Fast Taste (金碧閣) (Closed)

好多平民西餐廳唔會有素食menu,通常都淨係可以食黑松露意大利飯😞之前上網見到有人介紹呢間小店，除咗價錢親民味道又好，佢仲有素食menu 😱😱即刻bookmark低。上個禮拜終於去咗食，試咗素食carbonara,好味但份量有啲少🙈

今日我同我好耐冇一齊食飯嘅朋友敘舊 揀咗呢間長沙灣嘅西式餐廳 見到嗰度有好多嘢揀 有漢堡包意粉沙律等等⋯ 店舖入面唔算好大 但係坐落去感覺好舒適 環境播住啲音樂好放鬆 仲有店舖入面嘅裝修同埋文宣都好靚 嗰度有好多嘢食揀樣樣都好吸引 最後我點左一個餐 點左餐冇耐就食得 幾快手今次我食咗個極上和牛漢堡拼薯條($85)嘢食嚟到之後見到非常之吸引 啲芝士流晒出嚟好吸引 成個漢堡包份量好大 大食嘅我望落去都覺得食唔完 首先我食咗個薯條先 食落去感覺同平時嗰啲唔同 好熱口啱啱炸出嚟咁 食完薯條之後就到重頭戲極上和牛漢堡 第一啖咬落去已經食到好厚嘅肉 好Juicy 啲芝士醬好足料 食落去感覺個漢堡包有微微烘過 咬落去個口感好軟熟 啲肉汁咬落去仲正 好好食 值得回味 食完之後好飽🤗🤗

1. 極上和牛漢堡🐮+洋蔥圈($85+$10)// 竟然有咁平嘅和牛漢堡！太過份啦🤤和牛好厚🤏🏼同埋煎得幾稔🧚🏼‍♀️ 炒蛋好香滑同埋好cheesy🧀加埋蜜糖芥末醬同埋黑松露炒蛋成件事好惹味😻✨//// +$10仲配埋小食同埋跟餐飲品🥤小編就揀咗洋蔥圈🧅洋蔥圈炸到脆卜卜😚而且份量唔少🤰🏼//Food：🌕🌕🌕🌕🌕🌑2. 菠蘿炸雞堡🐓+芝士條($55+$10)// 雞堡係用咗炸雞上脾🍗同炸菠蘿🍍整成，配上辣蛋黃醬真係好食😋而且雞好嫩滑🍖超抵食🤤咁嘅價錢跟餐仲有芝士條食真係大🈵足！芝士條拉絲懷疑可以拉到一米🧐唔信就過嚟試吓啦💛//Food: 🌕🌕🌕🌕🌖🌑

呢間黃店小店，有美味嘅漢堡包和自製意粉食。原本業主話0加租，點知上個月被業主個女話加3成租，之後又話要收返間舖，簡直係要趕盡殺絕，咁我一定要嚟食一餐，支持一下💪🏻 店內有紅色石磚牆，木枱，色彩嘅座椅和有趣圖畫。週末去有週末精選午餐餐牌，有5款選擇，包一杯嘢飲，HK$60-$138，都幾抵食。極上和牛漢堡配薯條 (HK$90)食材豐富，有軟滑多汁嘅和牛扒、半溶厚車打芝士、香濃黑松露炒蛋、青脆新鮮生菜、蕃茄和蜜糖芥末醬。厚切薯條炸得香脆，多肉，美味😋熱柑桔檸檬 (HK$0，跟餐送)細杯一點，鮮果味濃但不太甜，不錯。

朋友介紹下泥長沙灣試下呢間西餐😋法式香草烤羊架配薯菜等左二十分鐘先上菜，出到泥熱辣辣，烤羊架羶味幾重，肉質鮮嫩。薯條脆炸既外層夠哂薄，厚切既薯條更有口感。素牛扒漢堡配薯條素漢堡咬落去當然唔似普通牛扒漢堡咁有肉汁滲出泥，除左呢樣其實同普通漢堡既口感幾似，食落仲無咁油膩。麵包煎得好香，咬落幾鬆軟，配埋番茄生菜等配料，食落夠哂fresh 😋凍柑桔檸檬夠哂大杯，不過甜左啲。幾欣賞呢間餐廳有素食餐牌，都有唔少選擇。餐廳人流都幾多，仲有好多人叫外賣。食物質素都唔錯，再經過過長沙灣的話會再食😋。

趕得切係佢結業之前再幫襯下又少一間用心製作既良心小店今次得自己一個食 就決定買外賣返屋企食本身好想試佢個burger 但最後都係揀左豬肋骨果然佢冇令我失望 佢地啲肉啲醬汁真係好好味😋今次只係叫左一個秘製士多啤梨醬燒豬肋骨配薯菜同埋加左9蚊要個餐湯個餐仲跟左個麻醬沙律🥗麻醬絕對唔會得好少 所有沙律菜都有麻醬👍🏻餐湯我唔係好飲得出係咩湯 酸酸地好開胃 我估有蕃茄同紅蘿蔔🥕唔係食神真係唔知入面有咩材料 好飲就得喇🙈主菜真係冇令我失望過 用地膠餐刀輕輕力就可以一條條咁切開晒 證明啲肉好淋 食落口一啲都唔鞋口 仲會骨肉分離添呀 食到每條骨都好乾淨😂豬肋骨同佢地秘製既士多啤梨醬真係好夾酸酸甜甜又有士多啤梨既清新唔會膩然後仲有佢地炸到小小脆口既薯條係底佢地會配一包亨氏茄汁比你點薯條但豬肋骨既醬汁流左落薯條到唔洗點茄汁都好好食😎之前仲食過佢地既豬手 又係好好食 啲肉好淋 唔會咬到口攰😂份量仲好足添呀😌餐廳既人全部都好有禮貌 好親切令人有一個好愉快既用餐之旅/買外賣之旅🙆🏻‍♀️希望佢地好快會搵到一個好啲既地方再開餐廳🥺用心製作既好食物係應該值得比更多人發掘得到

Fast taste素情長跑就到終點🏃🏻‍♂最後召集💛💛💛———————————————————————同路人最後召集📣📣📣📣陪伴大家多謝既fast taste就算要講byebye了默默工作又一路為同路人打氣支持到最後一刻大家真係要再支持下😭去到10月中～ 亦都未知老闆之後會點🥺.素雞扒菠蘿漢堡配薯條🍔🍟大食者必叫！！真係大大個包🍔！非常親和既價錢就食到，而且素扒唔會煎到乾晒韌晒，食落真係感到欣慰🥰🥰🥰🥰.素蝦南瓜蓉意大利飯 🍤🍛怕肥人士可以排隊了👯‍♀️南瓜risotto好香南瓜味 又唔鹹，仲無薯條漢堡咁多油鹽！抵叫🕺🕺🕺重點📢素蝦！腐皮蝦包裹蔬菜🥬🥕唔洗講 要衝了.建議加配 濃茄湯同埋芝士條 好有果種美式懷舊feel🥰膩膩地 拉下絲咁🧀🧀我地叫左8條！！.價錢絕對係良心價～但今個post我地冇認真記價錢～純粹出於支持💛同埋希望大家都去支持🥺.🍔 Fast Taste (長沙灣)長沙灣元州街482-492號金碧閣地下4號舖.味: 7/10飽: 8.5/10抵: 8/10.我🧚小脂女將會繼續同大家跑素 搵盡全港甚至世界各地既美味素比大家.#vegetarian #vegan #keepf

長沙灣食野不嬲CP值好高💰呢個大大份既Burger 都唔例外😋 除左快餐 好難以咁既價錢食咁多🤣🤣⭐️ 公司漢堡 🍔⭐️ 炸芝士條 🧀一上碟 見到好似成座山咁⛰️ 雙手攞唔曬😅雖然好豐富 但係醬汁同味道比較港式 麵包唔香 無乜特點🥯 和牛漢堡扒 厚得黎有肉味 🥩 比起一般漢堡Juicy 少少 上面仲有黑松露炒蛋🥚好惹味同豐富😋 可惜煙肉太過油 唔夠香脆🥓 而幾種食材加埋芝士🧀 D油會滲到底 越食越膩 同埋成手都係油😱 而小食芝士條好似放左好耐 😕 咬落去好乾好硬 無曬流心既效果😣正體黎講 港式漢堡大件夾抵食黎講好合格👌🏻 味道方面就有改善空間啦🤣

1️⃣ [ 經典牛魔堡🍔 拼 蕃薯條 🍟] ʜᴋᴅ75落單等左大概5分鐘就上菜漢堡好大份，見住d芝士流出嚟好吸引🤩一啖咬落就已經食到厚厚嘅肉扒肉質厚實程度啱啱好，而且好Juicy🌊包有微微烘過，鬆軟得嚟索左肉汁仲正配埋蜜糖芥末醬，好惹味好好食😋蕃薯條新鮮炸起，每條都熱辣辣☄️食到蕃薯個陣甜甜地嘅味而且又好香脆，成餐都好滿足🥳———————————————🥑整體嚟講🥚以街坊餐廳而言漢堡非常高質週末下午去都仲有唔少人等位眼見大家都係叫漢堡就知佢有幾出色店內仲有其他西餐同素食提供大家途經可以一試👍🏻🤫題外話：知道間餐廳係因為見到有報道話老闆比業主個女反口加租，態度仲好差。我哋小市民無野幫到手唯有多多幫襯💛好味指數：8.5/10🏃‍♀️回頭指數：8.5/10

剛好在附近開完戲就簡單找點東西填肚，這條街有不少黃店。店內位置大概十多個，是小店。簡單裝修。晚餐餐牌也設定得不錯，不難選到想吃的東西。雞翼+$10青檸水因為沒有冰，而梳打也沒有太多汽，所以飲到扁晒嘴拿破崙肉醬意大利麵 $68調味不夠濃，分量也不夠，醬汁也煮得稀身，不會留下太深印象法式香草烤羊架配薯菜 $158羊架實在烤過熟，用力切也得難切，而且羊架脂肪太多，一隻羊架有近一半也都脂肪，而羊架本身的肉味也很少，加上過熟更加沒有。

話說見到呢間舖頭告急，上FB見到業主係咁嘅時勢吓加租三成，就一定要黎幫襯吓啦熟呢頭都知，呢個舖位其實都幾差吓，人流少，係靠過少少嘅茘枝角工業區個班打工仔同附近嘅學校撐住行到過去舖都未開（差少少先夠十二點），係隔離兜個圈先返轉頭過咗鐘，係門口睇吓餐牌食咩，睇咗分零鐘，呢個時候得小貓兩、三隻行過可想而知呢頭啲生意真係好惡做諗咗一陣決定食經典牛魔堡，原價＄57，加$10有配菜同飲品，我要咗薯條搭凍柑桔檸檬武肺關係外賣自取有九折，賣單＄61等咗都唔夠五分鐘已經攞得，出去個陣仲落大雨添好大個盒一返去拆袋好似有啲唔對路，點解唔見啲薯條嘅開盒就見到原來係盒底，個包好大，差啲睇唔到啲薯條睇吓塊麵包，幾厚，唔係薄到死，得陣風架牛味幾濃，有肉汁，加埋車打芝士，蕃茄同生菜，食完個包都已經好飽薯條比連鎖店粗啲，多肉啲，食完呢餐下午茶都唔駛食

一向聽聞 Fast Taste 嘅 burger 頗受歡迎，今日專登走咗去試，叫咗個經典牛魔堡，加十蚊變套餐，配薯格同凍柑桔汁。由於係外賣，包面壓扁咗少少，亦有少少盜汗水，略為影響外觀同口感。Burger 嘅漢堡扒有別於其他小店嘅手打漢堡，整得比較工整，肉質亦較為實淨，不過牛味都算頗濃，配埋車打芝士，蕃茄同生菜，整體味道唔錯。呢款 burger 嘅醬汁用咗蜜糖芥末醬，微辣微甜，有畫龍點睛之效，非常出色👍。至於個薯格，份量算多，炸得亦好香脆，好食😋。

呢間小店長期都有人排隊，雖然佢嘅打正旗號係賣Burger🍔，但係佢其他主菜類別都不容忽視。今晚就叫咗個和牛漢堡同埋一個豬手。兩個餐都有包飲品一杯。個豬手都係百幾蚊性價比非常之高👍👍👍份量仲要相當之大，豬皮脆，有好多肉。另外漢堡保持一貫嘅水準，麵包鬆軟，配菜新鮮，和牛有夠Juice😋😋😋。舖頭嘅面積唔算大，所以想食好嘢就可能要等少少時間啦，又或者盡量避開peak hour❤️ 依家做飲食行業唔容易，呢啲良心小店大家更加要大力支持💪🏻💪🏻💪🏻如果唔係就之後好難有得再食㗎啦

本身諗住同男朋友遠征長沙灣,去一間望落好吸引,而且近兩個月都熱爆既coffee shop🤪點知坐巴士🚌坐到就快去到既時候,先發現原來當日係撞正左小店既例休日子！所以我地就即刻更改目的地,就去左宜家同大家介紹既哩間💛小店！喺長沙灣應該算係無人不知架👀@fasttaste ————————————————-叫左一個午市套餐/精選漢堡🍔套餐香煎鱈魚🐟漢堡🍔配飲品🥤另加$9薯格🍟一份(鱈魚🐟車打芝士🧀生菜🥬蕃茄🍅他他汁)算係💛小店最平嗰幾款漢堡包🍔之一,配料簡單,但絕對唔會馬馬虎虎🙂鱈魚🐟煎得香口但食落都唔會成口油！$9元一份薯格🍟,咁大份又即叫整,熱辣辣🔥都無咩可挑剔啦！————————————————-極上和牛漢堡🍔另加$10配雞翼兩隻🐔及飲品🥤(和牛漢堡🐮車打芝士🧀黑松露炒蛋🥚生菜🥬蕃茄🍅蜜糖芥末醬)哩一款價錢相對高少少,但用料上就豐富好多啦！和牛🐮漢堡煎得剛剛好,切開左就會發現到仲有微微既粉紅色,食落口感就會係好好,仲會非常juicy Tim!!👍黑松露炒蛋🥚同溶溶地既芝士溶為一體,一咬落去連埋肉汁,就會充滿成個咀,簡直濕潤晒你個口,而且唔算多味精,食完都唔會勁口渴架！超有良心既💛💛小

呢間Burger 永遠都唔會令人失望，佢鬆軟既麵包，新鮮嘅蔬菜，惹味既醬汁，再配埋外脆內Juice既肉。加$25仲有埋心太軟，抵。又係一條友唔知食咩既一個唔錯選擇...比起大型連鎖店嘅Burger,呢間絕對有誠意。