鈞壹居 (Closed)

琴晚同屋企人食飯，我叫左個5成熟肉眼，我老公叫左個8成熟牛柳。咁湯黎先，得1個湯，就系白湯，okay.咁都照嗌，湯無咩未，包1般，咁我老公個個牛柳到左先，我老公1切開，講左聲，哇，乜8成都咁生既，我個心諗，死啦，8成似4.5成，咁5成咪系刺身？咁之後肉眼到左，有半塊系熟既，有半塊系全生仲見血既，之後我心諗，死啦，點食？之後我叫佢整熟小小，佢整到似9成熟咁，所以我無食咁走左，啲員工態度又吾好，真系吾會有下次。

話說我地一次偶然既經過，見到間野都幾多人幫襯，睇下隔離舖頭無乜人食，就走左入黎。入到黎感覺良好，乾淨企理。睇左份menu其實好多野都想試，價錢好吸引啦一黎，再者見其他人食既野賣相都唔錯架，仲聽到有一張枱既人食唔曬打包，我估應該好好味啦咁我地叫左三樣野，一個唔記得叫咩名既海鮮意粉，一個豬仔骨意粉，一個藍青口。好掂阿，因為我個人平時好少好少食意粉，次次食親都中伏。但今次既味道好適中，熟度亦控制都好好，淋得黎唔爛。會再幫襯！

同朋友兩個人預先訂位，所以去到唔駛等位，叫左都幾多野食。前菜係忌廉湯加蒜蓉包， 湯一般，偏淡，包味道尚可， 小脆。主菜係香煎T骨牛排，點左七成熟，配燒汁，呢道菜值得一讚，牛排滑嫩多汁，無渣，意粉軟硬度剛好， 配忌廉汁， 夠曬香滑，個餐一共$98。另外仲有，白汁配意大利酒煮蜆，味道不錯， 食得出有酒味， 啲蜆本身都算飽滿， 兩個人食平均都有六七隻，盛惠$58。店鋪唔算大，雖然有兩層，但底層只有十幾個位，如果唔想去到等位，最好打電話預約先。總括黎講，食物有驚喜，兩個人埋單先二百五，性價比算高，如果係市區，相信依個價錢會揾唔返咁嘅食物質素，加上服務都算周到，所以。

鈞壹居近年新開的餐廳。也是我公司附近最喜歡的餐廳。餐廳雖然面積不大。但開放式廚房。增大餐廳空間感。簡潔純白的裝修。沒有多餘的擺設。但反而覺得休閒及舒適。餐廳服務中規中舉。只能說一開業的時候只有一位廚師。食物有機會超過30分鐘之後才出現。有次等待時間極長。我最後要只吃了一口就把食物外賣直到放工後才吃。但眼見近月廚師多了一位。解決了此問題餐廳午餐餐牌約2星期會轉一次。食過不下20次的我，每次午餐總會挑不同餐來吃。最印象深刻的就是比目魚意粉魚沒有腥味。魚骨不多。魚肉十分細緻順滑。意粉以忌廉洋蔥煮成。意粉生熟程度十分好。誠意之作！堂食較佳！另外就是牛扒。牛扒質素一般。但肉質軟腍。肉的份量足。十分抵食。最後不得不提的就是早餐。早餐供應到上午11時半。十分便宜。食物是比大x樂大快x美x的更好。蛋炒得夠滑。牛角包新鮮熱辣。酥脆而香濃牛油味。另外加5元有蕃茄蝴蝶粉。味道酸甜！大愛！！另外每碟份量男生可能不太足夠。早前提及爛了的杯碟亦有改善。最後需要改善的是通風系統

週日的午餐, 如我沒特別要求, 男友就只會在屋邨附近吃, 但吃得久也會厭, 從一些途徑發現這食店, 於是要男友跟我跳出北區.12:30PM左右到達, 已有6人在等候入座, 唯有看看有甚麼set lunch啦~ 共有7款選擇, 但唔魚唔牛的我都有4款可選, 幾好~ 等了接近20分鐘便有位, 店員帶我們從下層經過樓梯到上層, 我發現上層的空氣比下層好, 又不大油煙.與男友一人點了一set, 先來南瓜忌廉湯, 不稀不稠, 湯內有南瓜蓉, 忌廉份量不算多, 所以不會太奶, 稱不上十分好味, 但合格吧~到我期待已久的日式咖喱吉列豬扒蛋包飯, 賣相很OK! 兩大塊豬扒, 份量可不少; 雖然是蛋包飯, 但蛋沒有弄得老, 還很整齊地把飯包著; 日式咖喱汁本來就是甜多於辣, 但這個汁則連一點辣味也沒有, 有點失色啊~從這角度看來, 豬扒沒有被炸粉/炸漿緊緊的封著, 而是有點分離, 不過的確炸得鬆脆, 整體來說也是合格的.平時我是以熱檸水為餐茶的, 今次點熱檸茶, 為的是試試鈞壹居的茶味怎樣, 很讚的是小杯份量也放三片檸檬, 記緊不要狂篤, 待茶的熱力令檸味釋出, 才喝到真正的熱檸茶. 很怕喝到檸茶後,

牛肝菌鮮菇意粉Spaghetti with Mushroom in Boletus sauce擺碟很用心 一上枱會令你頓時有種wow既感覺 用上大圓碟盛載 很有高級意法餐廳feel 喺意粉上插上火箭菜 再灑上香草 怎教人不心動知道雜菌意粉既顏色比較單調 小店很有心思地加了些紅蘿蔔碎意粉同磨菇並不是象徵式明義上在一起 意粉剛熟透不過腍 每條意粉均被濃稠醬汁包裹着 充斥着濃濃菇味 夾著小許黑椒和香草更為惹味 菇菌能保住水份 咬落多汁濃味 正正正日式咖喱吉列豬扒蛋包飯Omurice with Pork cutlet in Japanese curry媽媽説豬扒是心形的 很有少女情懷呢;D 豬扒炸得脆卜卜 就算蘸了汁也不會變腍日式咖喱所以不會太辣 滑蛋蓋在珍珠米上 處於半熟流質狀態十分嫩滑 飯黏黏甜甜的 三者一口吃下正到不得了 飯既份量都頗多餐湯是雜菜忌廉湯 非一般的罐頭旱貨 重奶味 唔錯唔錯lunch set with soup and hot drinks $42小店服務好好 會耐心等患有選擇困難症的我們xd 還會跟我們攀談hehee 支持區內特色小店!!!! 會再回頭xp

今時今日，想食一餐平平地既lunch，閒閒地都要四，五十蚊有日經過見到個價錢吾太貴，四十幾蚊包野飲，餐湯甘就試下囉，雖然地方淺窄(冇辦法啦，而家租貴)，但都坐得鬆動，吾會太辛苦甘幾個人叫左幾個餐，湯就冇得揀，應該係忌廉海鮮湯甘我地幾人就叫左香煎西冷，越式三拼飯(豬頸肉，扎肉，蝦丸)，鰻魚飯，香辣茄汁炒蝦蜆意粉，咖啡焗海鮮飯，日式咖啡炸蝦蛋包飯全部都係42-48蚊，講真太興食個餐蛋飯都要四十幾蚊over all，全部都有水準，炒意粉比較辣，最出色係西冷夠大塊，配菜有心思，連我最中意既耶菜仔都有！誠意推介。順帶一提有即磨啡，加3蚊。同埋晚市應該吾係呢個價錢，應該要double。

同事說要帶我去遠一點的大埔吃個午餐，人生路不熟，只記得由太和火車站行約10分鐘左右就到，去到見到個門面望望心想！：「唔係啩...黎咁遠食茶餐廳?」即時心裡一沈。由於已差不多兩點，所以不用等位，坐低看餐牌，都是很常見的餐種, 而且價錢仲好實惠, $40蚊個午餐，那來的期望，見到有個叫日式麻醬吉列蝦蛋包飯，心想麻醬同雞蛋應該穩陣啦掛，不太好炸物的我對其$40包埋的吉列蝦也沒期望了，疊埋心水諗住麻醬同蛋撈飯吃了算, 好過吃什扒飯啦!等了數分鐘，我的飯送上來了，其賣相竟然令我眼前一亮，$40蚊的麻醬吉列蝦蛋包飯，這賣相已有交代了。雖然嚴格來講算不上蛋包飯，因為個雞蛋只是鋪在飯上面，不過睇落好水潤吾會太乾，至於個吉列蝦，其實看賣相已知道一定脆，再加埋個超級穩陣的麻醬，我食到中段仲叫店員給我加點麻醬撈埋個飯吃。呀, 仲要提提個白飯, 完全不是乾硬個種, 是軟綿的，所以總的來說$40有這質素已有超額交代。至於我同事點了一個$50的什扒飯，賣相吸引，原本的什扒餐是雞扒、牛扒及火腿扒，由於同事吾想食火腿扒，店員就建議換隻炸蝦，就變成圖中的模樣。至於味道不過不失，由於本人對扒有一定要求，所以就不多評論，但

同家人預先BOOK左8點，準時8點到，見到好多人等位，好彩有BOOK鋪頭都幾細，坐得唔算好舒服。Order左羊架意粉同鮮茄海鮮燴飯同另一個芝士煙肉意粉羊架整得夠味又唔"UN"，配既意粉用汁炒，讚！其餘兩個都好味，不過幾膩最後仲有烤骨同三文魚芥末PIZZA，呢個時候先記得影相烤骨好味好多肉！最滿意係個PIZZA，鍾意佢有芥末可惜已經飽飽地，每人2塊都好飽

早兩日去跟父母去食晚餐，雖然地點有點偏，但真的意想不到的好食。服務一去到就有位坐，而且waitress也很有禮，會主動介紹有什麼特別的主菜。有什麼需要，反應也很快。食物我們點了四道菜，而餐湯的南瓜湯也不俗煙三文魚意大利燴飯味道不俗，芝士味濃！黑松露海鮮意粉味道清淡一點，適合喜歡淡口的人三文魚芥末pizza小小辣，幾惹味，而且係薄脆嘅餅底，正！燒春雞非常惹味，重口，年輕人會很歡喜！

呢日同朋友farewell，想留係大埔食飯，左搵右搵之下發現呢間野就決定試下。去到發現個門口唔多吸引，不過大家都好累所以決定試下！可能星期日有啲爆，不過好彩等左五分鐘就入得，入到去感覺都幾舒服。侍應妹妹推介黑松露海鮮意粉同三文魚芥末pizza，大約七八十蚊一個pizza，同埋六七十蚊一個意粉，酥皮湯加十蚊就有，西餐黎講咁既價錢，我地都冇抱太高期望。等左十分鐘就有酥皮湯，ok la，同大家樂差唔多。無耐意粉就黎，睇落賣相唔錯，我地3個女仔share一個意粉都夠食。個意粉煮得岩岩好，唔太淋唔太硬，而且黑松露既味好正好香，呢個黑松露海鮮意粉值得返卓！當我地五個女仔風捲殘雲咁解決左個意粉之後，個pizza都上埋lu，呢個都係好好味！煙三文魚都幾大塊，襯芥末有小小辣都幾特別，好足料。最後到飲品，d朋友唔想飲茶餐廳既野飲所以叫左木瓜奶同埋fruit punch，好多野飲揀，好滿足！最後埋單二百蚊左右，每人70蚊度，好夠飽之餘也好驚喜，特別係黑松露海鮮意粉！雖然個門面真係麻麻地不過最緊要食物好味，仲要幾抵食。