肥姐小食店

Open Now

Now Closed

香港係美食之都，係美食天堂，世界知名，全世界都知，而當中有一間店，雖然冇裝修，冇招呼，甚至乎冇位坐，仲要衹係賣小食，都真係飛星國際，大部分嘅旅遊雜誌都介紹過，就連尼泊爾皇室事務廳，職員餐飲部侍郎都幫襯過嘅，就係 (肥姐小食) 。我呢啲師奶仔當然都鍾意食呢啲小食， 我最鍾意就係食， 鹵水墨魚、鹵水生腸。鹵水墨魚嘅味道超級正，唔會太鹹，墨魚味道好鮮，咬落去又彈牙但係又容易咬，又唔會好硬，加少少甜醬就更加好味。鹵水生腸真係爽口又彈牙，食落去個味道 甜甜地咁樣，好得意好有咬口感，真係爽口。不愧為香港嘅名牌。

我夠膽講肥姐係全香港最好食嘅滷味 食咗咁多年都係冇變過 一樣咁好食 雖然每次嚟到都要大排長龍 排到肥姐隔離啲鋪頭都要痴張紙出嚟叫人唔好過界 但長長嘅人龍都比唔上我食肥姐嘅決心 今日去到 條人龍雖然長 但排咗10分鐘到就已經買到 所以大家唔好俾佢條人龍嚇親而錯失左一啲咁有水準嘅食物我每次去到都係食細大生腸同墨魚 其實食呢啲內臟最緊要都係乾淨企理唔好有異 繼而最重要嘅就係個醬汁 一定多同埋濃 所以Wasabi同埋甜醬都係要多 食起上嚟要攻鼻但係又要有口感 同埋$10 $8一串係邊度搵 其實我哋應該多多支持呢一啲嘅小食店 呢啲咁嘅店舖先係香港嘅傳統文化希望我哋真係會好好珍惜多多支持呢一啲小店

全旺角最好吃的小吃必点皇牌套餐墨魚，細生腸，火雞腎不知道為什麼這間店的小食會吃上癮的，一段時間你又會想起他，就會很想回去再試一下。生腸和雞腎很爽口，花椒八角味好香，這種味道就是別家店做不到的，配上芥辣，好滋味。這間店長期都有人在排隊的，不過速度都算快。

每次經過旺角都忍唔住去食肥姐！佢d滷味真係無人能及！特別係大生腸同大墨魚！生腸非常爽口！墨魚又好彈牙！再加埋甜醬同芥辣，真係無得輸！唔怪得長期出現人龍啦！下次要試下其他滷味先！

提到「肥姐」小食，除了滷味之外，腦海中還會閃站需要排隊的念頭。雖然常常都要排隊，但其實也不用等很久，每次在15分鐘內就會買得到。買的時候已經要想好要買什麼，因為店員會直接問客人要什麼，配什麼醬料。如果沒想好就會讓下一位客人先買呢，不過已經習慣了這個模式，所以沒有太大影響。皇牌套餐（墨魚，細生腸，火雞腎）$29每串滷味都會配上秘製滷汁，甜醬及芥末醬。芥末醬雖然有點嗆鼻，但也因此會有吃得很刺激的感覺，不錯。細生腸生腸爽滑，沒有異味。而且很入味，友人大讚好吃。墨魚不吃內臟的人可單點墨魚，墨魚爽口有嚼勁，好吃。火雞腎火雞腎爽脆，因為有點厚度的關係，讓人感到更滿足。醬料的味道跟雞腎比例剛好，兩者相的益彰，別有一番風味。整體滷味的差別只在於口感及食材的原味，所以還是要根據自己平常的愛好下單會比較好。

每次嚟到旺角都心思思想整返串肥姐小食，黎到附近咁更加冇理由唔買啦！同女朋友兩個加埋叫咗兩串滷水墨魚同一串雞腎，因為女朋友唔食內臟，所以我就一個人獨享雞腎一串😋雞腎有咬口，而且洗得好乾淨，絕對冇任何異味。滷水墨魚一向都係呢度嘅招牌，再配上佢嘅黃芥末一齊食，刺激嘅感覺直上我既天靈蓋，好爽，越辣越覺得過癮，愈過癮愈忍唔住想繼續食😋

喺旺角無人不識嘅肥姐小食，基本上每次嚟旺角都會整返串墨魚嚟食，平時排隊打晒蛇餅，但可能因為今日適逢母親節，所以唔多人排隊。如果買雜錦$113就可以唔使排隊，但係因為都幾貴同埋太大份，所以我唔見有人買。我同男朋友買咗兩串墨魚加一串雞腎過下口癮，內臟我就唔食，我淨係食咗一串墨魚，配上黃芥末同埋秘製滷水汁，每一啖都刺激到我既味蕾，佢既黃芥末辣到我都流晒眼水，但係越食越過癮😋

識食一定要搵總鋪，總係覺得會原汁原味d，所以每次出到嚟旺角一定會去搵肥姐食滷味一如以往，永遠都大排長龍！因為佢地嘅滷味夠乾淨又無異味，食呢類街頭小食，乾淨最重要！根本上嚟到好少逐樣點，一嚟就緊係點皇牌墨魚，細生腸同火雞腎，爽口又彈牙，配上祕製醬汁，真係好好味！肥姐滷味絕對係遊客5星推薦系列！

今日去左柏裕商業中心換禮物，換完落樓又想起肥姐小食店在附近，近近地點都去幫襯下，去到見人龍真係幾長，三十人正在排隊，猶豫左一陣都係照排鬼叫我真係好想食咩，條隊成日好長經常阻礙到隔離舖和行人，見有阿姐企出來維持秩序，大家都好自律跟實隊形，如果再多啲人排隊真係難以想像咩境況，始終等候地方有限。排隊等候時間好快，不消八分鐘就輪到我效率好高。今次點了大皇牌(墨魚大生腸火雞腎)，醬料方面間店唔會吝嗇，你喜歡就落多啲俾你，完全滿足你口味，甜醬和芥辣醬混埋一起真係幾好味，今次芥辣落重手左食到我眼淚流，下次都係唔駛叫佢額外多醬。火雞腎咬落爽口好好味，墨魚和大生腸都係幾軟身好易咬，但兩者口感味道比較相似，下次點紅腸取代墨魚或大生腸其一，三串不同口感味道食得會更滿足。難得肥姐小食仍然保持水準，夠凍夠爽同埋俾我感覺夠乾淨，所以每次經過總會到來幫襯。

為於旺角的肥姐，多年來屹立不搖，每每人龍不斷，靠的是實力。肥姐的滷味有多款選擇，例如遠近聞名的大皇牌，有大生腸、墨魚和雞腎。此類食店，看似簡單，實質對細節要求很高，如大細生腸等內臟清洗得乾乾淨淨，絕不會有污穢物又或嘔吐味，吃起來清爽彈牙，！豬心豬脷等部位極易帶菌，但肥姐處理得當，吃後絕無手尾。其獨家的滷水汁亦應記一功，甜度和鹹到平衡得宜，加上甜醬和芥辣醬，添加風味的同時，紅黃二色為賣相生色不少。而且食物冰冰涼涼，夏天食亦消暑一流。

每次經過旺角想食啲野都一定會幫襯小食肥姐小食真係食幾多次都仲係唔會厭門面永遠都咁多人 特別鐘意佢啲芥末醬 其他地方真係冇佢咁好食今次叫左生腸同墨魚 好陣牙爽口希望一直都keep到個水準！

以前成日行過旺角都會想食肥姐滷味，因為抵食又好食！今日未到食飯時間又有d肚餓，費事陣間食唔落飯，好耐冇食過肥姐所以要黎幫襯下去到見到大排長龍，因為想食，所以都會排，排左5分鐘左右啦，一直睇住有冇我至愛既細生腸，因為成日都會賣哂，好彩今日時間尚早，最後叫左細生腸，紅腸同火雞腎個滷水汁淡左，同埋淋得唔平均，所以食落去只係得甜醬同芥辣味，細生腸腍既，一D都唔爽，反而覺得火雞腎幾好味，今次對肥姐好失望呀！

呢間肥姐每次經過都大排長龍老實講佢真係好食嘅尤其是細生腸我同老公都覺得係最好味好爽👍🏻覺得佢都整得好乾淨同埋因為太多人幫襯嘅關係一定好新鮮不過每次細生腸好快就賣晒唔係成日可以食到今日又食唔到啦因為同老公去睇戲買飛同入場中間嗰段時間唔知去邊度遊蕩就知道嚟呢度買嘢食排隊得來時間剛剛好🤣雖然細生腸賣晒不過佢嘅鴨腎都好正👍🏻其實佢嘅賣點仲有啲醬汁介辣醬同甜醬混合埋一齊真係冇得彈😋今日仲發現好多都係國內遊客嚟幫襯😱

細細個已幫襯🤗🤗 有成30年前系旺角讀中學' 放學搭車返屯門經過實買來食! 真係好好味🍢🍢宜家會專登出去食肥姐!必食_ 一個人食六串👍🏻👍🏻👍🏻墨魚 ，腎，豬利，豬心生腸~ 軟硬度適中，入味' 🤗🤗豬耳~ 爽脆' 🤩🤗肥姐好少出鋪頭只見佢囡囡及員工!做左幾十年真係滷水專家!👍🏻👍🏻味道剛剛好，軟硬度適中，鹵水唔鹹，甜醬同芥辣簡直一流，🤗🙄🤗🙄 買完就企喺舖頭側邊度食·唔介意'

我諗香港無人唔識呢間店掛！每次同朋友黎到旺角都一定會食，然後食完再去附近買番杯野飲果頭真係掃街一條龍！呢度既小食串，一直都係好爽無雪味，試過食其他店，都好難避免到有陣雪味。價錢唔算貴，平既$8有一串，最貴都係$13一串，重點係雖然好多人排隊，但條隊去得好快！基本上5分鐘內就排到！最愛係墨魚$13同豬頸肉$8，每次黎最少會食呢兩串，配上黃芥辣同甜醬，簡直無比爽！因為唔會食到飽，所以可以叫好多串黎食，有時會叫埋雞腎黎食，都係唔錯架！不過係條街食真係要非常非常小心，一黎果邊人流不嬲爆多，有時行都行唔到，比人撞一撞成件衫就可以dum了，二黎D醬真係好多，但得張紙包住，好易會漏同滴，所以都要小心唔好對住鞋食