享慢煮意 (The ONE)

Open Now

Now Closed

終於約到friend嚟試下呢度嘅龍蝦汁流心牛角包啦！今次嚟食lunch ，叫咗主菜黑毛豬腩伴蘋果蓉，另外加錢要龍蝦汁流心牛角包。流心牛角包未至於好驚艷，但真係幾好味，牛角包外皮酥脆，龍蝦汁味都幾濃，食落真係幾夾。切落去睇住佢流心係幾過癮，而入面啲汁又唔會整到個牛角包腍晒，唔怪得咁出名。反而主菜黑毛豬腩就麻麻，肥膏太多，同埋份量太少，食完唔夠飽。不過味道係ok，有啲蘋果蓉可以解到豬腩肉嘅油膩。下次都係淨係嚟食牛角包就可以啦～

晚餐時間嚟到呢度冇乜人一睇個餐牌五花八門牛角包都幾種仲有前菜煮菜小食各類食物連嘢飲都別出心裁睇得出佢有好多特色嘢飲係有心機去創研menu的今次係散叫因為樣樣都想食d《流心龍蝦汁牛角包》好有特色！雖然唔係香港首創但要做到好食都唔容易牛角包係脆的流心龍蝦汁都好濃郁超級推薦《魚子醬海鮮拼盤》$2xx呢度菜不建議叫來食因為食材不太新鮮感覺像雪藏海鮮魚子醬太淡 不夠入口即溶蝦還可以青口貝類果d全部好淡好硬連餅都似放了好耐《龍蝦伊麵》呢道菜又係不怎麼樣龍蝦中又有啲類似蟹肉好奇怪 好鞋《黑松露鴨肝加雞胸》呢道菜超級有驚喜冇諗過雞胸可以咁好食啲肉超嫩超腍黑松露味在沙律醬中鴨肝煎得超級脆連配菜都好食《雪糕牛角包》甜品又係牛角包呢個真係嗌多咗餐廳職員話呢個好多人叫但一食落真係唔得雪糕就係好一般嘅雲呢拿軟雪糕但個牛角包竟然係硬的味道亦唔夾嘢有冇影出嚟但叫了咖啡

呢間餐廳啲服務態度令人不敢恭維，一開頭想問清楚收費，tea set會唔會有openrice訂枱優惠，同埋包邊啲餐飲，有個侍應同埋有個阿叔已經好西咁樣答我哋。其實係tea set餐牌寫得唔清楚，飲品啲名同drink menu都對唔返，好令人混淆係包咗邊一啲，所以想問清楚。例如tea set Menu就咁寫包果汁，要問完先知道係包蘋果汁同橙汁，而drink Menu係冇蘋果汁同橙汁的。所以我都唔明點解佢要咁西？！個阿叔跟住叫我哋自己QR code落單，見到有款松露檸檬梳打同果汁一樣收費係0，唔使加錢咁我哋咪點呢樣。落完單隔隔一陣個阿叔走過嚟，寸77咁講多一次免費淨係包橙汁蘋果汁，呢個梳打要加錢，咁你哋轉唔轉丫？！我哋當堂O晒嘴，佢哋set錯價錢就走來串我哋，要客人QR code落單就應該確保全部價錢都正確吧？！另一個男侍應就成日揸住個水壺做道具行行企企，但係又唔幫人加水要我哋三番四次問。見到佢成日對我哋眼超超，連招待其他客人都唔帶位，要個客問佢係咪要自己搵位！一度以為自己食緊茶餐廳只係得另一個職員態度比較正常，會主動幫我哋加水。訂枱嘅時候我有Remark到係慶祝生日，佢仲為我哋驚喜送上免費

放假出來睇戲，當然還有飲飲食食。其實已經食完個lunch先去戲院出到嚟條街又好熱，平時運動已經出勁多汗，所以都係留喺商場坐多一陣傾吓偈。行行吓見到呢間又有甜品又有牛角包食。雖然都係肥仔嘢，但叫做唔會太飽，同埋可以安安靜靜舒舒服服。我見好多人都叫三層嘅Tea set, 好吸引，而且好抵。但係我真係好想食雪糕。😂我哋就叫咗杯咖啡，一個Espresso 牛奶軟雪糕牛角包 同埋一個蘋果肉桂牛角包。個蘋果肉桂牛角包，啲餡真係多到好澎湃，開頭以為淨係上面會有啲蘋果醬，原來一切開內裏係好澎湃嘅蘋果醬，好似瀑布咁。不過佢係唔甜嘅真係好似攞蘋果入去打咗啲咁，肉桂就應該落咗好少，所以唔食肉桂嘅朋友可能都可以選擇呢個蘋果肉桂牛角包。牛角包雪糕雪糕仲大過個牛角包，真係超級滿足

同朋友約左3點30分，去到告知我地需要等位，等位途中有人入左去直接坐底打尖，依然去接，仲要俾位打尖個2個人？？？勁奇怪！完全亂到爆！想同佢上前理論，佢地忙到唔得閒理我地，勁亂，啲同事行黎行去，但唔知做緊啲乜，場上有其他客都燥底等左好耐無嘢食，等到4點先至有位，有位坐低我地已經係app買左套餐，可以直接點餐，問左兩位侍應都告訴我要搵點餐同事？？？等左好耐，我忍唔住行出去櫃檯點餐，點餐同事告訴我，佢需要處理以下訂單先，之後可以幫我地，等左10幾分鐘，先話幫我地點餐飲，然後又等左10幾分鐘，依然都係得兩杯水， 餐飲都無，我問職員仲要等幾耐？佢依然叫我等一等，約了3點30分， 等到4點30分，一樣嘢食都無！後尾忍唔住叫職員退錢俾我，佢即刻話ok。可以退錢，好似你走仲好，完全唔care，勁差！應該唔係我地第一個話要退錢！唔會再去！

做緊二百幾蚊二人份量三層架tea set，(牛角包另計，周末再加三十幾收)，於是一試🫢整體上層鹹點較好食，下層甜點普通，叫做有個架打卡，飲品只得standard juice & tea😑，咖啡要另外加錢，再加多四十幾有龍蝦汁牛角包，呢個味道唔錯，爆晒汁似飲龍蝦湯，值得試👍建議walk in, 唔好預購，因為較多terms and conditions，而且加一喺按原價四百幾蚊計，為免麻煩争抝，walk in好D

我買左快閃lunch set 買一送一優惠$188/2ppl.初時唔大期望，諗住坐得舒服食個lunch就算. 個set lunch 質素都幾超出我期望，同埋唔會好多items要加錢先有，我基本上starter, main, dessert 都無加，只係杯drinks要加$20.Starter，我試左龍蝦湯牛角包，龍蝦湯係包入面，所以食得有啲狼狽，但好食嘅！Main, 原本想叫黑豚+三文魚，waiter好心提醒我地個豚肉會比較肥，似五花腩，所以改左叫冬陰功Risotto+三文魚. 冬陰功Risotto, 好香，都幾辣，幾開胃，我個人好鐘意！三文魚，煎得啱啱好，裏面有少少生，我個人比較怕太熟，所以啱我口味！兩個main都有幾多Vegi side dishes, 好滿意.dessert 就cream brûlée, 好味！今次嘅快閃優惠，好令我驚喜.服務態度+食物質素都高，會繼續支持本地飲食業！

同朋友星期六晚去食3 course set, 在開飯訂台加左生日標籤。3碟set約$250位，頭盤點龍蝦湯牛角包，牛角包夠蘇脆吾濕軟。蟹肉泡芙少淋。主菜點蝦汁伊麵和加錢點威靈頓牛(+$38)，伊麵正常好食，威靈頓牛以為中間層是磨菇碎，點知食落口才知都是牛肉碎，雖然牛肉量變多，但我覺得用磨菇碎口感會多變化一點。甜品點左焦糖蛋和開心果醬爆牛角包。焦糖蛋上碟時寫了祝福字覺得開心，價錢親民，愉快的一餐。

見open rice有買一送一優惠，便來試試，餐廳環境寬敞，客人不多，友人點了牛柳，我點了三文魚，頭盤是牛角包，超級脆，裏面滿滿醬汁，很出色，我的三文魚亦很鮮甜，最後附上焦糖燉蛋，十分滿足，雖然買了$188預付，但連加一及飲品費再加牛角包另加費最後亦要加多$188,這餐lunch大約$370,食物質素都值，當無用過coupon吧，如果吾係就有點貴～

星期六約咗幾個閨蜜一齊出去尖沙咀食個late lunch加嘆下午茶，所以想揾一間方便聚腳嘅餐廳，結果找了一間位於尖沙咀The One 6樓的西餐廳 ～ Fast Gourmet，餐廳間隔很開揚，而且旁邊又有落地玻璃透光，感覺都好舒服!我們一行4人見到這裡有weekend menu，內有 3-courses or 2-courses 可選擇，而且種類好多，非常吸引!前菜：首先就點了「法式龍蝦湯流心牛角包」做前菜， 牛角包外皮鬆脆，龍蝦湯注滿牛角包內，感覺外脆內軟， 很特別又juicy，不錯!主菜： 跟著就點咗4個不同主菜share食，首先有：-「西班牙黑毛豬腩意大利飯」： 黑毛豬腩味道非常好，腍而不肥，個西班牙意大利飯煮得恰到好處，又不太濕，軟硬度適中，再配埋黑毛豬腩一齊食，yummy yummy! 「 白酒忌廉汁配煎鱸魚」： 鱸魚很新鮮 ，再配埋白酒忌廉汁，啖啖肉，好鮮味!「 鳳尾蝦欖油辣椒蒜片意粉」： 這碟意粉份量十足， 單看鳳尾蝦又多又大隻， 再加埋欖油蒜片，非常惹味! 不過小妹覺得味道略為辣，喜歡食辣的朋友這個必定是首選!「慢煮雞胸牛油果流心蛋沙律配多士」: 味道相對比較清淡，

話說同朋友一齊來尖沙咀食下午茶，來到The One，一開lift就聞到依間餐廳好大浸香味，於是就決定入去一試三層tea set由於我哋三人，所以就另外加多一位。三層T set上到嚟都非常之靚，而且食物質素都好高，份量都好夠本身都好滿意，但係最生氣嘅係啲服務真係非常之差❗️❗️話說我有朋友要食藥，想問服務員要杯熱水，當時問咗幾次服務員都話第一陣，啲熱水要煲所以要等，我哋都覺得奇怪，因為有熱飲叫，所以冇理由要等，不過既然佢咁講，唯有等多陣。之後我哋等咗三四個字仍未有杯熱水，我哋不停叫服務員想要一杯熱水，但服務員仍然不停叫我哋等。再過多三個字，我哋食物食完，亦不停叫服務員，當時餐廳有三位服務員，佢哋亦見到我哋亦扮睇唔到，最後亦是叫我哋等，整緊出嚟。最後服務員真是遞上一杯熱水給我哋枱，但當時態度非常之差，黑口黑面就咁擺杯水喺我哋枱度😡😡😡我真係好唔明白，我哋又唔係冇消費，又唔係要咩好難嘅要求，只係要一杯熱水，但冇理由要接受咁嘅服務態度！所以餐廳食物係值得推介，但服務員真是一定要經過再次受訓先可以，要求並不多，亦唔係要當我哋皇帝識咁服侍，但基本的禮貌都沒有，對人基本尊重都冇❗️❗️❗️❗️

今年媽媽生日話想食龍蝦湯，所以我地book左Fast Gourmet同佢慶祝，可惜西環分店已經結業，中環店又裝修，剩返尖沙咀店available. 晚飯時間都幾full, 侍應為我地介紹有輕便同豐富dinner set. 輕便set係$198有前菜，主菜各一，加$28仲有甜品，非常抵食。前菜我地當然要叫龍蝦湯牛角包，香脆牛角包切開裡面係熱辣辣香噴噴嘅龍蝦湯😍 真係好出色。主菜我地揀左龍蝦汁燴海鮮，加酥皮蓋，上菜時會附上一個小搥仔，俾我地自己打開個酥皮，酥皮沾滿濃郁龍蝦汁，真係停唔到口。海鮮就有蝦，青口，魷魚等，都幾豐富。龍蝦汁蟹肉天使麵，香濃龍蝦汁配上一絲絲蟹肉，都幾好食。仲有威靈頓牛柳，肉質鮮嫩，不錯。甜品我地試左牛奶雪糕配牛角包，造型幾適合打卡，雪糕加上牛角包，一點都不膩。美中不足係餐廳食物味道不錯，不過侍應們可能真係要上心返少少，話說我地其中一個前菜喺所有主菜到齊都未見，我問一位店員，佢話會跟進但20分鐘後都係未有，於是又要問另一位店員先有。加上我地今晚係幫媽媽慶祝生日，事前已經打過電話詢問甜品可否寫happy birthday，店員回覆話冇問題，到order甜品時我有再詢問，店

上個月朋友搵到這間三個人歡聚，7:00pm已經九成滿, 咁啱張枱對正歌手位，邊聽live邊食飯真係幾有氣氛，歌手遠睇有啲似豹哥🤭，可能見我哋反應幾好，有過嚟傾偈，我哋仲點咗幾首哥哥、軒公嘅歌，冇得彈！至於食物方面，其實幾年前去過中環店，對龍蝦湯牛角包自然唔陌生，現在喺The One地點方便好多，食物保持水準，價錢好似親民咗，份量好似都調整咗少少。正價點杯飲品，menu多數菜單有7折，性價比高👍昨晚突然要約朋友尖沙咀辦事，好自然諗起再去捧翻版豹歌場，不過今次得返入邊枱，只可遠距離聽歌我哋自己傾偈，今次兩個人，朋友點套餐，叫鴨肝雞胸（超嫩滑），我單點豬腩意大利飯share（上次3個人share唔夠喉）咁就飽好多😁服務唔錯的，甜點會自動留到最後上，所以如果想即刻食甜嘅牛角包先，就要事先同佢講明。

⚠️貼錢買難受⚠️第一次寫劣評就俾咗呢間餐廳估唔到放假想去食個tea比自己relax下Chill吓 ，會遇到一間咁差嘅餐廳，服務質素差，特別係男侍應嘅服務態度好差，安排唔好，落單又唔覆單，落單後遲遲都未見到個Tea set ，仲要俾我見到之後入嚟嘅新一枱客都有tea set我哋都未有，追單個男侍應都係敷衍了事，仲要黑口黑面，更膽死俾我聽到佢行開咗講隔離枱嘅壞話話人哋黐線，咁嘅餐廳真係人生第一次見。

約左朋友聚舊，揾到lee間餐廳。食物ok，但落單體驗令我哋冇加單。我地本身已諗好食物同飲品，同侍應1講完食物，佢就自己走左，我哋幾個人o曬咀就叫侍應2落飲品。估唔到侍應2更加世界級。叫iced orange coffee，讀左4次佢先聽到，好懷疑佢知唔知自己menu有lee樣嘢。。。然後問佢有冇得走甜，因為唔知會唔會有落糖漿，佢串我哋橙汁點走甜🤦🏻‍♀️🤦🏻‍♀️就算個客真係唔識，都唔係咁串人掛。。。之後我地叫左杯matcha latte，想叫iced，佢竟然話做唔到。。。但好多餐廳甚至日本都做到，點會做唔到。。。侍應2就即刻改口風話唔係做唔到，係冇咁好飲。。。咁嘅對答真係難怪冇人想留港消費。。。