戀茶舍 (花都廣場)

Open Now

Now Closed

我一向都有飲珍珠奶茶呢鋪癮，但知道減肥唔可以成日飲，所以久唔久先至飲一杯獎勵一下自己，但係有時飲到啲好唔掂㗎，真係好嬲，有乜理由d珍珠都未炒熟，仲係生嘅入邊有粉死實實嘅都可以整俾人飲！ 呢間戀茶舍嘅珍珠係叫波波，我第一次去嘅時候真係唔識叫😆😆😆我飲過佢嘅 「黑糖波波奶茶」，真係好正，佢哋有一樣野好，我係出面飲要叫少冰少甜，係戀茶舍呢度，係無冰架，即係唔會因為d冰多冰少而影響味道。另外，黑糖波波（珍珠）佢哋係會熱住，所以好煙韌，好好食，唔會食到又硬又粉嘅情況。但，我飲過「醇香波波奶茶」唔掂，唔建議飲！

超級無禮貌 好似佢係客我先係做野個嗰 傾偈傾得勁大声 3個女仔淨係係到講普通話 唔知以為返左大陸 杯野得左都無聽到嗌Number 淨係見佢地佢地玩手機 系到傾計 服務超差 野飲就幾好飲 不過佢咁嘅服務我應該都唔會再幫襯 感受好差

有日好想飲奶蓋咁啱經過呢間見到門口大大張海報被佢吸引左於是就買嚟試😛推介呢到嘅奶蓋芝士奶蓋好香滑 鹹鹹地 好飲得嚟又好邪惡配埋香濃茶底 好快就飲曬🫶🏻佢有好多飲品都好吸引！😆希望下次可以試埋髒髒系列

📍戀茶舍📍💡粉嶺比海報既髒髒吸引住而停左落黎🤣不過趕住返屋企唔記得影左順，髒髒效果冇哂了🐥牛油果髒髒鮮奶（$31）有d失望份量好似差咁d，好似已經飲左啖咁😖，飲落都好有牛油果味，但唔係好突出，飲落唔會好甜都有軟滑口感，如果有d果肉會加分d🐥草莓髒髒鮮奶（$31）幾時都話士多啤梨奶係正，鮮奶滑，又飲得出士多啤梨嘅鮮甜味，ok

📍戀茶舍(粉嶺中心)健康又有益🥰🥰又到聖誕啦 一到假期都想飲杯野 休息下。宜家粉嶺新開左間【戀茶舍】，位置就係角落頭，但環境都幾正，落地大玻璃，望住馬路 得閒可以坐係度 望住出面 沉澱下自己 觀察下路人 一個反射思維 香港嘅急速節奏 大家嘅忙碌我推薦大家飲🔸芝戀莓莓🍓🍓呢個芝戀莓莓賣相真係好吸引，上面係芝士奶蓋，中間個層就係沙冰，最底嗰層就係紅莓果汁，入口口感好清爽，有紅莓粒，成杯野飲有唔同層次感，鹹鹹地格芝士奶蓋，酸酸地嘅草莓 加上 有好涼浸浸嘅沙冰， 一個字 正🔸超級牛油果呢間係用新鮮牛油果 一杯有一只牛油果 同鮮奶溝埋一齊，好夾，飲落去，超級綿，密好滑順，加上牛油果 本身就含有豐富嘅營養，飲完都唔會覺得肥 唔會覺得唔健康

#cassiegofanling-台式飲品店真係周圍都有一間，好似便利店一樣。瘦編都會間中買嚟飲吓當下午茶享受吓。最近屋企附近都有間新嘅茶飲店，叫「戀茶舍」。👍🏿-飲品選擇方面，同大多數嘅茶飲店都喺一樣好多元化。飲品配合番店名，分咗8大系列，都喺啲同愛情中嘅唔同經歷，都幾有心思，幾得意，例如有冷戰、細水長情、食檸檬等等。🍹-瘦編揀咗戀戀水果茶，因為好似感覺健康啲。水果茶味道清甜，口感好豐富，每啖都咬到有粒粒百香果籽，飲到最後仲可以食到當造生果，好足料！另外仲揀咗流芒髒髒鮮奶，應該係用咗北海道函館3.7鮮牛奶，鮮奶味道好香濃。芒果都好甜，推介！🥭-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 戀茶舍 (粉嶺)📍 粉嶺百和路88號花都廣場地下A51號舖-

我係OpenRice 落訂外賣自取嘅時候，本身有預定時間5小時之後去拎嘅，但結果鋪頭接單後，竟然即時整同通知我去拎，所以我打電話去搞清楚件事，嗰邊職員就話會到時候再整過兩杯飲品俾我，我原以為件事會完滿解決。真係人算不如天算，到我朋友去拎返來後又發現貨不對辦，杯身貼紙話係3點幾嘅時間，我打電話去問對方就話係新整嘅，我都當佢講真算啦。但後來又發現杯醇香珍珠奶茶本身應該有加錢加鮮奶同仙草，但結果就係咩都無加到係入面，搞到我又要去多次間鋪頭處理。整件事纏繞左我差唔多半日時間，店舖職員嘅態度及處理方法都好差，我唔會再去買！

粉嶺有既手搖茶店寥寥可數仲要無乜邊幾間係好飲😵‍💫😵‍💫次次都要喺地方區買返嚟拎到屋企啲奶蓋都融埋哂☹️.有次經過花都見到呢間鋪好多人排隊就膽粗粗試下買皆因之前喺粉嶺上水既手搖茶鋪中過太多次伏🤣依加每次買茶都好心驚膽戰🙈.芝戀芒芒沙冰嚟 無得揀少冰😣 不過啲冰打得好沙唔會話有一兩粒大冰咁 抵讚另外 佢個茶味同芒果調和得好好芒果🥭係愛文芒嚟 真材實料 唔係香精👍🏻👍🏻👍🏻👍🏻👍🏻👍🏻奶蓋白桃烏龍叫咗走冰走甜真係無冰 又夠凍🤟🏻🤟🏻白桃味都好出 好好味唯一唔好就係奶蓋太少 同張圖差好遠🥲作為奶蓋fans既我有啲失望.但總結係好飲既 會再幫襯

有日行過發現花都原來開左間茶飲店 呢度附近都少同類型嘅茶飲店 一於試下啦 佢飲品種類好多 有奶蓋 有水果茶 有珍奶 總有一款啱飲 近排仲做緊優惠第二杯半價添啊葡萄啵啵 最頂個層沙冰 最底有d波波係度 個口感好得意呀 有層次 飲落唔會太甜有提子嘅味道 亦都唔係啲假嘅藥水味 好有驚喜 想encore呢杯芝戀芒芒 我最鍾意就係飲芝士奶蓋 先試咗佢一啖奶蓋先 鹹鹹地 再飲啖芒果 又甜又咸 除咗芒果味 仲飲到少少嘅茶味 夏日透心涼嘅感覺 有機會要再嚟試埋其他飲品先

〰️芝戀芒芒 $38 （L)細心咁設有兩種size 選擇。好濃郁嘅芒果味，飲落仲有啖啖芒果肉。真材實料😆芝士奶蓋夠滑夠Creamy🤤入口帶點微鹹，同芒果好夾！〰️熊貓蛋糕奶茶 $26奶茶味道都唔錯，茶味夠香濃。成杯都有好多Oreo餅乾同蛋糕碎，除咗杯身之外，個面都有滿滿嘅一層！〰️〰️📍 戀茶舍 (粉嶺)粉嶺百和路88號花都廣場地下A51號舖

位於粉嶺飲品小店戀茶舍💕💕～比個鋪頭名吸引左，好有少女心💖💖以前一路覺得粉嶺無乜飲品店選擇，今次試到間唔錯嘅鋪頭！鋪頭選擇好多，今次揀左以下2款飲品：葡萄啵啵 $38🍇🍇沙冰狀飲品，因為溝埋啖啖都飲到嘅波波，口感好豐富，波波都勁有咬口，好正！而且果肉充足，真係有提子肉架！😋飲品份量對得住價錢～❤️金鳳王茶 $23🍵🤩哩個真係小清新之選，清清地但茶味好香好夠，好解渴！淡淡甜味唔會死甜，所以飲落去都係好醒神！🤩有得另外選擇加奶蓋，應該都會好夾，下次要試！

今日就同朋友去行粉嶺，咁兩個人行行下呢就覺得口渴於是呢就想去買杯台式嘅手搖飲品，但係覺得奶茶就比較肥，於是我哋兩個就想去飲水果茶啦，咁就嚟咗呢間舖頭。 叫得戀茶舍咁佢哋嘅主打當然係茶嘅飲品， 不過我就畀另一種唔係茶嘅飲品吸引住，呢部就係超級牛油果啦。 因為本人本身對牛油果有情意結，而且我覺得牛油果嘅飲品一般都幾好飲，而且好難搵得到 ，所以一見到呢一個呢就決定叫。 份量本身都算多，$38蚊一杯我覺得幾抵飲， 但係因為牛油果比較肥同埋飽肚，所以如果係太飽嘅朋友就唔好叫啲杯啦。 柯打嘅時候呢就唔記得咗叫少甜，所以成杯飲品就比較甜啦。牛油果好足料，因此成杯飲品都好creamy, 口感好似奶昔。而且有好重的牛油果味！大推！

今日去咗粉嶺行山，行完之後要補習充體力，便去咗花都廣場戀茶舍買左杯阿華田波霞沙冰飲。舖頭位置好易搵，門口貼上七彩飲品海報，遠遠都望倒。呢一張相真係好吸引，顯示出佢好多飲品都會用新鮮水果製作，其實都幾有心，因為好多餐廳都寧願用糖漿代替，但係佢就選擇用新鮮水果汁來做，其實真係算係咁。呢杯阿華田波翻沙冰非常好飲，裏面阿華田味好夠，珍珠又夠同彈口，甜度適中。飲完之後完全可以補充番之前用咗嘅體力。戀茶舍重有好多其他飲品選擇。下次再試其他飲料。

經過都見到唔少人拎住杯水果沙冰，睇落都幾吸引，就決定試下～估佢最出名好飲應該係水果系列，於是試左呢2款！❤️草莓髒髒鮮奶 睇到相好靚，粉紅色既髒髒草莓，實物一樣咁吸引！一飲就有好香既士多啤利味，啖啖都飲到士多啤利果肉，酸酸甜甜，粉紅粉紅少女心得黎仲好好飲～🧡芝戀芒芒 厚重又夠rich 既芝士奶蓋，少少咸咸地，下層係一大杯新鮮芒果打成既沙冰，好fresh好芒！雖然都有唔少人客，但店員都沖得好快手，得左一陣就有得飲～好值得一飲再飲！

適逢同朋友仔入粉嶺玩，見到呢間茶飲店幾特別而且價錢相當優惠，索性去試下！芝戀莓莓🍓呢一個同喜茶嘅奶蓋芝士茶有啲類似，但係價錢就相當抵！喜茶起碼都要50幾蚊一杯嘅芝士奶蓋茶呢度$40都唔使，真係超級抵！上層芝士鹹鹹地，好creamy，下層係士多啤梨沙冰，可以咬到一粒粒嘅士多啤梨，好足料！超級牛油果🥑呢個又係好有驚喜！估唔到牛油果同奶Mix埋一齊可以有咁特別嘅口感，牛油果味好濃郁，質地細膩口感滑溜，滿滿一大杯，簡直係又抵飲又好飲！推薦大家去試下！