悠閑閣餐廳 (Closed)

一向都支持社企餐廳！悠閒閣係屯門建生重開咁耐，終於有時間去試一試！芒果乳酸好味，唔太甜，芒果味濃。芝士焗龍蝦意，芝士味十足，龍蝦有蝦糕架！好正！亞女既兒童餐，六十幾蚊，有粉有肉有甜品，仲有杯飲品，真係抵。亞女根本食唔晒，大人要幫幫口！牛扒最出色，老人家要全熟，但肉質都好滑。鴨胸長通粉，白汁夠creamy!整體都好，環境細小，位置唔多，但唔會擠迫。有室外位置，但見通常係吸煙人士坐。晚餐價錢偏貴，午餐抵食d!

家住屯門的Kawai, 一條街已經有兩間社企餐廳,今日是星期日,所有餐廳都好多人又嘈,想靜靜地睇書都好難,平時我就會去樂融融,不過星期日休息,所以我揀左對面街另一間社企餐廳試試~這次是我第一次幫襯,我都是聽朋友講這個商場也有,餐廳的位於商場的二樓,位置不太起眼,在靜靜的一角盡頭,旁邊也沒有其他食肆,感覺都幾獨特,好像是要專程來找她吧!!一入門口,就見到一個大大的黑板,寫著晚餐的餐牌,旁邊有一個凍餅櫃,陳列了不同的芝士蛋糕裝修方面,實而不華吧,光線是比較暗的!都花少少時間,講下這間社企餐廳的理念啦~提倡婦女自強不息，協助「婦女」投入餐飲業的是該店的宗旨。坐下就有店員送上餐牌,午餐取價在40-50元左右,都算是合理吧!這天剛好是下午茶時段,也設有下午茶的餐牌,亦可點午市的食物來過下午茶輕食版,價錢平一截,份量當然會比較輕盈吧!香辣豬頸肉炒意大利粉 (下午茶份量$32)豬頸肉厚切,嚼感十足,意大利粉也可要求轉成長通粉,長通炒麥味濃郁,不會過淋,調味比較辛辣,我是譚仔BB辣黨,食到最尾都覺得有點受不住!份量真的比較細,兩三啖就吃光了,我下次應該會叫返正常份量吧!下午茶餐可另加薯角(加$7),我

第一次來,只知道是社企餐廳,很想支持吓、試吓,6:30嚟到得兩抬客,我哋3個人,入面只得一個肥ee四眼侍應,佢一見到我哋就指定要我哋坐邊度,感覺真不爽,嗰時大把枱,真唔明解?態度又麻麻,黑面似的,我以為社企會很nice的。我睇吓晚餐幾抵的又多選擇,由6:30-9:00供應,有蒜茸多士跟湯,多士好脆口,餐湯有南瓜湯及磨菇湯兩種,我試了磨菇湯,味道似罐頭湯,我們3個人叫咗咖喱豬頸肉飯,味道一般但飯很少,跟著係什菌+牛肝菌炒意粉,材料十足,炒得好香又乾身,幾好味,最後黑椒牛柳C炒意粉,味道普通但不太辣。總括食物都感覺用心做,即叫既做的,味道ok價錢不太貴,3個餐平均$46/個,抵食的,唯一需改善服務態度,咁就有90分了!

不是租了園圃也不會發掘到建生邨附近的食肆，原來周邊已有2間社企餐廳，樂融融已經試過，今次就來到悠閑閣餐廳. 位於荃灣大會堂的分店2年前已試過，當時覺得相當滿意，今次又試試屯門的分店.餐廳位置有少少偏僻，位於寶怡商場1樓的外圍，我行哂成個商場才找到的，而且門面偏暗，不走近實在看不見的.進門後發覺餐廳分開2個位置的，不過近入口收銀台那邊燈光昏暗，也沒食客，相信是節省電源. 走進開放式廚房那邊，也有相當多的食客，不過仍有吉枱，店內空氣有點侷促，坐得不太舒適.我選了 A) 精選下午茶意粉 (午餐A, B, C, D, E餐選一) $32.不過下單時要小心一點說清楚，因為下午茶餐也有A- E餐，稍有不慎店員就會下錯單的了，幸好經我再三覆核，才沒有弄錯別的食物.白汁海鮮寬條麵寬條麵分量很少，再加上很少的配料 (蝦仔、魷魚、蜆仔、蟹柳&青椒) 雖然味道都不錯的，白汁不會過鹹，但實在吃不飽，如果可以加大份量，價錢再貴一點，至少讓人吃得飽就好了. 我胃口不大的，不過都只有6-7成包，我想胃口大的人，吃2碟才免強夠飽!蘑菇忌廉牛柳粒意大利粉友人的意大利粉只有放面的3粒牛柳粒及少量蘑菇，這意粉與粟米6粒飯有

今日去左一間非牟利機構既餐廳食左個好掂既下午茶。去到唔洗等位就可以直接入去坐，點餐咁梗係點最出名既招牌菜芝士漢堡餐啦。因為佢係即叫即做，等左十五分鐘先有野食，不過都係值得既。因為有份新鮮出爐熱辣辣既餐食，有咩食都可以一眼睇晒，主菜有芝士漢堡啦，唔少得既薯條，仲要係粗果隻，宜家已經係街外見少買少，呢到就有得食，最後仲有一份沙律啦。芝士漢堡有塊得厚既肉，連住半溶既芝士，未食落口聞落已經好鬼香，塊肉既肉汁多到唔係連鎖快餐店有得比。加上粗薯條亦有濃烈既薯仔味，就算唔點茄汁都一樣咁好食。最後既沙律，姐姐仲專登拎多碟沙律醬比我，比我食得唔洗咁乾。連埋一杯凍既朱古力，四十零蚊直頭係抵食。

約左朋友食飯, 去了她住的附近, 初初諗住食PIZZA的, 但原來果間係做外賣的, 跟住去OPENRICE搵到這間西餐廳, 好似幾GOOD又抵, 咁就嚟左啦, 地點唔係太易搵, 好彩朋友之前去過記得點去.  餐廳環境都幾別緻, 有心思的佈置, 原來係社企餐廳.我們三個人點左三個餐一齊食, 有些意粉/飯套餐40幾元就有, 好抵喎, 餐牌都好靚, 有圖片, 賣相都好吸引的. 我們叫左一個雜菜沙律, 一個意式蝦仁帶子意粉, 一個法式藍帶豬扒飯, 餐湯飯南瓜及磨菇忌廉湯.餐湯跟蒜蓉包, 蒜蓉包好香好脆好味道, 餐湯都好飲, 唔會好水咁, 但唔夠熱呀, 如果熱D仲正. 雜菜沙律跟麻醬的, 好味呀, 我鍾意麻醬, 雜菜都新鮮爽脆, 又切到好糼細, 好甜的.意式蝦仁帶子意粉賣相就麻麻地, 我們整理下先映相. 蝦仁都爽口的, 帶子係細細粒的, OK好味, 意粉都彈牙呀. 藍帶豬扒係炸豬扒, 入面有芝士同埋火腿, 一切開D芝士係流出嚟的, 好味呀, 好香, 個醬係千島醬另上的, 不過個飯就較乾冇咩汁咁. 飲品我們都叫特式飲品, 13元樓下不用加錢, 13元樓上只補差價, 我飲芒果乳酸, 朋友都飯巨峰富士

今日，有少少肚餓，係餐廳叫個牛肉漢堡下午茶，塊牛肉比一般厚，又有汁，同埋，側邊既沙律菜，配薯角。沙律菜包埋蕃茄，酸瓜，洋蔥，自己鍾意加幾多係漢堡都得，天衣無縫！好夠飽！下次tea, 一定會再食！

呢晚要去屯門, 睇過呢間餐廳幾高分, 又便宜. 所以就選左呢間.去到個屋園商場, 行左個圈, 終於搵到佢.其實成個 商場都幾靜, 人唔多. 剛入到去得2檯客, 坐坐下都多返D 人(~5-6檯).我地太心急, 一去到睇到佢個晚餐餐牌就叫左, 其實佢個main manual 都有好多野食, 都係有跟餐湯同餐茶.佢d 餐幾平, 大部份由$40 至到据扒~$80. 仲有小食都好抵食. e.g 蒜茸包 $10, cake $13, 湯$10.我地叫左XO醬海鮮扁意粉 同埋香蒜火腿雞絲意. 跟餐湯(連蒜茸包 )同餐茶(可選$13 特飲).餐湯可選南瓜湯或磨菇湯. 磨菇湯都足料, 飲到好多粒粒, 除左磨菇粒好似仲有薯仔粒? 好味. 蒜茸包味ok, 不過凍左, 有D 硬. 如果係熱上應該好好多.XO醬海鮮扁意粉, 夠香同野味, 海鮮雖然唔大粒但應該唔係用雪貨, 因為都有鮮味.香蒜火腿雞絲意, 好味, 如果蒜味再多d 更好, 火腿雞絲都算多.最開心係佢個甜品, 睇餐牌見到$13 一件已經覺得好抵. 出去選cake個陣見到, 如果叫左餐只須加$10 就得. 最後點左雲石芝士蛋糕 同藍莓芝士蛋糕. 佢d 芝

三號風球的一天,原定的游水環節取消了.突然想起之間網上傳得很火的一間社企.於是就飛的過來了~幾偏.行左一個圈先搵到呢間野.門口一入見到好大塊黑板,special~2位朋友叫左小食同炒意粉,好大碟呵/呢個長通粉.好有海鮮味.每一啖都好野味.!新鮮~食落好開胃.好有口感~!好大碟,食到我勁飽都食唔晒要朋友幫肚.13蚊野飲yogurt跟餐唔洗錢,好飲~!比平時普通野飲飲落更開心.最後埋單都只係1XX

餐廳的位置實在不起眼，加上位於建生附近，即使住在屯門土生土長的人都未必懂找上門。雖然位處商場角落，但一開門有種別有洞天的感覺。 餐廳内的佈置算不上很華麗，但頗有特色，讓人有舒適的感覺。餐廳内的侍應主要為青年人，而後勤的則為中年婦女，而餐廳亦以協助主婦及青年就業作一大賣點。是次點了兩份晚餐，一份沙律。雜菜沙律的味道新鮮，可以同外面唔少高級餐廳相比，而價錢就只係20蚊左k右，十分抵食。而另外兩道主菜，分別係忌廉汁寬條面，以及鮮茄海鮮意粉。寬條面味道不俗，調味不會太重手，但喜歡濃味既朋友就可能會覺得略淡。意粉相比就更出色，相當彈牙，淡淡的鮮茄味不會蓋過意粉同海鮮既味道。而價錢亦合理，最後一共$112二人份，值得再試！

已是第三次光顧這間店了是日三人吃晚飯,我們要了3個餐, 每個大約都是$40, 包南瓜/磨菇湯, 包$13以下餐飲我地都叫了$15餐飲, 埋單total $12x. 1. 魚柳煙肉意粉 意粉較少味,魚柳正常2. 茄汁司華力腸意粉意粉夠蕃茄味夠汁,幾好味3. 煙鴨胸沙津正常沙律4. 餐飲我們分別叫了熱巨蜂富士蘋果蜜,熱藍苺富士蘋果蜜,熱胚芽朱古力,我飲的是熱巨蜂富士蘋果蜜, 味道不錯,有熱飲選擇非常適合我們這些女孩子\(^0^)/總結:非常抵食, 比較需要改進的是小食的選擇。因為小食只有炸薯圈(另外兩個忘了)等熱氣食品。

某星期六午餐，反正到附近餐廳，倒不如支持一下社企，雖然不太清楚光顧它對它有否幫助。後來回家搜尋，得知原來與荃灣大會堂地下的餐廳同一機構，下次可以再到那兒試試。午餐$37，湯、蒜茸包、主菜、飲料，相當划算了吧。南瓜忌廉湯，我不喜吃南瓜，但這忌廉湯將南瓜都渣得變蓉，就是帶點南瓜味的忌廉湯，不會像家中煲湯那般，南瓜絲「藕斷絲連」，好不好受......女朋友仔的咖哩豬頸肉飯，賣相很好，至少將肉分開上，沒有那種「進入廚房一倒上碟」的感覺；咖哩較深色，不算太辣，香味普通工常；豬頸肉不太多，亦屬正常，不薄不厚；薯仔數件，軟林入味。黑椒牛柳絲炒意粉牛柳絲不太老不太鞋，剛好；青椒紅椒洋荵我不吃；黑椒何其多，多得這個炒意粉比咖哩辣得多，但又香氣四溢，平日我都不太嗜黑椒，這兒卻炒得意粉乾身，意粉又吸入了黑椒味，同時黑椒粒滿佈意粉，是吃過其中一次最美味的黑椒炒物。

只要用心製作, 不論大集團, 小店都會支持. 而社企更甚, 每每光顧社企就會有多一分耐心, 通常社企經營的餐廳不會出現"滾水淥腳"的情況, 多一份悠閒是晚點了2份套餐, 套餐包括餐湯, 沙律, 主菜及餐飲蒜蓉包凍了, 而且不脆忌廉蘑菇湯creamy, 而沙律份量剛好, 配上黑醋, 非常開胃藍帶豬扒配飯, 豬扒炸得鬆脆, 配上芝士火腿, 除了豬扒醃得稍嫌不夠, 其他也很對版, 美味加卡路里通通吞下芝士千層寬麵即叫即焗配以大量芝士, 大量芝士讓人吃得開心, 如可下多點蕃茄醬平衡一下當中的肥膩感更佳

香港地少人多，店舖租金越來越貴，現在連屋邨商場也因領匯的原故被大集團食肆所佔據。在屯門盈豐商場附近有一間社企的餐廳—悠閑閣，是循道會推行的首個餐飲為主的社會企業。餐廳已經建立好幾年了，一直在一個不顯眼的位置，可幸的是它沒有被社會淘汰。南瓜湯中午套餐有一碗餐湯、一個意粉或飯及一杯飲品。南瓜湯基本是我必點的餐湯，這個南瓜湯比一般餐廳的少了一點creamy，南瓜沒有完全打成蓉，還可以吃到南瓜肉。意式蝦仁帶子意粉意粉賣相已經相當吸引，蝦仁及帶子份量相當足夠，蕃茄很入味，沒有過濃，酸酸甜甜的非常開胃。凍胚芽朱古力湯與意粉我都很滿意，但飲品卻不能為這個午餐畫下一個完美句號，朱古力沖得過淡，不甜，而且胚芽更是少得可憐，是唯一美中不足的地方。

得知有位朋友即將搬到屯門，還要住在我家附近，實在令我開心不已！我打算介紹一些餐廳給他，其中一間較為似模似樣的 Cafe ，相信非 <Fantastic Ladies Cafe> 莫屬！ 這是一間社會企業餐廳，為協助區內婦女就業，有名叫 Ladies Cafe，不論店員抑或廚房師傅，是全女班！裝潢簡約時尚！坐得舒服！還有不少外國明星相片！ 況且，這裡還可以 Book VIP 房開Party ！ 另有偏廳。每段時段為 3 小時：由 $1,300 ~ $3,000 起！可惜，星期日不做生意！食物款式繁多！而且價錢大眾化！ 絕對符合他的要求！ 這裡不停播放著英文歌：Yesterday once more, Titanic, Blue, Time goes by, ........ 倍添氣氛！ 平日下午，以學生食客佔大多數。這天我之所以有機會幫襯，事關當日起身耳水不平衡， 請了病假去旺角看耳科醫生，然後返回屯門食下午茶。翠玉蘑菇甘筍長通粉 $28以青椒、紅椒粒、翠玉瓜、甘筍片、蘑菇一起炒，增添色彩！ 令食慾大增！青椒、紅椒粒、翠玉瓜夠爽脆；甘筍片則味道清甜！ 長通粉軟硬適中，可惜