魚事者 (鴻達樓) (Closed)

行過旺角睇到哩間街邊鋪都幾得意，係食魚麵嘅，唔知道係唔係麵裡面加咗啲魚肉，有新嘢食當然要試試啦。鋪頭唔大，裝修得幾有FELL，後巷仲設有打卡位。嘢食唔算多，名字都幾得意，魚麵撈仲好貼心啲可以揀全份或者半份，最後揀咗辣你唔死麻辣鴨丝魚麵撈，綿綿芝士汁吉列豬扒魚麵撈，炸魚無薯條，我要晒小食拼盤同招牌奶茶王。等嘢食時間search下魚麵係乜來，原來真係麵里加咗魚肉一齊製作，认真得意。辣你唔死麻辣鴨丝魚麵撈配料好豐富，有鴨肉絲，青瓜絲，紅椒絲，大蔥絲同魚麵，魚麵已經預先撈好醬汁，只需要全部勾埋一齊就可食啦。魚麵食落似烏冬口感，但係好重魚肉味，有少少似魚滑，口感真係幾特別吓。睇名驚好辣，食落又唔覺得喎，反而似食北京烤鴨多啲，好味。綿綿芝士汁吉列豬扒魚麵撈半份都幾大，吉列豬扒有3件，炸得好脆口，食落唔覺得油膩，點埋啲沙拉醬，送麵一流。招牌奶茶王睇落細細一支，其實都幾多吓，飲落好幼滑同埋茶味好濃，唔錯。炸魚無薯條哩個名真係好得意，睇落係食炸魚，其實係食炸薯條。薯條炸得好幹身，仲有多款醬汁可以揀，但係最經典一定係配茄汁。估唔到一份薯條份量都幾大，食落都好飽。我要晒小食拼盤有3件咖喱魚兵團，1條炸魚狗腸

經過旺角，被一個綠色門面小食店吸引。當時正值打風日子，有幸在店員收舖前下單了今晚的晚餐。餐牌簡單易明，我點了一個全份吉列豬扒撈魚麵，既然是小食店，也叫了一個乜都有嘅小食拼盤和冇豬肉嘅芫荽燒賣。如果堂食的話，可以在舖頭側邊的企台進食，環境乾淨。而外賣的話，更會附送一個牛皮紙袋，面上更有店員人手繪畫的圖畫，好得意。主食吉列豬扒炸得金黃酥脆，豬肉香味突出，配上咖喱醬汁的魚麵，配搭新穎。魚麵軟硬適中，醬汁輕輕鋪滿在麵上，不會有額外多餘的醬汁，不用擔心過多的醬汁會因為外賣而淋濕吉列豬扒的脆面。小食拼盤真係好適合有選擇困難嘅人，從未見過如此粗壯的炸魚狗腸，再加上魚餅和兩款燒賣，配上深得香港街頭咖喱醬精粹的醬汁，少少辣既能增加食慾，也能夠突出魚肉的鮮味，想令人一直食吾停。最後其實見到餐廳有唔少特色飲品，唯有下次行街經過時候再叫一杯消消暑吧。

收工約咗去旺角整啲嘢，太晏就諗住買啲嘢食返屋企食，登打士街就出名多嘢食㗎啦，去咗嗰頭行吓諗吓食啲咩好，見到呢間嘢幾特別，個名叫魚事者，魚全部都係魚🐟一開始都唔知嗌啲咩好，叫個老闆推薦下😁佢就推薦左兩款主食喇🥰-辣你唔死麻辣鴨絲魚麵撈 $58/全份個名都幾得意😂今次都係我第一次食魚麵，就算凍咗都唔會好似米線嗰啲一pat pat，佢仲係好鬆散👍🏻食落又會好彈牙，唔會好似米線咁實的的咁，好正😍鴨絲份量好夠，撈埋啲麻辣醬好惹味🤤-過癮咖喱汁吉列豬扒魚麵撈 $58/全份我都好怕外賣返屋企嘅吉列豬扒會唔好食，返到屋企啲外賣仲暖暖地，即刻食個吉列豬扒先，佢食落仲有酥脆既感覺～唔錯啊！啲咖喱汁好夠香夠味，會令人一啖接一啖咁食，感覺好似比食米線更加健康咁😂-雙併 $20/8粒無豬肉芫荽燒賣無豬肉燒賣芫荽燒賣超香芫荽味，如果鍾意食芫荽就一定要叫！我本身都鍾意食魚肉燒賣多個豬肉燒賣，魚肉冇咁油膩～好鮮味好好食😋-咖喱魚兵團 $18佢呢度嘅咖喱真係冇得輸😚真係好香濃👍🏻條魚即係魚蛋啦🐟-炸魚狗腸 $28我簡左蜜糖芥末味～佢本身個樣已經超級吸引😍佢啲芥末醬同條腸一齊食勁好食，仲有啲煙肉粒😋包保你唔鍾意食腸都會中

無錯，真係全部都係用魚肉做既各種創意小食。店主好窩心，外賣紙袋仲畫左公仔，店外既牆同埋紙盒既魚同畫都係好靚，隻色仲好有夏日氣色!咖喱汁吉列豬扒魚麵撈，撈魚麵可以簡半份/全份，3件吉列豬扒皮薄香脆，裡面keep到肉汁！魚麵好特別呀，有彈性，少少煙韌，撈咖喱汁非常惹味!另一個係撈芝士汁，有住唔同既滋味! 芝士香滑但唔會膩!港式多士三併配黑松露醬3塊多士各有特色，用上蝦/魚/墨魚滑釀上去，​全部都好新鮮好香，配黑松露醬，驚喜好特別，幾鍾意蝦味夠香!炸魚無薯條，即叫即炸既炸魚條，口感好得意，外脆內彈牙。店員話唔點醬食係最正~我都覺得係，唔會俾D醬蓋過魚味! 咖喱魚兵團，魚餅彈牙，造型可愛，咖喱魚味都濃郁!燒賣(原味同芫荽)​幾鍾意芫荽味，未到好濃但有個陣香氣，又可吊起魚味。魚肉燒賣真係全部用魚做，好純正。期待遲D會有更多唔同既創意既魚仔小食!

行旺角最鍾意就係掃街，今次見到呢間新開，而且好得意全部嘢都係魚！所以就試下。舖頭隔離張長枱可以企起到食炸魚無薯條($33)，免費配蒜辣粉/燒烤粉/蕃茄粉，+$5可以配埋黑松露醬/蜜糖芥末醬。依個係魚嘅薯條，啖啖魚肉，又夠脆口。又香又臭蒜油雞球魚麵撈 半份($38) ，第一次食魚麵，口感相對黎講係軟身啲，配蒜油幾夾！另外個雞球都炸得好脆，都保持到肉汁。我要晒小食拼盤($40)，有炸魚狗腸、雙併燒賣、魚腐，燒賣好特別，係魚肉燒賣而且有一款仲要係芫荽！都係食落軟身啲，魚肉同芫荽都幾夾，連我唔係太食芫荽嘅都覺得易入口。最後都好推介港式多士三併配黑松露醬($33)，其實就係蝦、魚同墨魚，一咬落去好酥脆，餡料幾彈牙！另外都揀埋飲品，洛神花山楂雪梨茶($18)同招牌奶茶王($20)，樽仔飲品夠晒方便！依家啲小食質素都幾高！

北角魚麵人氣店喺旺角插旗🚩！餐廳只做外賣，不過巷仔有少少空間立食。✨過癮咖喱汁 吉列豬扒魚麵撈 $58呢款係旺角店限定。咖喱汁甜甜地幾香，勾起中學時代嘅回憶🤤。吉列豬扒炸粉比較薄，肉質比想像中軟腍。魚麵濃郁得嚟好彈牙。✨又香又臭蒜油 雞球魚麵撈 $58蒜蓉醬質地冇想像中咁油，蒜香重但未至於食到口臭😆。雞球有預先醃過，完全冇雪味。✨無豬肉燒賣 $20/8魚肉燒賣幾有魚肉甜味，不過靈魂其實係個辣醬，唔算好辣但勁香😆🌶️。✨炸魚狗腸 $28大大條魚肉腸好彈牙，配埋大量紫菜碎味道勁香。✨炸魚無薯條 $33其實係迷你版嘅魚狗腸，但細細條更加香脆。

記得幾年前食過一間專做魚麵嘅餐廳，當時我覺得佢嘅魚麵好味到我要買外賣自煮麵返屋企，最近發現魚事者嘅出品可以令我重拾返回憶的味道。雖然佢都係賣港式街頭小食，但佢嘅用料就截然不同，全部都係有魚肉嘅成份。我咁掛住啲魚麵，梗要揀返兩份魚麵撈，又香又臭蒜油雞球魚麵撈嘅葱蒜油只有香，完全唔臭，魚麵非常彈牙有口感，而佢嘅雞球都好滑好入味。綿綿芝士汁吉列豬扒魚麵撈嘅芝士汁喺底，記住撈勻嚟食，吉列豬扒夠腍，撈埋紫菜絲同蕃茄粒一齊食都幾唔錯。炸魚無薯條真係好得意，賣相真係同薯條好相似，其實就係有啲似魚片頭嘅口感，賣相味道都攞滿分。港式多士三併配黑松露醬都好有特色，三件多士分別釀有墨魚滑、蝦滑同魚滑，同黑松露醬嘅味道真係好夾。「我要晒」小食拼盤其實就係店舖入面其中三款小食嘅合體，再配埋咖喱、辣汁等醬料，非常吸引。咖喱魚兵團係三件魚仔型嘅魚蛋，其實可以話係魚仔型嘅魚片頭，配埋佢嘅秘製咖喱汁，真係好香口又開胃。無豬肉燒賣其實就係魚肉燒賣，分別有兩粒原味同兩粒芫荽味，我自己好鍾意芫荽嘅味道，所以覺得特別好食。炸魚狗腸其實就係將魚蛋造成好似腸仔咁嘅形狀，不過估唔到係咁彈牙，我覺得送麵一流。洛神花山楂雪梨茶係佢哋自家

放假上朋友屋企坐經過見到比鋪頭名吸引左🤩呢間主要做外賣 旁邊有立食嘅位比人用餐仲有和風背景同食物打卡 食物主要用魚肉門成 例如魚麵、魚狗腸、魚兵團整體好味 有驚喜❣️✨雙併燒賣 （ 無豬肉芫荽燒賣+原味）$20/8粒作為芫荽控嘅我必叫芫荽味試下😍平時唔食芫荽嘅朋友都話好味 加埋魚辣醬 豉油 為燒賣嘅味道昇華燒賣用魚肉打成 好香魚味🤤✨港式多士三併 配黑松露醬 $33/3件蝦多士配埋松露醬 又估唔到咁夾🙈多士炸得岩岩好 唔會太油膩✨綿綿芝士汁吉列豬扒魚麵撈（大）$58豬扒拎到返屋企依然脆卜卜魚麵睇落似烏冬 食落好有咬口 如果再彈牙就更好旁邊仲有蕃茄粒點綴吓😀✨「我要晒」小食併盤 $40睇到佢個名又覺得好搞笑 岩晒為食嘅我 咩都可以試下秘製醬汁有小小辣 似沙嗲醬 醬汁豐富 非常惹味🤤 炸魚狗腸 咖哩魚兵團口感似魚蛋 勁彈牙 🙌🏻成個拼盤食完好滿足 好幸福☺️✨夏菊羅漢果茶 $18清甜解渴 消暑一流見到個門牌同外賣盒都好有心機設計❣️行開旺角都可以幫襯下小店🙌🏻

睇開有個甚少比好評既YouTuber😂係炮台山總店堂食食過，都讚依間正，所以一直bookmark左😂點知最近佢係旺角開埋外賣店，緊係即刻試！紙袋上既🐟仲係佢哋自己畫，可愛😂。✨即叫即整，需時大概10分鐘✨店隔離後巷位，可以企係到食-💕 過癮咖喱汁吉列豬扒魚麵撈 half$38(half$38/full$58)👅好味指數：8.8/10撈魚麵可以簡半份/全份😍半份既話吉列豬扒會有3件，皮薄炸得好香脆😍肉質鮮嫩多汁！而魚麵真係好驚喜😳，有魚味有彈性小煙韌口感，咖喱又入味🥰-💕 又香又臭蒜油雞球魚麵撈 half$38👅好味指數：8.8/10撈左蒜粒既魚麵，咸香味重，中意蒜既岩哂🤣而炸雞球超岀色😍外皮炸得脆口，用上雞腿肉，肉質超嫩滑又彈牙，配上沙律醬，好惹味！我自己中意咖喱味魚麵撈，配料中意雞球，可以叫半份真係太好了😂可以同人share食哂🥰-💕 港式多士三併配黑松露醬 $33👅好味指數：8/10多士用上(蝦+魚+墨魚)，🐟魚味超濃但又冇蓋過蝦香味，配黑松露醬，原來都幾夾😋-💕 炸魚無薯條$33 (+$5蜜糖芥末醬)👅好味指數：8.8/10一定要即食‼️薯條形既炸魚條😍😂，外脆內彈牙，第一次試依個

旺角登打士廣場附近充滿賣零食的舖頭，很適合掃街，但賣出的大多都是不健康的食品，例如炸物，珍珠奶茶，內臟，咖喱魚蛋等等，終於給我等到一間健康的零食店肉類之中最健康的莫過於魚肉， 它既是海鮮，擁有健康的奧米茄三魚油， 而且也屬於白肉，比紅肉健康得多！又香又臭蒜油雞球魚麵撈（全份）$58其實就是炸雞球加魚麵炸雞球頗大個，用上了雞腿肉口感幼嫩，而且新鮮炸起外皮非常香脆， 上面還舖上不少的蒜頭魚面味道鮮美， 跟一般麵比起來更富彈性，而且這一份份量相當，大男人吃也會吃得飽我要晒小食拼盤$40基本上要這一個就等於把大部分小食試一遍，炸魚狗腸就像新鮮炸起的熱狗腸一樣美味！兩款魚肉燒賣分別是其中一款有芫荽，不過味道沒想像中濃， 對於害怕芫荽味的我來說很好咖喱魚兵團外型可愛，口感就像魚蛋一樣炸魚無薯條$33完全無薯仔的炸魚， 外層口感像薯條超脆， 但裏面就比較彈牙。由於沒有薯條所以碳水也比較低， 很適合我這種減肥人士！配黑松露醬+$5意外地10分濃郁，這款黑松露醬鹹香細緻，完美地提升了這款薯條的層次感！洛神花山楂雪梨茶$18別看他細細支的樣子，味道酸中帶甜，超開胃夏菊羅漢果水$18很有自家製感，入口甜而不

一向都會去旺角掃街，而今次嚟到呢間魚事者，叫咗一啲主食同小食，今次大飽口福啦！魚事者 （旺角分店） 位於 旺角登打士街55號鴻達樓地下6號舖，佢哋主要做外賣，而係後巷就有立食嘅位置可以用餐！魚事者 主打用新鮮魚肉嚟整食品，例如魚麵、燒賣、炸魚條等等美食！作為芫荽控嘅我，當然唔會錯過佢哋嘅芫荽燒賣！！！食完再買啲嘢食打包返去同屋企人開心share都得㗎！又香又臭蒜油雞球魚撈麵一啲都唔臭嘅雞球魚撈麵，雞球上面個醬真係好好食，而且新鮮炸起大大件，超有咬口，非常Juice！魚撈麵都一樣好味，又彈牙又有蒜香嘅味道！綿綿芝士汁吉列豬扒魚撈麵炸豬扒新鮮炸至金黃色，有著鬆脆多汁嘅口感，再配上芝士汁，令味道更加升級。加埋口感軟滑綿綿嘅魚撈麵一齊食，非常好味！芫荽燒賣芫荽帶有獨特又濃烈的香氣，但混合咗魚肉一齊整成燒賣，味道就剛剛好！芫荽沒有搶走魚肉嘅鮮味，兩者並存，而且入口彈牙。「我要晒」小食拼盤有齊三款小食，包括炸魚狗膠＋雙拼燒賣＋咖喱魚兵團！加埋佢哋嘅秘製醬汁，有少少辣，但好惹味！可以一次過食到佢哋嘅小食，好滿足啊！

今日行落登打士街覓食, 見到新開嘅魚事者, 好耐冇食魚麵, 今晚就外賣份反屋企慢慢嘆<綿綿芝士汁吉列豬扒魚麵撈>魚麵可以嗌半份或者一份, 大食妹就嗌左一份吉列豬扒即叫即炸, 外賣反屋企依然脆卜卜, 沾上蛋黃醬更加好食魚麵撈嘅醬汁主要係辣嘅, 但大食妹覺得淡味嘅綿綿芝士汁先可以突出魚麵嘅甜美, 綿綿嘅芝士汁配搭彈牙魚麵, 健康0負擔<(我要晒)小食拼盤>小食唔知叫咩好一於嗌個小食拼盤, 有齊炸魚狗腸、雙拼燒賣同咖喱魚兵團炸魚狗腸食落啖啖魚肉, 滿足感最高雙拼燒賣分別係原味同芫荽味, 愈食愈滋味咖喱魚兵團走可愛路線, 最啱打卡

呢間餐廳位於旺角登打士街附近，門面係好靚tiffany blue仲有一幅壁畫係畫左一條魚同海浪甘我地叫左一碗全份吉烈豬扒魚麵，魚麵用左50%魚肉制作成麵條，比起平時既麵條相對較健康，魚麵好彈牙，食唔到全份仲有半份可以俾細食既客人選擇，魚麵上面仲有洋蔥碎同紅椒碎，加埋芝士汁撈黎食另一碗叫左又香又臭蒜油雞球撈魚麵，個名同碗麵既味唔同，無臭味但蒜味濃郁雞肉炸成球狀加埋蒜汁撈魚麵都幾特別職員好有心思甘响外賣袋度畫上夏日炎炎食魚麵既字小篇推介炸魚無薯條，薯條用魚肉條無用薯仔炸無甘熱氣，加埋黑松露醬好惹味，飲品招牌奶茶好香滑，洛神花茶就比較消暑。

魚事者 本身係食過佢炮台山的總店先🫢朋友一直都讚餐廳全部 都係用魚肉來做主打今次竟然開分店到油麻地！路經此地，唔係唔幫襯下呀嘛😋😋😋不過呢間係細鋪，只有企位堂食，所以我都係賣走食主餐都keep到水準！🔆又香又臭蒜油雞球魚撈麵 （唔好比佢個名嚇親🤣查實係魚撈麵 配 雞球！仲有個好美味既汁）🔆炸魚無薯條（加蜜糖芥末醬）呢個之前堂食係超正！可惜因為外賣關係，番到屋企已經林左，如果住得近油麻地應該會好食啲😮‍💨 我外帶搭左半小時多車程，雖然林左，但味道依舊一樣👍總括：依呢個價錢可以食到魚薯條，仲要咁有咬口，真心唔係咁多鋪頭有！我相信即時企堂食，一定更好味

因為又睇左youtuher介紹鰂魚涌個呢間舖頭，主打用魚肉嚟整餐廳食品，魚麵／炸魚條等等，好似幾有grimmick，所以見到旺角區開咗分店，就即刻嚟試旺角呢間無堂食，主要外賣，最多係圍住舖頭有啲企位枱，不過係後巷位，唔太舒服新張優惠，$15 有8粒我揀左雙併（原味＋芫茜）燒賣口感就比較差，唔煙韌彈牙，但又唔係厚實唔通真係全魚肉所以軟滑啲？？魚味係有，但唔算濃，食頭一兩粒都係到魚味，之後就消散曬其實似係蒸到過左龍，淋ＰＡＴＰＡＴ，濕濕地咁，無口感可言芫茜燒賣會好少少，無咁淋爛，同埋芫茜味都真係有，雖又唔係好濃烈辣椒油及燒賣豉油都無得特別，豉油有啲鹹雖然自助吧有椒辣可用，但唔係好倒得出，不過都唔緊要，因為都唔辣未算難食，但暫時都唔會返兜，或者去返北角個邊食返碗魚麵試試先，新開張可能未完善