Video
Read full review
2024-06-18
62 views
前日(16-6-2024 Sun）晏晝，同老公食晏，諗唔到食邊間，是但大快活啦，嚟到時好少人，睇吓menu，我決定要$43.00嘅粟米肉粒飯，飲熱檸水，原來飲品要加$7.00，Total$50.00。老公就要$52.00嘅咖哩雞飯，加$7.00要可樂。啲餐好快攪掂有齊，睇見粟米肉粒飯都算多汁，食落，味道平平無奇，肉粒唔止有少量豬肉粒，重有雞皮，肥煙肉，感覺似將啲下欄嘢加埋落去，不過啲汁係夠撈飯食。2.5分熱檸水啲水好熱，不過檸檬就唔澀。3分老公嘅可樂2/3至3/4都係冰，$7.00買杯冰。咖哩雞飯就香而不辣，雞件大大件，因為帶骨，但口感正常，而薯仔都有兩件大大件，可惜中間未夠腍同唔入味。2.5分衛生：搵位時係有好多位，但見到有奶茶倒瀉喺地下冇人拖。2.5分價錢：我真係唔知道價錢唔包飲品，因只見到話加配或轉配飲品價錢，而且快餐店不嬲都包一杯普通嘢飲，呢個似有誤導之嫌。
我決定要$43.00嘅粟米肉粒飯，飲熱檸水，原來飲品要加$7.00，Total$50.00。
老公就要$52.00嘅咖哩雞飯，加$7.00要可樂。
啲餐好快攪掂有齊，
睇見粟米肉粒飯都算多汁，食落，味道平平無奇，肉粒唔止有少量豬肉粒，重有雞皮，肥煙肉，感覺似將啲下欄嘢加埋落去，不過啲汁係夠撈飯食。
2.5分
熱檸水啲水好熱，不過檸檬就唔澀。
3分
老公嘅可樂2/3至3/4都係冰，$7.00買杯冰。
咖哩雞飯就香而不辣，雞件大大件，
因為帶骨，但口感正常，而薯仔都有兩件大大件，可惜中間未夠腍同唔入味。
2.5分
衛生：
搵位時係有好多位，但見到有奶茶倒瀉喺地下冇人拖。
2.5分
價錢：
我真係唔知道價錢唔包飲品，因只見到話加配或轉配飲品價錢，而且快餐店不嬲都包一杯普通嘢飲，呢個似有誤導之嫌。
Post
