大快活

Open Now

Now Closed

其實都幾喜歡幫襯大快活，以集團式食肆來說， 它們的食物味道不錯，所以經常都幫襯，可惜款式十年如一日，不會有太大轉變。其實大快活有幾款菜式都係幾好，例如：肉醬意粉、咖哩系列都不錯，仲有平價嘅打邊爐，上次試過喇沙湯底，完全冇hea場，味道同喇沙米線湯底味係一樣，唔會太稀太淡，直頭可當湯喝。不過喺大快活嘅菜式，我最鍾意都係番茄焗豬扒飯，我喜歡它芝士唔會太多，不會蓋過咗蕃茄醬嘅味道，番茄夠酸夠甜，豬扒唔會太鞋，他們的飯還是炒底的，所以通常餐牌上有焗豬扒飯，都會係必然之選。PS ：連焗豬扒飯都可以加飯，所以，上枱嗰盒 就算細細盒都一定夠飽。大快活嘅冇味精中式湯，其實都不錯。近排仲出埋燉湯，今日我飲呢個燉湯， 味道又清又淡菇香味，好似屋企嘅味道，跟飯只係加九元，絕對超值。不得不提，大快活都幾細心，提供紙袋給食客放口罩， 可惜佢哋嘅搓手液氣味非常奇怪（有點似殺蟲水味），所以唔會再用，希望店舖留意下。

今天午餐與朋友用膳，商場的茶餐廳客滿，隔離的快餐店剛有座位，那麼就快餐店吃午飯吧！我一向很少幫趁快餐店，因為不喜歡沒有服務的食肆，既要排隊買，又要自己拎餐。我楝好原價$39切雞湯米粉，因朋友借給我長者優惠卡省卻$3，即$36，都算抵食吧！切雞是鹹切雞，不太鹹、合味道，胸肉都腍滑，有味道的湯，不鹹，米粉也可口。朋友吃黯然銷魂飯，兩隻荷包蛋，蛋白邊煎得金黃色，蛋黃像對水汪大眼睛，有趣！仲有大大舊叉燒添。

昨天吃了其他店的早餐，今天吃大快活的早餐，來一個比較。這個早餐$34，我這個是吉列豬扒，還有厚多士炒滑蛋，這次我選擇的是熱咖啡☕️，這裏的炒滑蛋比昨天的好吃😋

我一向不喜歡吃快餐因為不太喜歡概沒有服務也沒有食物質素的食店寧願去一些價錢相對貴的小店或餐廳今日約了客人在這邊 但時間有點早 就來吃個早餐點了一個雪菜肉絲米加蛋同蘿蔔糕-$30(抵讚：不用比逼吃多士 可轉蘿蔔糕)由於我2 手都是一袋袋文件 很論盡 倒瀉了一點點湯在盤子竟然有職員主動幫我幫我拿餐而且遞上一疊紙巾給我快餐竟然有這個服務態度 真是出人意表！！食物質素比我想的好 米粉都是熱辣辣 不會太鹹炒蛋很夠香 蘿蔔糕比較普通咖啡也是很熱吃完想幫手把盤子交回 也很快有店員看到和接著 十分有禮有效率真係估唔到一定要多點吃 以示支持！！

星期五工作非常忙碌，只可以喺公司附近食個quick lunch，於是乎揀左大快活。想食碗麵，揀左麻醬雞髀麵，賣相正常。麻醬麵同出面啲麻辣麵差不多，但雞髀係凍哂，啲汁都鯨左，好難食，食左一啖已經唔想再食，大快活真係要改善下！

星期五好忙碌，就喺公司附近快食就算。揀左大快活嘅蕃茄焗豬扒飯，熱辣辣上碟，芝士仲可以拉絲，都好夠芝士味，豬扒都夠大塊，不過就無乜味，飯量充足，仲送碟配菜，總括黎講都ok。

人生中第１個養成的好習慣，是吃早餐！早餐於我非常重要！尤其是咖啡！自21歲起，不可１日無啡！大快活的咖啡，質量不錯！每星期平均會來吃３天早餐，咖啡是一定點的，有時配糯米雞(我是糯米忠粉！)、有時配三文治和麥皮、有時配魚柳炒蛋和多士、有時配餐肉煎蛋公仔麵、有時配皮蛋瘦肉粥和煎蘿蔔糕，早餐來說，算多姿多彩的！不是間間大快活的食物都好味！我姊就說她辦公室附近的大快活就不好吃！我的運動不錯！金鍾大快活食物的水準，絕對是 above average！

本來快餐店真係冇乜好寫😅 但屋企人非常鍾愛其中一個餸菜, 喺期間限定嘅時候有機會都會選擇食, 所以我決定又寫一寫啦😂陳皮鴨腿湯飯, 係夏天嘅月份先會有, 大概6到9月咁上下, 四十幾蚊包餐飲, 都ok啦!湯好夠味, 送飯一流, 舊年還是用冬瓜㖭, 今年已經冇用😞.. 好彩個湯同鴨腿仲保持到水準😌 我平時食飯唔多, 但次次叫呢個飯都食哂🤦🏻‍♀️ 屋企人都有比較過其他快餐店, 食店嘅鴨腿湯飯, 結論都係大快活嘅水準最高大家今年夏季睇見呢個飯不坊試試😋

膠飲管講咗好耐話唔用，終於今年有較大的迴響，有些連鎖店響應停止使用膠飲管，不過人始終係貪方便，點都希望飲凍飲嘅時候飲得舒服啲。 所以，用紙飲管代替膠飲管成件事都變得簡單得多，只可惜用紙做的物料相對成本較高，所以要經過很多年嘅大眾聲音先能夠得到今時今日的效果。雖然係遲了點，不過有心唔怕遲，最緊要踏出第一步。大快活用紙飲管代替了膠飲管的做法有帶頭作用，飲了一口，初時嘅口感同膠飲管係有啲唔同，不過慢慢地就適應咗，紙飲管唯一唔方便就係浸得太耐會變軟，其他沒有分別吧!紙飲管抵讚指數🌟🌟🌟🌟說回這天吃的咖哩雞飯，大快活標榜王牌食物，所以同燒味一樣一直佔據著牆身餐牌：分量：雞四件、薯仔兩件、一碟飯、少量配菜價錢：$62(連飲品)味道 :咖哩不是很辛辣，對於吃辣的我唔係太有感覺，反而有少少偏咸，咖哩汁唔孤寒送飯有餘，薯仔煮得唔夠林冇咁粉。整體來說，咖哩雞飯不過不失，不差，勝在出得快不用等，而且可按自己需要免費添飯。抵讚指數🌟🌟🌟

最近全宇宙都知人妻好鍾意食大快活貪佢有得用Apps印花同優惠券最最最重要就係佢可以加配菜最近我連續食咗四次！每一次平均姐姐差唔多加多左成半碗蔬菜俾我而且係清清地嘅雜菜～實在非常有誠意～而且雜扒飯調味適中！厚薄適宜！抵我成日食你

大快活一向嘅流水式飲食都冇乜驚喜，但追求快及方便是不錯的選擇，今早便去了金鐘的這間大快活吃早餐，一塊厚多士，一碗火腿通粉，以及一份炒蛋和一杯飲品，盛惠$29.5是標準的價錢，食物味道可以接受，厚多士其實半塊就夠，一塊我覺得太飽，反而當中最驚喜是那杯熱奶茶，夠滑夠香，一嚐不錯。其實有時候飲品重要過食物，好似早餐嚟講就係飲品緊要啲，因為我覺得飲杯熱奶茶有種提神作用，對一天工作起著重要性，心情也愉快些。

已經好耐無食快餐店既下午茶😶😶😶😶但講真我覺得快餐店下午餐絕對唔比茶餐廳差！！！同埋價錢都好抵食，餐廳坐得好舒服！而且食物又出得快。所以覺得綜合種種，性價比絕對高！一開頭吸引我嚟食係因為佢哋嘅雞翼。因為咁多年嚟印象都好好，燒得唔錯，而且帶有蜜糖味！兩隻唔多唔少剛剛好。另外，我仲加左$8.5有個雪菜米粉。$10都唔駛有咁大碗米粉其實算係咁！5點幾先去食，夜晚個餐都唔駛點食，因為仲好飽😂😂😂😂😂

讚賞大快活清潔員工，今天午餐我不小心倒瀉奶茶，盛盤、枱和一地都是，清潔姐姐們反應迅速，不嫌麻煩，馬上給我遞上紙巾，安排我坐開，然後數位員工清潔現場，另有一位給我補回一杯奶茶，這些都超過我所要求。值得一讚！

老實講， 本來諗：連鎖快餐店有咩食評好寫丫… 不過今日見到上餐既時候送上一杯水內有隻浸住嘅湯匙既時候真係好感動。(小店都未必提供甘既貼心服務，更何況連鎖快餐店）相信快餐店既食物都幾standard既。叫左個鴨湯飯。因為 天氣比較熱，想食湯飯。個湯飯就都還可以嘅………個湯好ok，有少許藥材味而且清,加上冬瓜（ 鹹鹹哋感覺好消暑），很適合夏天食。而煲過湯既鴨肉就真係幾老丫…麻麻地……明白既，煲過湯係老啲ga la...

假日來到我的最愛快餐店，看到如畫般的早餐餐牌。新一代的餐牌早已得我歡心，不走電子板風格，是復古，木材，自然。橙色映襯著蔚藍，純白……。木架設計令我聯想到鮮花，美畫。現在，右面有9款早餐畫，如一個方陣，如八陣圖，如畫展，如……。我喜歡在高檯凳區吃鹹牛肉炒蛋白早餐。因可以遙望「花架」，「畫框」。炸豬扒質素不及大家樂，醬汁亦是。應選魚柳才是。炒蛋白是其他食店少有的早餐，比炒雞蛋更清淡，脫俗，滑溜。以鹹牛肉伴蛋白，以補味道的不足。很有特色呢!中間有棕色系列的特色腸早餐，綠色系列的意大利鮮茄湯系列，和純白色的炒蛋白系列。特色腸即是貴價腸，是鴛鴦腸式，質素倍增，彈牙有馥郁肉味。配清麗的鹹牛肉炒蛋白是相得益彰。意大利鮮茄湯系列卻令我十分失望，望之淡如水，飲落如淡水。椰菜更離譜，硬如鐵，似未曾煮熟。脆皮腸合格而已。茄蓉不多，真懷疑是否此店出品。鄰店已由美心集團接手。須力圖上進啊!該讚的是用了木棍仔，迎合「走塑」潮流，更鼓勵自携餐具。很欣賞「花架」上的藍色標語，如多飯少飯……由食客自主，現在更提倡自携飯盒取走剩餘食品。如斯（如此）前衛，包裝，食物質素反映店方的努力。剛公佈上市快餐店業績，收入增長，純利增