享慢煮意 (The ONE)

Open Now

Now Closed

今日嚟到The One睇戲，所以喺隔離食埋晚飯見到呢間餐廳嘅裝修好靚，所以就入咗嚟試吓新嘢餐廳職員嘅服務好好會為我介紹餐牌上嘅菜式我係一個牛角包fans，所以我點咗幾個牛角包然後我再加咗一個豬腩肉意大利飯估唔到有驚喜，豬腩肉好好食而且意大利飯好入味牛角包我叫咗三款一款係肉桂蘋果另一個係焦糖咖啡最重點係牛角包配軟雪糕，真係超級好食呢個配搭想食好耐啦，估唔到可以喺呢度食到呢間餐廳真係推介，而且佢仲有好幾間分店㗎

週末當然要好好chill一下, 飲飲食食就是最好的放鬆方式👉龍蝦湯流心牛角包🥐牛角包好鬆脆，一切開龍蝦湯流出來，香味濃但偏咸少少，整體來講配搭唔錯👉欖油大蝦🍤扁意粉蝦🍤醃得略鹹，意粉彈牙，雖然沒有很多的醬汁，但味道都好清香食落唔會覺得太heavy👉焦糖燉蛋口感濃郁香甜，頂部光滑略硬的焦糖和底部柔軟順滑的牛奶燉蛋完美融合，好味😋

記得有朋友曾經在中環請我食過一款好有特色嘅流心牛角包，一直記得到而家，撞啱今日來尖沙咀睇戲，經過The One 六樓時發現剛剛新開分店，正係下午茶時間，當然急不及待要試下啦。餐廳裝潢高雅有格調，有半開放式的空間，感覺更舒適。不過今次唔堂食啦，Openrice有外賣67折優惠，而且可以帶去戲院食，咁就即刻落單啦。我食嘅係龍蝦湯流心牛角包-外表平平無奇的牛角包一切開裡面的龍蝦湯就全部流了出來吃到後面變得有點像是龍蝦酥皮湯我朋友就試招牌特濃牛奶軟雪糕牛角包，甜品既牛角包比起鹹味牛角包脆身，而且表面有砂糖食落似蝴蝶酥，牛奶雪糕也非常濃郁香醇，很正喔！

一行9人大大細細，知道網上無得訂位，咁打電話去訂檯啦，當時女職員話無得訂檯要我當日walk-in等，咁好啦！當日去到餐廳11:56係有位，但要我1:00交檯！無野話倒落肚咩！？當時職員回應，因為你哋無訂檯，仲要態度囂張，無人講過無得訂檯，亦無女職員接電話！！居然咁講得出，咁唔優做！！

😭😭😭我每星期落嚟2次香港做嘢, 通常都會食返一餐飯先返上深圳, 一般都係經小紅書openrice之類選擇我想食嘅餐種! 今日嚟尖沙咀做嘢諗住食返餐正宗啲嘅西餐啦, 心諗點衰都正宗過深圳吧! 我wasai究竟食咗乜呀, 今餐仲衰過紅茶茶餐廳! 如果呢度可以講粗話, 可能半編文都看不入眼!湯喎, 湯唔係要熱咩? 將個牛角包弄到又爛又凍, 你食過將奶茶和蛋撻一齊打爛佢末? 一樣!再嚟酥皮什麼海鮮呀, 跟本就夾硬將D急凍海鮮放入去, 上面加塊皮, 裏面好腥無味, 下面熱住就當上菜? 做餐廳唔好咁啦！門口老女waitress黑口黑面, menu唔熟又唔覆單, 加上服務態度差又不實收費! 超多不同特惠時段, 佢就係要你亂, 再3問清楚, 但都故意扮作不知! 咪當我真係同胞先得㗎!不老實, 冇誠信! 冇下次!👎👎👎

前排朋友請食生日飯😆然後佢帶我去咗The ONE嘅享慢煮意，我地試咗佢哋嘅三層優閒法式下午茶餐🤤再加埋呢排有優惠做緊，覺得好抵食🤩佢哋嘅menu包左好多款精緻嘅鹹點同甜點，仲有兩杯清新嘅蘋果汁同橙汁！鹹點方面，試咗佢哋嘅北海道珍寶帶子，配上俄羅斯魚子醬，好鮮甜嘅帶子同魚子醬一齊食，味道好豐富👍🏻 法國鴨肝醬同酥脆嘅烤麵包一齊食，味道好濃郁👍🏻仲有風乾火腿蕃茄烤麵包同西班牙黑毛豬腩，係平時少機會食，但可以係到食到嘅野😍甜點方面，真空慢煮焦糖燉蛋好綿密，焦糖同蛋香一齊，唔算好甜，岩岩好，係我鐘意食嘅口味！仲有白松露芝士蛋糕，芝士鬆軟加上微妙嘅松露味，成件事即刻高級左😂 再加埋法式馬卡龍同經典歌劇院蛋糕，啲顏色好靚，打卡一流！不過有啲啲甜，我食唔到好多，所以大部分係朋友食🤣$98 食到一個high tea，連埋兩杯野飲 (我地揀左蘋果汁同橙汁) 真係好抵🤩同埋我地坐到窗口位，個景都不錯，真係賺左😆

唔係低消一杯野飲，係一定要每人嗌杯野飲先可以享有餐牌單點8折，有啲搵笨酥皮青口煲一入座就話賣晒，咁就轉嗌魚子醬+迷你海鮮拼盤，但都話無，感覺上好似岩食嘅都話無。食物份量偏少，尤其個意粉，咁樣收$168？個明太子小龍蝦沙律配多士個賣相好差但味道okay嘅。侍應得2個serve十幾張枱，佢哋好趕好快要分秒必爭咁，睇見都辛苦。其中一杯飲品到第3個菜都上埋，我哋催咗2次先上到。總括而言性價比不高，唔會再幫襯。

今日黎The one Fast Gourmet 食牛角包🥐今餐超抵食經openrice訂座可以以$248 2位享用平日午餐餐廳裝修以藍白色為主調，加上窗邊梳化位有落地玻璃，增加空間感，天然自然光線打卡加哂分😍今餐主角牛角包🥐人氣龍蝦湯流心牛角包🦞真係足足用左成碗湯，超多餡切開龍蝦味係衝入個鼻度架+$38日本蟹膏流心牛角包🦀切開果下都幾震撼好似瀑布咁，除左勁多蟹膏之外，仲食到蟹肉黑松露流心蛋意粉黑松露醬超級香，切開流心蛋同意粉撈埋意粉係完全索哂啲汁，勁正🤤+$58 仲可以食威靈頓牛扒牛扒都幾嫩滑，切開見到仲係7-8成熟唔錯👍🏻 如果酥皮脆身返少少就仲正仲有橙汁同蘋果汁，熱茶🧃🍵整體來講成個午餐體驗，CP值好高！本身套餐$248 +1，但比佢威靈頓牛同蟹膏牛角包吸引左 都加左少少錢🤭 不過最值得一讚 我哋拍影又影相都需要時間 但牛角包食果陣仲暖暖地同仲好酥脆😍呢款午餐除左可以揀咸既牛角包外，都可以唔要頭盤 改為要甜品 雪糕牛角包/甜味牛角包！除咗午餐 仲有全日餐$258/下午茶餐$98 三層架款😍見隔離枱食都心心眼左一下！ 詳細可以參考OpenRice

餐廳外觀優美，見到餐牌既食物賣相都好靚，一睇就知係打卡餐廳🤣🤣我同朋友都熱愛食啲賣相好靚既食物，所以都毫不猶豫咁入左去！時間只係晚上7點鐘，座位應該都空左接近一半🤔我地總共叫左兩個牛角包＋一碟意粉＋焦糖燉蛋＋兩杯飲品。首先先上菜既係法式龍蝦湯流心牛角包！一切開就係滿滿既龍蝦湯，味道超濃郁，鬆軟既牛角包再沾上龍蝦汁，完全索晒啲汁咁超入味👍🏻黑松露流心蛋意粉，一上菜已經聞到淡淡既黑松露香氣👍🏻再搞拌埋個流心蛋，令成個意粉口感更加豐富，蛋香味配埋黑松露，簡直係完美！意粉都好有咬口又彈牙👍🏻之後就係彩虹馬卡龍軟雪糕牛角包同真空慢煮法式焦糖燉蛋馬卡龍味道偏甜，唔計呢個整體都唔錯。而焦糖燉蛋結合左焦糖既香脆同蛋奶既濃郁，味道豐富迷人，好食！餐廳環境優雅亦都坐得好舒適，好適合同好姊妹食飯吹水飲野👍🏻

牛角包真係冇人能夠抗拒!呢度嘅晚餐好抵食，頭盤可以選擇他們最出名的流心牛角包，有很多款口味，包括日本蟹膏、法國鴨肝、以及最出名的龍蝦湯等等。還有多款沙律可以選擇，牛油果溫泉蛋沙律超新鮮又開胃。主菜選擇了威靈頓牛柳，牛肉好容易就切得開，配上加入蒜頭調味的蘑菇醬，和超級香口酥脆的酥皮，就是一道非常可口的美食～另外還十分喜愛這裏的甜品，招牌牛角包加上超香濃的牛奶雪糕，簡直絕配！牛角包超級脆口，中和了雪糕的甜味。焦糖蘋果牛角包亦好出色。

細細個就已經好鍾意食酥皮♥️呢間做流心牛角包起家嘅西餐廳酥皮菜式真係做得好出色😛超鍾意佢哋嘅爆醬日本蟹羔流心牛角包🥐切開脆脆嘅外皮就見到蟹膏湧流而出，超邪惡又勁好食呀🫡而且表面仲鋪滿好多蟹籽添！最重要嘅係，晚市嘅套餐已經有包埋流心牛角包做前菜，價錢都十分抵食！仲有即調即整超香嘅威靈頓牛柳，切開肉味撲鼻而來。酥皮白汁青口大大兜多人分享食嘅話就好開心～各樣菜式都好唔錯🫶而且餐廳好大座位闊落好好坐！

今日有同事在openrice買了這間餐廳的248蚊二人午餐， 初時未睇清以為有前菜+主菜+甜品。 後尾去到餐廳才發現原來是有兩款選擇，A) 前菜+主菜+ 飲品 或者 B) 主菜+甜品+飲品。主菜七選二，另外其中有兩款要加錢。前菜四選二， 同樣其中有兩款要加錢。甜品四選二， 其中有一款要加錢。飲品包指定茶及果汁，咖啡需另外加錢。 凍飲加五蚊。另有加一收費。我們點了有甜品那款，再加1人lunch set(包飲品)。主菜： 和牛面頰意大利飯 ~ 味道好清淡， 和牛面頰煮得好嫰 英式威靈頓牛柳 (+$58) ~ 味道一般般，好重蒜蓉味，雖然牛柳好冧但略咸， 酥皮焗得不夠香略遜色甜品： 特濃牛奶軟雪糕牛角包 ~ 賣相吸引牛奶軟雪糕好香滑 牛角包鬆脆。 兩者配合得天衣無縫 法式焦糖燉蛋 ~ 焦糖整得好香脆，燉蛋口感軟滑， 好好味 黑松露流心蛋意粉($78) ~ 有香濃黑松露味，意粉軟硬適中，好食雖然有一道菜本人覺得一般 ，但甜品加了不少分

Fast Gourmet最近係The One開咗新店啦佢係主打流心牛角包嘅慢煮法國菜餐廳佢嘅窗邊位仲有塊超大玻璃可以睇景同打卡🔸法式龍蝦湯流心牛角包 $58佢個牛角包非常鬆脆，一切開滿滿嘅龍蝦湯就流晒出嚟，直頭爆餡流心。龍蝦湯味道好濃郁同牛角包好夾🤤🔸鮮茄和牛面頰酥皮火山煲 $208原個酥皮係面，可以用槌仔扑開浸埋落佢啲蕃茄湯一齊食。酥皮吸晒啲湯，食到停唔到口🤤另外佢嘅牛面頰煮到夠𣺉又入味，唔驚食到個嘴好攰😂🔸招牌龍蝦汁蟹肉伊麵 $188蟹肉伊麵配上嘅龍蝦汁味道同牛角包一樣咁濃郁。蟹肉同蟹籽嘅份量都唔少，食落啖啖肉充滿鮮味。但係就略嫌佢有少少蟹殼碎，不過整體蟹嘅份量已經值回票價🙈🔸荔枝玫瑰鮮奶抹茶 $39頂層有芝士奶蓋加少少玫瑰花碎，味道濃而不膩。佢嘅抹茶將玫瑰同茘枝味攪勻，飲落味道清新唔會俾奶蓋cover咗👍🏻#FEVI_cafe#FEVI_尖沙咀📍Fast Gourmet尖沙咀彌敦道100號The One 6樓L608號舖

哈哈估唔到星期三食完Hightea星期五又試士埋dinner。頭盤係招牌牛角包，上次試左龍蝦湯所以今次揀咗鵝肝同蟹膏都要加錢，點知佢畀錯咗龍蝦湯同膏蟹我哋切開先發現所以換番，三種都好出色唔怪之得牛角包係佢哋嘅招牌菜。主菜可以楝威靈頓牛扒不過我哋揀咗酥皮龍蝦湯焗海鮮同燒腩肉拼豬頸肉。其實呢間法式餐廳D嘢食同份量都ok，個酥皮點龍蝦湯食不錯，入面得一隻蝦仔同七隻加拿大青口仔同一堆有殼蜆肉。另外有兩件豬腩肉同兩條豬頸肉加一條好咸的煙肉。不過我不喜歡不包嘢飲有D失望因為我喜歡食飯有嘢嘢飲，所以我想叫番hightea杯蜜桃紅茶，佢竟然話晚上沒有，咁只好求其揀咗杯薑蜜檸水$48，不過有D甜。最後係上甜品不得不提除咗牛角包出色之外佢哋嘅甜品也不錯，上次食焦糖布甸啲焦糖有啲硬不過人面都好味所以今次都要返，布甸入面會加咗藍莓醬同伴碟係藍莓同士多啤梨實在太酸🥴不過牛乳雪糕牛角包一樣出色直得一讚。

經過見到有High Tea去Open rice book嘅時候見到有優惠所以問店員，原來訂購之後就有個QR code第二日就可以到店享用。要Whatsapp 預約留名日期時間同QR code。當天本來約左朋友2:30，不過有D小意外所以3:00先到但俾店員掃完QR code好快就送上三層高的食品第一層係黑松露帶子第二層係咸點第三層係甜品。同埋加左個龍蝦湯牛角包$28係招牌菜不過真心好味🥰仲有不得不提嘅蜜桃紅茶只係加38蚊就可以自斟茶自飲。