大快活

Open Now

Now Closed

去了教會聽道後,去金鐘食大快活,因為有有優惠券嘛,可減4元金鐘大快活 Fairwood 地方夠大又整潔,食物都美味我吃了足料的 韓國石頭煱飯並附上不辣的 韓式辣醬吃這些熱飯當然要飲柚子冰,但柚子冰太甜冇柚子味,装飾的青檸已發黄,要立刻掉丟

快餐店的這1款菜式確實不便宜…本身想揀其他款式的食物,點知排隊排左差唔多10min,所以好多飯款已經俾人搶購晒….唉..又唔想食燒味飯,唯有叫呢款飯… 在取餐處排隊差唔多5min,幸好找到1張舒服的2人桌,韓式鑊仔豬扒飯 $34但豬扒一早已經煎好左,所以只有6成熱,共4小塊,咸味剛好,豬扒的油膩感唔會好重,至於韓式炒粉絲唔係特別好味之外,帶油膩+沒有彈牙的口感.. 我未食過呢款飯都唔知,原來準備開始食果陣,就要好似石鍋飯咁,不斷攪拌後才食用,而我無咁樣做,所以個鑊「痴」住晒d粉絲,豬扒也帶點兒燶… 所以好像曬左d食物咁…呢款飯附一碗酸甜的醬汁,與豬扒mix在一起,實在很好吃的~但$34一個lunch連飲品都無…真係有點貴! 快餐店的食物價錢真係很貴…

我是這間餐廳樓上的學生嘛 : ) (如果經常在此的都知道上面是甚麼學校)為了方便快捷, 大多都是來這裡的,貪他快, 多位, 而且服務很親切就是啊這間應該是服務最好的一間了有時做project做的夜了, 便來這裡買個外賣回學校吃,總是會有幾句計傾下 很warm啊食物方面, 個人認為每一間都不會差得很遠,我上年9月才入學, 差不多上學天就會到大快活不多不少的早餐午餐下午茶和晚餐都嘗盡了,食物平平, 不會有意外的驚喜, 卻會有奇快的速度和親切的笑容在金鐘而言, 大快活算是不錯的了, 價錢草根 卻有不錯的食物質素食物雖說不上十分好，這是快餐，平民化價錢，平民質素食物，相信大家也知道有時會有誇大的成份吧，這就要自己小心去選食物啊，但服務及方便程度的確一流！ｐｓ：我平時不會吃早餐的魚柳的，總覺得會是黑黑的酒：ｓ然後沒有甚麼魚味。有次在考試時間，打算好好激勵一下自己，不吃麥皮。但又不知吃甚麼扒好，最後叫了魚柳。　　這真的是一個驚喜　脆脆的，沒有那些千年萬年老油的味道，而且很有魚柳味！（別說這句是廢話啊，很多地方的魚柳也是沒有魚柳味的）有機會試一下吧

一月十五日 (星期五)見近期大賣廣告,我們又怎會不捧場,可惜最後是失望而回老公仔選了頗特別的咖喱鴨和風定食滿戴期望之際,看到的是一個慘況咖喱鴨本身尚可,可惜鴨肉只得數件,絕大部份是老公仔不愛吃的竽頭飯本身很粘口,再加上數件很"迷你"天婦羅,毫不好味這就算是和風嗎?可我的豬軟骨拉麵還可麵軟硬適中,豬軟骨有咬口,味道鮮甜,是加了醬汁的緣故罷無論如何,吃得一肚氣!

十一月五日(星期四)是日我約了舊用學吃lunch,陪老公仔吃個lunch先到了大快活有多種choices,有車仔麵等見到日式奄列飯,老公就叫了個咖哩雞肉奄列飯加了杯梳打飲品不錯,似是peach奄列飯的味道一般,加了茄汁,卻似是荷葉飯呢而雞肉就不錯,煎過再加上咖哩汁

呢一日未食野，就黎左呢間食下午茶。呢間快活算幾好，因為有個大海景睇下，食都食得幾舒服。西多士其實個樣都唔多似西多架，感覺上似厚多架。雖然係咁，不過加牛油同糖漿就無乜野既。但係個西多唔夠熱，無咁好食。牛油粟米就無乜特別既，不過粟米好甜，好好味。紅豆冰呢個而家唔使加錢就有得飲，紅豆又幾多同夠淋，唔使加錢仲想點呀。呢個下午茶餐都唔錯既，有幾樣野比你自已配搭。而且紅豆冰係跟餐既，算幾抵食。

今日要來金鐘取台証我同朋友仔ＳＨＡＲＥ咗一個攴來食原本想食焗豬扒飯架，但因為沒有所以轉咗茄汁雞扒雞扒好油，個汁都油，但味道都ＯＫ，佢係用新鮮茄做既，ＯＫ啦如果少Ｄ油仲更加好呀

前幾日晚上來到金鐘，諗住慳番個錢，見有間大快活喺度，想起佢最近廣告的鐵板牛立方賣相好似唔錯，一於同老婆一人一個試吓。點知一試之下，d所謂牛立方完全唔掂，韌得佢吖，有d簡直係幾經辛苦先可以用牙嚙開吞落肚，實在太令人失望啦！而且佢d醬汁也太過甜，同d牛肉夾起上來味道唔係咁夾，一句到尾，呢味所謂「鐵板牛立方」只係廣告賣相吸引，食落真係完全唔掂囉！後記：過左兩三日，老婆照版煮碗整左個自家製牛立方，味道質素仲好過佢，你話佢係咪好離譜吖！

尋晚睇完so good之後, 今日一大清早, 想食滑蛋, 就想起了食大家樂or大快活的早餐見大快活的人不多, 又唔洗排太長龍or等位食早餐(可能d人外帶番公司食多...) 滑蛋牛扒薄牚 ($21) + 雪菜肉絲米 ($3) + 熱奶茶滑蛋: 炒得太老了, 唔係好夠滑, 而且無咩味...>.<牛扒: 小得滯喇...不過好彩唔un...薄牚: 無黎味道, 只知食了一團粉入肚雪菜肉絲米: 沒有味精味, 普普通通, 但勝在夠熱辣辣!熱奶茶: 很滑很香濃! 男朋友至愛! 正!兩個人食剛剛好! 可能我只係食半個米粉同兩啖蛋就好飽了!

在剛剛過去的星期日下午, 我選擇了在大記食下午茶。之前試過同一集團的同款下午茶餐, 覺得幾好, 所以今次都是選擇了相同的食物和飲品:食品: 三絲炒米粉 + 咖喱三寶飲品: 低糖綠茶炒米粉都係一貫水準, 不過今次就濕咗D, 而咖喱三寶呢.........我真係未見過咁稀o既咖喱, 好似加咗顏色o既水咁, 一D咖喱味都冇 D三寶(魚旦, 魷魚和蘿白)就一定冇咖喱味啦, 一D都唔好味。我之前係同一集團的另一間餐廳食都唔係咁o既, D咖喱好濃, 而三寶係好入味架嘛............都唔明點解同一集團出品的食物都會有咁大差別 >.<

吉野家用完, 繼續有人supply快記cupon, 今次在手的, 是大快活, 而且非常之就腳, 一落樓下就係.不是太肚餓, 不打算食什麼大塊豬扒之類的食物. 簡單又快又好食, 只有燒味飯. 相比另外兩間快記來說, 燒味一哥唔係佢, 但都不至於難食. 今次個叉鴨飯, 瘦叉燒加上不太肥美既燒鴨/鵝. 充饑非常合適. 豉油, 仿佛加了少計叉燒汁, 扣了少少分的燒味在飯中補回. 好喜歡這個大窗口, 望住出面的汽車飛馳, 開揚的feeling實在令人覺得舒服.仲有5張, 食到特別好野先再評啦, 經濟不景氣, 有 "Jack So" 當然用盡......

由於大快活d咖哩太好味，上個星期食完，今個禮拜再encore！不過今次試龍脷柳！咖哩汁繼續保持水準。今次d薯仔亦都有進步，夠哂腍。魚柳方面當然係雪藏貨，不過有兩大件，而且食魚比食肉既感覺健康好多。正

因為有coupon，連續兩日都去左大快活。其實呢一兩年大快活真係進步左好多。好似呢日食既咖哩雞飯，個咖哩汁真係幾好味，濃得黎又唔會好辣，撈飯一流。d雞雖然係雪藏貨，冇雞味，但至少肉質都好滑，仲好大件添。不過薯仔唔腍，可能佢要keep個賣相靚d啦，不過腍d入味d就更好啦。飯都OK ga，軟硬適中。快餐店有呢個出品已經好好啦！而且呢度搵位幾易，要多d黎至得！

35蚊, 腊腸排骨煲仔飯跟油菜and中國茶飲coffee+2蚊夠晒熱, 了開佢熱辣辣, 食錦升煙上黎食到最後都仲有煙但係飯比較濕左d排骨那得太奈喇... 林到唔洗咬...腊腸都唔知係唔係冇肉o既, 勁多油. 冇肉o既感覺...去呢間係因為冇咩人, 靜d但係冇咩人o既原因.. 係因為唔好食

由於手持隨報紙送的午市$3 coupon，今日 lunch 專程去大快活派二十分鐘隊買外賣，再拎番上公司食，點了特快外賣專線的炸蝦煙肉燴意粉($28-$3=$25)番到公司，一打開飯盒，有點呻笨的感覺，整盒意粉的份量真的少得可憐，主角炸蝦有三件，其中一件係燶的，過了火；蕃茄得小小的兩片，加上一點點的煙肉碎... 先不說味道如何，未食已經令我非常失望了，這是一個超級輕盈餐吧 萬物騰貴，乜加物加，係人工無得加，唔通金鐘真係無啖好食? 我唔想日日食麥記呀...