發記清水大閘蟹

Open Now

Now Closed

幫襯了發記已經有七八年以上，每一次都冇問題，前兩日去咗買19隻， 11隻公，8隻乸，八隻乸全部變壞，朋友問過九龍城肥仔號，另外個朋友就問咗尖沙咀嗰間老店，大家都講話係變壞左，係有寄生蟲，影咗啲相今日落去舖頭同個唔肯定係老細定係高級職員講，我已經拉埋佢一二邊細細聲同佢講，佢就好大反應話一定係你未蒸熟，所以仲係黑色，我話我19隻分咗四次蒸，公乸都會一齊蒸，11隻公完全冇事，全部拿都有呢個問題出現，佢就話可能公容易熟啲，乸就要蒸耐啲，有好多原因個喎，佢仲現場拆咗一隻俾我睇，話你睇吓都冇事，總之就唔關佢啲蟹事，冇諗過老字號都會咁樣，大家要小心。

今年食咗兩次大閘蟹放題都唔係好滿意. 問咗朋友介紹呢間買蟹既鋪頭. 同幾個同事夾買咗佢既蟹卷. 我地買既係4.5両既卷. 原價一隻係$90. 而家買卷就$73.5 自己比錢買既真係比放題既大隻. 而且要讚下呢間既蟹膏係我今年食最甘香, 重隻隻爆膏 (但都有其他同事話佢地攞既唔多膏). 可惜買既時候已經係水尾, 無得再食多幾次. 下年一定會早D嚟買. 食多幾次. 

話說個仔想食大閘蟹，咁就諗起去沙咀道這間發記，入到去好多選擇，見到一個員工執緊蟹上櫃係$90/隻，就問吓大概幾多両一隻，點知佢冇應，過咗十幾秒轉頭望住我：「咩呀？」，之後就好大聲答：「四両八呀～～～」，嘩！使唔使咁嘅態度呀？最後當然唔會買啦！幾好食都唔會邦襯😡😡😡

秋風起10月及11月份是食大閘蟹好時機，胃食小熊好想食，趁着假期三天好時機，想約一大班朋友仔在家自行蒸大閘蟹海鮮氣鍋宴。約朋友之際，才發現很多朋友因為懶或者唔想拆蟹咁煩所以都拒絕在人前食大閘蟹。訂單最少要訂10隻，湊來湊去只有四個人，又唔想放棄，唯有每人平均食兩隻半啦！希望吾好咁寒涼啦！大閘蟹送到屋企，檢查啲大閘蟹係咪新鮮先，隻隻都係眼仔碌碌，俾人扎住乖乖哋它只可以望吓望吓。訂購大閘蟹及蟹具三件寶，送貨給我哋時，店舖還配上紫蘇葉用來蒸，自製調較好嘅醋用來點，紅糖薑茶用來飲，以防寒涼。亦有給宣傳單教你如何蒸蟹及食蟹，好貼身嘅服務噢。蒸了約20分鐘，香噴噴的紫蘇葉及大閘蟹的味道從氣鍋爐傳出嚟。真的急不及待想即刻食， 但因為太太太熱，所以只可以相機食先。大閘蟹 公同乸 之分別，在於肚上蓋掩是尖頭（公）還是圓頭（乸）。訂咗五両重公，四両重乸，size 分別唔係太大。 但膏就有分別，金黃色嘅油膏係公，深橙色膏嘅係乸。熱辣辣，打開蟹公個蓋掩， 黃油流晒出嚟，勁爆好多油膏，好鬼似鹹蛋黃黃油流出嚟。乸亦好鬼多蟹膏，深橙色嘅蟹膏係實，但係食落都吾系好硬嘅，一樣好鬼好味。食大閘蟹千祈唔好配啤酒，果汁嘅凍飲

今年的大閘蟹比往年遜色了不少，白膏更是少了很多😱 #發記清水大閘蟹 早在10月頭吃過一次，那次當然蟹公的白膏會很少，因為還未當造，可是連黃油都帶點苦🤦‍♀️✨請問大家有好的大閘蟹推介嗎🤷🏼‍♀️P.S : 小事一提，話說我之前買半籮大閘蟹話會包一次送貨，第一次買時我自取了，當我今次打算送貨時，店員說明我的票上並沒有寫到要送貨🤦‍♀️做客人的我當然事前並不知道。之前的店員疏忽引致我要自費$100送貨。✨如果買半籮以上的朋友要留意一下提店員清楚寫好未送貨

好耐都無食大閘蟹了，按捺不住走左去買幾隻黎食下.....我買左兩公,每隻4.8兩重，同兩乸，乸就會細隻D。職員耐心說明應該點蒸，又附送紫蘇葉等等返到屋企即刻蒸黎食呀~~要蒸15分鐘左右一開蟹蓋，D蟹香飄晒出黎.....勁爆多膏，蟹公D膏軟身較油肉又比較多，不錯不錯！至於蟹乸，蟹膏實身，都好多膏，蟹較為細隻我就鍾意食蟹公多D，大隻D，多蟹肉

聽過人介紹發記清水大閘蟹幾好食於是乎就去試咗10隻，味道其實真係唔錯，你都是個size好似唔多夠枰..！每一隻嘅蟹黃其實都幾多，但係對比起佢嘅size真係冇乜肉食..10隻價錢大概300頭左右，有機會可能再試吓大隻啲嘅。

20.Sep.2014 (SAT)年年大閘蟹都唔係由我負責買, 今年係我一次自己出去街外買的.由於我唔識揀, 所以都周圍問下朋友.從朋友口中打聽到哩間, 加上我依稀記得每年佢都係同一個鋪位, 所以要決定一試.一入到去, 問職員無人理我. . . . 第一下無奈. 之後有個中年姐姐見我企左係度, 所以走左o黎幫我.我問姐姐點買好, 我話想食好少少, 姐姐介紹我買六両個隻. 由於我唁識”公”定”婆”好食d, 所以我都係跟隨屋企人意思買8”公”,一”婆”.最後我買左4隻六両半(3公, 1婆), 之後買3隻五両半公, 2隻三両半公.姐姐知我唔識, 仲用心幫我每隻都揀下, 又教我點揀先好. 感覺良好.好喇, 好喇, 急不及待一返去就即刻蒸.以上係六両半 - 公.以上係五両半- 公.以上係五両半 - 公.結論:- 個人認為係覺得”公”係好食過”婆”.- 六両半不及五両半香.- 六両半同五両半d 膏差唔多.- 三両半, 不是我試, 所以唔知.- 六両半 – HKD150一隻.- 五両半 – 好似HKD90一隻. (唔記得左)- 三両半 – 唔記得左. 哈~~~* 下次會買五両半/六両. * 

農曆六、七月是黃油蟹的當造好時節，天氣愈熱，蟹油愈正。上週末，一早入荃灣發記清水大閘蟹拎蟹。早在兩日前便打電話預留，並報上Travelzoo的購買Code，所以到達店鋪後，同老闆講返個電話號碼，老闆就開始幫手揀蟹。Travelzoo優惠價 $579 就有3隻約6至7両重的頂級黃油蟹，老闆話如果無用到優惠，就要八百幾蚊，聽到呢度，暗喜了一下（嘿嘿嘿）揀好蟹後，老闆立即用一大桶冰鎮住三隻蟹，因為要凍死佢地，問好了我怕不怕酒味，再倒花雕酒。回到家後，蟹已經被凍死了，這時，告訴大家簡單步驟吧。STEP 1: 剪開蟹繩，用刷子好好刷乾淨，然後打開蟹肚，把腸子的污物都按出來STEP 2: 完成後，把蟹反轉，肚朝天地蒸9分鐘左右（如果有蟹腳斷了，用米粒堵住，免止蟹油漏出）就這樣兩個簡單步驟，蟹已被蒸成了黃金色。一打開，蟹油黃澄澄，肉嫩味鮮，醮點蟹醋，相當美味。顧著吃，照片也懶拍了，總之的確係正野（笑）大家睇完唔使流口水，黃油蟹季已幾近尾聲，不如將為食希望寄予大閘蟹啦。中秋過後正是大閘蟹當造期，我見到Travelzoo已經出左大閘蟹購買優惠。想食得精明，記得多D留意下優惠：www.travelzoo.

身體...真係一般.每個人都知大閘蟹係高危食物.唯有忍口..間店好新.我只買一隻,店員都用心幫我選.問我鍾意食.軟膏並硬膏..只是45元....成隻蟹滿膏,甘香.都無可批評,而且過足口隱

江蘇大閘蟹, 買左: 2隻公: 5兩各$65，3隻公: 最細各$20，送薑茶、黃糖、紫蘇葉、一支醋。方便，唔駛額外買。蒸15分鐘，先食2大:哈哈，膏好足喎，好香。連醋食真係正!再來細的，覺得d膏份量與大的差不多呢!因為旨在食膏不食肉，下次買多d細隻返來好了。PS. 送的薑茶好好味呢!

老闆好好心機逐隻幫我選仲會送薑茶,黃糖,紫蘇葉同醋之後就教我點煮喇可能間鋪都新新地,對客人真係好有熱誠$60 蚊隻有4兩幾重ga~~啖啖膏~very good!

頭先起身睇報紙,見到上面登咗沙咀道附近有一間大閘蟹店係蘇州市政府特許經營,於是落街去買咗幾隻食,個男仔叫我買D中SIZE嘅試吓先,於是咪聽佢講,試咗D膏同肉都OK唯一喺包姜茶淡D LOR