Video
Read full review
2020-07-16
560 views
在附近開夜班，趕在「不准堂食」令之前去打最後一個邊爐。港式快餐連鎖店，食品質素間間都差唔多，但水泉澳廣場呢間，人情味特別濃~我哋放飯一粒鐘，打邊爐好抆水，餐一送到，醒目姐姐就同步送爐過嚟，幫客人慳咗不少時間，此為貼心一。貼心二，我都唔知火酒膏就快用完，蕃茄湯仲滾吓滾吓，姐姐已經看出火酒膏快用完，率先替我哋換爐，唔使我哋陣間打到窒住窒住。再來，西斜太陽「燦」住客人，姐姐已經醒目地拎定搖控器出來落簾了。當然，新冠肺炎令市道變差，人流少咗，餐飲業梗係要殷勤啲啦，但其實未有「限聚今」、「不准堂食」令之前，這間大快活的肥經理已經好好人：同事早幾個月開始減吃澱粉，叫餐總是加句「走飯，多配菜」，肥經理都從善如流，真係畀多啲配菜我同事。最近天氣熱，我都無胃口食飯，加入「走飯」行列，肥經理一聽見我嗌「走飯」，都會主動畀多啲配菜我。客人未開口，餐廳已經知你想點，繼而滿足你，呢啲就係人情味囉───亦係街坊和屋邨食肆之間的默契，食客覺得自己被珍視，對餐廳產生loyalty，經常幫襯，其實都係win win雙贏的一種。
港式快餐連鎖店，食品質素間間都差唔多，但水泉澳廣場呢間，人情味特別濃~
我哋放飯一粒鐘，打邊爐好抆水，餐一送到，醒目姐姐就同步送爐過嚟，幫客人慳咗不少時間，此為貼心一。
貼心二，我都唔知火酒膏就快用完，蕃茄湯仲滾吓滾吓，姐姐已經看出火酒膏快用完，率先替我哋換爐，唔使我哋陣間打到窒住窒住。
再來，西斜太陽「燦」住客人，姐姐已經醒目地拎定搖控器出來落簾了。
當然，新冠肺炎令市道變差，人流少咗，餐飲業梗係要殷勤啲啦，但其實未有「限聚今」、「不准堂食」令之前，這間大快活的肥經理已經好好人：
同事早幾個月開始減吃澱粉，叫餐總是加句「走飯，多配菜」，肥經理都從善如流，真係畀多啲配菜我同事。
最近天氣熱，我都無胃口食飯，加入「走飯」行列，肥經理一聽見我嗌「走飯」，都會主動畀多啲配菜我。
客人未開口，餐廳已經知你想點，繼而滿足你，呢啲就係人情味囉───亦係街坊和屋邨食肆之間的默契，食客覺得自己被珍視，對餐廳產生loyalty，經常幫襯，其實都係win win雙贏的一種。
Other Info. :
最近大快活推出的一口豚咖喱汁+燒鯖魚+關東煮餐，我覺得好啱食，尤其燒鯖魚，好好味，但聽肥經理講好快就會下架，希望好快再有得食啦。
(The above review is the personal opinion of a user which does not represent OpenRice's point of view.)
Post
