五龍粥麵茶餐廳

Open Now

Now Closed

六月一日 (星期一)今日突然心血來潮,想去經常路過的五龍茶餐廳一試:知道菜瀾特別喜愛這裡的雲吞的,但今天我們倒想試一試炒粉麵..於是點了...星洲炒米米粉炒得很香,用料非常豐富以茶餐廳的星洲炒米來說,已是甚有水準了班腩炒麵老公仔略嫌炒麵鹼水味較重班腩炸得不錯,配上汁是不錯的一味兩大碟炒粉麵,每碟$38...中等價錢...在中環算是不錯的

20元雲吞麵只能說只有湯底保持雲吞麵風味,15元一杯凍奶茶極度難以入口,26元螺片豬潤粥只有一塊5元大小螺肉,3塊豬潤,粥底一般,未有驚喜,星期日坐滿賓賓又唔開冷氣,又有陣味道,食到成身大汗!!!永遠不會再去.

这家茶餐厅原来据说以云吞面驰名，现在却什么都做，各种粥面饭菜，包括西餐小食，一应俱全，显不出什么特色。环境和服务都跟一般茶餐厅差不多。一碗鲜虾云吞面，口味还是不错，云吞不软散，有嚼头。一碟炸鲮鱼球，炸得不深，口感比较软嫩。如果跟供应类似食品的池记比起来，都要略逊一筹。一家餐馆要么什么都做，因而什么都做得一般般；要么专攻几样，做得有声有色。可惜五龙走的是前一条路线。

突然間轉左環頭, 黎左呢區, 於是就決定再次黎到呢間食店吃番個早餐; 入到去搵個位坐底, 師傅即刻睇下有咩好食, 最後諗左一陣就柯打左個麵餐做早餐, 要左五香肉丁拼餐肉公仔麵, 餐飲就係凍檸檬茶!話咁快就有得食, 先試下碗五香肉丁公仔餐肉麵, 五香肉丁香香辣辣, 份量都幾少, 唔算抵食, 而餐肉一塊, 冇咩特別, 可以啦; 而公仔麵係最普通嘅質素, 煮都煮得幾好, 唔會太腍又唔會太硬, 可以啦; 而凍檸檬茶就茶底唔夠味, 味道一般, 普普通通!總括黎講以公仔麵嘅質素係可以接受, 地方都幾乾淨, 環境可以, 價錢就貴左少少, 廿二蚊個餐再加兩蚊凍飲, 廿四蚊個早餐唔算抵食; 黎中區食完早餐後, 師傅就充滿氣力咁走, 不過笑臉真係比唔到, 不過可以接受啦!

尋日無啦啦要喺呢區開檔, 既然如此當然要黎呢頭, 吃番個醒晨早餐先得; 但又唔係好熟路, 幸好見到有間茶餐廳, 於是師傅就決定入去試下喇!入到去求其搵個位坐底, 師傅即刻睇下有咩好食, 諗左一陣最後都係柯打左個麵餐做早餐, 要左沙爹牛肉拼五香肉丁公仔麵, 餐飲就係凍檸檬茶!話咁快杯凍檸檬茶就有得飲, 當師傅篤完d檸檬後, 碗沙爹牛肉拼五香肉丁公仔麵就放左喺師傅面前! 先講下碗沙爹牛肉拼五香肉丁公仔麵, 沙爹牛肉都幾香沙爹味, 加上牛肉都幾鬆身入味, 唔錯; 而五香肉丁反而冇咩特別, 加上份量唔幾少, 有少炒搵笨; 而公仔麵係最普通嘅質素, 不過都煮得可以, 冇過腍或太硬, 收貨啦; 而凍檸檬茶就茶底唔夠味, 味道一般, 不過不失啦!總括黎講以公仔麵嘅質素係可以接受, 冇咩特別, 而地方都幾乾淨, 環境都光猛, 價位就唔算太便宜喇, 廿一蚊個麵餐, 凍飲加兩蚊, 不過喺呢一區黎講黎係咁啦; 食完個醒晨早餐, 師傅就急步離開, 但如果比師傅再揀多次, 下次都未必會再黎!

中環夜九時正, 街上人流不多, 穿起西裝的, 手拿手提包的盡是白領加班一族. 做好公司野, 晚九點, 一個人到來這平常早午都不會光顧的五龍.晚上, 餐樓盡是加班族, 來食的, 全是加班弟兄, 像我食完回家的, 更有些比較不幸的, 食完繼續"多勞多不得".倘若我是中午到訪的話, 一定是喊面一個:罪一, 中午冇餐, 加野飲要另計; 罪二, 咁既貨式仲要攞筹.夜晚黎唔同, 叫飯加飲品加$2. 這個優惠是2:30後才有, 根本佢既主意是中午時段, 趁火打劫. 食物選擇都幾多, 叫了比較簡單的生炒牛肉飯, 唔夠咸...九點肚餓了, 飢也...故,味善! 奶茶用黑白淡奶. 夠香滑.

行過見到closed左好耐既灣仔五龍好開心, 咁就立即入去試下好懷念既味道... 開頭叫左個响螺雞粥, 但同行既都想食粥, 咁就改左個2人餐(餐個粥都有响螺同雞) 但個待應就又呢又路, 話落左無得改, 我同佢解譯都係果嘢, 係加多左D D, 咁"請問"佢可唔可以幫我地改, 佢好唔願意咁幫我地改左啦... 我地想知生餃乜價錢, 佢地就好似第一日喺到做既咁, 乜都唔知, 落個單都要攪一輪... 咁都算啦, 之前都話左找地改左個餐既粥裡面都有响螺, 但係成窩揾云晒連之前都話左找地改左個餐既粥裡面都有响螺, 但係成窩揾云晒連粒响螺碎都無... 食完買左D生餃走... 打開個盒一check...D皮全部都係濕既...我同我朋友走既時候都係一句.... 唔駛旨意我地再入去食.... 嘢食麻麻service極差...

因自己工作地方間平時去食飯嘅飯堂令我失去信心,特登到中環其他茶餐廳尋找新食堂,到此店門外有Ｄ雜誌介紹嘅文章,應該ok掛.揀選左什扒飯加熱奶茶$39先來杯熱奶茶.........即時已有隻小生物浮在面,心想把牠拿走也不是大問題,然後再多看清楚還有沒有其他的牠,個待應竟不停叮着我,以為我有咩精神問題.my god!!!!!!!最後唔飲> <接着主題到啦........一碟只見黑色物體嘅東西放在面前,是我叫的黑椒汁什扒飯,唔係吖嘛,咩扒咩飯完全見唔到,試一試Ｄ汁完全感覺唔到係黑椒汁,好似墨汁,又冇黑椒味又有小小酸,勁難吃,想話撥走Ｄ汁只吃飯和什扒又撥極都唔見有飯,全碟都係嗰Ｄ所謂黑椒汁,極其量只得三匙羮飯左右,但已鋪滿嗰Ｄ汁,好似湯撈飯感覺,冇辦法吃得落口,最後$39只吃了三件很細小嘅豬扒,一條腸仔和一小隻很乾嘅雞中翼,在中環生存嘅茶餐廳竟有如此水準,佩服>.<

20070708開得在中環，再普通的茶餐廳也會貴兩蚊，這裏也不例外。典型茶餐廳格局，環境普普通通，沒有電視看，一碗皮蛋魚片粥，收26元。味道不見得好，皮蛋有異味，魚片麻麻新鮮，粥底的味精味濃，總而言之，試過第一次，相信也是最後一次……

午間不想走遠，於是路經這裡買外賣。裡面裝修是典型茶餐廳格局，服務基本上是講求效率不理質素。看了餐牌，價錢不便宜，基本上任何食品都差不多逾卅元，而且無套餐供選擇。隨便揀了一個咖喱牛脷飯，汁的味道很似卡樂Ｂ味，但太濃太鹹，完全掩蓋了食物本身的味道，而且令人非常口渴，相信是因為放了太多味精吧。整體來說，沒有吸引我再光顧的理由。

服務態度好緊要, 即使幾出名, 啲嘢有幾好食, 如果服務態度差, 真係背脊骨落兼影響心情......今日同朋友嚟呢度食晏, 叫咗咖哩斑腩飯, 有個女侍應攞嚟, 二話不說放低掉頭走, 很粗魯, 啲咖哩汁倒瀉晒出嚟, 我嘅手機同銀包即時遭殃, 我好嬲, 正想叫人之際, 我朋友就開聲大罵, 紙巾都唔識攞嚟, 之後有果瘦瘦嘅比較老嘅男侍應行過嚟問咩事, 問完, 態度惡劣好唔耐煩咁話"咪攞嚟囉~!!", 一句道歉都冇, 全無歉意,經此一役, 我同朋友永遠都唔會再嚟呢度食咩五龍粥麵茶餐廳~~~!!!!兩人叫咗兩碟飯兩杯嘢飲, 食物質素差, 服務九流, 仲要成100蚊,lunch一碟飯一杯嘢飲50蚊, 受埋啲咁嘅氣? 我相信中環仲有其他好多好選擇~服務果一欄要俾0 分!! 1 分都冇!!

其實係指佢嘅雲吞麵。又係一枝公開餐，只係叫咗雲吞麵熱奶茶。雖然唔及灣仔豪華，但個奶茶係比上次飲嘅好。雲吞麵係維持到上次嘅水準，特別係個麵，彈牙得來又唔硬之餘，一d鹼水味都無！真係做得好好！

附近上班的友人因工作未食lunch便約本人聚一聚點了下午茶餐賣$22,不便宜西多士-味道一般,要讚的是,煎炸得不過火,淡淡的金黃色,賣相加分不好的地方是本人逗留了15分鐘左右,回到公司,聞到自己全身煙味

下午要快快醫肚, 五龍是能幫忙的. 要味覺享受嗎? 用五龍charge 的價錢能在其他時方找到更好的選擇.

中環返工要返星期六(個個禮拜如是),真沮喪為左心情好d,不吃早餐的我,也吃一個豐富早餐這裡很好,早餐都肯送外賣點了沙爹牛肉,五香肉丁公仔麵餐同附近港式餐廳一樣,唔可以改通粉!(係咪中環的茶記咁有原則!?)公仔麵無港式咁好食料略少,沙爹牛肉無沙爹味總結:普普通通,好在肯送外賣有機會會試粥品