漁家海鮮大排檔 (Closed)

東大街的食店，大概有九成的餐廳我都試過， 唯獨係呢一間。點解今次會黎食? 係因為朋友介紹。 喺廟宇隔離一條巷仔，有幾間比較隱蔽的食店我係一直都忽略咗。友人曾經提過要訂位的，今日放工喺冇預約之下及抱住有位就食的心態，都有一張枱俾我地。漁家小炒王唔會有多餘的油份， 所有食材新鮮，魷魚好爽，蝦乾好香，唔會乾爭爭，寸芯唔會淨係得個油。艇家海味蒸肉排 外面食的肉排通常都係得排骨，但係呢度的肉排真係一大舊，而且有啲肥豬肉連住，豬肉冇羶味，唔會太韌，只係用啲鹹魚仔蝦乾放喺上面蒸已經覺得好入味。鹹魚斑肉豆腐煲有鹹魚嘅香味，但可惜太多油啦!蒸蟶子蟶子都幾大隻，啲肉又唔會太韌。 蒜蓉粉絲好入味。炒菜心菜心都好爽脆，不過都係多油咗啲囉!蝦干生焗豆豉雞有好香嘅蝦干味， 雞都好滑， 不過真係太多油啦!飯後仲送一碟好甜的西瓜和橙享用。

除夕晚上同屋企人一齊訂咗去漁家食2018最後一餐晚飯。我地七點半開始食，食咗2小時。上菜速度非常快。忘記了影小食既相片，叫咗椒鹽鮮尤，鹹蛋黃炸茄子。炸茄子第一次見面非常好食。可惜茄子售罄無得再叫。還叫了一個煙燻蛋，呢叫就普通少少但賣相ok。主菜就叫咗一個餐廳推介嘅煙燻雞煙燻雞嘅賣相唔錯味道亦都一流。試過去一啲好貴嘅餐廳食煙燻雞，只係聞到有啲窿嘅味道一啲都唔好食。佢呢個就整得好好，雞肉嘅質感啱啱好。咕嚕肉呢個普通嘅菜式亦都煮得非常好食。菜式越普通就越顯得廚師嘅質素呢一味係蒸水蛋配蜆肉，呢一味餸配飯一流。每一樣嘢食都煮得好有心機同埋非常之好食。唯一可能會進步嘅地方就係餸菜嘅份量可以多少少。多人食嘅時候有點不足。

琴日食完燒烤堂，見佢隔離有間大排擋就決定今日食lunch試下。叫左個水蜆蒸蛋，梅菜蒸肉餅，支鹽炒牛肉，水蜆好新鮮，蛋夠滑梅菜蒸肉餅夠味夠香支鹽炒牛肉d京蔥夠多，係牛味差些少仲會附送一碗無味精既西洋菜湯臨走睇下餐牌，係出面應該會少試/見到佢既菜式，因為佢做個d有d似旦家菜，即係水上人既住家飯，呢間幾好唔錯，但要午晚市book位架👍🏻

今晚老公約左一大班朋友食生日飯，有朋友係OpenRice 搵到呢間私房菜，因為食評好好所以我地都來試一試。果然，呢間私房菜真係有驚喜！雖然只有四張檯，鋪頭細細，但食物水準好高！佢地招牌小菜係煙煄流心蛋，每檯都有人叫，個個都食，流心蛋漿配上秘制煙煄，令人食不停所以，佢地煙煄雞亦要推介，雞肉嫩又滑，煙煄味好入味，值得一試！仲有，金沙炸蠔，咸蛋黃漿好香，炸得又脆又香！海鮮方面，我們叫左石班湯，炸蟹鉗，蒸扇貝，每樣都係好新鮮，即叫即煮其實呢間餐廳樣樣野食都好有水準，適合一大班朋友食飯

星期五晚上在筲箕灣和朋友飯局聚舊， 來到這家朋友介紹的私房菜餐廳， 裝修沒有什麼特別，未有留下深刻印象，且看一看食物質素又如何呢?一早訂了這個六人餐，套餐包括了三款小食、八道菜和飯，其中「黑椒米酒爆和牛粒」味道不錯，用米酒爆香和牛香 氣撲鼻，精神為之一振，放入了黑椒更是讓味道提升，席中有位常去日本的朋友，說在日本色食個很多次和牛，所以憑著經驗，表示這是真材實料的和牛呢!另一道菜「金蒜海中蝦」，蝦身沾滿了香濃醬油和葱粒，蝦殼酥脆蝦肉爽口有啃勁，炒得有鑊氣，味道不錯。整體飯局好，雖然裝潢不起眼，不過多了份親切感，不妨一試

東大街有好多臥虎藏龍嘅餐廳，漁家就係其中一間。聽聞呢度嘅老闆係做海鮮嘅生意，所以佢哋啲海鮮都好新鮮。而且如果你有要求可以講比佢哋聽，等佢哋早啲預備啲海鮮俾你。今次我哋叫佢寫咗個10人套餐，每人平均$500左右。阿拉斯加蟹，幾$1000/隻。視乎大小而定價，老闆說最好不要在節日中訂，至少費1-2成。我哋將隻蟹就咁清蒸，非常鮮甜及啖啖肉。正！煙燻流心蛋，有煙燻過嘅味道，我喜歡食流心蛋，呢個蛋味濃郁。老火湯，木瓜雪耳瘦肉。飲得出係煲過幾個鐘嘅湯。我添了2碗。陳皮蒸鮑魚，老闆係用南非包。絕對不是大陸那些鮑魚。鹹魚煎肉餅，有驚喜！呢個肉餅煎得好香口而且鹹魚又不會蓋過成個味道。蒜蓉粉絲蒸開邊海中蝦，依個係我至愛嘅菜式之一。你睇吓啲蝦隻隻都有膏，好彈牙香口。香煎墨魚餅，呢個墨魚餅冇頭先嗰個鹹魚肉餅咁好。普普通通啦。呢條好似叫做珍珠龍躉。漁家炒飯，佢用咗蝦醬蝦米去炒。好有咸香味，好好味。

每次搞十幾人聚餐我總感到頭疼，除了考慮餐廳地點、價錢、味道外，還要適合我們這班無酒不歡的嘩鬼。漁家綜合我們的要求，位於出名筲箕灣東大街，天后廟邊上的廟東街，店子不大走私房菜格局。我比預訂時間早到半小時，正好有時間和店方商討一下菜式，據知店主自設魚排，海鮮價相對親民，除了某些菜式要預訂外，煮法更可以自由選擇，店方儘量配合滿足，有在家裡吃飯的感覺。值得一讚的是我們一班十幾人的歡笑聲（有點吵），店方不僅沒有表現厭惡，還讓我們坐到他們打烊

從老人家口中得悉從前在船上的生活點滴，聽後我特別嚮往那份自由、純樸與大海為伴的水上生活。大海對蜑家人來說就是一個家，老一輩的蜑家人誕於水上、長於水上、取之大海、用於大海，婚嫁與繁衍下一代也離不開大海，對大海有著悲喜交集的情感。在飲食方面，著胥家人也有一套獨特的烹調方式。當晚跟老媽和老公來到漁家，希望能找到漁家菜的風味。牆上掛上蜑家人常戴的帽子，那些帽子就像蜑家口音一樣，是身份的認同。氣溫極高的夏日，想不到仍有食客享受在室外進食，耐熱程度真強。我很喜歡蕃茄所做的凍菜式，於是要來桂花西紅柿。除去了蕃茄皮的茄肉仍保持挺身，帶著話梅的甜酸味兒，凍凍爽爽的質感，令人很涼快。但是內層的蕃茄肉則不夠入味，有點失色！香煎墨魚餅看似是簡單，實在是一道很考工夫的菜式。漁家的墨魚餅打製得非常爽口，可是只得一個爽字，而忽略了墨魚應有的軟彈煙韌口感，加上墨魚香淡薄，整體效果不算差，唯尚有大大的改進空間。上週在雲來軒吃不到蟶子皇，當晚在漁家正好填補我的失落。蟶子皇 33元一隻，最少四隻，就請漁家給我們準備一碟標準份量的粉絲蒜蓉蒸蟶子皇好了！蟶子皇身材不至於肌肉猛男般巨大，大抵屬於 "King Size" 範疇中的

特意預訂了一隻2.5kg的亞拉斯加蟹，4人分食，真係食蟹食到飽。啖啖肉，大滿足！蟹腳實肉清甜，蟹身沾滿半溶化蟹膏，香濃豐腴，此為之真味。怪不得每一桌的客人都點一隻蟹，鄰桌食客更手握生蟹於食店門外拍照，然後將蟹作火鍋生料。食過新鮮蟹之後，酒店的凍蟹真係係我的食典中被列入黑名單，從此碰不得。同場加演豉油王鵝腸，爽脆肥美，坊間少見。難得上桌10分鐘以上依然彈牙，可見廚師對火喉掐得精準。新鮮食材才是食物質數關鍵。我廔試不少食店的鮮鵝腸加大量梳打粉或是雪鵝腸加梳打粉／哥士的以求達到脆口效果，簡直係本末倒置。蘿蔔牛腩，牛肉味香濃，蘿蔔軟淋，腩汁足以令每人再吃下半碗白飯。最後，每人再來金蒜粉絲蒸蟶虫旨一大隻，吃得過癮，太撐。無緣再吃東大街的甜品，唯有下次訂蟹火鍋的時候待續。

沿著筲箕灣東大街走，原來在廟東街的角落，隱藏著這間漁家海鮮大排檔，店子不大，大約只能容納四張桌子，看門面是有火鍋海鮮小菜供應，原來走的是私房菜格局。客人想吃什麼海鮮，想要什麼預算，訂位時跟店方好好傾談安排就可以，這夜跟朋友一起來吃生日飯，由於有不少小朋友，所以還是吃海鮮小菜，比吃火鍋來得方便。據知店主自設魚排，所以海鮮能以接近較平的批發價錢賣給食客，而且質素控制方面更有信心保証，所以我們也決定在這裡放肆一下，大快朵頤。先來的餐前小食，以脆炸銀魚仔，蝦乾及蠔豉仔作配，全是佐酒恩物，好讓大家來個興奮的開始。再來一份三文魚刺身給小朋友作小食，三文魚厚切上碟，單看紋理也覺得肥美吸引，入口沒有雪氣，是應有的水準。接下來小吃再來糖心燻蛋及桂花西紅柿，前者蛋黃流心香甜，灑一點淮鹽提味，蛋味更突出。西紅柿，是屬較小的蕃茄，去皮後加上桂花糖，甜味豐郁，不過略嫌桂花糖多了點，把茄香蓋過了。餐牌看到有法國麵包蟹做特價，$138一隻，同行多人愛吃蟹，當然不放棄這機會。蟹身約一斤四兩重，蓋裡盡舖滿蟹膏，每一口也是罪惡的豐腴感覺，如能配白酒更一流。吃過麵包蟹來個湯品，是簡單又清潤的螺頭雞腳湯，用料很多，湯渣也是一