大快活

Open Now

Now Closed

前日（9-10-2024 Wed）放工後，嚟呢喥以吸引價$42.00買一隻蜜味燒春雞加餸，都有2心理準備唔會大隻。嚟到時睇見個放喺收銀嘅牌寫住免斬，只限外賣同微辣。買完等咗一陣就有，扁撻撻嘅，打開睇，原來佢哋唔係用外賣盒裝住，而係用一個紙袋。到老公返嚟就開得飯，睇吓隻雞，醃料醃到隻雞好深色，我哋分好就豪邁食得。一食，有啲甜味，但辣味重啲，肉質係嫩嘅，但唔算好吸引。上次食評係2024年9月28日刊登嘅呢篇：https://www.openrice.com/zh/hongkong/review/b-%E7%86%B1%E9%A8%B0%E9%A8%B0-e5703902

噚（27-9-2024 Fri）晚又要自己一人食晚飯，又食咩好呢？嚟到商場，我諗算經濟嘅就係大快活，就嚟睇吓啦，見到有好耐冇食，$52.00嘅咕嚕肉，就要呢個啦，不過貴啲，賣$59.00呢，就有埋中式燉湯同中國茶，咁我揀呢個。買飛時，收銀會問要唔要餐具，我就揀唔要。買完得咗一陣，嘢食就有齊拎得。我一路拎住行，都感受到成功餐都好熱，返到屋企就開餐喇，先食咕嚕肉，已經唔脆，味道偏甜多啲啲；湯係藥材味，睇返張單，係杜仲燉瘦肉，真係全瘦肉，一啲都唔肥，不過同咕嚕肉唔夾味。而茶係鐵觀音茶包，味道濃但唔會太苦。而佢嘅份量都唔係少，我係食唔晒嘅。上次食評係2024年7月27日刊登嘅呢篇：https://www.openrice.com/zh/hongkong/review/blue-%E5%95%B1%E5%95%B1%E8%B8%AB%E4%B8%8A%E4%B8%8B%E5%8D%88%E8%8C%B6-e5590918

想食個快嘅早餐，就揀大快活Order 左兩個套餐，再加一份通粉個蛋煎得好靚，好好味，雞排都推薦炒麵同腸粉嘅配搭就肥膩咗啲，油咗啲食客唔算好多，所以出餐都好快店員都好有禮貌

今（27-7-2024 Sat）朝，食完藥又眼瞓，瞓醒都1：50pm，雖然唔肚餓，但因為要食藥，所以老公去買嘢食，佢話買麥當勞。大家都未病好，重食呢啲？咁佢話食大快活。於是佢去買，去到時咁啱係下午茶開始，佢好快就買咗返嚟，有$33.00嘅紫菜四寶米同熱檸水，同$31.00嘅雪菜肉絲米配熱狗，同熱奶茶。我就揀咗後面嗰份食，睇見件簡陋熱狗幾迷你，食落，個飽有啲啲烘脆，腸同生菜正常冇問題，沙律醬於多咗少少。3分細細兜嘅雪菜肉絲米呢？唔算好多湯，雪菜肉絲唔會太鹹，米粉口感正常。3分最後杯熱奶茶，茶味淡到近乎冇，似飲水。0.2分至於老公嘅紫菜四寶米呢？佢哋都係將麵同湯分開，四寶就只有共四粒唔同嘅肉丸，呢個佢冇任何comment。抵食係2.3分

今日（21-7-2024 Sun）老公唔舒服唔返教會，我差唔到可以出門口買餃時，佢就起到身，一齊去食早餐。唔知去邊喥食，佢話大快活，好似抵啲。我去撳機，佢就搵個位坐低先，我去到即睇menu，見到有楓糖牛角包同脆香黃金雞扒早餐，我見好耐冇食牛角包，但又想食雞扒餐，咁點算？細心睇menu，見到有個牛角包餐係有雞扒，就係$42.00嘅W19餐，就決定要呢個，飲熱檸水。老公就要$38.00嘅W17餐，亦係飲熱檸水。買咁飛等咗一段時間至有齊，我嘅餐有：楓糖牛角包，阿活香嫩炒滑蛋，脆香黃金雞扒同茄汁豆，老公嗰份有楓糖牛角包，火腿湯通粉，鮮茄蘑菇炒滑蛋同茄汁豆。我哋開餐喇，先食脆香黃金雞扒，我食唔到脆香，食到楓糖，雞扒口感正常冇問題。1.5分阿活香嫩炒滑蛋係全熟，冇乜問題；茄汁豆來貨冇問題,佢哋有整返暖；老公俾啲火腿湯通粉我食，味道貫徹一樣淡淡地，一般，而佢亦都只係微暖。2+3+2分最後食楓糖牛角包，呢間有牛油味，正常酥脆，OK嘅。5分而杯熱檸水呢？又係澀。1.5分環境：已經冇乜枱可揀，個位被冷氣機吹正，都幾凍。衛生：都係見到幾耐至收嘢’。2.5分抵食係2.5分

噚日（6-7-2024 Sun）晏晝，老公去完教會返嚟，一齊食個晏至開工打掃啦，佢去大快活買外賣返嚟，用$48.00買個餐，加$5.00要紅豆冰。都幾耐吓至買到返嚟，佢即刻打開，我就嗅到蜜汁雞脾嘅香味，另一個澱粉質食物，就要咗肉醬意粉，睇見肉醬都唔少，老公將佢撈勻食。我先飲啖紅豆冰，夠腍嘅紅豆好甜，太甜喇，我哋飲到尾，都重有好多紅豆。2分蜜汁雞脾呢？個皮都仍脆嘅，亦當然係甜地，而啲肉仍然係嫩滑，鹹淡就適中。5分肉醬意粉濃呢？一食，味道好濃但唔會太鹹。2.3分抵食係2.7分上次食評係2024年6月18日刊登嘅呢篇：https://www.openrice.com/zh/hongkong/review/blue-%E9%96%93%E9%96%93%E9%83%BD%E8%B2%B4-e5521957

前日(16-6-2024 Sun）晏晝，同老公食晏，諗唔到食邊間，是但大快活啦，嚟到時好少人，睇吓menu，我決定要$43.00嘅粟米肉粒飯，飲熱檸水，原來飲品要加$7.00，Total$50.00。老公就要$52.00嘅咖哩雞飯，加$7.00要可樂。啲餐好快攪掂有齊，睇見粟米肉粒飯都算多汁，食落，味道平平無奇，肉粒唔止有少量豬肉粒，重有雞皮，肥煙肉，感覺似將啲下欄嘢加埋落去，不過啲汁係夠撈飯食。2.5分熱檸水啲水好熱，不過檸檬就唔澀。3分老公嘅可樂2/3至3/4都係冰，$7.00買杯冰。咖哩雞飯就香而不辣，雞件大大件，因為帶骨，但口感正常，而薯仔都有兩件大大件，可惜中間未夠腍同唔入味。2.5分衛生：搵位時係有好多位，但見到有奶茶倒瀉喺地下冇人拖。2.5分價錢：我真係唔知道價錢唔包飲品，因只見到話加配或轉配飲品價錢，而且快餐店不嬲都包一杯普通嘢飲，呢個似有誤導之嫌。

大前日(14-5-2024 Tue)我要覆診，就同老公食個早餐至出發，去邊喥食?前幾日得知大快活有竹炭多士，於是走嚟，嚟到搵位坐低先，老公買自己嗰份先，佢就用$32.00買H12嘅肉臊銀牙撈麵配腸粉，飲熱奶茶。之後到我去買，睇吓menu，唔見有竹炭多士，由於老公已買咗嘢食同自己清潔咗張枱，我唔可以轉第二間啦，唯有硬著頭皮照揀。就要$36.00嘅B15，煙肉洋蔥炒滑蛋，脆皮腸，餐肉，英式多士，都要熱奶茶。買完等多一陣，老公嘅早餐至有齊，然後我嘅都有齊，但睇睇煙肉洋蔥炒滑蛋，煙肉洋蔥放喺炒蛋面而唔係撈埋一齊炒都算，但唔見有洋蔥，再撩開啲蛋睇，係完全冇餡，唔通啲洋蔥煮溶晒?於是我成個餐捧返去出餐處問，唔知係咪高級啲女職員，就遞入廚，叫廚房睇吓兜嘢係點嘅?廚房就遞包急凍嘅嘢出嚟俾佢哋睇，佢哋睇咗話有洋蔥，然後答我來貨係咁，叫我食吓。我成餐攞返埋位食，將所有嘢分半後食。我先食多士，喺切開時已經韌到好難切，食落就自然係韌;炒蛋係嫩滑;煙肉就似係食到啲洋蔥味;其他都係來貨，正常冇問題。熱奶茶呢？唔落糖都覺得甜，茶味唔濃。最後食老公嘅肉臊銀牙撈麵同腸粉，佢只落麻醬同甜豉油喺腸粉喥都好夠味，腸粉厚身同滑

28-4-2024（Sun）晏晝喺屋企做家務前食個晏，由老公去發辦去買，最後佢由呢度買咗兩兜嘢返嚟，原來係$44.00嘅雙餸百撘碗下午茶，佢揀咗卡邦尼雞肉意粉同魚香茄子，加$3.00飲凍奶茶。我先食後者， 茄子口感味道正常，飯粒就有啲係乾乾地，而佢係唔辣。卡邦尼雞肉意粉，雞肉大大舊，佢同意粉嘅口感正常，味道就唔算濃但可接受。最後杯凍奶茶茶味唔濃，但還可以嘅。味道係2.7分，抵食係2.5分上次食評係2024年4月14日刊登嘅呢篇:https://www.openrice.com/zh/hongkong/review/blue-%E4%B8%AD%E8%A5%BF%E5%90%88%E5%A3%81-e5408720

今(14-4-2024 Sun）朝,匯合返完教會嘅老公喺呢喥食早餐, 我嚟到時,老公啱啱買佢嘅早餐,咁我自己買我嗰份,我見到有燒賣同牛肉球就想要呢個而彌補噚日喺西灣香餐冇嘅點心,於是我就買咗$31.00嘅大燒賣,牛肉球配火腿通粉,飲熱檸水.老公買咗$40.50嘅滑蛋牛扒,英式多士餐,飲熱咖啡.大約2分鐘有齊,我先去攞喼汁,返返嚟就先食牛肉球,佢係有牛肉味,但口大燒賣,牛肉球配火腿通粉,飲熱檸水感同平時喺酒樓點心店食到嘅有啲唔同,佢好似更鬆,但整體感覺變得有啲怪.2.8分而大燒賣呢?係口感正常嘅魚肉燒賣.3分火腿通粉呢,薄火腿有煎過,通粉口感正常,今次同之前食到嘅味道唔同,係好正常嗰種,至於個湯就係雞湯味.4分最後杯熱檸水就有啲澀.2.7分老公嗰份我冇試到亦冇問佢嘅comment.服務:我去揾喼汁時,一個職員行過就主動問我搵咩嘢?我答咗後,佢帶我去攞,唔錯.抵食: 食完呢個餐3個半鐘左右就開始肚餓.2.5分抵食係 2.5分

7-4-2024（Sun）朝,返完教會嘅老公喺呢喥買早餐返嘅食,佢買咗$32.00嘅腸粉,肉臊炒米餐,加$3.00要凍奶茶,同$35.00嘅皮蛋粥同蘿蔔糕,加$3.00要凍綠茶.我哋分好就食得,我先食皮蛋粥,皮蛋份量好夠,口感唔差同佢甜甜地,又幾好食喎.5分蘿蔔糕唔會一夾就散,感覺材料比過年食美心嘅足同好味(食評係2024年2月13日刊登嘅呢篇:https://www.openrice.com/zh/hongkong/review/blue-%E5%94%94%E5%BE%97-e5294981).4分肉臊炒米味道唔算好濃郁但算惹味好食.5分腸粉係正常嘅滑,唔會太腍.3分嘢飲我就要凍綠茶,可能太多冰,覺得味道唔多夠.1.5分抵食係 2.5分上次食評係2024年3月26日刊登嘅呢篇:https://www.openrice.com/zh/hongkong/review/blue-%E5%94%94%E5%B7%AE-e5374770

前日(24-3-2024 Sun)晏晝,老公肚餓兼要食藥,佢就喺呢喥買個飯食,佢打開咗後,我嗅到好香,問佢係咩嚟?佢答焗豬扒飯,由於我唔餓,佢就分少少俾我食,食落豬扒鬆軟,酸酸地咁幾好食,飯係炒飯底,唔差.而湯呢?唔知咩湯,不過飲得出濃濃豬骨湯味又唔太鹹.價錢:飯就$49.00,湯要加$7.00,即$56.00.2.7分上次食評係2024年3月17日刊登嘅呢篇:https://www.openrice.com/zh/hongkong/review/blue-%E6%9C%89%E6%96%B0%E6%84%8F-e5357862

今日(17-3-2024 Sun)同老公食個晏早餐,去大快活食啦,都11點幾重係早餐,我哋要嘅桂圓杞子軟包系列嘅早餐,我要$39.00嘅桂圓杞子軟包+脆皮腸,脆香黃金雞扒,飲熱奶茶.老公要$30.00嘅桂圓杞子軟包+烚蛋同火腿湯通粉.好快兩個餐都有齊就開動,眼見脆皮腸有兩條,我先食桂圓杞子軟包,佢外面都算脆,包身都軟嘅,而味道係甜甜地,似甜麥包,食到應該係桂圓,因有啲煙韌,杞子就有少少酸.4分脆皮腸外皮係脆,但凍嘅.2.4分脆香黃金雞扒一啲都唔脆,不過唔會乾柴.2分熱奶茶茶味淡但有啲啲澀.2分老公嘅火腿湯通粉呢?淡而無味,通粉彈牙但有啲唔夠腍;兩片唔大片嘅火腿係薄切.1分環境:係闊落,不過個位啱啱有啲凍.抵食係2.8分上次食評係2024年1月5日刊登嘅呢篇: https://www.openrice.com/zh/hongkong/review/blue-%E6%AF%94%E8%BC%83%E7%B6%93%E6%BF%9F-e5223858

30-12-2023 (Sat)朝,同老公,亞姨食個早餐至去買同整嘢,去邊喥食?老公又話大快活,咁好啦.我哋嚟到,我就揀$34.00嘅千層多士茄汁豆炒滑蛋火腿通粉早餐,要熱檸水.冇耐所有嘢都有齊,我先食千層多士,呢個冇牛油塗但本身就甜,而佢係有烘脆到.炒滑蛋其實都係喺全熟蛋上淋蛋汁而已,不過都算滑;茄汁豆就正常冇問題;而火腿通粉呢? 火腿片好薄,通粉唔算腍,而且味道有啲唔同,一般;最後熱檸水都正常.3.36分抵食係 2.8 分上次食評係2023年12月2日刊登嘅呢篇: https://www.openrice.com/zh/hongkong/review/blue-%E4%B8%80%E8%88%AC-e5159839

26-11-2023 (Sun)朝,會合去於教會嘅老公食早餐,我哋前後腳買,我睇MENU,見到有牛角窩夫,不過配煉奶,好驚啫,於是放棄,咁我哋買咗:2. $34.00嘅煎蘿蔔糕加靚粥,要熱奶茶完全冇俾任何調味料,包括甜醬,我自己去攞都見唔到有,好彩職員有俾一包老公.蘿蔔糕攤涼咗係正常,佢軟綿綿唔脆口,都唔太鹹.味道: 3分靚粥係皮蛋瘦肉粥,啱我,呢個唔算好杰身,ok 嘅.味道: 3分熱奶茶唔得,冇茶味,但飲到最後卻有少少澀.味道: 0.5分1. $31.00嘅肉燥撈米加腸粉,要熱檸水腸粉係滑嘅,老公加咗甜豉油同麻醬,ok啦.味道: 3分肉燥撈米,米粉本身調過味,但講唔出係咩味;肉燥唔肥,成個都唔太鹹.味道: 3分環境:坐嗰個位冇乜冷氣,比較熱.抵食係 2.8分  上次食評係2023年11月17日刊登嘅呢篇: https://www.openrice.com/zh/hongkong/review/blue-%E7%82%92-%E5%AE%9A%E6%BC%8F%E5%96%AE-e5127010