魚鍋小甜甜 (Closed)

屋企人話晏晝食過ok, 諗住你試下，一入門口， 有枱， 但叫我地去後面間分店， 因為想留大枱做生意？叫餸， 我地坐圓枱，坐左無幾耐叫我地轉枱， 已經覺得矩地安排好差， 一杯水都無，, 轉完枱我成碗飯都冇幫我攞過黎，待應完全無反應，我自己去攞😪，上左醉雞煲， 好濃酒味， ok, 但系d 雞， 煎過唒先丟落去， 我第一次見系咁做法。唔係正常醉雞煲。再來姜蔥魚腩煲， 大大舊， 唔切細舊d。$88一個煲，白飯唔包， 冇野飲，埋單要加一， 冇水冇服務，你食埋我個份， 性價比是零。呢個價錢有大把選擇lo, 仲有一枱坐低左都叫番佢地起身坐路囗，請問d店員你一開始又叫人坐個度，你點安排。最後買左老麥食，仲好食過矩。垃圾一間

聽就聽得多D人話魚鍋小甜甜好食 今日就終於試下啦 8點幾都仲有好多人食 不過都吾洗排隊😀試左個麻辣雞煲加碟肥牛 一泥就上左碟肥牛先等左半個鐘先有..泥到仲要等佢滾熱 先食得...點知....雞還雞 湯底還湯底 D雞係炸熟哂放上面 個湯底就只係得辣 其餘全部都係油 簡單d講 d雞就只係得炸味🤦🏻‍♀️🤦🏻‍♀️🤦🏻‍♀️個爐問過係可以打邊爐 點知係吾得 D肥牛只係浸熟....😞😞😞 到打得邊爐既時候D肥牛已經岀哂水 變哂色 個爐D火弱到打一碟肥牛都要換2次火.....失望😫😫😫😫😫

第一次到筲箕灣，諗左好耐晚餐食咩好，朋友推薦魚鍋小甜甜既魚春魚卜，朋友平時都會成日去食魚春魚卜煲除左魚春魚卜外，仲有薯仔同白蘿蔔，薯仔同白蘿蔔索左啲汁，味道唔錯咕嚕肉第一次食呢個咕嚕肉，不得不推介..跟其他食肆是不一樣的做法每一舊都是啖啖肉，加入配料有桃、士多啤梨、喬頭每一啖都好開胃鴨柵子個湯是用左少許藥材做成，老闆推薦先飲湯，後食鴨，個湯清清甜甜幾好味.估不到有成隻鴨係到，隻鴨既肉仲要好滑.蒜香骨椒鹽田雞第一次食，感覺好似食緊雞件，幾得意

今晚放工後去筲箕灣搵野食，朋友話去食辣野，就選左呢間泡椒鳳爪，呢個好開胃，食落去都幾辣！個人好中意食呢個，推薦之一！呢個好好食，好爽口，正！呢個大腸就一般，因為食落去好硬！

同屋企人黎食晚飯前菜叫左萵筍絲、椒鹽豆腐、雞腳叫左個水煮桂花魚（附粉條）打邊爐加牛肉、魚春、炸魚皮、手打雙丸、黑柏葉萵筍絲：切得太幼、無口感、無特別椒鹽豆腐：外脆內滑、但衰在椒鹽勁孤寒，基本上得兩三粒豆腐有味，想話點個泰式辣醬提返少少都無雞腳：味道ok, 但好硬，食唔到咁滯水煮魚：芽菜係主角定配菜、多到我都青唔清，相中可見鋪響面嘅魚就係成煲咁多嘅魚了隨水煮魚送嘅粉條⋯難食到⋯毫無口感、夾唔起，一夾即斷，係我地一心以為佢係煙煙韌韌果啲，好失望其餘野食⋯雙丸較正常，牛好韌

本人嗜辣，但始終吃太多傷胃，所以每隔一段時間才來，念念不忘的麻辣味每次都會點麻辣雞煲仔和肥牛麻辣燙，而且很喜歡這裡有「煲仔」，小小的一煲仔份量剛好，否則２個人實在吃不到雞煲呢！不夠時可以另加火鍋配料，兩個人也可滿足打邊爐的慾望。麻辣雞煲仔香口，有穫氣，味道也夠濃，非常惹味！雞肉應該是炸/炒過，因為很香口很惹味，而且那種麻辣味是本人吃過那麼多間中最喜歡的（正宗與否就不得而知，但至少是我最喜愛的）雞下面是青瓜、白蘿蔔和薯仔，全部都切成條狀，青瓜要趁早吃，因為淋了的青瓜口感很差，另外兩樣則要等到最後才吃，那樣才入味，吸滿湯汁的蘿蔔和薯仔實在吃過便上癮！辣度可以自選的，如不特別要求便會當係選「正常」，如不能吃得太辣的可以少辣底BB辣，我喜歡吃中辣～肥牛麻辣燙肥牛另上，但忘了影，只是普通的肥牛，正正常常，但麻辣湯才是重點阿，而且兩款價錢也是$100以下，性價格很高。有時我會追加韭菜餃和烏冬，韭菜餃的韭菜很新鮮，很好吃，皮雖然有點粘和有點易爛，不過為了它的韭菜我下次還是會繼續點。烏冬也是普通的平價烏冬，不過吸了湯的味道則變得不平凡！（雖然超不健康，但吃麻辣本來已是不健康的，那個moment誰在乎呢

已來過幾次，覺得好食先寫。我最愛魚卜魚春煲，麻辣得嚟極之香口，好野味，足料，底下仲有蘿蔔、青瓜和薯仔，吸哂汁，正！出面食唔倒，好少人做~白鱔煲係我個人第二最愛，鱔彈牙新鮮，野味！朋友就較喜歡蕃茄湯魚鍋，好味到次次成個湯底飲哂~另外仲有焗蜆，辣子雞，次次黎樣樣都保持倒水準！非常滿意！最後我地通常會食南瓜餅，一早叫定，因製作需時。唔太甜，超香南瓜味~~

母親節開開心心book台食飯，因為正日去，所以都遇左book台都要等位，不過真心覺得佢地生意唔係咁做囉...為左做生意要坐到岩岩好無吉位剩，不停放d無book台既街客入去坐，遲黎先上岸，咁唔q洗book台啦... 我地成家人就係門口戇居居企左差唔多成粒鐘，同佢講又無反應，如果唔係母親節真心會走人唔幫襯佢未食已經無哂mood，野食又唔係特別好食，其實唔會再幫襯囉，留個comment提下大家別中伏！

閒時有空便會到這店單點一個椒鹽豆腐它這個菜做得非常到位豆腐件切成一口的大小炸成後外皮鬆脆内裡質感卻不會因油炸而有變差軟滑質感仍然保存得很好絶對是推介作品！-椒鹽豆腐($42)

天氣稍涼，就想起魚鍋打邊爐，因為魚鍋如果時常都要坐出邊。原來當日出邊唔開，坐入邊有冷氣舒服好多。秘製豬骨煲：材料豐富，大量豬骨丶蘿蔔丶粟米，湯底有濃厚嘅豬骨同胡椒味，超正！手切肥牛：雖然唔係好肥，但都好有牛肉味白鱔片：大大片，師傅刀工好，冇乜骨，又夠新鮮布包豆腐、油麥菜：新鮮好味見有好多人都食雞煲，好似都好正，下次可以試吓。

行左去家興個邊, 打算打個排骨豬肚湯, 點知, 人實在太多了!唯有行番去筲箕灣睇下有無其他選擇, 見魚鍋好似新新地, 人又多, 擺滿左出街,就試一下啦!怕會太油膩感覺, 沒叫麻辣, 所以就叫左個蕃茄湯底, 打魚邊爐, 魚多骨, 但勝在新鮮, 但千其唔好等耐左先食, 因為真係會鞋口見餐牌有熱熟食, 就叫了一個原味焗蜆($68), 每一圍枱都好似係必叫的!皆因係原味, 所以就食得出蜆既鮮味!老公喜愛炒的多, 所以一整碟我食左三份二了! 哈哈哈~ 大滿足!魚鍋的魚, 幾乎係老公食晒, 因為太多骨喇!魚春不是我們杯茶, 所以沒有叫!見有莞茜另叫, 但為何是$30? 吃其他菜: 西洋菜/ 唐嵩不是會抵一點嗎?叫多一個辛辣面($10)飽晒!兩個人食左$450左右, 其實都係有少少貴!

山長水遠黎到, 全因為朋友介紹話好食, 本身是個]好辣者當然唔會錯過!!!黎到先知道原來坐出面係近住街市, 唔多唔少有陣臭味, 但裡面無位, 只好坐出面~~叫左個魚鍋 (中辣), 魚春仲有魚腸, 另外叫左手切肥牛, 刀削麵, 皇帝菜, 豆腐~個魚鍋真係好大鍋, 除左魚外, 裡面有多瓜, 秀珍菇, 芽菜, 仲有薯仔~~個鍋頭幾啖其實唔錯, 魚夠新鮮又淋, 而且瓜, 芽菜等等都夠哂入味, 但越食越咸而且過油, 我地食到尾聲個鍋仲要燶左, 真係唔停手都唔得!!!手切肥牛$98碟, 得好少片, 好食就無所謂, 但又鞋又切得厚, 唔好食刀削麵食落好似麵粉, 唔似平時食麵既感覺, 漿住哂個口魚春同魚腸都係另外叫既麻辣小菜, 魚春可以接受唔太腥但唔爽, 反而薯仔蘿蔔好入味, 索哂D麻辣汁魚腸腥腥地, 想迫自己食多夠都難專程黎到卻有點失望, 因為完全沒有一樣能令我食指大動......無下次!!!!

由於BOOK左位~SO 可以就咁行入去黎到呢度..梗係同老公叫番個MA辣鴨舌食先啦~平時我真係冇食過鴨舌..見佢加左我最鍾意既MA辣..就試下啦..一食.. WA...D MA辣溶入左D鴨舌度.. 仲爽脆既TIM真係又辣又好味呀之後叫左個中辣魚煱因為得我同老公2個.~唔駛叫太多送都OK因為個湯真係好多魚嫁!!!!!!個湯真係好香好濃~ 好足料..真係食極都有好多魚嫁~絕無呃人~仲有唔需要點士油呀... 任何既醬都唔駛..因為D湯已經溶入左D魚度啦~之後老公叫多個炸雞翼..好脆呀~真係岩岩炸起送beer黎食..真係一流嫁食左好多魚.. 當然叫下生菜同冬瓜點解?因為佢地都係索油嫁..可以索哂d精華入去哈哈真係辣得好過引嫁呢個就係我地食完之後個湯啦@@幾乎無哂d油xdd係就係好油好唔健康...但間唔中一次冇咩所謂啦

由於近我屋企，老婆去咗公幹，自己又食到上咗癮，於是乎嚟試下呢度不同食物食味如何。總括嚟講，炒粉麵飯雞鴨可以不吃，小菜都不錯，最好的還是川味辣菜式1)攞到嚟時，同個friend都『嘩』咗聲，啲田雞肉有相你睇：多到滿瀉夠辣又夠麻，田雞肉新鮮爽口，食到鍋底仲有爽甜青瓜絲及土豆絲，更以勁低價78蚊，必食首選2)初時食落無咩味道，再試真啲，蜆肉新鮮鮮甜，個湯汁微微辣辣哋，最後忍唔住當湯飲埋，啲蜆又係勁多，起碼有斤半兩斤3)估唔到鑊氣一流，味道亦一流，簡簡單單一道菜，勁好味，必試之選4)清清爽爽，但咸咸香香過兩日自己忍唔住口，叫咗田雞煲及土豆絲外賣宵夜，仍然係好食、底食之後再試咗佢啲紗飯麵......都係川辣味正好多雞肉嚡過我腳板底，又無咩雞味，唔知點解會改呢個名，相信可能或者係全店最差之選再一讚呢度啲服務，快、靚、正

每次經過，都見人客爆到出門口，心諗差極有限，起碼啲料一定新鮮先，雖然老婆唔好辣又唔食魚，但我一定要嚟試。終於同老友兩個嚟試食，店好細，只能放四五張枱，而且泠氣又唔夠，雖然有雨，但都選擇坐門外更涼快。店外已坐咗八至九張枱，好熱鬧。天氣頗熱，同老友先嚟兩支大啤、啤啤佢至點嘢食。1)即係正常size，魚肉份量及其他配料 (芽菜、秀珍菇等) 都好足，辣度啱啱好，但唔夠麻。成個鍋味道唔錯，由於小弟個胃唔受得麻辣火鍋太多油，平時食完緊會有肚瀉現象出現而今次因為個麻辣湯太好味關係，我亦冒住肚瀉之險，忍唔住口連湯都飲埋，嘻嘻。其實同老友有啲擔心個鍋會越食越辣，但竟然無噃2)雖然唔夠肉味，但尚算新鮮，而且大大碟只係賣七十八蚊，自己去街市買都唔得啦3)雞子size啱啱好，夠鮮，成碟有成三十粒，又去邊度揾？兩條友食唔哂鵝腸係啤水貨式，無哂鵝腸啲「臊」味及「羶」味；但竟然仲連住肥膏？搶返啲分數，OK喎皇帝菜夠新鮮，索埋辣汁食，正此店唔係只有火鍋，另有川式小炒及小食，下次試試最抵讚係服務，全店由4-5個格衰衰，外形似足蠱惑仔嘅服務員負責。但意料之外極有禮貌，反應快，服務殷勤，唔側膊，更唔會裝聾扮啞，真係好過好多