Factory 99

Open Now

Now Closed

多年後再係觀塘區做野，呢間鋪仍在，仲好多人，同事唔去食話D野食凍… 唔信邪今日一戰，個塊豬扒堅係室溫咁….. 薯條又係，近骨位既肉仲要生既… 冇下次…………………….冇下次

中午路經觀塘，見到一間幾有特色嘅餐廳～樓梯沿路都有好多外國風既poster同裝飾餐廳內嘅佈置都幾有情調！可惜有啲俾佢嘅食物賣相嚇到⋯煎三文魚配薯菜蛋黃醬未免太多了吧⋯幾乎覆蓋了整塊三文魚⋯薯條都唔使另外點醬了⋯有點鹹呢～本身想點鮮蝦雜果沙律但鮮蝦無貨，所以用三文魚代替有哈密瓜、菠蘿、蘋果、橙等等嘅生果仲有青瓜車厘茄，非常健康！可惜嘅係⋯沙律醬又太多了⋯熱量都幾高同膩（哭）餐湯有紅白湯兩款揀，味道正常的～

餐廳喺工廈入邊，所以地方都特別大，我喺呢度食晚餐質素都幾高但係價錢亦唔算太貴，今次揀咗香煎美國安格斯肉眼牛扒＄239同埋酥皮焗紐西蘭威靈頓牛柳配紅酒汁$210，呢個價錢唔使+1 ，仲包左前菜、餐湯、餐飲及甜品，羅宋湯好足料仲配埋餐包，肉眼牛扒好大塊仲配薯蓉，切開個酥皮見到威靈頓牛柳好嫩，仲配埋薯條添，下面仲有蔬菜墊底，甜品係焦糖燉蛋，如果佢上面多啲焦糖就好啦，因為呢個價錢喺出邊係冇可能食到咁高質嘅肉眼牛扒同埋威靈頓牛柳，呢度真係超值

本身同事想去附近食另外一間午餐，點知裝修，見到好多人行入呢一間舖頭，咁就一於即興試吓啦！佢哋地方都幾大，服務員都比較有善，我哋三個人lunch諗住share一齊食，就決定了肉眼扒意粉、魚柳漢堡配薯條、蒜蓉汁豬扒飯，冇諗過肉眼扒有驚喜肉質鮮嫩，又夠Juice，咁抵嘅價錢有咁嘅質素，真係唔錯! 魚柳漢堡嘅魚柳多肉嫩滑，唔會似一般出邊炸到硬骨骨至於蒜蓉汁豬扒，肉質都好柔嫩，並且配有唔少嘅配菜，絕對性價比高！

平時係觀塘返工 呢間一直都係我既首選 平民價錢享受到高質素既西餐 佢既牛肉漢堡拼炸薯條 真係好好好味 牛肉十分juicy 唔會乾爭爭咁 而薯條每次都係新鮮熱辣 令到我食到停唔到口 仲有杯咖啡沖得好好飲 比較偏重奶味 岩哂我口味

呢間餐廳係觀塘工廠區都有，平時lunch都好多人幫襯😁Lunch menu都幾多choice, 而且價錢一啲都唔貴，係平民價嘅西餐廳，仲要份量好多！真係好抵食🔻香煎美國厚切豬扒配洋蔥燒汁 (HK $61)上菜嘅時候一睇就覺得好大碟😂塊豬排🥩仲大過塊面😂😂個餐可以配白飯🍚/意粉🍝/薯條🍟，跟餐仲送餐湯同餐飲，食完超飽！佢塊豬扒好厚，真係切到手軟😆😆係略嫌啲意粉比較乾，多啲汁會比較好😛

唔係觀塘地膽又喺觀塘返左冇耐都係同事帶我嚟我先知發現觀塘都幾多嘢食今次第二次嚟食都係食返同樣嘅嘢牛扒薯條但好神奇地我同另外兩位同事塊牛扒都係半份好韌 半份好冧薯條都係冧 但又熱 好矛盾我杯熱檸蜜仲有條不知名嘅草搞笑～

平時黎親都係食lunch，選擇多得黎都幾抵食。原來早餐都唔差，都唔少人食，而且又係親民價錢，合理質素叫左個英式早餐，有多士、腸、煙肉、炒蛋、雜菌同茄汁豆，少少沙律$45既all day breakfast黎講係幾抵，出面閒閒地都要$70以上。所以呢度份量算多，而且味道唔差，起碼多士烘完係熱同脆既，係個沙律有少少hea，不過呢個價錢可接受啦～如果有埋薯餅就更加perfect！加杯咖啡就好滿足，份量都足以飽到晏晝。

係觀塘返工既朋友仔都應該體會過放lunch搵食係幾咁麻煩既事情，因為真係太多人集中係個頭返工，搞到次次出去吃都用咗唔少時間用咗黎排隊，變相得番好少時間去享受個 lunch。factory99位於一間工廠大廈一樓，由於係工廠大廈所以佢裡面係非常大有大量的坐位，令到等位時間縮短唔少，加上佈置都幾靚，枱係厚木相當不錯。我今次叫咗個 lunch set牛肉漢堡配薯條，講真個薯條真係麻麻地，同outback差太遠，個包就好唔錯，D牛肉好足料好夠牛味，醬汁又好味，你仲可以要求佢換個包做香草包，不另加費用，餐湯羅宋湯好濃味，仲包餐飲，凍飲不另加費，埋單無加一，算係好抵食，推介大家去吃下

✅ 黑椒汁牛扒配飯 (HK$90)牛扒大過塊面🙊黑椒汁味濃 肥膏唔多~冇咩筋! 90蚊真係算係咁 😌✅US 牛扒漢堡配薯條 (HK$75)兩塊包太"林" 如果係烘底應該好好多~ 但中間個牛肉配濃烈既芝士磨菇汁真係好香🤤 不過相對樓上既牛扒飯就因為塊包失色左😂😂每個lunch set 配餸一碗湯(紅白中湯任揀) 又有野飲😆😂係出左名性價比高既平民西餐廳😍屹立不倒😂由五年前岩岩出黎做個陣出job 成日食~ 食到今時今日👍👍😆😆

喺觀塘返工嘅朋友，午餐時想搵一間比較舒適又乾淨嘅西餐廳， Factory 99會係一個不錯的選擇。它位於觀塘巧明街，雖然在工廠大廈裏，但整體來說，環境尚算舒適和整潔。午市套餐有10多款可以選擇，價錢都是由六十幾至九十幾元，已經是一個套餐的價錢。包括有餐湯、主菜和餐飲。主菜方面，我和朋友分別選擇了香煎挪威三文魚扒配意粉和F99美味漢堡。三文魚上碟還是熱騰騰的，煎熬得微蕉，也還可以；漢堡也是一般的水準，加埋肥美薯條，吃完都好飽了。以這個西餐廳的環境和食物水準來說，性價比也算高，在觀塘來說，可以舒適安樂地吃一個午餐，也算是不錯的選擇了。

WFH 既中午時間出左觀塘整野附近有好耐以前去過覺得好食既Factory 99 , 諗住快食回味下，點知⋯食西餐第一時間梗係想食牛扒啦咁90元唔算太貴，我一坐低已經叫餐等左一陣先上湯再上咖啡最後上牛扒意粉望落無咩特別，點知切落就知大獲超難切，切完拎起肉身係豬扒既顏色既再咬落去係無可能一啖咬到既有相為證為左要趕返工，我只係比錢果陣同收銀講佢哋既牛扒原全唔得，快手比埋相佢睇，佢建議我下次可同侍應反映下，佢話佢都會同廚房講下，期間解釋佢哋牛扒唔用鬆肉粉果d balabala.....

如果想午餐多選擇，這間餐廳都是一個不錯的地方，他在觀塘工廈裡地點方便，而且一打開門裡面好大很多餐枱，而且仲要有房間，裡面也是很多座位！因為餐枱多所以搵位比較容易，也代表也比較嘈，而且人少一定要搭枱了😬不過lunch time 一個小時那就ok 👌🏻餐廳裡面裝修也挺好，有很多木的元素，我自己比較喜歡😬最重要是午餐有很多選擇，又有湯、主菜、飲品，仲要份量多以這個價錢味道也算ok ！確實是午餐一個好地方👍🏻👍🏻

平日返工的時候 一星期都會去一次factory99 因為佢的份量係出名大大份 我每次去都會揀佢個牛扒拉薯菜黎食 佢個lunch set會包左湯同飲品 牛扒每次都多汁肉嫩 而薯條亦炸得十分香口 簡直係午餐好選擇

平時係觀塘返工  LUNCH好多次都黎幫襯因為大件夾抵食 但係唔太推薦黎食晚市 價錢偏貴 雖然份量都OK 味道同普通西餐一樣 叫左塊肉眼牛扒 肉質偏琳 唔會太硬 都不錯 每個SET DINNER 都會有野飲+前菜 餐湯附送小食併盤好好食 炸物都係新鮮即炸 再加左碟 意粉 都唔錯 清清地 份量好多都係推薦午市黎幫襯