Fast Taste (金碧閣) (Closed)

今日lunch 咁岩係長沙灣上堂， 同學鐘意素食，見到呢間出面有個素食漢堡menu，我地就決定入去試下。間餐廳雖然細間但今日中午人唔多都坐得好舒服，播既歌好激勵人生，所以為冇黎精神既一日叉一叉電😎👍🏼同學叫左素食漢堡，漢堡既菇唔算好juicy,但恰到好處，薯條係熱同脆既，整體好食😛👍🏼我叫左咖哩烏冬拼雞翼法蘭克福腸，性價比高，份量ok, 不過不失😎👍🏼總括而言， 今個lunch 都食得幾舒適😊😊👍🏼

呢間漢堡包💛店選擇都幾多🤓可以滿足哂食肉同食素既人士😏今次我就叫左素漢堡🍔但就有啲失望😟可能叫其他款式會好啲😚😚.✨素雞漢堡配薯條(💰$48)漢堡包配料有素雞扒 番茄🍅菜🥗菠蘿🍍塊素雞扒比較淡 而且有啲乾身其他配料既味仲突岀過佢😂😂但個醬汁幾好味 為呢個漢堡加番幾分既😌而薯條有啲凍同淋左 如果熱啲脆口啲會更好😗

今日午餐一行4人，分別食左兩款午餐，包括黑松露雞柳蝴蝶粉同意式海鮮意大利粉。意式海鮮意大利粉用左蕃茄做個底既汁，雖然海鮮唔係用咩名貴食材，但都好足料，味道好夠，食到好開胃。黑松露雞柳蝴蝶粉唔算好香黑松露味，但個汁好滑好cream。食物質素算高，只係等既時間較耐，而且分量好細。

平日晚上在長沙灣覓食 本來想吃烏冬 但大排長龍又肚餓 所以到了附近這間地圖上有標示為良心小店的fast taste 試試。幾乎所有客人都是點burger，我也點了素的double mushroom burger，配薯條，半價$5加了汽水。食物比預期中快上枱，賣相都唔錯。菇有2大塊，一塊是大啡菇，一塊是雞脾菇，2種菇都juicy有口感，但雞脾菇ge味道不特出，芝士味道都濃，但芝十份量很小，包皮則是偏淋。薯條一般，不脆，也不夠熱，可以不試。本來開開心心食burger，食了一半發現碟上有蟲😢比指甲還要長，還在郁的，應該是沙律菜的... 即時沒有心情再吃，立即退了。店家肯不收費，不過同時說了「菜有沙咪幫你浸下 有蟲咪幫你挑走佢」之類的廢話。真心覺得食物質素可以，但因為衛生和態度問題，我是不會再回頭了。希望店家注重衛生。

並排兩間黃店，個人比較喜歡吃西式， 而門口見到北區鄰舍教會貼紙，食!門口貼著為學生集氣免費小食，感謝!入到去，原來都有很多手足Posters, 是很強烈立場的店。漢堡包+$18變套餐有飲品和配菜，點了凍芒果橙汁，高柄杯，好似歎酒咁升格咗。主角到，好大份，菠蘿雞脾堡，又有菠蘿又有蕃茄勁多汁流出來，食到左右手都有汁，幾le hea, 但菠蘿燒到好甜，炸雞好脆好入味，醬汁也配合得很好。經典牛堡，芝士非常香濃，牛漢堡質感很好，但雞堡是特別出色。另點了心太軟，外脆內流心，熱暖真係令人心太軟，阿女仲由扭計食到哈哈哈，朱古力心太軟都幾好味!食漢堡時聽到假使世界不像你預期, 都不以為意，但聽到最尾『香港人加油！』眼淚都要流下來了。不斷播，煲底之約，, 感謝小店。但食到要流眼淚了，感覺好矛盾，可能太少食黃店，太易觸動了!香港人加油! 黃色經濟圈必定得!區區食玩遊-長沙灣

真心想知解咁多漢堡店都係黃🍔到底係burger有令人變黃既魔力，定係黃既人都鐘意整burger呢!?今次去左依間位於長沙灣既漢堡小店🍔除左大大份漢堡，仲有素食  !▪焦糖鵝肝牛肉漢堡 $99佢地burger真係幾大件足料鵝肝煎得幾有油香，但就好似唔係好新鮮咁…麵包亦唔係太好食，無乜麵包應有既口感，亦都烘得唔係特別脆同熱。但最大問題都係塊「自家制牛漢堡」，唔知點解食落唔似牛，dap落無乜牛味，口感又有啲似素肉…明明餐牌又無話佢係素牛，但另一個餐塊素雞仲似真肉過佢，到底係咩事？▪芝士條 +$10又脆又拉芝，唔會唔好食啦😎朋友攤左一陣先食，都仲拉到芝▪素雞全日餐 $69難得依間係賣素食既，就試下佢手勢啦😎成個餐都係素黎，有素雞扒、素火腿、黑松露炒蛋大啡菇、薯格等等。素雞炸得好脆，質感幾厚實juicy，唔錯wor。薯格都炸得好食，唔會食到食口油。黑松露炒蛋大啡菇幾香，素火腿就膠膠地無乜味咁。總括黎講，啲野食夠曬大份，但嗌漢堡建議避開自家制牛漢堡，聽講佢地既和牛/饅魚/軟殼蟹burger都唔錯咖😎。

第一次來這間店，本來想點和牛漢堡，但可惜沒有，想點一杯咖啡，剛好咖啡機又壞了，原本想離開，但店員推薦其他漢堡也很不錯，還讓我出外買杯咖啡進來飲用，我便留低一試！這間的漢堡價錢不貴，但是味道是不錯！麵包很軟熟，漢堡牛肉香又多肉汁，芝士片用在漢堡牛肉上面，配搭的蕃茄和生菜也很新鮮爽脆，甜甜的蜜糖芥末醬汁，整個配搭經典好味道！每一層食物都做得好，整體吃起來就好味道！食漢堡包當然要用手拿起來吃才滋味！我沒有配餐，這個漢堡味道相當不錯，我覺得有百多元的質素，$57實在是便宜！

📍邪惡黃色漢堡小店 -- Fast Taste🍔小編近排真係好迷食burger😍😍前排約咗 去fast taste食burger 大大力懲罰佢！！😎😎-------⭐公司漢堡（$99）呢個burger超多料 有自家牛， 和牛 ，車打芝士， 黑松露炒蛋 ，煙肉 ，生菜同honey mustard醬😍超級邪惡🙈🙈首先份量巨型 兩個人share都好夠😂😂和牛好厚 咬落好多肉汁 夾埋芝士食更加正❤ 肉質都幾諗腍幾好食😆但係自家牛就完全比下去。。事關都幾乾同幾硬😌😌口感真係麻麻地🙈另外黑松露炒蛋唔知點解變咗太陽蛋（？）😂不過好彩塊和牛成功拉返唔少分 整體都唔錯嘅 建議大家下次去點佢嘅極上和牛堡會比較好🙊-------⭐海鮮忌廉汁墨魚麵（$79）呢個意粉屬正常水準👍意粉彈牙 係al dante嘅口感😆另外都唔會煮得好油 值得不俗❤-------⭐蕃薯條（+18轉餐）呢個蕃薯條幾香脆 食落甜甜地❤幾好食😆-------⭐原味雞翼（+$10 轉餐）外皮脆脆地 肉質嫩滑 而且唔會好油👍-------⭐熱柑桔檸檬（餐飲）飲落甜甜酸酸 食完個咁邪惡嘅burger可以減低油膩感👍-------整體黎講食物除咗

#tastytommy良心食店 (有文宣 罷市 支援手足💛)焦糖鵝肝牛肉漢堡 $99超大個焦糖鵝肝burger! 配埋半溶芝士同蜜糖芥末醬 其實幾好食😍敗北在件“自家製牛肉” 食落好假冇牛味唔juicy 個質感十足十n年前poly美心舊can果塊硬膠煎肉餅🤡 呢度都有素食burger 極度懷疑佢比錯件素牛肉我🙄Veggie all day全日餐 $69係呀呢度真係仲有成張素食menu 岩曬各位素人! 呢個全日餐有素雞扒 素煙肉 大啡菇 黑松露炒蛋 薯格等等呢件素雞扒反而做得幾真 仲有juicy效果 你話係真肉都有人信 真過樓上果件🤣 薯格炸得岩岩好 夠香脆啖啖薯肉又唔油聽講佢其他漢堡就ok 例如和牛漢堡件牛先係正常牛 雞堡 同埋意粉類都唔錯 附近仲有好多burger黃店架~

💛又嚟到長沙灣呢幾條街懲罰黃店 ，呢幾條街真係黃店林立，一條街都有成兩三間好正呀。呢間仲要不斷loop播運動歌🇭🇰一路食一路唱k無難道。呢度出名食burger，梗係嗌返個份量十足既公司漢堡($99)啦！裡面有兩塊牛，一塊係自家製，一塊係和牛，仲有濃濃芝士味既車打芝士、黑松露蛋、生菜同蕃茄。和牛漢堡好好食😋好juicy又無好油膩既感覺，加埋上面溶溶哋既芝士真係掂呀！不過塊自家牛就有啲乾同怪，肉質似素牛咁樣，黑松露蛋我以為會係炒蛋😂點知上到枱係荷包蛋既喂？另外就係底嗰塊包俾蕃茄同肉汁整到完全濕透，基本上係攞唔到手食的。但overall佢都係一個好食既漢堡，同埋真係幾大個，女仔建議share食，只要避開有自家製牛既漢堡就得啦🐒！轉咗做餐(額外+$18)包野飲同小食各一。我地兩個都揀咗熱檸柑桔，甜度酸度剛好又夠潤，可以抵消一下食burger既油膩感。小食要咗雞翼，炸到外脆內嫩唔會食到成口油架！黑色係我最鐘意既顏色，無理由唔嗌返個海鮮忌廉汁墨魚麵($79)既🏴！同樣地呢個都係跟咗餐(額外+$10)，小食要咗番薯條，飲品一樣要咗熱檸柑。個人覺得個意粉出色過個burger😆！佢個麵條煮得好好，係al

黎到荔枝角突然間心血來潮好想食burger，行過見到呢間餐廳見到推介鵝肝牛肉漢堡 果然冇令我地失望！如果可以做埋套餐就更加好啦 配個可樂 絕配 海鮮墨汁意大利粉都係一個唔錯嘅推介。下次會返黎呢度再食過😋

菠蘿炸雞堡 ($55)🔹極上和牛堡($85) 〔+$18 包小食及飲品〕..個漢堡又係勁大個！亦係唯一一間小pin要投降扮elegant 用刀叉食🤑仲要一度切一路用支籤吉住，廢事佢走甩。呢個包好鬆軟有牛油香，不過個底就無烘過，擺咗十秒就淋撚咗，中間夾住菠蘿、蕃茄、生菜同超大炸雞脾扒，菠蘿一咬落去噴汁真係成面水🤪.將佢介開一忽忽食，啪哂落口又覺得味道幾有層次，個辣味蛋黃醬係神來之筆，唔會係辣到你屎忽痛個種膚淺辣，同個蛋黃醬酸酸辣辣咁好smooth好夾，幾開胃仲減低炸雞油膩感，無得頂！🥰.50幾蚊咁大個都幾抵食😁佢仲有好多選擇，例如意粉、豬仔骨、豬手！素食都有幾版嘅餐單🤣想試素食漢堡嘅朋友一定唔可以錯過，仲有番薯條食！下次出post講埋另外嗰個burger！

之前曾經在這間店鋪試過它們的素漢堡🍔，味道不錯😋。這次就來試試素全日餐，看看味道如何。標題中的「八美」，當然不是指有8位美人👱‍♀️和版主一起用餐啦！🤣其實是因為餐單上寫着「八款完美配搭」，那麼就可簡稱「八美」了嘛🤭。至於「三扒」，是指在素牛扒、雞扒、魚扒3️⃣款食品中，可以任選其中一款。說起來，素食全日餐可以有「任選」這個彈性，似乎並不常見。這形式都可算是挺讚的👏。這次版主選了素豬扒，素扒外型似乎不太「扒」(相上右上角的食物)，驟眼一看，和炒蛋竟然有一點點相似😂🙈。素扒是薄薄的，不同於平時「素吉列豬扒飯」的大塊素扒，薄薄一片，不會那麼容易便令肚子撐飽。至於「假·炒蛋；真·素扒」的兄弟，「真·炒蛋」size不算太多，正好和黑松露的份量匹配。把塗滿黑松露醬的炒蛋送進口中，香香滑滑的，味道不錯。在整份素餐中，「佔地最多」的食物應該是薯格。有些素店的全日早餐，會有粗薯條提供，但和薯條相比，大大塊的薯格似乎更為吸引💕。脆口的感覺，是會比薯條略勝一籌的。在長沙灣要找👀西式素食，不是容易的事。這間店鋪為素食者提供了9款素食，有意大利飯、意粉、漢堡、全日早餐，種類也算是多元化👍。更難得的是，版主在店方fb

呢晚同舊同學聚會, 因有人係食素的,特別搵咗間有素食選擇的餐廳。那朋友介紹了這間-Fast Taste。呢間餐廳主要係食BURGER的,另外仲有意粉, 飯, 小食,租品。餐廳不算很大, 但座位舒服,且不太嘈雜,同朋友聚會傾計一流。我點了一個焦糖鵝肝牛肉漢堡,另外加$18要了飲品同洋蔥圈。叫任何肉食BURGER都可以加$18,就可以有一杯飲品同自選一款小食,我要了洋蔥圈~洋蔥圈份量都唔少,即叫即炸, 好脆卜卜!焦糖鵝肝牛肉漢堡 ($99)呢個真係不得了!認真冇得輸!本來諗住$99唔會有好高期望,點知係喜出望外!鵝肝大大舊!面頭真係有一層脆脆的焦糖,真係勁好味!另外成個漢堡的調味都好好, 食完真係好滿足!我下次要再帶屋企人來食先得!

之前妹妹試過呢間餐廳，覺得好正，所以極力推介我都去試吓！仲要一定係試呢個鵝肝burger一試真係返唔到轉頭！因為佢的鵝肝係有一個焦糖喺面，絕對唔會好有肥膩嘅感覺因為我不嬲都好鍾意食鵝肝所以呢一個真係好正！而且佢個包又會脆脆的，好香口！個牛肉漢堡都非常juicy。全部野加埋一齊好夾！所以每次嚟到一定食呢個！仲可以加錢變成餐，就可以有一杯野飲，同埋有一個小食，小食我就揀咗洋蔥圈，不過洋蔥圈就比較普通，可能因為比burger搶左風頭推介推介！