Fari-Beurre

Open Now

Now Closed

栗子蛋糕媽媽老人家非常喜歡貴司Italian Tomato 之栗子蛋糕，每次探望她多數選擇購買栗子蛋糕給她品嘗，今日下午在東港城分店如常購買，但改咗新品粟子堅果蛋白蛋糕，心想蛋白蛋糕不會太差；相信Italian Tomato 嘅蛋糕一定保持鬆軟水準，怎料大失所望！新產品比原裝的粟子蛋糕口感差很多，皆因蛋白層不是正常蛋糕而係一層較硬實不鬆軟不似餅的蛋糕層，夾雜住原粒類似碧根果仁嘅堅果，口感絕對遺和，而且呢層蛋白+堅果完全取代已往中間嗰層栗子蓉加蛋糕，對今次新品非常失望，希望盡快還原基本品質，謝謝！

假日就是想休息，好好享受，有一天心血來潮很想吃一件蛋糕坐下午茶東港城有三四間蛋糕店，最後選擇了fair beurre，是Italian tomato的集團吧看到櫥窗啲件裝蛋糕十分精緻，有數款蛋糕進行九折優惠，最後選擇了比較傳統的忌廉栗子蛋糕$43，這款是有九折的該店的蛋糕比較大件，每件蛋糕包裝精美，栗子蓉除了面層之外，夾心有兩層，日本忌廉與栗子蓉混在一起，海綿蛋糕非常軟熟，味道是不錯，但多吃幾啖之後，整體有一點甜，大概是忌廉與栗子的關係吧最後配上一杯咖啡平衡甜味。

屋企人生日，揀左Italian tomato 既蛋糕🎂以前行過成日比佢既招牌士多啤梨吸引，試過後評價亦唔錯☺️今次就試下其他款式。1. 朱古力鮮果黑森林 15cm ($270) 3.5/5分面頭以雜莓為主，有士多啤梨、藍莓、紅莓，塗有薄薄糖漿，令到雜莓無咁酸😳呢個價錢就唔預佢好高質啦😂~但唔差既! 朱古力碎反而有驚喜，薄薄地唔太甜，朱古力味濃，點綴左成個蛋糕!👍🏻海綿蛋糕一向的鬆軟，配上朱古力cream，smooth得黎唔太甜，整體味道唔錯🥰~蛋糕中心係櫻桃醬，有少少流心效果，果醬有少少苦澀🥺。傳統黑森林蛋糕最重要既櫻桃酒，但係呢個蛋糕就唔明顯啦，甚至唔係好食得出有酒味🤨成個感覺似朱古力蛋糕多啲😜所以佢係一個好食既朱古力蛋糕，但就未稱得上係出色既黑森林啦😌

琴日心思思攞咗樓下買蛋糕同撻食一直都比佢哋嘅賣相吸引啦從來都冇試過所以就試吓佢唔同嘅嘢啦點知呢佢啲撻真係好鬼甜。蛋糕就好少少啦可能個人口味來講唔係咁適合我反而半熟工房好好多

咁靚，點可以唔買嚟試吓呢？所以色、香、味之中色字排頭位，係啱嘅😀行過呢間舖，見到淋羅滿目嘅tart，真係好吸引，有香蕉、車厘子、朱古力、季節限定……多不勝數。最後揀咗個tart面上金光閃閃嘅提子味同最隱陣嘅朱古力紅莓味。提子味嗰個真係好靚，淨係睇住都覺得開心。味道方面就提子有提子味，tart有tart味，tart皮不太甜，恰到好處，可似一試。朱古力紅莓味呢個就食唔到太多紅莓味，但朱古力味好香好濃，不太甜，中間仲有軟軟嘅質感，上面D白色cream亦好香滑，好食到停唔到口。呢間D餅分2個size,如果想飯後食少少甜品嘅話，可以買個大size 2個人share食就啱啱好

之前去日本食左個超好味芝士撻，但由於兩次食時都太心急，所以竟然無影相。。仲要唔記得間舖名。。Anyway, 好想搵返那個味道。行街經過呢間店，被玻璃櫃內既cake所吸引。所有撻都好靚，仲有一些櫻花系列甜品添，包括櫻花撻。不過最後都係揀左原味芝士撻。芝士撻係暖暖地既，應該出爐一陣子。皮都算薄，而且好脆。芝士餡咬落軟綿綿，口感有少少似日式芝士蛋糕，唔係流心那種。芝士味都算濃，幾好味，但唔係好特別。$20呢個價錢呢個質素好似貴左少少⋯

Fari-Beurre is another one of those cakes shops that opened in the new food corner.The Salted Caramel Rice Flour cake looked good so decided to try it.The saltiness wasn't strong but you could taste burnt caramel in the cake which was nice and the cake texture was light and fluffy like chiffon cake with moisture while the cream was really good.

東港城一田附近開左不少餐廳同甜品店，間間都好吸引同賣相好靚。之前聖誕節買左3款撻返去同屋企人分享食。買冬天限定嘅栗子撻，士多啤梨撻同芒果撻!!!芒果撻啲芒果唔係好甜，少少酸味，底有蛋糕，味道有啲普通。士多啤梨開心果撻，上面有士多啤梨，撻底係開心果味蛋糕，士多啤梨偏酸，有啲失望，撻底嘅蛋糕都唔錯嘅。期待已久嘅栗子撻，栗子撻比較少有同好食，原粒栗子比較硬，唔係好綿，下面嘅mousse都唔錯，有栗子香味。整體上，對呢間西式餅店有啲失望，賣相靚，但食落只能說普通。