Felicita 1929 (Closed)

團購通常都係一分錢一分貨。冇咩expectation. 不過Felicita 1929真係值得推介。食物環境服務都一流！book 左8:30pm 晚餐，安排座露枱風口位，朋友一話凍，我地都未request轉枱，細心既女侍應就即刻安排第二張枱，加晒分食物真係唔錯，足料，餐具又新淨。 Risotto 好正宗 牛扒medium rare!真係啱啱好 好juicy!! 見到呢到環境正，食物又正，價錢又唔貴，即刻打電話叫朋友上黎即興飲返杯野.見到menu有Coronarita即刻叫左一杯，飲開野都知唔係到到有得飲. 朋友就叫左杯guinness 加pop corn.到coronarita 上枱既時候 ，職員都不厭其煩咁提我要小心啲拎，但我最後都係唔小心倒瀉左而佢地又再一次好細心咁即刻抹枱抹地同整過一杯。睇到啲comment 話職員態度唔好，唔知係咪今晚我地好好彩呢？職員同我地有講有笑 ，除左食物睇得出用心整，職員既服務令到成個用餐過程更加felicita!由8:30食到12點 ，都冇催過我地走。就係呢班熱情好客既職員，令到我終於為我呢個開左成7年既openrice account打出第一篇食評

失望、失敗的一餐，食物完全唔掂，做團購都無用，食完肯定後悔………墨魚麵有油益味，已變壞，俾廚房試竟然話正常，點食呀大佬，唔駛錢都唔再食。 百幾蚊叫個所謂招牌炸黑蝦，完全無蝦味，食炸粉一樣，仲話推介喎，嚇死人………講起牛扒，完全無牛味，唔係見到塊所謂牛扒喺我眼前都唔知自己食緊牛扒，餐牌又好多食物無，做壞個名，不如剩係做酒吧好過喇，究竟呢間店個老細有無食過自己店嘅出品㗎，差到唔想再回憶，晚安………

週末一家人到這店用Groupon優惠，食high tea 。因為是Groupon，兩人只需$128！店內佈置懷舊復古，有格調，座位寬敞，很舒服。可是原本這店在Groupon中所列的甜品，點餐時卻沒有。。。問到飲品選擇時，女侍應更說熱朱古力也要加$8，我們當然有點愕然，high tea set包了的嘛！女侍應更竟然串串貢：吓？！加錢有咩咁出奇？？飲檸茶檸水咪唔洗加囉！！我們有點無奈。茶餐廳set加普通熱飲也不需加錢吧。。。最終點好後，女待應又一臉鄙視+冷笑地離去。食物約5-10分鐘就到了，主食的外觀味道都很好，除了手打雪糕($78)味道淡，很粉，似一團凍粉😅😧放了20分鐘都不會溶掉的「雪糕」。總括來說，環境、食物都不錯、只差態度。對員工要求高點，就可以成為高級餐廳了。

工作繁重，每每去到星期中便需加一點能量，朋友絕對是能量的來源。即使明天一早要起床工作，也不會阻礙約會！人愈大，愈難找到知己。眼前的兩位朋友，皆是近年認識，竟一拍即合，臭味相投，實屬難得。回想，進入職場後，工作伙伴，在其他場合認識的新朋友，皆是真誠友善的，太幸運了吧！餐廳的氣氛絕對配合這心情，令人放鬆，絕對合適這無所不談的約會。餐廳燈光昏暗，但不會過份浪漫。分室內及露台部份，當天天氣涼爽，毫不考慮選擇了露台。室內有數部飛標機，感覺不太合襯，但很多客人也玩得很投入～從餐廳向外望著電車路，路人匆忙，香港人確實很少慢下來。今晚要好好享受！餐廳的選擇頗多。頭盤、沙律、薄餅、意粉各選一款吧！煙三文魚沙律：三文魚熠成玫瑰花，很漂亮！很愛三文魚，但往往煙的會過咸。今天的新鮮，也不會死咸，沙律菜亦十分爽脆。推介！水牛城雞翼：水牛城當然是辣汁，帶輕微的甜。即使淋上醬汁，雞翼也脆口，雞肉鮮嫩，沒有雪味。推介！香辣青口茄汁意粉：對普遍西餐廳的意粉沒有太大期望。一上台，真的嘩然。份量十分足夠，足3-4人享用！青口數量亦很大方！實在抵吃。真的真的推介，因為意粉煮得很al dente，不會煮得過火，質感很好。很有o

見到團購好抵就去試試，價錢係288加一。食物質素非常好，首先有White wine兩杯，然後係餐湯同沙津，主菜有幾款可以選擇，我地就揀咗牛扒同意粉，兩款都超級好味 佢仲有coffee or tea，我地都選擇咗檸檬茶，不過係無味ge..最後係甜品，意大利雪糕，因為係慶祝生日，所以我一早就通知waiter係碟上寫上祝福語，然後佢亦都主動問我需唔需要播生日歌，服務態度好好 今餐飯我同男友都食得好開心，除了食物質素好，環境好，我地更加滿意佢地ge服務態度

買了團購2 人炸豬手拼啤酒晚餐($298+1)在評食物時，不得不先評服務。我訂了下午6:30，2位。我準時抵達，但阿姐遲了15-20分鐘。在等候阿姐到來期間，侍應老是「關心」阿姐何時到來，說要安排上菜云云。或許，上菜要有很多準備；我明白，遲到是不好，但這樣過多的關心與提示，讓人很有壓力。 假期晚上，是放輕鬆的日子。你賣的是酒吧閒聊的情調，卻讓食客坐不安寧，這樣真的好嗎？而且當時餐廳內還有不少座位（在我離開時仍有座位），這樣的催迫，因何來哉？最後，我大約於7:30離開，希望沒有礙著他們做生意。好了，說回食物。飲品可選意大利啤酒及白酒，各點了一杯。對酒，一向只是淺嚐，評論或許不夠中肯，但不論是啤酒還是白酒都味淡如水，還是喜歡德國啤酒帶的麥香，應該與豬肉更能相配。沙律醬帶少少甜味，菜新鮮；蒜蓉包香脆肉腸拼盤：腸仔質素一般，吃白腸時如吃漢堡扒；而紅腸會比廚師腸好上少少。 豬手配薯條：薯條應是剛炸好，香脆。豬手的皮香脆，但豬肉帶臊味。對我而言，就是再好的烹調方法，要是豬肉有臊味，我已沒心情吃下去。雖然豬手是主角，但最好吃的，其實是蒜蓉包及薯條

早前walk in想同三五知己試下呢間新餐廳食飯，但點知full booking. 前幾晚訂定位終於可以食到。仲可以坐露台位，好有feel!! 我一坐底就試下有個叫青瓜茶(無酒精飲品)，真係想像唔到係咩味道，點知一飲有種好清新的感覺，唔太甜，好飲喔! 跟住見隔離台有人叫左個飲品係將個啤酒樽掉轉，好特別，杯裡係有另一隻酒，加埋啤酒! 味道不錯呢...全程都好驚個樽會跌小心翼翼，其實都ok穩陣的。頭盤係芒果蝦沙律及煙三文魚沙律，蝦大隻及沙律開胃，係呢餐飯好嘅開始! 之後仲叫左個面頭有薯蓉加芝士個皮脆脆的炸薯皮，好味道! 主菜係炸豬手，估唔到咁好食，因平時食嘅豬手會覺得好咸，呢隻唔咸又切好哂容易食，推介!羊架叫左5成熟，肉腍好好味喔!! 本人好鍾意食肉醬意粉，意粉軟硬適中，肉酱份量恰到好處! 最後，叫左個waffles及奶凍，waffles上加雪糕，冷熱的感覺正喔! 奶凍有驚喜，不太甜又濃濃的奶及cream味，好鍾意喔! 令晚餐劃上完美句號。👍👍👍另外，坐係呢間餐廳的露台位，望到樓下係繁忙的銅鑼灣街道，有種置成一角的輕鬆感覺呢!!!

行過銅鑼灣馬路時，抬頭見到有露台既餐廳，已經被吸引，而且見午餐既價錢都可以接受，就親星期五happy friday 約埋同事試新野。menu 有5個選擇，D 同E 較為吸引。餐湯應該係西蘭花湯，唔會好傑身，仲有西蘭花粒，有口感。 另外沙律係落左果醋之類，食落好fresh 好開胃。 正題，西冷煎得比較熟，waiter 冇問我要幾成熟，食開7成熟既我會覺得比較鞋口，肉質唔夠嫩。而同事食既豬仔骨都話唔錯，個味調得好，唔會over cook。到埋單果時先知全單有8折，每人唔使100蚊，咁有格調既環境都抵食，不過出餐時間較慢，有待改善。

约左朋友行花巿，之前揾個地方食飯先，聽講話呢間銅鑼灣開左分店，就去試下入到去，幾大，坐近窗口，看見鬧市景，有點大風，吹到有點頭痛立即睇睇餐牌有咩新野叫！先叫一個炸薯皮，很鬆脆，薯蓉內有Parma ham 味道好好，值得推介三文鱼沙律賣相好，用心砌，沙律菜少左D, 跟著叫左個千島海鲜Pizza, 個汁依然好味，餅底脆, Good黎呢度梗係要叫意粉，墨汁海鲜麵，今次咸左D,但辣味足够，不失水準！仲有個意式肉腸意粉，很香口，意粉口感軟硬適中，不錯之後問店員問店員有味介绍，試左炸豬手，一般會咸，皮會靱，但這裏很爽脆，仲切埋砌好，用心，酸菜配合，仲有個甜甜地既醬，問下才知道是蜜糖芥末子醬，很配！最後叫左個Panna Cotta, 味道適中，不甜！最後大家食得開心，無去錯地方！

入到去就有位, 唔駛等, 心情已經先留低一半, 每個serve客人既waiter都會笑, 呢個好緊要, 嗰日我同我D fd叫左店既其中之一主食意粉, 其中一個意粉唔記得名, 有煙肉, 個汁好特別,  當你叉起D意粉時, 聞到陣輕輕嘅芝士香味, 再入口時候已經感受到濃郁味道, 而意粉嘅口感真係同外面好唔同, 入口小小硬, 咬落去就軟, 味道從輕到濃, 口感就由小小硬到軟嘅, 兩者啱啱好, 正!食完飽飽地仲可以玩飛鏢當郁動下, 飛鏢機仲要全球聯機既Dartslive2又食又玩, 而且地方又好方便, 一定要去!期待下次再去時, 再食返呢一味同埋店既另一鎮店之寶 - 扒

经常经过铜锣湾，这里附近的西餐厅一直给我的感觉就是几有格调的。       这家餐厅是朋友介绍我来的，从楼下进去的时候，内心期待感就打了折扣，因为是旧楼改建的餐厅。但一上到2楼，就充分感受到老细对餐厅的用心！       餐厅的灯光映衬在别出心裁的墙面装饰，在加上柔和的音乐，给人的感觉很舒服～食欲也大增了！飞镖机和游戏机也非常好玩！       我非常喜欢露台改建的大窗户！在繁闹的市中心给人恬静而舒逸的感觉。       食物方面也是充满诚意！头盘沙律很清新，入口味道少少酸酸甜甜，更给人清爽的口感！汤品味道浓郁！牛扒处理得当，7成熟对于我刚刚好，入口咀嚼几下就融于口中……正！       总体而言，无论环境服务、食物出品……都值得一去再去！

跟朋友到來，一進入餐廳便有一種好relax舒服、好有氣氛的感覺，和三五知己放工到來享受一餐最好不過！先來一杯特別的靑瓜飲料，然後朋友發板叫左一d菜式。上菜了，見菜式嘅賣相好好，以為好睇唔好食，點知，一入口，嘩！正呀！ 食到停唔到口。其中以蝦為主的菜式好好味！尤其是炸黑蝦，脆漿用墨汁溝成，裏面的蝦新鮮爽脆， good! 另一款蝦沙律都好好味，少少酸辣，刺激食慾，再來是一個素pizza和三文魚pizza!  Pizza 焗的脆脆的， 正！還有那自家製的意粉（聽老闆講），煮得剛剛好，不會太"林"，好有囗感。還有那咸豬手，肉嫩唔奀，點埋個蜜糖介末汁，味道夾得啱啱好！友人們顧住吹水，我就只顧住吃，話之理！最後加埋個甜品心太軟，為這餐劃上一個完美的句號！一行6人9款菜加飲品，圍返只係每人約3舊水，抵食！