First Cup Coffee (Closed)

呢度埋面D位係有少少焗促，有人食煙的話難免烏煙瘴氣。全店最好坐當數門口的超級無敵街景位，我都係見有位至會坐低慢慢飲，如果唔係就氧走算數。小插曲：上次來幫襯位本地侍應見有兩個女子在拿明信片，立即走出來問她們是否顧客，如不是就要放下明信片。當然那兩個女子是悻悻然的將明信片放回，不過個店員個樣同態度又真係幾兇狠下，可以好相與少少卦？

經過my coffee,又"closed",嚟飲咗杯double espresso,$21,濃是夠濃的,但個人就覺得好普通咋喎,唔算好好飲呢度最不濟的是成間店都烏煙瘴氣,頂唔順,所以畀佢"喊"

正確黎講, 係Uncle Russ 前員工, 在Uncle Russ北京道分店結束後, 個外籍人仕同佢個ex-boyfriend 合份開!

今晚約左朋友去諾士佛檯食飯兼睇波，下晝在尖沙咀附近周圍行。下大雨的下午最好搵度地方坐下飲杯咖啡，見有食家推介這裡，行過又見有位，就試試。呢度地方不大，舖位窄長，但坐落都唔覺太屈質，不過就只限飲野，在此開餐就麻麻地了，因為張檯幾細下。當然坐在出面的高檯或門口那張無敵街景檯就更正。兩個年青店員勤快的招呼客人，很有朝氣。咖啡選擇不少，但始終喜歡原始風味，叫了Macchiato，係幾香濃幼滑，幾有水準。本想叫點吃的，但見在雪檯的cake賣相不太好，碰巧店員在向隔離的鬼佬展示手上的Quinch，但見?亦坦白的將Sweet Secret的餅盒也拿出來，怪不知D cake有點熟口熟面。本來只要好食，是不是自家製都無所謂，但就是過不了自己，還是下次來才吃即叫即製的三文治或牛角包吧。15蚊一杯Macchiato唔係太貴，經過見有位可以一試的。

espresso一加左奶就只可以稱之為espresso drinks﹐例如Macchiato.話時話﹐考下大家﹐知唔知First Cup Coffee前身係叫Uncle 乜野? ;-)

淨飲唔係個個頂得住，查實Espresso都可以加糖的，奶就唔使加。

兩樣都唔需要. Expresso係淨飲o既.

我有個白痴問題，究竟espresso駛唔駛加奶同糖呢？

double expresso 仍然好正, 十分香濃, 不過入口後似乎香味保留得唔夠長時間.

我去過數次，自覺咖啡質數非常好。daily coffee 只$12 一杯，上次外賣上van仔，前面乘客說好香咖啡味呀。又試過iced mint mocha，唔太甜，飲落薄荷味慢慢滲出，透心涼，連凍咖啡也有咖啡味。聽聞espresso 和火腿pizza都好掂。老闆還給予咭累積幫襯送咖啡。

上星期二晚同老婆o係亞士厘道三五亭食完飯後,就去左依間食評唔錯o既地方飲下coffee, 點知一入到門口, 個個都黑哂口面同我地say hi, 好似唔想我地幫襯咁, 然後有個後生仔( 個樣好似死左老豆咁款)拎menu比我地睇, 我地坐個張table都要有d垃圾o係度添( 超污穢!! )我地order左兩杯凍mocha同一件New york 芝士餅, 但件餅竟然變左酸味, 跟住我地同個高高地果個鬼佬老細投訴, 佢條死鬼佬夠膽死話冇可能喎! 仲叫我地試真d, 真係比佢吹漲,咩服務態度呀!唔通我做客會呃你一件芝士餅咩?! 仲有, 果兩杯Iced Mocha 甜到七彩,比你都唔好飲! 樣樣都唔掂, 佢地點同STARBUCKS比呀??連最基本o既禮貌都唔識!!

地方淺窄,坐得唔舒服,無左咖啡店應有既relax 感覺。<br />食物係得包同cake,普通。<br />coffee 幾好但係唔夠街口轉角另一間好味(唔記得左個名,係8 號van 仔站對住個間)。

同老死係尖咀做完尖後就最鍾意黎呢度飲番杯咖啡,有時會食少少野,志在傾下計抖下。朋友有飲開咖啡,試過幾隻野飲,佢話Double Espresso好勁好濃好好味(佢飲完個樣直頭好似中左毒咁!哈!)我就飲過Cappuccino,有咖啡呼但係唔算好好,另外試左iced mocha,好大陣奶味,好滑,另一次又飲左frappuccino,花生朱古力味好正好正,雖然係用skimmed milk,但都夠creamy,又香.有一次無晒花生朱古力,就飲左coffee+chocolate,無花生咁香咁正。食過?既芝士火腿三文治,用既係法包同自己切既火腿(一大轆切出黎既),好味,但係細份左少少。地方雖然淺窄,但係夠靜焗,燈光柔和,店員好友善又有禮,會主動推介岩你既野飲同野食。

Cheese & Ham Pizza

太耐無飲過似樣o既咖啡, 朋友介紹去依間, 一齊飲杯好o既咖啡~舖面幾細, 得15個位左右~ 只有兩個staff, 一個應該係老闆, 外籍人, 聽聞?專程去學整咖啡, 另一個係local男staff~ 兩位都好好禮貌, 好nice~依度同一般coffee shop一樣都係食d小食~ 我地兩個人食dinner, 幾乎食晒佢地menu上d o野:Hot Spinach Quiche ($22) - 一般啦~ Ham & Cheese pizza ($35/slice) - 好好味~~ 好脆好香口~ 同donerhouse差唔多~vegetarian pizza ($35/slice) - 唔係咁好食~ 蔬菜太多水份, 令pizza底濕o左, 唔夠脆~ 另外...唔鍾意食olive同eggplant o既人就唔好叫啦~ Tuna Mayonnaise Sandwiches ($25) - 好普通......Mocha Cheesecake ($25) - 好實, 但口感同味道都唔錯, ok啦~Double Espresso Shakerato - 連凍飲都好夠味~ Iced Latte -