大快活

Open Now

Now Closed

朋友話去大快活找食咖哩，味道同質量都還可以，咁就試下啦～去到未到2點，基本上午餐好多嘢已經賣哂，好在淨係想試下咖哩，仲有咖哩腩可以點，五十幾蚊無嘢飲，加埋杯紅豆冰變左60幾蚊，都唔平。等緊拎嗰陣，紅豆冰已經放左上盤，但咖哩牛腩竟然仲要整，白飯同紅豆冰喺出菜位足足差唔多10分鐘，杯紅豆冰變成紅豆汁，咖哩都未出到，加上又不斷有人排隊拎嘢食，而家疫情，都幾擔心衛生問題。終於拎到咖哩牛腩，薯仔有2大舊，牛腩細細粒大約5元硬幣的大細5至6粒，仲有3至4件牛筋左右。咖哩味比較甜，餸飯都幾開胃，但咖哩的香料唔算好突出，整體只係ok, 薯仔太多相對牛腩太少。朋友點左個新出的脆爆厚切吉列雞飯，呢個有啲驚喜，個飯等左好耐，應該係新鮮炸塊雞扒，咬落好香脆，雞扒厚切，有肉汁，但肉味老實講就平淡啲，食耐凍左的時候，啲雪味出返黎，而且有骨。而飯係配左日本咖哩，味道無阿活黃咖哩嗰種咁香，如果個咖哩牛腩的咖哩配呢塊雞扒應該正少少。