肥姐小食店

Open Now

Now Closed

除左有大小皇牌：墨魚，細生腸，大生腸，火雞腎。還有鴨脷（舌），豬心，豬潤（肝），豬脷（舌），紅腸，豬耳，豬頭肉，豬頸肉，共11種雖然$113hkd但超大一盒，同朋友夾黎食都抵😇肥姐小食秘製的豉油和甜醬加上微微沖鼻的黃芥末醬，滷味全都冰鎮著，保持涼爽的口感，內臟處理的都很乾淨，新鮮又爽脆，😍😍如果食唔到咁多推薦大皇牌（墨魚大生腸火雞腎）喜個人認為大生腸比小的更有嚼頭😋

黎到旺角，梗係要食番串鹵水墨魚啦。名不虛傳，呢度嘅墨魚爽脆夠味，唔會食完得陣水味係口，鹵水煮得入哂味，又唔會過龍。冷卻方面，保持到墨魚入口脆卜卜。食完只會得一個念頭，就係*好想食多串*。如果你一串唔夠，筆者推薦你食埋豬耳，同樣好爽脆，係真係脆架。一個字，正！如果你唔想排隊，可以用一百多元買個大雜錦，咩料都有，仲唔使排隊添。不過就好貴><用餐日期:20/1/2019是餐費用:$26味道:10/10環境:5/10性價比:10/10

肥姐唔洗介紹喇掛？好冇食？好，不過以前的肥姐再好啲。紅腸，本身唔可以粉，佢有少少粉。以前 玫瑰露比較多，依家冇乜。玫瑰露對紅腸好緊要，冇嘅話紅腸只係屎。退步了，可惜。好普通，有時油麻地碧街阿叔走鬼檔仲好食過佢。大墨魚，淋咗少少，以前實淨啲，實淨啲好，但佢依然算係好食。芥辣有少少過咗龍。豬頸肉，有一陣魚肝油味，爽嘅，係好味嘅。但唔係真係好好，好好好好食。生腸，爽嘅，彈牙嘅，係唔錯嘅。加咗價，總括以前好啲。

登打士街最長既人龍非肥姐莫屬! Order果陣講求速度 最緊要快手!!! 最鐘意食皇牌( 生腸+墨魚+雞腎 ) 加 芥末同埋甜醬🥰 不過通常佢地會落好多 唔係咁鐘意多醬既可以叫佢地少醬未食過既朋友都可以試下皇牌👑

黎到旺角地頭唔想坐低食野但又想掃街唔去旺中，依間人龍小食店就啱曬我地😋.大皇牌🏆 $32依個大皇牌就犀利啦🤩入面有大墨魚🦑、大生腸仲有火雞腎🐔三款野食都好爽口彈牙，唔會癡牙，最重要係佢食落有種好新鮮嘅feel但又唔會有臭味👅職員好好咁問我地要唔甜醬芥末，跟住落左好多俾我地😳結果啲醬重手得濟有少少喧賓奪主嘅感覺，下次可以叫少醬～不過不枉排左條人龍一陣，依款街頭小吃的確值得一試👍🏻.巧味道指數👅：7.5/10再食過指數🏃🏻‍♀️：8.0/10錫荷包指數💸：7.5/10.肥姐小食店 (旺角)旺角登打士街55號4A舖.

小妹其實黎親旺角都好想食但係成日都大排長龍 相信好多人都食過咁出名既"肥姐小食店"小妹叫左: 大墨魚($12): 墨魚好鮮味豬潤($8): 豬潤好爽口 細生腸($8): 小妹不嬲都偏愛細生腸多過大生腸, 細生腸一樣爽口 配埋佢既醬汁同芥辣, 真係好夾   呢間小食店既食物真係誠意十足, 價錢又唔係貴, 希望佢可以保持 

每次行過旺角，都見到好景對面既肥姐排長龍😮😮 隨年月增長，條龍越黎越長，今日屎忽痕，係2018最後一day去跟住啲大陸團友排一排，獻出寶貴第一次🤭雖然排到轉咗三個灣，都講緊唔駛10 分鐘就排到加食物到手👏👏就算有大陸同志一齊排，整體運還好，無誅殺到隔離既涼茶舖😅😅原因好簡單，肥姐舖頭流水式做事，一早切好🔪 而你未排到已經問定你要乜，個份緊張，同TVB劇入面炸彈倒數到3秒一樣，半點都唔少😫😫由於未食過，都係叫份皇牌，有墨魚🦑，生腸🐷，火雞腎🦃，28蚊，領到食物後拿拿林宿去街邊角落食 （好似追龍take 野咁😅，鬼叫今日旺角特旺）先試雞腎，爽脆度10分，新鮮好咬口，夾埋芥末小辣👌 墨魚唔係我所愛，但佢都做到彈牙唔淋😮😮，但要配番啲豉油，最後生腸，灣灣曲曲既佢竟然完全唔似內臟類，直頭似咬緊牛根丸質地，味道都唔錯，但都係要睇個醬🤭🤭其實呢啲滷味嘢，一食刀功準備，二食醬汁烹調，肥姐係旺角咁多年刀功準依無用置疑，但醬汁我會話係一般，元朗既真鬼巴士出色一啲😁😁

係旁邊南龍食完粥，路經肥姐，見到無咩人排隊喎，嗱嗱聲幫襯！如果叫我排餐死幫襯，就算米芝蓮又好，價錢平又好，我都唔會排囉！今次終於有機會一試聞名已久嘅肥姐小食，睇吓伏唔伏先！想點豬脷，賣哂！噢.....轉叫火雞腎，墨魚同生腸.火雞腎比想像中更爽，而生腸嘅口感同平時食開嘅爽口感完全唔同，係腍身口感，好特別！墨魚入口一D都唔硬，係最欣賞一環，好彩信自己第六感買兩串，因為轉頭又出現人龍鳥.芥辣都加分地方，因為比其他小食店嘅更辣.好多餐廳小食店都係名過其實，由其係D名人食完話正嘅，更伏，今次無伏兼大讚，食完之後終於明白點解成日門口都排龍.

隨著年紀既增長，真心越來越少出旺角了，因為怕太多太迫，不過難得今日出去旺角，就一定要去【肥姐小食店】朝聖一下吧。必點「大墨魚」，爽口彈牙，好食到返唔到轉頭，時間關係，我已經排左第二個round再買。另外「雞腎」、「紅腸」都係大熱之一，除了食左要新鮮衛生之外，醬汁都是好重要既一個環節。甜醬和芥末醬既結合完全地令到成件事的精華，簡直昇華到至另一個層次。如果大家有朋友仔來自海外之地而有機會來港一遊，帶佢哋黎試下真是一個極之不錯既打卡位，其實掃街都可以食得有態度喔。

差不多三點先同阿女食完lunch，兩母女買左杯檸檬綠茶邊飲邊行旺角，等晚上睇劉德華演唱會。已經忘記左原來之前帶阿女食過一次肥姐，阿女見到小店就扭我要排隊買佢至愛既墨魚，好彩唔算勁多人，等左8分鐘左右已經到我地，其實仲好飽，所以都係叫左一串墨魚和一串火雞腎。墨魚鮮甜爽口，咬落唔會’un’，火雞腎大件又爽口，十蚊一串，都可能係世界上至平既人間美食。佢既老味汁勁濃味，而甜醬同芥末醬既味道係啱啱好！我同阿女食得勁開心

🇭🇰#香港捐窿捐罅記 instagram: foodkiller_dk香港好味既鹵味唔多 一係鹵水唔入味 一係唔夠凍 唔夠凍好嚴重 一來會有細菌 二來唔好味☹️ 而旺角就有一家 鹵味好出名既店🤙🏻 日日大排長龍 我當然就係返英國前 特登去試一試 睇下值唔值得排🙂-佢就有兩個最受歡迎既 分別係皇牌同大皇牌 分別係墨魚🦑,生腸🐽,同我最中意既火雞腎 🙂 大皇牌同普通既分別就係生腸變左大生腸😂 佢仲會淋上甜醬同芥辣🤧 我想講佢個芥辣係我成世人最攻鼻既芥辣 食到我喊🤓 而食鹵味主要係食口感 而唔係肉味 因為佢咁洗法咩味都冇😂 果三串都好爽口🤤 主要都係靠個醬汁個味😂 不過總體尼講都好味 推薦大家去食🤤-🎈旺角登打士街55號4A舖-平均傷害：$32好味值：6/10

我好鐘意食生腸墨魚，加埋甜醬介辣就仲好食，但好多小食店D生腸成日有浸嗡味，究竟係吳新鮮定開始變，所以好耐都吳敢再食，直到有人同我講話你食過旺角肥姐未，食完你就知🤔🤔之後我就真係專登出去買湬食，點知去到見到大排長龍，吓，我吳係為左食串嘢甘排呀，點知原來係有一條vip隊，買滿100元就另一條龍，😂😂哈哈，我更係去另一邊買啦，五分鐘吳使就到我😜😜😜外賣左生腸墨魚反屋企食，wow，真係好好食，連D汁都好味過人，同其他比完全係食完之後，以後想食生腸墨魚都會專登出去買黎食，所以朋友話食完你就知，好味-好味-好味👍👍👍👍

相信大家都認識肥姐呢間咁紅既小食店架啦 廢話唔多講同女朋友一去旺角就一定會去食下咁樣 就連一向唔鍾意食內臟食既女友都唔會太反感最好食係佢既大生腸加埋佢d醬 真係好鬼正 好夠味 好正 又有咬口同 口感

今日去旺角行街路經肥姐小食店，見唔係太多人排隊，所以又去朝聖〜都有好耐未食過〜今日再食皇牌三寶$ 28，仍然好好食。墨魚依然爽脆彈牙，雞腎依然唔靱又爽口，生腸依然爽口無比〜而亮點是個芥辣汁及醬汁依然咁好味

肥姐小食一直係旺角街頭小食的表表者但每次經過都係大排長龍選擇放棄晚上食飯前又經過小店 同行友人想食 決定排隊一試雖然人龍長 但其實排得好快 5分鐘都唔洗就可以食到 要個大皇牌︰墨魚+大生腸+火雞腎 咩醬都要 ($32)三款都好爽口 又無奇怪味道 果然出色個生腸同平時食的都唔同 平時食的生腸入面係無野肥姐的生腸入面係實心的 但又好好咬口喎 墨魚同火雞腎就正正常常唯一覺得D醬落得重手左 變左好似正係食醬D味咁 雖然好多人都話食呢D內臟唔健康但間唔中一次又無所謂啦 會再有下次的