肥姐小食店

Open Now

Now Closed

講到旺角必食嘅小食，就肯定係肥姐嘅滷味啦，叫個大皇牌自己一個人食都唔過分，佢嘅墨魚夠晒爽，雞腎同生腸都好食！落埋甜醬同芥末，再加埋佢本身啲汁，簡直係Perfect Match！

喺旺角掃街相信係唔少 人都鍾意嘅活動，因為旺角實在太多小食店啦，每次路過都聞到好香嘅味道，總係忍唔住拮返一串半串，就算魚蛋又好，串燒又好，總之食番少少嘢過口癮，總係幾開心嘅。旺角掃街方面，不得不提呢間肥姐小食店每次經過總係有唔少人排曬長龍。 但係佢嘅滷味 的確係幾好食，就算排一陣隊都在所不惜。我就叫左一串生腸同埋墨魚，先講生腸，食落非常爽口，而且乾淨，唔會有一般嘅豬臊味， 加埋甜醬同芥辣醬， 好好食。墨魚都好彈牙，而且食落好爽脆， 煙煙靭靭。 不過份量唔算太多，而且肥姐不定期都會加價，相對以前已經冇咁抵。

出旺角行街街，點都一定去旺角食肥姐既大生腸及墨魚，地點方便，可以在油麻地地鐵站或旺角地鐵站步行大約十分鐘鬆啲就會到達，價錢經濟又好味，次次食都保持水準，每串$12，大生腸爽口冇臭味及墨魚鮮美爽口，值得一試既小食，但係每次都要排隊，值得既.......

每次出旺角行街，都會去油麻地食肥姐既大生腸及墨魚，好彩地區方便，在油麻地地鐵站步行大約十分鐘內就會到達，而且價錢平又好味，仲保持水準，每串$12，大生腸爽口，冇臭味，墨魚鮮美爽口，值得食既香港街頭小食之一！食吾停口

今天路經肥姐, 雖然人龍依然不絕, 但肥姐的效率, 從不令人失望, 由排隊到點單及美食到手, 一瞬間便完成。起初打算只食一串生腸, 滿足一下便好, 怎知排吓排吓, 諗吓諗吓, 忍不住又買了大皇牌, 一串變三串, 美食的魔力無法抵擋。大皇牌 (墨魚 + 大生腸 + 火雞腎) $32大皇牌有墨魚, 大生腸及火雞腎各一串。質素依舊, 爽口彈牙, 份量十足。沾上芥辣和甜醬, 那種刺激直衝上腦。價錢雖然略貴, 單點每串$8至$12, 但質素不減, 閒時光顧, 以解心癮。

旺角肥姐應該無人不曉！長期大排長龍，無論遊客還是本地人都好喜歡。我每次進過都要買3串邊行邊食！皇牌套餐有三串小食：墨魚，鴨腎同埋生腸。全部都滷得好入味的！！！配合醬料簡直無可挑剔。墨魚，生腸超級彈牙爽口，而且分量都多，不會偷工減料。怪不得長期受人歡迎。係旺角街邊米之蓮啊。幾乎什麼時間都有人龍，鴨腎滷水夠入味。如果夏天食加上冰涼的滷味一定好開胃。肥姐已經成爲老字號，我食過其他小店的滷味，真的很容易就比下去。

今日再次去到旺角的肥姐小食店，其實之前已經去過一次。不過那一次是第一次吃，所以只是叫了一串墨魚，我還記得墨魚的價錢是$12港幣。今次我是第二次去旺角的肥姐小食店，場面依舊，門口排到很長很長的排隊，很多人都在排隊等候。我今次叫了肥姐小食店的小皇牌，就是一串墨魚，一串細生腸和一串火雞腎。醬汁我全部都加，因為甜醬和芥末跟食物配搭得很好。我最喜歡食始終都是墨魚，哈哈。有咬口，又爽彈。正。至於，細生腸和火雞腎，都ok的。火雞腎比較硬身。細生腸沒有洗不乾淨的腸味，幾好幾好。

同朋友喺旺角麥花臣埸館睇完演唱會，其實都已經幾夜，但又口痕痕心思思想食少少嘢，於是博一博睇下肥姐收咗未。一去到，見到原來都仲有唔小人排緊隊，但很多款都賣哂了。排咗5-10分鐘到就到我地了，本身想食佢個皇牌，但生腸已經賣哂，不過好彩仲有我想食的尤魚，另外仲有豬頸肉，反正之前未食過，今次就試一試啦。尤魚本身鹵得好食，又凍又爽，加埋芥辣但驚喜在豬頸肉，老實講之前未試過食一串串的豬頸肉，但這𥚃豬頸肉整得好爽口，而且出奇地夾到芥辣，好好吃一串4-5片好快就食哂了，下次一定會再食過

店面貼上只此一間，就知佢地幾咁著重自己的品質。下午開店直到售罄為止，真對自己的食物很有信心喎！5時多一來到，便巳有10多人在排隊，舖面貼滿溫馨提示、每串價錢、大皇牌串等，一路排隊，你有足夠時間看完，選自己的喜好。這處沒堂食，大部份人都是買咗就企埋路旁邊吃的。點了火雞腎和墨魚串，火雞腎醃得入味，雖厚切但仍爽脆，配上特製豉油和甜醬，吃多件都唔覺滯。而墨魚因已泡浸至又爽又脆，墨魚味不多，靠的是醬汁搭夠。

肥姐鹵味串，放工食返串無論任何事侯都咁多人排，但熟練既姐姐清人龍非常快鹵水墨魚 $12 評分9/10大墨魚加上芥末同秘製醬汁，墨魚爽口鹵得入味秘製汁食落有淡淡蠔油味，可以帶出海鮮甜品

肥姐小食店門口排滿長期長龍，皇牌就係墨魚、大生腸、火雞腎(HKD32)，價錢唔係好抵，不過做遊客為主，再加上曾經聽聞報導話過呢間野既大腸桿菌超晒標，所以呢個皇牌都係試一次好喇，平時可能都係少食為妙。墨魚又軟又好味，芥末醬、甜醬兩者互相增加味道層次，加埋墨魚一齊食先至係皇道！呢間鋪做到米芝蓮一星唔係無道理，雞腎切得唔會太薄又爽口，內臟完全無腥臭味墨魚爽口好味，醬料調配恰當，而且好軟，同凍食墨魚無得比

係旺角食完dinner未夠飽, 唸起爽口美味ge肥姐小食！😎😂係旺角dinner後再找她係常態！ 去到見人龐唔算太長, 當然去排la!👭😁凍櫃裝滿唔同鹵味小食, 感覺整齊、新鮮！今次點左好出名ge大皇牌, $32 有3串鹵味。😊 大墨魚: 比左d墨魚蘇同身位👍🏻, 蘇位好彈口, 身位又幾厚肉, 點埋d黃芥末醬👍🏻👍🏻！ 大生腸: 每嚿都好大, 好彈牙、有咬囗！ 雞腎: 肉質爽口彈牙！ 整體而言, 雖然小食鹵水味唔特出, 但每樣都好新鮮, 夠爽夠彈, 食極唔厭！😋

長期大排長龍..起碼有1x-20人排隊但等既時間都算快冇食佢既皇牌套餐試左豬潤+細生腸每串$8..有幾款係$12份量唔算多..都係每款4舊仔豬潤岩岩好熟唔會乾到成條柴咁細生腸正常個汁好食芥末唔會話太辣+小小甜醬

今日和家姐去了旺角，見到肥姐小食店門口排滿長龍。因為之前未食過，見到每一次排滿長龍就沒有去排隊。但今次我也不輸蝕叫家姐跟我一起去排隊買來吃。一邊排隊，我就一邊看看到底買什麼來吃。我見到墨魚每串12元。大生腸每串12元 。紅腸每串8元。鴨脷每串12元。大皇牌就32元，再看多兩看，就見到原來大皇牌就是墨魚加大生腸加火雞腎。最後..........由於我和家姐一會兒還要去吃晚餐，所以就隨便叫了一串墨魚來吃。啊，第一次食肥姐，原來真是幾好食，墨魚又軟又好味，芥末醬甜醬兩者缺一不可，原來加到墨魚一起食，是如此好味，難怪每次經過都大排長龍。

本身對內臟鹵味這些小食沒有太大興趣， 加上這間肥姐小食店長期都大排長龍，所以從來沒有試過， 這晚和表姐在旺角經過附近就湊一湊熱鬧， 其實雖然要排隊， 但實際輪候時間不是太久，因為所有食物都是預先準備好，所以很快便買到。店舖貼滿一張張價目表，推介系列及溫馨提示，相當壯觀。一串串的內臟及鹵味在雪櫃裡擺放整齊，感覺很清潔衛生。點了皇牌推介大生腸及大墨魚。 現埸吃的話，店員會用紙摺成碗的形狀盛載著，不會害怕弄得一身髒， 加了醬油，芥末及甜醬， 大生腸厚身爽脆， 大墨魚爽口彈牙， 食物本身味道不突出，主要是口感的享受，不錯的街頭小吃。