堆響門口等職員安排，不過職員態度都好好。 食物方面選擇唔算多，但係都好好味 😋 百零蚊既價錢黎講算係咁，而且環境闊落，坐得舒服。有下次 🖒

話說一見到依間野GM覺得好開心好想去食🤣好搞笑既係去到多數都係d一家人family gathering無乜後生👩‍👩‍👧全場得我地一枱後生，不過因為好多姨姨婆婆都係咁出去影相，GM緊係唔執輸影埋一份，所以同大家分享返😛-依到既素食buffet食物種類都幾多下，真係要咩有咩，仼食1.5小時平日$88，假日$108🍴環境都寬敞光猛，幾舒服。要讚一讚fill菜既速度都算快，仲間唔時會換下新菜式👍🏻味道就有啲質素唔錯，尤其菜類，咩菜都有，咩煮法都有🥦🥕🥒食素既朋友應該好滿足呢！-GM喜歡仲有核桃咕嚕肉，用咕嚕肉煮法去炸成一件件既合桃球，新穎得黎真係幾好食😍😛店鋪既炸物都幾高質素，有香煎藕餅、椒鹽豆腐、炸雲吞、炸反沙芋、焗蒜蓉包等等。-但有啲食物味道就一般啦🙈尤其賣相最吸引既紫薯球有點失望，不好吃，應該係裡面加左青蘋果沙律既關係，成個紫薯球都酸味味，一啲都唔夾🤔而沙律吧方面都比較少選擇，甜品既馬豆糕味道較淡。 不過總結食物款式都幾多，不能盡錄，係幾抵食既🤚🏻

茹素綠色低碳又健康，不過每日茹素我暫時都是捨不得，這家位於山林道的素食自助餐最近人氣高企，我當然要來湊湊熱鬧。晚飯分 6:00 / 8:00 二個時段，每位 $138用膳時間1.5小時免加一。簡潔骨子西式設計及搭配甘藍有點老有點失望😞菠菜薯蓉餅比較淡口。目測都知新鮮，食落爽口多汁，清新宜人。椒鹽豆腐粒好食。炸物香口，圖中一塊素牛肉餅是薯蓉蓮藕粒，炸至金黃色脆口有口感。葡汁咖喱南瓜，清香椰奶與南瓜獨特香味二為一體兼價的美味佳餚。薑醋蛋好好味😋，圖中有一款是菠蘿咕嚕肉，咕嚕是選用合桃溝麵粉炸至脆香，取代平日食到的豬肉，效果更脆口又健康補腦👍👍西米栗子芋蓉布甸，味道香軟順滑，不太甜度。好靚靚啊！設計以簡潔為主坐得舒服，呢個先係重點。

之前睇openrice介紹這間自助素食餐廳好吸引，於是約埋同事－齊試下！去到餐廳門口裡裡外外已經有好多人，宣傳威力真的好強，好彩我地有訂位，否則今日一定無位。餐廳環境尚算闊敞，素色為主給人有舒坦感覺，佈置擺設有文青feel,餐具是用竹製成（我覺得），輕巧得來又環保我睇過有些食評話refill得慢，今日我好好彩沒有遇到此情況出現，可能已經改進了吧？！以每人＄88這個價錢，又無收加一來說，食物款式算不錯呢最有印象是春卷（餡是芋頭條）同炸雲吞，兩者口感都好香脆，又不會食到成口油（最怕），真的好好味其次係咕嚕肉，用合桃整的，口感好似食肉，好特別還有蓮藕餅大大塊，好有咬口記憶中有咖哩雜菜，沙律，薑醋蛋（好入味），蒸粟米，蕃薯（香甜），栗子粟米湯（清淡），蒜蓉包（香脆），羅漢齋，羅漢果水，合桃酥（好味）， 椒鹽豆腐 （好滑好惹味），紅豆沙，杏仁豆腐及香蕉蘋果橙任拎等等！所有食物都係少油少鹽，令人食得健康無負擔不似傳統齋舖般油份偏多。另外這餐廳有自助清理區，入鄉隨俗，我地將食完的餐具自行放在清理區內，做－個良好食客

上網看見呢間素食餐廳價錢好抵$88 免加一， 所以約埋朋友走去試試， 可能新開張的關係很難打電話預約訂枱， 輾轉下我們訂了一點半。走進店舖環境舒適簡約， 我們坐低下斟了一杯鮮橙蘋果汁飲，味道唔錯 店舖盡頭有沙律吧和水果供應有一些炸物例如炸雲吞同炸春捲， 不過很快畀人搶一空! 希望是侍應快些拿出食物來補給!我們拿了一些素菜， 食落都覺得廚房用心製作，食物不太油膩， 也不太鹹總括嚟講味道菜式都唔錯， 明白新鋪開張有點兒混亂， 因為我入座後看見隔離枱的入座時間還遲過我們， 感覺有些安排失當， 希望店舖能夠有待改善。

向睇中醫既附近,睇完就12點黎個lunch, 黎到已經8成滿, 1人walk in 好在有位,但2人以上就最好book 位.裝修似木系 cafe feel, 好清新同relax. 食物種類比想像中多, refill 都算快(見之前d 食評話要等, 可能run 順左卦), 最重要係味道好, 少鹽少油無味精, 仲要無素肉, 呢樣我最鍾意. 店員都好好禮貌同helpful, 其實岩岩新開, 坐位安排都有d 亂, 不過店員都盡力解決及狂道歉, 相信打後會好好多~~

安排失檔而且不知所謂, 個半小時的自助餐有接近一小時都在乾等食物, 整間餐廳食客都在等待食物, 每碟食物份量其少, 職員一推出食物不出30秒便清空, 聲稱有十幾款食物甜品, 但從頭到尾可見的食物只有數樣：紫薯球, 炒麵, 少量沙律菜, 白飯, 菜心絕對不推介, 無謂浪費金錢和時間到此餐廳😤