農

Open Now

Now Closed

呢間餐廳第三次嚟👌~中秋做節唔想逼又唔想俾人趕交檯⏳️,嚟呢間最穩陣~嘢食好味,前公司要攪晚宴我都推介呢間🤗,連外國人都讚👍~前兩次嚟都無食過點心,所以一早已經睇中咗呢個荔枝造型嘅🍓~佢成粒都係蝦膠🦐,配埋外脆脆米粒粒~偏鹹咗少少🤏,但整體又脆又彈牙,好食~仲有個蒸點心,三色蝦餃好靚🥟,不過藍色會有啲染到蝦肉🎨~蝦肉彈牙,層皮都好QQ~呢個氣鍋雞係我最心心念念嘅🫖~雖然係好簡單嘅椰子雞湯🥥,但好香濃又甜~不過茶壺上比較煩,會有回漏,浪費咗啲湯🥲~呢個土炮雪茄第一次嚟都有食,好有心思,唔止有招紙仲有埋煙灰🚬~係脆卜卜嘅春卷包住蝦肉🍤,得意造型一定男女老幼都啱~佢個蜜汁做得好好🍯,甜得嚟有少少滷水汁味,有啲香料味~而叉燒肉質都幾腍,中間有個位爽爽地~其實本來想叫乳鴿,但可惜今日無,所以試下呢個沙薑懶人雞🐔~雞皮超級香脆,而啲肉就拆好晒,加埋青瓜撈咗沙薑味🥒~呢個烈焰菠蘿炒飯又係每次必點🏆,仲近乎每檯必點~上檯一定要幫佢影video🎥,睇住佢燒🔥~入面係瑤柱蛋白炒飯,炒得好乾爽🍚~食完飯可以挖埋底嘅肉,啲菠蘿肉真係好甜🍍,汁都飲埋🙈~做節都無啲乜費物費🤑,人均二百零飽到捧住個肚🤰,性價比夠晒高

一段時間冇嚟過農，啲嘢食質素仍然非常高。個菠蘿炒飯好有特色，以為得個樣，但個炒飯真係幾好食，粒粒分明水，又惹味。另外佢啲特色店都好正，粒類似荔枝樣既蝦，入邊啲肉好實，落足料。豬軟骨，又係好入味。整體都好好味，推介。

見無落雨又好耐無去, 一於去重温吓佢D嘢食先😚坐戶外,少少陽光,唔係好熱☺️侍應細心咁安排咗一張唔曬嘅枱畀我,話我知有優惠,食滿一百蚊,可以加一蚊換咗原價$68嘅乳鴿👍用QT code 落單, 點咗拍青瓜做前菜,蒸素菜餃,綠茶煎堆,加一蚊乳鴿. 食物同以前嘅質素差唔多,一邊飲玄米菜,一邊嘆美食,仲有湖景相伴🥰 點得太多嘢食添,最後要打包煎堆仔做下午茶添😅埋單$170, lunch係又D貴,叫少一樣點心就啱啱好啦

今日晚上到科學園「農」買外賣，叫咗幾樣嘢其中一樣係荷葉飯，落完單俾完錢後去附近買啲嘢再返嚟，個男店員話冇荷葉飯，叫我哋加多個炒飯（因本身已有個炒飯叫咗），同埋如果要炒飯同荷葉飯價錢相差$20，問過個店員店員話因為用八達通付款冇得退返錢，個店員話寫低下次嚟幫襯減返$20，我哋話唔係經常去，佢跟住就話不如加錢要多份小食，我哋話嗰啲小食唔啱我哋食，（我哋落單中並無任何小食在內，因為唔啱食否則都叫咗），後來擾攘一輪後要個炒飯，個店員話補返滷水豆腐了結件事。呢件事根本係店舖店員問題，冇得賣落單嗰位又唔知，到我哋返到舖時店員處理又處理得差，完全浪費時間。

今次嚟到農食特色點心，非常好味。好似荔枝釀嘅蝦滑，啲蝦勁實，好彈牙，非常足料。個炸南瓜好有南瓜味，睇得出好有心思。佢嘅荷葉飯真係好抵叫，整得又香。小朋友最鍾意呢啲特色包點，有小朋友喺度必點。冰鎮咕嚕肉、炸春卷呢啲不過不失。帶子XO醬腸粉我就覺得好一般喇。

農Farm - 蟹粉撈麵$138與期望的很大出入，沒有期望的濃郁鮮味，雖料足。麵條柔軟Q彈,完美吸附著湯汁,不辣不燙,恰到好處，清湯另上(太杰的話可沾著來吃)正常的蟹粉撈麵：曾經在jockey club 食過，香濃醇厚鮮味，湯汁濃郁香甜,慢慢倒入麵條中,蟹粉絲滑順豐厚,散發著海洋鮮甜。每一口都是滿滿的幸福感,層層疊疊的口感,令人難忘。細嚼慢咽,一絲一縷的滋味,在舌尖上綻放開來,令人陶醉。農Farm - 白飯魚蛋餅$118豐富蛋白質，口感柔軟鬆軟，不沾任何魚露也味道適中，翻食指數極高。缺點是另上魚露，而不是口味層次的胡蘿蔔絲或青椒條新鮮脆口感。另上茄醬也可。茶介$15 - 品茶🍵好解渴、不苦不澀

The restaurant was on the G/F of the Charles K. Kao Auditorium. It was convenient to have lunch there if attending conference upstair. It was suitable for group of 4 to 6 as there was no big round table. As for the food, overall was good. The most special one was squid skewers served in bamboo fish basket which quite match the theme of the restaurant.這店就在高錕會議中心的地面一層，參與會議之間有午飯時段，到這店用膳都比較方便，不用行得太遠浪費時間。這裏坐位桌面比較迫，4至6人比較適合，一顆人太多不太適合因為沒有大圓枱，除非分枱坐。食物方面，整體不過不失，最特別是一味是漁公火箭筒，上枱時是幾串燒小小的魷魚筒插在竹籮內，幾配盒餐廳的名字。

這間餐廳,  第一次吃.   見食評高又想試下.餐廳環境舒適.  味道可以,  擺盤都做得很美.   乳鴿 - 唔夠JUICY烈焰波蘿飯 - 上枱會點火,  有氣勢, 味道一般漁公火箭桶 - 偏硬, 唔太好食氣鍋雞 - 呢個最初家人以為會同雲南氣鍋雞相像, 原來是椰汁雞湯, 普通蠔仔粥 - 呢個幾好味古老溶岩 - 似冰震咕撈肉 - 第一口好味, 但唔可以吃太多, 雖脆. 但有D"溜"避風塘軟殼蟹 - 正常水準巴蜀擔擔麵 + 雲吞麵 - 正常火雲叉燒 - 正常骰仔燒腩 - 正常熊仔芝士蛋糕 - 麻麻貓山王榴槤 - 麻麻未試過, 也可以一試, 因為佢地既嘢食打咭係幾好, 做得幾靚, 味道人人口味不同, 可能別人覺好好食, 我就覺不過不失.  可以一試心態

好水遠去食鋯叉燒、檸檬鳳爪，火雲叉燒，上臺之前店員會係盤底點火，令到叉燒保持溫度，熱辣辣食真係比較好食，淋上醬汁，叫左偏瘦叉，肉質結實美味，好食，鳳爪硬左d，但係調味好食，開胃。

👫🏻屋企人聽聞科學園多咗好多餐廳👨🏻‍🍳☀️趁住假日做無飯家庭入科學園試新嘢🤪揀咗頗有名氣的🆕新派農家菜- 農🧑🏻‍🌾裝修時尚典雅, 座位偏窄另有室外座位, 可欣賞湖景📜餐牌選擇不多, 和唐XX聚感覺有點似🤔同樣有特色造型點心供應🐷🐣🫖熱茶：玄米茶茶包🔸檸檬鳳爪🍋 $48 5/10作為前菜, 酸酸甜甜都幾開胃😌但醬汁過多🫨, 味道亦偏酸鳳爪約有7-8隻, 份量中等🔸手撕雞🐔 $68 5/10原來是麻醬撈雞, 似涼拌雞絲粉皮雖說是手撕雞, 但撕得比較大塊😂同樣醬汁過多🤧, 整體份量偏少🤏🏻🔸爆汁乳鴿🐦 $38/隻 5.5/10原價$68/隻, 堂食有優惠價🈹$38/隻🛎️即叫即整, 等約10-15分鐘🕓乳鴿切半, 沒有即棄手套提供🧤, 😌環保啲但食得冇咁方便🙈肉質都嫩滑Juicy, 可惜外皮唔脆😢🔸牛油果蝦春卷🥑🍤 $48 7/10一份3條, 春卷炸得金黃香脆🤩餡料份量都好足, 蝦仁約有3-4隻👍🏻🔸肉骨茶🥣 $78 7/10🔸氣鍋雞🥣 $78 7/10類似功夫湯概念, 以茶壺盛湯🫖湯品的椰子味香濃🥥約有8小杯份量🔸求其芥蘭🥬 $78 6/10芥蘭𠝹得好靚, 好似雕花咁☺️口感爽

入座後，因為枱面面積有限，我請個女侍應拿走個裝食物渣滓的桶，她勁唔like, 粗粗魯魯咁一手大力拎走，點知桶內的水fing咗去隔離枱的女客人隻腳，好彩人家唔計較。最後到櫃面埋單，我們誤會有8折，問個櫃檯阿嬸係咪有8折，佢睜大對眼惡形惡相想鬧人咁講，“咩8折呀，外賣就有9折！！！”, 態度極之無禮，我忍唔住叫佢咁咪埋單囉，佢先收聲。今時今日既香港餐飲業搞成咁，真係啲服務員態度好有問題，我嚟食嘢啫，唔係貼錢嚟買難受呀！

此問食肆的食物質素甚差，冇味道，那個榴蓮甜品，完全没有流榴蓮味道，紅腸更難食，乳鵅並不脆皮，所有食品都太鹹，但收的價錢卻是一流，如此店鋪，永無再次光顧。怪不得香港食肆要末落。

很喜歡到科學園吃個下午茶，因為非常chill，看到這間點心店，環境非常優美，他還有露天專區，望着一個人工湖泊， 非常適合打卡。📸食物方面，都非常精緻。🥟他的蝦餃非常大一粒，蝦餃皮還是不同顏色的！還有不同動物造型包包，好吃之餘很可愛！另外我們叫了🐦燒乳鴿，皮脆肉嫩。春卷餡料新鮮，外殼非常鬆脆最後叫了一個🍃荷葉飯，荷葉味道十分之足夠，飯粒也非常入味！他們的熱茶茶底☕️，聞上去是玄米茶，非常香唔！

經常要同長輩食飯，首選一定係中菜，今次專登嚟到科學園呢間試吓，因為睇其他人分享嘅食評啲點心好有創意，一於帶埋長輩同小朋友嚟試吓❤️黑金蟹粉小籠包 $98/3粒土炮雪茄（蒜蓉蝦）$68/3條幻彩蝦餃$58/3粒 一開Menu就俾佢嘅外型吸引色彩繽紛小朋友指定話要食個皮都算幾薄入邊係鮮蝦餡，正常發揮。田園盆栽$68/3個 （紫薯餡、芝士餡、南瓜餡）呢款類似鹹水角嘅皮煙靭軟糯，三款唔同嘅內餡，屬於甜品類。雞仔奶皇包、刺蝟朱古力包、豬仔叉燒包 造型可愛。荷葉飯 好足料。燒腩仔好脆皮👍🏻 總括嚟講各樣點心都好有特色，不過當然個價錢都係比較貴🥲三個大人食咗大概$800，未食過嘅推介大家試吓，不過自己就未必會再去食。另外戶外環境好寧靜，地方好大亦都有得泊車，假日飲茶不失為一個好選擇👍🏻

今日係一次唔錯嘅用餐體驗👍🏻可以encore😆好多野都岩食，最緊要係有泊車優惠❤️食物火雲叉燒🔥呢個真係視覺享受😂幾乎枱枱都嗌呢個，佢有少少酒味，有燶邊味道，叉燒夠甜夠冧🥳鮮菠蘿炒飯🍍又係視覺享受😂不過個菠蘿真係好甜！啲炒飯粒粒分明🍜担担麵呢個真係沖擊味蕾👹係口兩邊不停流口水，有種酸辣感覺！但你又會想不停食呢個。但麵質都好彈牙😍食得麻辣嘅😀，不妨一試🐽豬豬包🐥雞雞包好得意打卡一流👍🏻都好好食！叉燒包同奶黃包🍤蝦餃不同顏色的😍好靚🍖冰鎮咕嚕肉呢個真係外面又脆又冰，咬入去又熱又爽口！