發記廚房

Open Now

Now Closed

光輝圍附近不嬲都好多嘢食，佢哋出品都算唔錯。價錢可以，唯一唔好就係裝修比較暗。不過招呼都幾好，應該可以喺附近企得住腳。碟頭就細咗啲呢樣嘢要扣分。希望佢改善下咁就Perfect啦。

今日lunch就諗住試下食尼間餐廳，見人都幾多，諗住好食嘅。menu choice係好多嘅，我就叫左個日式咖喱吉列豬扒蛋包飯尼試下。首先餐廳環境就好差，好多蒼蠅仔係度飛尼飛去，成餐飯都要係咁趕蒼蠅。。。然後個飯等左成30分鐘先尼到，仲要咖喱唔係日式，豬扒唔係吉列又細塊，蛋係穿嘅，飯係黏嘅白飯！完全唔係果回事！ ！ ！好心整唔到就唔好出，你正正常常整個茶餐廳嘅咖喱飯咪得咯，搞咁多又要收貴啲，最後比個咁嘅飯人食。

叫咗個瓜粒海鮮粒湯飯，都唔知乜嘢叫做海鮮湯，混埋一齊咁叫做海鮮湯，有冬瓜 少量蝦仔同幾粒蟹柳加埋其他都唔知係乜嘢，初初以為見到一條蟲喺碗湯裏面，跟住影咗張相，我好細聲叫個服務員睇睇係唔係蟲，如果係叫佢換個碗畀我，跟住應該係廚房嗰個係老細，兇神惡煞走埋嚟好惡死 好大聲講，佢話蟲係有腳㗎，佢話呢個唔係蟲，我同佢講我只係叫你哋睇睇，如果唔係你咪畀番我囉，只是大家清楚D處理， 佢好似唔願走仲想鬧我，因為午餐時間到，所以佢冇再鬧我 ，佢哋 態度又差 好似唔憂做，下次都唔會去幫襯佢。

走到食肆林立的光輝圍，想嘆一個醒神早餐🥣，友人介紹「發記廚房」，店舖不大， 大約容納30 人左右，設卡位雅座，也有細圓枱。鮮茄薯仔🥔雜菜湯螺絲粉配火腿炒滑蛋、香脆奶油豬仔：用上金寶牌羅宋湯，湯頭茄味香濃帶甜，偏濃稠質感。螺絲粉有咬口增加口感，雜菜有洋蔥🧅紅蘿蔔，西芹，材料好豐富，毫不吝嗇，食得出熬煮好耐，入味焾身。😍香脆豬仔可烘得再脆口點，邊邊位都係軟焾，但煉奶夠多，不錯。滑蛋加上牛奶🥛，特別滑嫩。奶菜：茶底偏濃，即使冰融化了都蓋不了茶味，足夠淡奶撞入茶中，完美早餐🥣。總結：大推鮮茄薯仔🥔雜菜湯螺絲粉完美早餐

服務差！d嘢難食又無味！叫個外賣比原本要求時間遲成個鐘，都唔知點做生意的！一係你就話人手唔夠唔接外賣order, 五分鐘路程你用30分鐘先到,追極都只係話黎緊，同區而家唔係無餐廳食飯的！永不幫襯!!!

今晚叫咗 蒜香金沙骨外賣，似柴多過金沙骨。無下次之前食過都可以，但越來越差，今晚再試，睇下會唔會回復水準，但係，佢哋做到無所謂咁，點叫返客人再食，而且附近有其他餐廳，客人會有選擇，算了吧！

今日係端午節假期，訓醒去食個下午茶，休閑咁過一日😂見到發記無咩人，唔洗等位同埋有下午茶，於是入去試下，見有啲肚餓，所以叫左個焗肉醬意粉🍝，佢呢個下午茶價錢係午餐既份量，仲要即叫即焗，相當唔錯👍🏻👍🏻大約等左10分鐘左右就上菜，見到份量都多，肉醬都多，好香既肉醬味，但芝士唔夠多，如果可以多返d芝士會更加好，食落去意粉都軟，適中，肉醬唔太咸，岩岩好，撈意粉簡直係一流。順帶講一下杯凍奶茶，沖得唔錯，唔苦，奶既份量都岩岩好，大家黎食可以試下😋

有日去葵涌搵個朋友，到晚飯時間佢帶左我去光輝圍搵野食，呢度有唔少小店，最後我地揀左呢間發記廚房撐檯腳！入到去侍應好快就招呼我倆坐左係卡位，全程都招呼得唔錯！我朋友話黎過幾次，就係覺得呢度Ｄ服務唔錯喎！講返食咩先！夜晚呢度有好多小菜客飯套餐，我倆決定叫兩個然後share食！佢先俾兩碗例湯我地，係蘿蔔豬骨湯，唔鹹又幾夠味！我叫左個xo醬炒西芹牛柳粒，好大碟，牛柳粒好入味，xo醬果種辣辣地既感覺好正！我朋友就叫左個瑤柱蛋白炒豆苗，都係好大碟，瑤柱比較乾身但一ｄ都無偷工減料，蛋白同菜充滿健康感覺，ｄ菜都好新鮮好嫩口！然後我地叫左杯凍檸茶同熱檸水，茶餐廳水準不過不失！

朋友介紹發記廚房，話早餐款式多，食物質素好，決定一試。望望餐牌，醒晨早餐最少有十一款，通粉/麵/米線/麥片等再配多士🍞/脆豬。又有三併麵餐啱曬大食王、烏冬餐同歐陸扒餐，都算幾多元化。A餐：仿鮑魚火腿絲螺絲粉+ 煎雙蛋配牛油🧈多士🍞： 鮑魚火腿現成野無咩好評論，不過不失，螺絲粉有誠意，有咬口，可惜湯頭吾濃吾淡，又吾係雞粉味，一般。好彩火腿既咸吊一吊味。雙蛋好油膩，下次可以吸一吸油先。吾好影響食慾。D餐： 沙嗲牛肉公仔麵🍜+ 奄例+ 牛油🧈多士：沙嗲吾死咸，不過牛肉比較硬，奄列入面有極多火腿，足料有蛋香。多士烘得脆口，可惜牛油吾夠香，不是有鹽牛油🧈，一般。奶茶🥤： 用上碎冰🧊，茶味算出無苦味，用上黑白淡奶中和左，OK🍳總結：街坊食堂 不過不失有待改善

午飯時間唔使排隊，即刻衝入去坐低🤣 原來餐廳係有兩層，即使下面坐滿左，仲有樓上。樓上仲靜啲添。睇menu 就知有好多野食，仲有分星期12345食乜，同事就話:咁佢咪每個禮拜都要整過張新嘅Menu囉？！睇黎都係😬台式肉燥雞扒飯，肉燥原來有啲辣，略嫌有小小乾身，無乜汁。雞扒唔好睇佢細細舊，其實好厚肉，而且照燒汁調配得幾好，呢個唔乾，好食😋 見佢一星期轉一次Menu咁有誠意，下個禮拜再嚟食過都有得諗🤔 唔試唔知又多一個飯堂🥳🥳🥳

一心來食早餐，門口的玻璃門自動開關，撞到女兒個頭，十分痛楚，店主沒有理會，更當無嘢發生，態度十分差，旁若無人，沒有人情味的食店！在光輝圍中只有數間餐廳，食客多為附近的街坊，這間發記還有一間分店在健康街上面，那間的態度還可以，因為做附近工廈，寫字樓及學生的生意，還有空間較多及較大！這裡的食物選擇不多，味道胡椒味重，味精還很多，吃完要勁喝水！飲品沒有鄰近的雲貴軒選擇多，價錢亦沒有奶茶咖啡室經濟！整體而言，是附近3間中性價比最低的一間！

今日同同事三個人食中午飯，呢間餐廳雖然價錢不便宜，但以即炒午餐既份量黎講係ok 既。分別叫左有豆豉鯪魚炒白菜仔，鰻魚大碗飯同埋牛肉大碗飯。同事都表示味道可以，但大碗飯醬汁較多重口味，如果唔中意太多汁記得要叫少汁。

之前經常去食早餐，但今日去食早餐落單嘅時候如常要求餸另上，不過今次寫單嘅長髮扎辮冇帶眼鏡嘅女侍應話唔可以,D態度仲勁差！最重要係平時其他侍應就可以，點解衹有呢位長話唔得呢？佢仲係度叫其他侍應以後唔好再咁樣落單！我嚟係食嘢！唔係嚟比錢受氣㗎！

今日又到來吃消夜，差不多十點十五才到都不少人在吃飯，今天我地叫咗一個二人餐，有二個餸，湯，飯和飲品，價錢都合理而且質素還可以，因為始終都太夜選擇不太多。這裡的湯都係我幾喜歡的湯水，吾太味精而且仲有少少渣可以食到又大碗。好快餸到黎到了，西蘭花炒班片，西蘭花夠翠綠，口感吾太淋可以，班片就冇咩味，整個餸比較偏淡。一碗飯的份量都不少，一定夠飽肚。另一餸啫啫雞煲都來到了，豬潤口感好又夠 嫩，雞偏件而且醬汁真係太咸，配菜的洋蔥都炒得十分香。飲品叫了奶茶，味道正常，檸檬茶的檸檬吾錯夠新鮮而茶底不錯。

這次跟家人來到發記廚房，我們點了個3人套餐，點了豬潤啫啫雞煲、芝麻西檸雞、西蘭花炒班球。這幾道菜中我最喜歡的是西檸機，這裡的西檸雞是即炸的，很脆很好食，加上用檸檬做的醬汁，真的很好吃。豬潤啫啫雞，這煲中有好多塊大大的豬潤，大滿足！這裡的紅豆冰的紅豆我覺得有點偏硬了一點。如果可以煮爛一點比較好吃！雖然單看外面的菜單好像在葵涌區比較貴，但是菜單有2-4人套餐，價格也不是太貴呢！這裡味道也不錯不會所有東西都預先做，菜式都是即叫即做。