大快活 (Closed)

星期日同朋友去大快活吃午餐, 因為有優惠可以慳$2, 叫了芝汁雞絲意粉, 由廚房取出來, 見到碟裡面有西芹絲, 紅蘿蔔絲和冬菇絲, 賣相唔錯, 雞絲味道都ok, 意粉微熱, 有輕微芝士味, 但整體味道偏淡, 於是去櫃台取了豉油和胡椒粉, 味道就好少少. 以$26價錢吃是可以接受的, 但若果沒有優惠, 我會揀吃肉醬意粉多D.

肉醬+磨菇+茄汁+蕃茄碎煮成的醬汁, 淋上意炒上, 即成大快活肉醬意粉.肉醬汁十分多, 味道甜甜的, 伴意粉十分好味, 如果再加CHEEZE焗一焗的話, 賣相和味道會更加好.意粉尚算彈牙OK.外賣膠盒的SIZE很大, 裝了很多意粉, 份量OK, 抵食.

節瓜雲耳蒸雞飯加熱好立克節瓜雲耳蒸雞飯: 等了10分鐘, 蒸得好熱, 雞算新鮮, 節瓜雲耳入味, 很好的一味住家菜熱好立克: 味好濃, 落足好立克粉, 不用加糖已夠甜, OK啦.

上次的「凍蛋包飯」，我已寫了電郵去大快活投訴，亦收到回覆說會有職員去監察工序，可是今天又一次收到凍的食物了！今天正午選餐是【關東煮黑豚肉定食】，櫃台一叫號我已立即上前拎取，定食的米飯和味噌湯都是夠燙熱的，可是那一碗薄切黑豚肉的關東煮和附贈的天婦羅，也是凍的！比上次蛋包飯裡面的炒飯更凍！尤其是關東煮的湯，溫度如冷凍糖水！凍了的炸物(豬肉和南瓜)也超難食，我咬了幾口便放棄了！很失望！。而餐盤也沒有抹乾淨，有些黏黏的......希望大快活一定要注意冬天時的食物加熱，冬天的食物的確會凍得比較快！我在新都會附近上班，常會光顧新都會分店，我不想當「麻煩客人」，絕對不希望下次要即時找分店經理投訴食物不熱！$38 換來一個唔熱的午餐！！！！氣死人了！！

今日(19/12) 天氣十分寒冷, 但大快活的廚房似乎未有留意, 天氣寒冷時, 預早煮好的食物很快便會攤凍。我叫了一客脆雞棒蛋包飯跟日式咖哩汁, 本來以為即叫即煮(牌子有這樣寫. 但我估只有那一片蛋餅是即煎的), 拿到的時候應該熱辣辣, 可是...櫃台一叫我的號碼我已上前取餐, 亦即時找到座位。勺起一匙蛋包餅入口, 裡面的炒飯只能算是"暖暖地", 完全說不上是"熱"的, 食了幾啖已經凍晒; 而咖哩汁也是凍的, 連"暖暖地"也不是; 那個脆雞棒就更差, 第一啖已經是完全凍的。可惜因為趕時間, 否則我真的想換過另一碟！寫下此劣評是希望大快活的廚房可以留意在天氣寒冷時, 要多注意預煮的食物一定要足夠加熱！因為天寒地凍, 人人都想啖飯落肚是"熱辣辣", 而不是已經攤到凍晒的!!!!!!!!!!!!!!!!

放工後來到葵芳，食個Tea... 這個餐很抵，有件「成呎長」豬扒的包 + 咖啡，才$19。 豬扒煎得好香，又不燶或硬； 即磨咖啡香…但不太濃，正合我意。自從離開了舊公司＠灣仔胡忠之後，很久也沒有光顧大快活了。這個商場，近年來變化很大，明顯想「高檔」一點，把低消費的餐廳或品牌都趕走，或迫去較角落的位置... 但應該也不忘加租。只有大集團旗下的品牌，才能在此生存。

大熱天時竟然可以在這找到火鍋,火鍋怪當然出動覓食!!!可惜天公不造美,喉嚨不聽使導致要了清湯底清湯底其實是冬瓜湯,鍋在有數片冬瓜和冬菇,頗鮮味我們要了一豬一牛,另外加了西洋菜 皇帝菜 和 墨魚滑原本想要加凍飲的,後來知道食滿$100 就會送一瓶,那我們就不加了跟餐送的兩隻水餃很有鮮味,肉汁豐富,不過略咸蔬菜除了西洋菜較老外,其他也很新鮮墨魚滑不太彈牙,不過裡面有粒粒墨魚肉補數,也尚算可以肥牛出呼我想像的嫩和新鮮,有牛味! 數量比豚肉還多點豚肉沒什麼味道,不過切得算薄,不鞋口烏冬爽滑,因個人喜歡較腍的所以會讓它們煮很長時間,吃下去依然很滑而且不爛送的山楂汁很清新,酸酸甜甜,他們溝了點梳打水入去,很易入口以數十元的價錢,做到一人一鍋,也算是這樣吧!而且服務態度很好,味道也比以前更佳,我是絕對會再來的

今日一早訂咗ticket去睇早場, 所以一早黎呢度做個早餐...呢間大快活係無耐之前裝修過...但可能係假期, 末夠十點已經好多人lu叫咗2個早餐脆皮腸炒蛋配多士牛扒煎蛋配多士脆皮腸比我預期中好食, 煎得吾錯, 吾會過火且吾太油, 吾錯吾錯...而炒蛋更值得一讚, 有蛋味, 沒有大家樂既食完好膩的感覺...多士更出色, 食時仲脆ga...而牛扒都吾錯, 夠淋, 唯一美中不足既係, 柯華田太淡...但整體都比大家樂出色...真係進步不少....值得一讚

新都會的食肆不定期地改變,愈來愈橙色的大快活搬家後第一次光顧,時間關係和沒多選擇下選了一定不用等的焗豬扒飯外帶。原來店方已改變排隊方式,堂吃和外帶分開2個地方輪候,大鄉里的月巴人又排錯隊了!! 外帶跟堂食也沒分別,同有一片長長的豬扒, 好壯觀!只是肉質超軟,用那柄塑膠餐刀也可以輕而易舉地將其切開!!可想而知它是如何"鬆化"的了。豬扒全是瘦肉,丁點肥肉也找不到,利害!!由於肉質實在太軟淋,像吃棉花多過豬扒,唯一是近骨頭較有嚼頭,感覺比較好而已!蛋炒飯飯粒跟豬扒一樣軟綿,吃後絕對不會胃痛;蛋花和油份也不太多,炒飯也有輕微蛋香,要是飯粒可以稍挺身一點會好吃一些;另外飯量不算太多,不過吃後也有飽(滯?!)感覺。所配茄汁用上蕃茄/洋蔥等煮成,味道甜甜的伴飯不錯,不過個人覺得茄汁可以再多一點點就好了!面層有些溶掉的芝士,焗過的芝士相當香,跟茄汁味道很相配!!店方改用水煮節瓜代替西蘭花,清淡的瓜味剛好中和濃香的茄汁味道,不俗。題外話: 不是來橙色大快活也沒留意對面的吉x家牛肉飯又失蹤了,上海婆婆和一品螞蟻快將登陸新都會,又多間食肆嘗試了!!

昨晚跟朋友到KWAI FONG FAIRWOOD食飯, 點知食完後, 我朋友先發先佢食o個碟排骨炒麵個鐵板生晒銹, 立即叫個manager過嚟la, 佢話換過碟wor, 唉...都食晒la, 換都無用la, 佢最後都退返$26蛟比我地, 不過經過今次, 都唔敢再去la. 最驚嘅係走o個時見到原來其他人o個隻碟都係一樣生晒銹先恐怖....呀.........

琴日去食咖哩牛腩飯,個薯仔係好明顯響隔離煮好先放落個咖哩汁到,我意思係人地ORDER啦,佢先至牛腩有牛腩筆,薯仔有薯仔筆落個碗到喎!我至愛既薯仔都唔好食啦,個汁就仲衰,以前真係好濃好香,而家果個好似無咩味0甘囉!個牛腩都叫OK!D牛根好似散散地!仲知一定唔會有下次啦!今日同個女去食五寶,仲衰.......鴨,X燒,得兩舊,仲要係有D大有D細,好明顯唔係響同一舊切出黎,因為有舊肥有舊瘦囉!點解會響到叫呢個五寶呢?因為我同個女琴日響TST大快活食過個TEA,係X燒飯,佢都話好食,點知番黎葵芳,大家都係大快活姐,點解可以甘0甘遠!!!如果我有拎相機一定影俾大家睇,睇下有幾差!呢間野我唔會再幫親啦!係食都出去TST食啦!!!!

葵芳新都會大快活已於年中結業, 改為A-1, 十二月尾全新的大快活已開張, 位置在吉野家隔離, 好易找. 店內的新裝: 門口位置有十幾張矮檯+矮sofa, 適合同小朋友一起聚餐, 至於裡面, 設有一般檯, 用原來的鮮橙色logo, 好sharp, 設計得好新穎, 好靚. 試了二個茶餐, 燒鵝粉 + 熱檸茶 & 雪菜肉絲雞翼米粉+ 熱檸茶: 粉好大碗, 燒鵝野味, 雪菜肉絲好香, 好好味, 茶好香濃, 每個茶餐不用二十元, 好抵食. 推介: 大快活的港式茶餐.