大快活 (元朗商業中心)

Open Now

Now Closed

今日晚了起身，兩點鐘左右落街食下午茶。大快活的下午茶由兩點開始供應，時間岩岩好。我叫了一份即煎西多士（糖膠）＋豉油皇雞脾配粒粒紅豆冰。西多士煎得好香，又唔會燶邊，配上牛油及糖膠。切開西多士，入面的麵包好新鮮，沾滿了糖膠。紅豆冰好足料，香滑的淡奶配上飽滿的紅豆。

好耐冇試過夜晚食港式快餐，諗唔到食咩，食下大快活先，見到佢有個晚餐非常之抵，豉油雞髀加一個肉醬細意粉，轉埋凍檸茶，先至$50左右，仲有一樣嘢非常之好嘅，就係可以添加白飯，姨姨服務員普遍都好好禮貌

記得之前食過大快活嘅豬扒包係好好食好有質素加埋個熱奶茶超正但今次真係勁失望🙍‍♂️塊豬扒薄咗好多薄過個包好hea... hea到唔識講一個包加一杯奶茶差唔多30蚊塊豬扒比我嘅感覺係求其行入街市買一塊全場最平最薄嘅豬扒食唔晒然後等到第二日再拎出嚟食嘅感覺個包係OK嘅 塊豬扒真係唔知咩事 Hea到..麥x勞$12包真心好食好多🤭🤭🤭🤭

朋友話去大快活找食咖哩，味道同質量都還可以，咁就試下啦～去到未到2點，基本上午餐好多嘢已經賣哂，好在淨係想試下咖哩，仲有咖哩腩可以點，五十幾蚊無嘢飲，加埋杯紅豆冰變左60幾蚊，都唔平。等緊拎嗰陣，紅豆冰已經放左上盤，但咖哩牛腩竟然仲要整，白飯同紅豆冰喺出菜位足足差唔多10分鐘，杯紅豆冰變成紅豆汁，咖哩都未出到，加上又不斷有人排隊拎嘢食，而家疫情，都幾擔心衛生問題。終於拎到咖哩牛腩，薯仔有2大舊，牛腩細細粒大約5元硬幣的大細5至6粒，仲有3至4件牛筋左右。咖哩味比較甜，餸飯都幾開胃，但咖哩的香料唔算好突出，整體只係ok, 薯仔太多相對牛腩太少。朋友點左個新出的脆爆厚切吉列雞飯，呢個有啲驚喜，個飯等左好耐，應該係新鮮炸塊雞扒，咬落好香脆，雞扒厚切，有肉汁，但肉味老實講就平淡啲，食耐凍左的時候，啲雪味出返黎，而且有骨。而飯係配左日本咖哩，味道無阿活黃咖哩嗰種咁香，如果個咖哩牛腩的咖哩配呢塊雞扒應該正少少。

每日早上返工點都要善待自己嘅！我好鍾意食蛋嘅！而我都聽過大快活既滑蛋早餐好好食😋！！我諗成份早餐嘅精華就係呢個滑蛋嘅所在！^_^佢整到超好食又滑又香！再嘆埋杯檸檬茶！正？返工特別醒神

阿活香嫩炒滑蛋一直都是我最喜歡的早餐選擇，而大快活最超值的就是C01 超值餐，有一個兩隻手巴掌般大小的滑蛋，還有一個相當多份量的滑蛋，又香又滑。再加上一個很大碗的粉麵，真的每次都吃得我很飽!

每當提到大家樂，不得不提就係另外一間大型連鎖嘅食店--大快活。 基本上兩間十分相似，但我個人就覺得大快活比大家樂好少少。 首先我鍾意食咕嚕肉，因為佢酸酸甜甜咁樣好開胃，食過兩間嘅咕嚕肉，覺得大快活嘅咕嚕肉食得去更加有口感，唔似係食緊粉咁。 味道方面，咕嚕肉基本上間間嘅都差唔多，所以冇話邊間特別好食，但44蚊作為中午飯價錢亦都算合理， 所以有時都會嚟食。另外值得一讚既係佢啲冰水係會用碎冰，而唔係一大嚿冰， 呢個亦係其他餐廳入面比較少見嘅細節位。

出街食好難搵到啲岩減肥食既野🤦🏻‍♀️通常一係就煎炸炒多，再唔係就多汁又高鈉既野食。竟然係大家樂搵到啲岩食既野🤩呢個燒雞胸飯有齊蛋白質、澱粉質、同纖維。雞胸煎得岩岩好，仲要唔係好多油，減肥之選👍🏻

唔知係大家心目中，大快活對你嚟講係一個點樣嘅餐廳？🤔可能你會覺得佢只係一個大集團旗下一間餐廳，但坦白講，其實佢嘅出品喺幾穩定😛，加上定期會轉會款式，亦都有一啲素食餐單，同埋一啲少鹽少油嘅健康之選，所以我自己不定期我都會去食大快活。😏最鍾意嘅，就係佢哋嘅早餐，因為價錢非常之便宜。😝今次就叫左我最鐘意嘅內醬麵，加脆皮香腸同滑蛋厚多士。😋外賣返去慢慢嘆。

話又話唔聽，聽佢又唔改!🤣🤣🤣人真係衰， 明知山有虎! 你睇 炸漿厚過魚，唔止呢間㗎，佢對頭兄弟仲薄仲衰!呢度滴魚，都叫打開層炸醬都可以咬到d魚，另外個間嘅魚同炸醬太 痴纏，分唔開添，我就更加唔喜歡。講番呢度個雪菜上海麵又咸又硬!最衰佢地成日收埋d即食麵唔賣!買嘢又成日打錯嘢， 話說阿爾弗雷德.浩倫“要轉厚多士 ，(似佢自己)仲要齊醬，齊油 !原本今次呢個醒啦 有打齊醬，不過打咗 厚多士為打錯“蘿蔔糕“ 但點解佢唔奇怪，如果食蘿蔔糕要牛油， 使乜要齊醬呢？ 唔通蘿蔔糕食齊醬，又啱喎! 可以試下花生醬，奶醬同埋牛油配 蘿蔔糕喎，唔使一定甜醬，辣醬嘅👍🏻

大快活？在港人心中，常常聽見。更是下午茶的好選擇，價錢便宜又飽肚，$26有雪菜肉絲米粉，厚多士，珍寶腸和一杯熱飲。簡直是平民價！雪菜肉絲不會過鹹，也不會很油膩 ，湯底也沒有味精，和其他快餐店比起有所不同！厚多士是烤焗過的， 脆脆的口感，再配上花生和煉奶醬，簡直是絕配的組合。

一向去大快活就最鍾意係食佢嘅咖哩牛腩飯或打邊邊! 呢排想食啲，又想慳啲錢，於是由最低價望起! 見到40至50蚊都有几款選擇，都吸引吖，最後揀咗磨菇汁炸魚柳配紅米飯。 本身就好鍾意磨菇湯或磨菇整既餸，再加埋咁健康既紅米飯，好好呀！店員送到去座位，嘩，香氣撲鼻，食落都好濃好香，個汁唔肥膩，大家可以放心張佢送哂飯! 魚柳本身都整得入味，我就再點磨菇汁，看到爆其實真係好驚喜，個汁好味到好似有質素既西餐廳咁，而呢個平價set仲有飲品送，其他五十几蚊既食物就要單叫飲品，有咗呢個餐，我一定揀佢啦！另外，係大快活既飲品我只會叫咖啡（早餐）同檸檬茶（午餐或晚餐），佢哋既咖啡係即磨既，當然好香，奶既配合又好适中，冇哂苦澀味; 而檸檬茶呢，好多時都飲到甜檸檬，大家去撞吓彩啦!

聽人講大快活的火鍋好正, 湯底仲係花膠雞湯, 所以心思思去試下.嘩, 上到先知原來一個肥牛火鍋都要88 (連埋一杯汽水),晚市去大快活的好處係有人送餐, 就算一個人都唔會麻煩,肥牛話有半磅, 望落都足秤, 不過有些比較肥 (但係底下食到後先見到)另外還有一個大碗裝了菜, 金菇, 丸, 腸, 水餃,  仲有一整個烏冬, 一個人一定飽有突.個花膠湯底有一件雞, 幾小件花膠, 味道算OK,肥牛上面講了, 有些係偏肥, 還好算有肉味,其他的菜,丸, 腸, 不過不失啦, 烏冬係急凍的手打烏冬, 以快餐店來講算係唔錯,+6蚊有一杯汽水, 杯汽水比較細杯囉.整體來言, 88蚊的火鍋有點貴, 而且配料無另一家的甘豐富,估計下次再打都係返去大檸樂比較好.

這天難得有半日假期，雖然下午是有事做才請假，但是下班了，心情當然要輕鬆一點。在路上，我一邊坐車一邊在想要到哪裡吃個好的，好好慰勞一下自己平日的辛勞。可是找了好久，都選不到，最後放棄了。一抬頭看見大快活，二話不說的就走進去。到達時剛好是下午茶時間，看看餐牌，沒幾分鐘就決定自己要吃什麼了。就是雞翼熱狗，外加一個雪菜肉絲米，飲我至愛我凍檸檬茶，結帳大概40港幣。拎了票，等叫號碼，幾分鐘就能出餐，名符其實的快餐。最好吃的是雞翼，甜甜的，米粉也挺大碗的，再加上一個包，吃完會很滿足。我看見隔壁枱的銷售員也在用餐，她叫了多士（倒滿花生醬及練奶），斯華力腸跟公仔麵，還加杯紅豆冰。這茶餐的價錢應該跟我的差不多，從她跟同桌人的對話，這是她的午餐。不要說貴，這已經是很便宜了，如果你還在想十多年前，二十，三十一個茶餐，那幾乎已經是沒可能的事。下午茶也這樣的價錢，更別說午餐，很多人能等都會選擇等到下午茶才吃飯，就為了省點錢。一個四十元的茶餐，這就是平民的下午茶餐。

另一個跟大快活有關的自費食評。今晚帶著寶貝回教會小組，開組前，在教會附近的大快活，吃個簡單晚飯。我家附近沒有大快活的分店，就當是對大快活晚市的一個認識吧。基本上大快活晚市的組合跟大家樂或者美心的都很相似，價錢也很接近，只是最大的差異，就是晚市大快活有專人送餐，在購票後，收銀員會送上叫號器，只要放在桌面就可以輕鬆等店員送餐，對家庭客來說，是一個極好的安排。我們叫了個咸魚蓉肉餅飯，四十餘元，算是合理。等了十餘分鐘，食物上桌，所見即所得。賣相算是可以的，肉飯質感不錯，不過整體不能與炭爐煲仔飯比較，只是不過不失而已。