五龍粥麵茶餐廳

Open Now

Now Closed

呢排頻頻去茶餐廳食，無非為杯奶茶杯內有冇chocolate rain個圖案，希望趁換購滿前碰下運氣換多套黑白淡奶杯碟……今早去中環，知道五龍有參與，特意嚟食早餐，我都係食火腿通粉餐加茶走少甜……奶茶好飲，可惜，杯內一個圖案都冇多士及熟蛋都夠熱，吾錯，但可惜隻膠碟係裂的，有裂縫，已有跡，好吾衛生，要扣分，好心掉咗去啦！通粉一般，都係偏腍咗啲，火腿顏色較紅，道味係濃但我覺得麻麻地……因為已是十點的時段，所以吾多人，一個人坐卡位好舒服……

去快食個tea叫左個下午茶餐$42碗米粉細都算落單時候明明提侍應利賓納少冰結果上枱時 杯野飲有半杯係冰😡😡😡見圖同個侍應講 我要少冰喎男侍應: 少左架喇! 原本仲多! 個男侍應態度好差 講到好似我無理要求咁😒之後我用匙"不"哂D冰出來 仲發現入面有三條完整的冰柱😡😡少冰？!!!

This congee and noodle cafe has a long history, with more than 60 years under its belt. It's been a while since we last came here and today we visited again to try the signature wanton and dumplings, to see whether the quality is still being maintained.The Wanton Noodle was quite nice, with fairly big wanton of good fillings of crunchy shrimp and pork, also of the right proportion. The noodle was also chewy and nice, and the soup is likewise tasty. The noodle in my opinion could still maintains

中環有不少茶餐廳，水準一般的不少，中環人中午要填肚，食而不知其味，只要是食物，味道幾差都有食，結果造就不少又貴又難食的食店充斥中環，而尚可生存至今。這天來這店食早餐，這店在中環也有一段相當長時間，很久之前和同事食過晏，食物質素算是普通，填肚充飢尚可接受，這早上試了早餐，餐肉太陽蛋麵配鴛鴦走，太陽蛋煎得算是有靈魂，入口夠嫩滑；午餐肉煎過，夠香口，但肉質略為鬆散，味道咸香；麵和湯就很一般了，普通大路的即食麵，應該不足一個麵，份量頗細，麵也淥得有點過淋，湯也過咸而又無鮮味；那杯鴛鴦走就味道太淡，茶味啡味都不足，練奶就反而過多，有點似飲奶水。總體來說，純粹充飢的話，還算可接受。

到中環做嘢趕時間隨便就入咗呢間食晏，差不多兩點關係故即時有位，坐低發覺出事喇。想食飯但係冇午餐快餐之類，唯有散叫，最平個飯都$48，叫咗個粟米肉粒飯加凍檸茶，共$48+$19=$67。真係O晒咀。好彩個飯都算足料，粟米汁香濃，粟米同肉粒都多，肉粒亦算大粒，總算物有所值，但係咁貴好難會再想幫襯囉。

在中環上班的我，有時候也想在上班前，吃一頓好的早餐，迎接工作。中環舊街市旁的高級茶餐廳，曾以為是信心保證，但試過幾次之後，只覺得早餐水準相當普通，又難搵位。若跑到威靈頓街那邊，又嫌離公司稍遠。於是，決定轉移陣地到一路之隔的五龍粥麵茶餐廳。約三十蚊一份早餐，在中環區不算貴。試了幾次，總體表現不算很突出，但個人認為比那間高級茶餐廳略優。另外，這兒比較易搵位，光線充足，坐得比較舒服。所以最近吃早餐，有時會光顧這兒。　　幾天前又來幫襯，叫了一份叉燒通粉早餐。基本上由煎蛋、多士、通粉，以至奶茶，都可說是及格有餘，但比上不足。唯一想讚是帶點小肥的叉燒，充滿了蜜汁的香甜，又有嚼口，整份早餐因此而加分。　　偶爾一試，未嚐不可。

　　環境方面，光潔明亮，環境清潔。　　食客頗多，有一些是遊客，以吃粥麵的為多。　　我心血來潮想吃常餐，於是便點了。出奇地，餐牌上寫的火腿奄列，我想改為煎太陽蛋；牛油麵包，我想改為牛油多士，都不用加錢，讓我很驚喜很感動，配的是雪菜肉絲麵，侍應竟然沒跟我說沒有雪菜，這又是另一驚喜，因為我在別的茶餐廳，十間有八間都吃不到雪菜的了。　　先上來的是熱奶茶，夠熱，可惜奶茶過於苦澀，太濃。　　牛油多士，夠熱，多士夠薄夠脆，烘得金黃色，牛油溶得滲在其中，微鹹的，包油相融，非常好吃。　　太陽蛋方面，我個人稍嫌太生，透明色的蛋白蕩漾在蛋黃的四週。　　至於雪菜肉絲麵方面，麵質欠佳，因為太稔，一咬即斷，甚至有些在碗裏已經斷了。又短又爽的麵質，極像是統一牌或福字牌的麵，我期望如果不是出前一丁也至少會是公仔麵吧，可卻兩者都不是，麵質極劣。　　這樣的常餐３８元。比較貴。

夜媽媽都要係睇完醫生之後, 由銅鑼灣爬番去中環做野... 做野之前, 都要醫一醫肚.夜晚無咩選擇的了嘛, 都9點半了, 就想去翠華, 典知, 想起了五龍, 係羊咩咩的至愛, 我就一直都無來過. 就試下啦, 睇下佢係咩水平嘛.一坐低, 就有少少好感, 因為係老式的茶餐廳, MY FAVOURITE! 點了一個菜心全走(17蚊), 一個螺片魚腩粥(30蚊).個菜, 17蚊, WELL, 通脹嘛. 新鮮, 其他無咩好講了.個粥, 唔錯, 因為個魚腩好厚切, 一食落去啖啖肉先夠過癮嘛~ 最搞笑係個螺片, 唔知典解, 個螺片同平常大家認識的螺片係唔同架!! 我以為會係食落平時的CANNED螺片咁既野啦, 典知, 佢係...好似新鮮北寄貝拎0左去烚熟0左咁囉. 除0左咁, 我唔知點樣可以更好咁形容佢了, 唔覺得好食, 因為唔覺得佢係新鮮, 又唔係CANNED螺片, 個口感好奇怪, 好似食緊假野咁....ANYWAY, 個粥底都好綿, 推介大家食依到的粥.

今晚食了五龍雲吞酸辣米線，雲吞確實一流。每粒雲吞都包有原隻鮮蝦，豬肉無很多肥肉，十分彈牙。另外，炸醬麵都很好。麵很彈牙，炸醬不會＂油立立＂，亦無多餘肥用。我地等外賣都叫我們慢慢坐低睇，仲打算奉茶，真好招乎！

有些朋友和同事們都叫我龍五，其實我同賭字輩真係無關係，不過朋友俾面，叫得高興又何妨。onsite工作，同同事食飯，大家當然係玩野話黎我主場五龍食飯，鬧著玩，趁熱鬧，最高興。小小餐廳，之前吃過一次晚餐，當然坐得舒服，因為中環夜晚如死城；但換上中午，上班一族如螞蟻出沒，加上冬天衫都厚ｄ，檯仔細細就變到好迫了。原來呢度無快餐或是日午餐，叫了一客特餐，超快速來到，是中環午市指定動作，皆因希望做多兩轉。同事們真識食，多士要烘底，問一下侍應，原來唔駛加錢，全檯四人都烘底，美其名是方便廚房，哈哈。火腿奄列手勢不錯，蛋半熟，中間仲有蛋汁，火腿份量不多，但這個份量做奄列剛剛好了。午餐本來係炸菜肉絲公仔麵，也是咀刁的同事問可唔可以轉沙嗲牛肉公仔麵，竟然又係唔駛加錢，可見五龍彈性頗大。沙嗲味很香，牛肉嫩滑，同事果然無介紹錯，唯一要挑剔係份量有點少，我相信我地幾個大男人晏ｄ實肚餓。餐飲當然要熱飲，天寒地凍，暖飲落肚，窩心滿足。主場出戰果然高幾班，有機會再黎試下貌似得獎的雲吞麵吧。

今日放工時份，本想到老地方銅鑼灣晚飯，但見沿途交通擠塞，索性在附近找間茶餐廳填填肚便算，最後到了午飯常到五龍。五龍為典型茶餐廳格局，但裝潢稍有氣派，卡位的梳化也設有軟墊，感覺頗佳；惟服務員把波經高談闊論，略略破壞原本寧靜的環境。 小店賣的是一般茶餐廳的快餐及中式小炒，還有馳名的粥品，可惜小弟怕熱甚少吃粥，所以還是點了個炒粉麵便是。 星州炒米：蝦仁、叉燒粒、火腿等材料充足，而且不會太乾身，也不會濕得像炆米般，賣相不錯。入口味道也對位，惟辣度不太足，欠了一點惹味感覺；加上鑊氣不太夠，炒得不夠均勻，部份米粉還呈白色，整體只屬一般吧。 凍檸茶：點炒粉麵只需另加 $4。檸茶夠大杯，茶味算是濃郁，而且不吝嗇地加入五片檸檬，很好。 單點的那個星州炒米質素只屬中等，而且價錢不算便宜。似乎下次待天氣再涼要試試那個鎮店粥品，才知道其真功夫。

17-1-2010搭船前搵間茶餐廳食個 light lunch, 星期日中環選擇不多, 又唔想排翠華, 求其入了較少人的呢間.叫了熱奶茶 (好似 $14) +「金獎雲吞麵」($20):- 奶茶賣相好「奶」, 飲落奶味 vs 茶味約 6:4, 幾滑, 無茶澀味, 又 ok 喎. - 雲吞麵絕非「細」蓉, 因為份量好大... 湯底淡出個鳥來, 不過無乜 MSG 痕跡, 算啦; 麵條有點黐埋一舊, 食落無鹼水味亦尚算爽口, 算係咁; 雲吞 size 並非傳統的「一啖一粒」, 叫有點散尾, 但雲吞皮又太厚; 餡料就 as expected 幾乎係全蝦肉, 不過 d 蝦「結實」得有點硬, 又無喱味道 不過 $20 大大碗, 喺中環又一定有市場的, 只怪我呢 d「死硬派」食得太多「麥氏」雲吞 (e.g. http://www.openrice.com/restaurant/commentdetail.htm?commentid=2051706), 搞到唔識欣賞人哋的「金獎」貨色吧.朋友叫了腿蛋治烘底 (好似 $19) + 熱華田 (好似 $13)... 見腿蛋治賣相完全無「烘底」的痕跡, 麵包

我哋四個人 order 咗豉椒排骨炒麵、豬扒炒公仔麵和粟米牛脷飯。豬扒炒公仔麵 - 賣相OK，聞到好香，豬扒醃得唔錯又夠稔，可惜D公仔麵太咸。豉椒排骨炒麵 - 炒麵很脆，豉椒排骨也很好味，味道不錯。粟米牛脷飯 - 賣相麻麻哋，食落又OK喎，咸牛脷餸飯都唔錯。

七月廿一•有雨本來想行上勝香園，但連天大雨的，就將就一下，來這裡吃早餐。其實這裡也不錯，空調強勁，有電視看，來個煎蛋多士加腿通的早餐，索性吃得豐富一點。腿通夠稔身，湯底當然是味精湯，但反而對味。煎蛋雖油膩，但還是溏心的。多士脆口，很不錯。埋單24蚊，吃個豐富的早餐才開工，正路也。

六月二十九日 (星期一)意粉與五龍絕對無關係...意粉工程係老公仔在公司趕的project...連星期六,日都要回公司做...真慘...差不多完成,今天繼續食quick lunch!我吃了常餐:有沙爹牛肉米粉,火腿奄列...不是特別好吃...普通水準而已...若比較,瑞士咖啡室比較好老公仔則試了菜瀾推介的雲吞果然有點睇頭,有金魚尾的而且餡料惹味,鮮蝦配上少量胡淑粉....很不錯...很快完成午餐...老公仔趕快回去完成未完的工程!