憶食尚臘味煲仔飯 (Closed)

平時食煲仔飯既地方比較擠迫，又多油煙，但原來食煲仔飯既地方可以又舒適又乾淨！今次同朋友黎到尖沙咀呢間憶食尚食飯，除左煲仔飯，叫左個伴面同菜煲，仲有小食，款式夠晒多選擇！先黎一個香菇滑土雞煲仔飯，店員服務好好，會幫手拌勻啲飯，又會幫我地起飯焦，十分周到，讚！土雞即係走地雞，肉質比較實淨，雞皮都彈牙啲，食材高質！XO醬鮑魚伴麵，真係有粒鮑魚，拌面幾開胃！蒜泥白肉，少少辣，蒜香味好濃，有清爽青瓜減油膩感～芥菜排骨煲，湯都好飲，夠清甜，鹹排骨好夠味～御膳髮粥係一個甜品，似紫米露，口感十足，加埋椰奶好香，又唔會太甜，good!

不用排隊等， 環境舒適， 西式裝修， 不會濕笠笠，員工服務好好， 三語流利。 這家店最特別是食材自家制，臘腸，臘鴨，豬都有自家農場，自家工場製造，門口就有短片介紹農場場地及工場食品製作過程， 眼見臘味製造過程很乾淨衛生，食得很安心。這家店是有手信買的， 想試下川味臘腸，有聽聞是四川人家家户户做好新年才吃，很有特色。牆上壁畫繪畫了店內的故事，很有特式。旅遊回港吃個2人煲仔飯餐，$410/2 位。1）港式臘腸排骨煲仔飯（細份）上菜時有專人幫你加鼓油伴飯，不用排隊的煲仔飯， 用料足，仲有兩棵小棠菜 香蔥伴煲， 真心好食過要排隊的，自家臘腸，食得出分別， 腸衣好脆，7瘦3肥， 有油香， 油脂都帶到飯中， 大米有米香，有咬口，煲仔飯重點來了， 一大片飯蕉比我掘出， 好香脆， 薯片一樣, 排骨半肥瘦，好送飯。2）香煎海鯧魚這個一上枱就聞到鯧魚咸香， 魚身薄煎得好香脆，細骨可食， 最利害是魚肉仍然鮮嫩，魚上配菜我好欣賞， 有細細切絲的炸薑絲， 用心，好吃。3）蒽油霸王雞我喜歡食菜，所以有4棵小棠菜伴碟我很開心的，面頭蓋滿薑蒽絲，雞很嫩，豉油煮過有誠意的。4）上湯娃娃菜這個很好吃，菜新鮮，面伴上蒜片，

如果想搵一個坐得舒適又靜靜地嘅地方食貴價煲仔飯，呢度會係一個好選擇。我地點左個二人套餐($420)。原味鮑魚XO醬拌麵，鮑魚好細隻，XO醬幾香濃，撈埋面食好惹味。蒜泥白肉6件，蒜泥咸度適中，配上微辣嘅辣油同埋青瓜一齊食，食落幾香口。作為前菜亦幾開胃。香菇滑雞煲仔飯(細份）賣相唔錯，可惜雞唔算太滑，冬菇係切成絲嘅口感方面差D。飯偏軟而且冇咩飯焦，冇一般大排檔食嘅煲仔飯咁有穫氣。另外食落有少量碎雞骨。娃娃菜排骨煲，淡淡的胡椒豬肚湯底，湯嘅味道未夠濃郁。娃娃菜索哂湯嘅精華所以食落幾好味。排骨就煮得比較老，唔太咬到。御髮膳粥，食落似紫米露。如果可配埋椰汁一齊食會更好味。餐廳環境舒適，適合想靜靜地食個飯傾下計嘅人。

大熱天時緊係食煲仔飯啦尖沙咀分店裝修幾好坐得好舒服我本身好鐘意食臘味但次次經過都快關門今日520早早去開飯店員超有禮物及耐性慢慢講解招牌菜全都是自家工場出品我真心有選擇困難症樣樣都想食最後店員幫我地選了A餐先來了黃金煎手工麵⭐️⭐️⭐️⭐️我唔算好鐘意食煎炸嘢但竟然唔會好油炸出來的顏色果然好黃金👏🏻👏🏻值得一試清蒸海鯧魚⭐️⭐️⭐️⭐️⭐️第一次食我非常喜歡老公都大讚話必食喎有少少喊但淡淡肉又唔會好漏明明見到蒸到魚油都出來主角出場廣式臘味煲仔飯（細份）⭐️⭐️⭐️⭐️⭐️三款臘味全都好味不會太咸加埋個飯超好味！店員無介紹錯👏🏻👏🏻👏🏻👏🏻👏🏻飯焦都比我食晒蠔油菜心⭐️⭐️⭐️⭐️⭐️菜心甜到跟本唔洗加蠔油但老公話好蠔油一睇月就知係正嘢唔知以為佢係食神😂😂😂😂真心大讚！最後御膳髮粥⭐️⭐️⭐️⭐️甜品我麻麻地因唔太好甜嘢但呢個甜品唔算甜岩晒我仲要好足料原本怕唔夠食想再加食物但店員說好夠食食咗先👏🏻👏🏻👏🏻特別想講除咗食物好味店唔到煲仔飯都可以有咁好環境而店員非常細心隔離台坐了四位日本人佢地努力用英文溝通睇得出佢地四人好滿意煲仔飯都算係中國文化吧能夠讓外國人都喜歡身為香港人真係唔好錯過二人餐$429尖沙區合理可再去食👏🏻👏🏻

又凍返啦⋯⋯真是回味早前吃的高質煲仔飯⋯⋯ 呢間餐廳，在國內不同的地方自設農場同工廠，超過9成食材都是自家供應，所以材料品實有所保證。 第一次吃清蒸土豬⋯⋯土豬來自自家農場，樣子邪惡⋯⋯但入口也是不油不膩的，還有一點爽口。 清蒸川味臘腸⋯⋯也是第一次吃，有川辣風味風臘腸⋯⋯, 喜歡川辣味的朋友，覺得好OK！我不好辣的，感覺幾得意，不過就一片起，兩片止了！ 另一個特別的菜式，是一見鍾情（半煎半蒸）一條野生海鯧魚，經過短時間醃製，可以用來以蒸的方法帶出獨帶的，淡淡的鹹鮮味與Q彈的口感。另一種食法是煎⋯⋯鹹鮮味更濃，口感更結實。 說明這裡是吃煲仔飯的，當然是少不了一煲廣式臘味煲仔飯！這裡的臘肉臘腸臘鴨，由飼養到製造都是出自自家品牌，肥瘦適中，油份也不是很重，大都滲入飯中了！所以一開蓋是香到一個點的，加上用了自家五常米煮出來的飯，粒粒分明同彈牙。 加埋醬油，食一碗是不夠的。 唔夠飽⋯⋯食埋呢個甜品就一定夠啦！呢個甜品⋯⋯名叫髪膳粥⋯⋯固名思義是對頭髮好的啦⋯⋯ 髪膳粥沒有加糖，內有黑糯米、黑芝麻⋯⋯我對頭髮有益的食材，加少許椰汁，甜味剛剛好！食埋呢個粥，真是剛剛好啦！

寒冷天氣的日子，除了喜歡打邊爐外，廣東人還會選擇起源於廣東的煲仔飯，尤記得小時候在廟街的大牌檔，看著廚師用炭爐把瓦煲內的飯煮熟，再放上食材用炭火慢慢地蒸熟，那種熱烘烘的場面，的確別有風味。 時至今日，當然可以選擇不待在街上抵禦寒風，也能在舒適的環境下體驗熱烘烘的煲仔飯。 今次，BeautySearch 來到尖沙咀新開的《憶食尚》來品嚐煲仔飯。 這兒的環境並非傳統的中式格局，而是帶有西方時尚的佈置， 很舒服！ 我們點選了一客「廣式臘味煲仔飯」(HK$398) 屬中型的。上桌時，職員把煲仔飯揣到時，才把煲蓋掀起，一陣輕煙從煲子裡透出十分溫暖，上層還舖了數款臘味，包括：廣式臘肉、鮮肉臘腸及南安板鴨，鹹中帶甜，相當不錯，而男士們就更愛黏在煲底的飯焦，脆卜卜的，吃得相當滋味。 咸魚的肉質，不一定是『乾爭爭』、『實的的』的，這裡的「一見鍾情」(HK$88)富有咸魚獨有的香氣，內質較稔，易於咀嚼亦帶有口感，香煎後更為惹味！ 不知誰人點選的一客「清蒸土豬」(HK$168)，上桌時看見那白白的肉身，真的有點擔心，誰料肉味甚香，且沒有帶點所謂的臭豬味，確實是難得的鮮味。如想味道濃一點，還可蘸一點伴隨的醬汁

冬天來了，冷得直發抖，沒有什麼比吃煲仔飯更令人暖和了。在尖沙咀上班的我聞說尖沙咀也有特色煲仔飯（竟然？），一定要會一會。整間店都非常西化。廣式臘味煲仔飯非常美觀。熱騰騰的，吃落有油香而不膩。而且臘腸很易咬開，臘肉也清爽不黏牙。那個米叫五常市長粒香米，晶瑩剔透得很。清蒸川味臘腸完全是不一樣的臘腸！一定也不油卻有滿滿麻辣味。非常香口，一啖一啖，不經意就食掉了大半碗飯。一見鍾情（好可愛的名字）原來是一魚兩吃，半煎半蒸!蒸的又滑又鮮，煎的香口脆身。本身已經好飽，還吃了這個御髮膳粥，不太甜又足料，我飽到不想走。而且竟然還有方便版（自己煮）供大家買走。就此。

冬天來了, 梗係要同老友食煲仔食啦~呢間鋪嘅食材 9成以上都係來自佢地嘅自家農場, 知到食物源頭 立時對加工食品零憂慮~入去食嘢 望住 牆身食材 making off 嘅相, 感覺好有入咗人地屋企食飯咁, 好得意呀~清蒸的川味臘腸呢個前菜有驚喜喎!食落辣辣地似辣肉腸, 夾住蒜片一齊食, 食出第二口味 - 蒜甜肉甜, 幾好喎又!怕辣嘅我, 都忍唔住接連食多片~清蒸土豬肥瘦分明, 食落香嫩無油感 口感更爽爽地~一見鍾情 (半煎半蒸)媽呀~我好鍾意呢味餸呀, 我忍唔住食完又夾再夾... 新鮮生醃嘅野生鯧魚, 咸鮮咸鮮 好味啊, 嘻嘻... 煎嘅香口 蒸嘅挺滑, 各有好味嘅地方~我就比較鍾意香煎, 卜卜脆脆得黎 又唔乾爭爭, 真好!廣式臘味煲仔飯 (中)呢個煲仔飯好抵讚呀, 我地都食完快添~ XD完 全 無我平最怕臘肉臘味 哥陣油yick味 同 哥份封咀唇油膩!!!香噴噴 臘味油份養潤咗顆顆飯粒, 有著層次咬口,  我地都邊食邊笑, 真 好~臘肉真係好讚!令我對呢個 item 完全改觀!!!有飯焦啊, hehe 讓人很滿足!髮膳粥 微微甜 口感似紫米粥八寶粥 個 friend 子~鍾意佢無加糖

天氣凍凍地，平時朋友聚會都走唔開打邊爐BBQ ，今次就有朋友提議去食煲仔飯，仲話係叫高檔版既煲仔飯材料全部自家生產，搞到大家聽到都期待。餐廳裝修十分優雅又不失時尚感，有別於一般本地飯店。高檔臘味煲仔飯（$398），價錢有點貴但足夠4-5人share食，我最愛粒粒分明五常大米配自家出品臘腸油鴨！第一次試夾蒜食川味臘腸，好似salami 👍🏻👍🏻 另外 清蒸海錩魚同豬肉，食出百分百鮮味。完美晚餐，食完呢餐返唔轉頭食普通煲仔飯😆

終於等到天氣凍，又係瘋狂打邊爐食煲仔飯的時候。早前見到呢個天價煲仔飯，根據報導餐廳在國內自設農場同工廠，超過9成食材都是自家供應，趁住仲凍約埋朋友一齊試試～～～ 清蒸土豬土豬是來自自家農場，八分肥二分瘦，看似邪惡，入口卻不油不膩帶點清爽。清蒸川味臘腸師傅刀功好，臘腸切到好薄接近透光的厚度，單食的話感覺像西式辣肉腸，與蒜片同吃，神奇地有甜味湧出。一見鍾情 (半煎半蒸）一般傳統鹹魚都要醃上一段時間，入口難免失去了嫩滑感及魚鮮。菜式取名一見鐘情，其實是經過短時間醃製的野生海鯧魚，在沒有薑蔥豉油下，肉質比較Q彈且多了一份鮮甜！煎就香脆點，肉質比較結實左鹹香明顯。廣式臘味煲仔飯(中）是日重點！臘肉臘腸都唔會好肥膩（至少沒有一層油），油份都全滲入飯中，一開蓋香到一個點，用自家五常米煮出來的飯粒比較長身，粒粒分明帶點彈牙的，雖然貴但好味！侍應會幫手把飯伴勻，加入葱同埋自家煲仔豉油，正！我唔客氣啦！食到尾仲有飯焦，脆卜卜好正，而家已經好少煲仔飯有飯焦！髪膳粥($58/碗，$118/煲)髪膳粥沒有加半點額外的糖，甜味來自於食材，內蕨麻、黑糯米、黑芝麻，感覺有點八寶粥的影子，因為沒加糖本身就唔太甜，如果想

餐牌食物種類唔多煲仔飯、 湯麵 主菜選擇很少手撕雞味道不俗 ，調味恰到好處川味臘味煲仔飯店員介紹冇咁肥膩， 就試下啦！食到最後都覺幾重口味， 有點 口渴有飯焦， 脆口蒸倉魚其實係咸鮮，佢切開咗半條，係橫切面唔識評，都係一般咸鮮感囉!上湯娃娃菜上湯有少少鹹潤髮露即係紫米黑米加紅棗加蓮子，一般糖水咁囉

尖沙咀食個下午茶飯都幾乎每人100🙈。。。行過路過見到一間裝修好特別嘅竟然係食煲仔飯🍚。。環境好西化好有格調😂。。而且我仲係包場咁食呢餐飯。。兩個侍應一個經理。。不過出奇地煮得好好食。。特別係個川味煲仔飯。。喺香港真係未食過落了有花椒八角味的臘味。。真係食落去啲臘腸臘肉個嘴係麻麻哋😂😂😂。。侍應仲非常體貼好服侍。。上煲仔飯時兩個侍應為你撈飯加醬油葱花。。好窩心😍。。 但係晚市價錢就比較貴而且多雜費。。晚餐菜式選擇亦唔太多。。

只是夜晚隨便找一間店吃晚飯，和朋友看到這間店，想起好久沒吃過煲仔飯了，就進去試一試。叫了一份辣味既面（Sorry，唔記得名），一份廣式煲仔飯，真的等了好久，一上菜新鮮滾熱辣，服務員會為你服務，幫你加醬油攪拌，飯粒粒分明，越嚼越Q，臘腸的酒味很香，鹹味剛好，結合起來就是一份香氣撲鼻的煲仔飯，特別驚艷，朋友吃完連鍋巴都不放過另外雖然碗面叫咩唔記得（當時真係隨便叫），但係都好好食啊！因為本身都好中意辣既，面有點偏酸，完完全全中曬我既口味

本身幫襯左兩三次四眼經理都好熱情招呼但對上一次見到換左新餐牌88蚊一個煲仔飯貪新鮮試下點知我叫個荷業蒸飯變左88嗌左個糯米雞我都算我朋友嗌一個88蚊煲仔飯點知賣單148蚊仲要個新經理話食左就收依個價錢個經理仲要好理直氣壯明明就你地落錯本身諗住繼續帶朋友食同埋餐牌啲字臘鴨就叫板鴨撈面就叫拌面心諗又要貴又要做生意但唔系咁樣囖我願意俾錢食但唔願意俾你地屈囖俾得唔心甘命抵依加連招呼都冇埋但結果越黎越差以後唔會再去

星期五lunch起尖沙咀附近搵食,通常都會沿住亞士厘道行,因為依條街較多平靚正既選擇,咁啱今日lunch黎到依間餐廳門口,見新裝修門面幾靚就入左去, 點知坐得一揭開餐牌,就發覺中伏:開宗名義, 間餐廳係食腊味煲仔飯但係除左腊味飯外,就只係得D腊味既湯麵同鮑魚拌麵,其餘小食得D枝豆之類,份量細夾唔飽,冇lunch set,大部份單點都係100蚊以上,茶位要12蚊一位(比茶包更淡既茶)我地最尾六位叫左兩個煲仔飯,一個荷葉飯,兩份拌麵,煲仔飯即叫即整需時準備,但乾等左20分鐘,連小食花生都冇一份,實在有待改善!等到上餐,每份都係只夠分2/3人份量分半碗,份量太少腊味份量很少, 飯冇乜焦,煲仔飯黎講佐敦路邊攤比佢更抵食最後埋單總數$848,尖沙咀來講, 實在不值依個價錢而且收得依個價, 應該會有較好的服務吧!