花香 (Closed)

Cafe以充滿少女心的粉紅色為主題，並設有心心打卡牆，配上特色打卡食物，與朋友聚會一流！月見牛油果彩虹沙律(大蝦+帶子) ($118)色彩繽紛，令人食指大動！大蝦大隻爽口，牛油果內裝著帶子及鵪鶉蛋黃，拌勻才吃使口感更滑溜富層次。粉紅富士山白咖喱黑豚肉飯 ($118)將米飯堆砌成富士山的形狀，再加上食用花點綴，賣相吸引。豚肉份量足料，咖喱香濃帶甜，入口充滿椰香，相當下飯。紫薯雪糕海鮮意粉 ($128)用紫薯製作成雪糕的形狀倒插在意大利麵裡，賣相尤其吸引眼球。雪糕其實是鹹忌廉，開動前把粉紫色的忌廉與意粉混在一起，口感creamy，內裏還加有大蝦和魷魚，爽口彈牙。

之前黎floom floom食過意粉，賣相又靚又好味，一路都想再訪😍試咗好多款唔同嘅新野食😆-🌈 月見牛油果彩虹沙律 ($118) 🗻紅粉富士山白咖喱黑豚肉飯($118)🍦紫薯海鮮雪糕意粉 ($128)🧋珍珠紅茶爆漿厚多士 ($68)🍫髒髒朱古力 ($55/cold)☕️桂花烏龍奶蓋茶配懸浮棉花糖 ($58/cold)-首先介紹返個沙律，牛油果彩虹沙律入邊有帶子同大蝦，大蝦有六隻，隻隻都爽口彈牙😍 然後有半個原隻牛油果🥑一邊仲會有一隻蛋黃～ 撈埋都幾好味，仲有我最鍾意嘅粟米粒！沙律揀呢個又健康又好味😋到我最期待嘅主菜，揀咗一個富士山飯，同埋紫薯雪糕意粉。富士山嘅造型，粉紅色嘅飯都係第一次見😍 撈埋啲咖喱汁都幾惹味，入邊豚肉都幾多！ 喺IG見到紫薯雪糕意粉賣相超吸引，有球雪糕倒轉放喺意粉上邊！🤩店員介紹呢個其實係紫薯加埋芝士整到球體咁，然後要撈勻啲意粉🤣 又玩得又食得！紫薯味道都好突出而且食落唔會漏，超級推介！之後甜品揀咗珍珠紅茶爆漿多士，珍珠好煙銀好有口感，加埋多士同紅茶味既cream 食可以中和返個甜味👍🏻

K11 Artmall有間勁Pink既Cafe-花香🥰佢係鳥語既姐妹店，果度有一幅粉紅色打卡牆💕仲有一大個蝴蝶結裝飾，完全忍唔住要打下卡😝月見牛油果彩虹沙律 (大蝦+帶子) $118好靚既彩虹沙律🌈仲有K最愛既牛油果🤩沙律由車厘茄、南瓜蓉、牛油果粒、大蝦同紫椰菜組成，一層一層既顏色好色彩繽紛~另外牛油果上面仲加有帶子粒同鵪鶉蛋，幾鮮味紫薯雪糕海鮮意粉 $128雪糕要溶啦仲掛住打卡？！放心，呢款係雪糕造型既意粉🍦雪糕其實係紫薯忌廉芝士黎，食前將佢同意粉拌勻就OK☺口感好Creamy，加埋啲綿密既紫薯粒，食落有淡淡既紫薯香氣🍠裏面仲加左魷魚圈、大蝦、洋蔥、蘑菇同露荀一齊煮，好豐富粉紅富士山白咖喱黑豚肉飯 $118另一款打卡美食係粉紅富士山飯💗漸層粉紅色勁靚🤣上面仲加左啲食用花做裝飾🌸白咖喱味道偏淡，黑豚肉份量幾多嫁珍珠紅茶爆漿厚吐司 $68甜品係人氣款-珍珠紅茶爆漿厚吐司，厚吐司面層搽左牛油再烘，食落有陣陣牛油香氣，口感軟熟！上面再加上柔滑既奶蓋同煙韌既黑糖珍珠，甜度適中唔會好膩髒髒抹茶雪糕拿鐵 $58、髒髒草莓奶綠 $55

熱門少女打卡cafe! 粉嫩的粉紅色作主調，還準備了心心打卡牆，但位置都有點尷尬。坐位不算多。鮮艷霓虹燈裝飾！紅粉明太子三文魚子忌廉意粉明太子加三文魚子是絕配，是不能取代的組合，鮮味十足！雜菌獨特香味中和了魚子和明太子的腥味，提升了菜式香氣！粒粒花生醬芝士厚吐司成吋厚的花生醬，吐司和花生醬之間還有鋪上了一層芝士，超邪惡～厚厚的花生醬加上粒粒花生，咬落好爽脆！吐司沒有過份香脆，不會𠝹口的，咸咸地的芝士加花生好夾，麻薯波波也十分煙韌！提拉米蘇上層的cream 和手指餅都非常好味？黑糖酒釀拿鐵懸浮棉花糖棉花糖好可愛～唯一可惜的是酒釀沉底，飲到最後才發現到！

相信呢間唔使多介紹，之前見到好多人都有去呢度打卡😆野食整得好有心機，仲有靚靚打卡牆🥰-牛油果彩虹 Salad 健康得來又好五顏六色，有成隻牛油果🥑仲有大大粒蝦🦐，用黑椒同鹽去醃，不過稍微重手左少少🤏-粉紅色富士山飯個飯係粉紅色同白色拼色，堆到好似富士山咁🗻靚到唔捨得食呀🥰側邊係咖哩雞飯，呢隻咖哩好有日式家庭風味🙈-紫薯雪糕意粉 成大個雪糕甜筒🍦係意粉上面，好盞鬼個雪糕球係紫薯肉+cream cheese，撈埋意粉食好濃厚🍝-珍珠紅茶爆醬厚多士面頭嘅醬真係爆多！黑糖珍珠味都幾出不過如果個多士再脆d就好了❤️-飲品推介髒髒抹茶雪糕拿鐵🍵係呀又係抹茶🤣🤣🤣有抹茶雪糕同抹茶latte，真係雙重享受，味道符合期望。

約好姊妹食飯 一定要打卡同埋可以傾偈傾得舒服Shopping行開K11 見到呢間粉紅少女心餐廳💕喺門口經過都覺得好靚坐得又舒服 好啱傾計星期六下午時間都唔算太多人但座位唔多 建議book位食物選擇太多 我地揀左好耐🤣覺得嘢食好似都好吸引咁就入去食意粉好好食好creamy 黑松露味好香原片黑松露😍😍😍掛住影相食個陣凍左😂髒髒草莓奶綠 $55好好飲💕成間餐廳好靚 嘢食選擇又多😍好啱同好姊妹行街補充體力😆

次次見到呢間cafe咁有少女心，都好想入去食，但次次都唔得閒食，今次終於約左朋友黎試試佢🤭黑松露雪糕意粉個雪糕係奶油忌廉，個雪糕筒可以扑碎佢趁熱撈埋落意粉度，撈埋一齊個意粉啖啖黑松露奶油忌廉味，超濃超好食，而且有啲脆卜卜既雪糕筒，口感好正❤︎粉紅富士山白咖哩黑豚肉飯有淡淡椰香味，朋友話個飯唔辣，幾好食😋而且係粉紅色富士山好特別❤︎明太子鹽酥雞呢個就普普通通，但贏在大碟🤣打卡餐廳黎講整體都唔錯，可以再戰👍🏻座位寬鬆，環境夠光適合影相最重要佢唔係睇得唔食得，啲食物都好食😋（因為去過太多打卡餐廳啲野食勁難食🤣）

約埋一堆閨蜜一齊去尖沙咀食嘢見到K11有呢間裝修好有特色嘅餐廳一於就去試吓！————————————————————————🔸大啡菇薯條配雙色醬(牛油果+黑松露醬)$68用咗大啡菇嚟取替薯仔比起一點嘅炸薯條健康食落都幾Juicy，個人比較鐘意點黑松露醬————————————————————————🔸炸排骨拉絲蛋餅$78個樣睇落好邪惡嘅一樣小食係手抓餅包住芝士同茄汁再加埋啱啱炸好嘅排骨，熱辣辣好惹味————————————————————————🔸粒粒花生醬芝士厚吐司($68)圓滿嘅一餐又點少得甜品厚多士上邊有串丸子同大量花生醬邪惡得嚟又好好食————————————————————————💛花香 (尖沙咀)💛尖沙咀河內道18號K11購物藝術館B2樓201號舖

喺其他網絡平台見到朋友去咗呢間餐廳度食飯我覺得佢哋啲嘢食好靚問過朋友佢哋都話唔錯所以自己親自試一下環境開陽坐得都幾舒服嘅睇咗餐廳餐牌好耐好難決定揀咩嘢食因為款款都想試最後點左兩個主食一個就係紫薯海鮮雪糕意粉另一款就係新粉紅富士山白咖喱黑豚肉飯個紫薯海鮮意粉賣相超級得意有一個反轉咗嘅雪糕筒插喺啲意粉上面個紫薯雪糕其實要撈埋啲海鮮意粉一齊食嘅感覺幾特別，撈完之後成個意粉即刻紫薯味更加香濃 另一款就係粉紅色富士山白咖喱黑豚肉飯一嚟到已經比粉紅色嘅富士山吸引住白咖喱唔辣而且好香，自己就超鍾意啦黑豚肉都好味之後仲叫咗個甜品就係草莓鮮奶厚吐司淨係個賣相都已經好靚份量都幾大其實兩個人食兩個主食都有少少飽另外仲叫咗兩杯飲品一杯就係桂花烏龍奶蓋茶超級可愛上面嘅棉花糖係一隻啤啤熊另外一杯就揀咗摩卡咖啡都好好味

全部食物味道好清淡，意粉有意粉味，海鮮有急凍味，菇有菇味加埋就冇乜味🥲仲叫左杯黑糖珍珠鮮奶茶，微甜😅石鍋飯既石鍋只係一個裝飾，冇溫度架，第一次見石鍋飯會係唔熱既😅仲要明太子三文魚飯既明太子原來只係一湯匙咁多既醬加蛋炒飯同薄切煎三文魚😅啲野食只有微暖，完全唔熱🥲咁既價錢仲有好多好多選擇，呢到啲野可以話係睇得唔食得，試一次都嫌多啲凳仲搞笑，一邊坐落去又太高，一邊坐落去又太矮😂完全唔知乜事，因為佢啲凳兩邊都唔一樣架。啲店員好有信心咁憑記憶落單，於是就落錯左一個啦🥲

因為睇咗食評，揀呢間食early dinner ，只叫三樣野，賣相係靚但全部都唔好食。見食評話紫薯雪糕意粉好食，其實仲差過便利店買嘅白汁意粉，個明太子醬鹽酥雞，係雪凍雞，咬一啖成嘴粉，無味又乾，我同frd 每人只試咗一舊就成碟無再掂過，個夾餅只可以話入到口，想好食就算啦，呢間野最好竟然係杯疏打，絕對唔會去第二次。最接受唔到個侍應落單時成件衫high 落個兩杯水度，真係救命

由正價食到抗疫價，都返黎幫襯過好多次。floomfloom嘅菜式好新穎，一開始食每碟d味道都好足，有優質。可是近期發現每次食個味道都好不一。膠原滿滿熔岩飯同咖喱雜菜黑豚肉珍珠飯，一時夠濃味一時好淡。酥炸蠔蜆肉青醬意粉，一時creamy好正，一時好稀，一時青醬味重d。但今次令我最失望係雙色QQ地瓜丸，一開始食過覺得好外脆內軟，好有台灣嘅味道，但今次...每粒都炸到好over，全部好深色，表面好似火山爆發咁，落地有聲，咬都咬唔開。 其實出品嘅時候，員工都一定會發現到，可是見係外賣（？），都繼續出比客。我打開個盒嘅時候真係好傷心。如其每次打開個盒嘅時候，都要估下唔知今次整成點/味道如何。我會去其他黃店分散投資。希望貴店會好好審視下自己嘅出品。

💛💛💛花香FLOOM FLOOM💛💛💛裝修都幾靚嘅，啱女仔嚟打卡影相💗。不過，就算係黃店都要踩，真心唔太好食，要改善一下啦！好彩服務超好，有加返分🥰。原隻軟殼蟹黃金鹹蛋蝴蝶粉 $138軟殼蟹炸得都唔錯，但可以更鬆脆。好處係軟殼蟹啲手腳全部都好完整。蝴蝶粉硬，感覺上似係啱啱熟定其實唔熟我唔肯定🤨。勉強都可以食晒，個醬汁好食嘅，鹹蛋唔係好鹹，食落有少少唔均勻，因為係一塊塊😥。草莓鮮奶厚吐司 $58好食抵食，成餐飯最開心嗌左依個甜品💗，上面啲鮮奶感覺上係好濃嘅cream。我預先俾咗個生日牌比店員，係我哋食完正餐時主動收起餐具，仲插埋蠟燭同個牌係吐司到，呢個安排真係非常之好🥰。熱髒髒朱古力 $48飲落都唔錯嘅，但唔知係擺得太耐定商場冷氣好凍，一陣間已經凍哂🥲。好彩既係完全飲到啲朱古力，好甜好飲，用黎打卡一流。不過最好就大杯啲啦🤪。凍提拉米蘇 $58睇menu見到好吸引，但係飲落去就覺得係普通凍咖啡上面加啲cream。咖啡仲要唔甜冇乜奶😂，當啲冰融嘅時候就變咗咖啡水，真係要改善一下，如果唔係真係幫襯唔落🤔。埋單$332（包加一）

一間裝修充滿少女風味既佈置👄入左去個人心境都再少女風•膠原滿滿熔岩飯🍘西班牙黑毛豬滷肉飯+桃膠個賣相外型非常吸睛成個飯係富士山 下面滿滿既滷肉仲有埋最養顏既桃膠好有台灣滷肉飯既感覺 而且好入味 估唔到又幾好味 好驚喜🤎•炙燒三文魚伴三文魚子石鍋飯厚厚炙燒三文魚 燒得好香仲配埋三文魚子做石頭鍋飯熱辣辣仲好好味添呀•蜜桃烏龍茶🍹超香濃蜜桃味撞埋烏龍茶鍾意蜜桃既你一定會鍾意🍑

是日純粹貪西鐵沿線出去逛逛 N2出口果層就係呢間餐廳 環境看來不錯就試下啦 （湯圓坐唔到粉紅椅子 太矮會陸沉 所以我地一齊單邊坐波浪位 但大人就有點高😂）🔸大啡菇薯條配雙色醬（牛油果+黑松露醬） $68小小手推車好可愛 與其說是薯條 更像鹽酥雞的外皮呢 非常香 然後大啡菇又充份保留菇味及水份 極推薦！個人就較愛配黑松露醬🔸紫薯海鮮雪糕意粉 $128賣相吸引眼球既（所以湯圓一睇menu就話食呢個😅）店員建議趁熱將紫薯混落意粉 口味會更濃郁 我就混左大半 剩既直接俾左急不及待既湯圓 與其話係雪糕 更似是忌廉紫薯蓉 然後個cone就似阿菠蘿雪糕下面個餅咁 無咩味同埋偏厚既 個人就覺得唔駛個雪糕反而仲鮮美 但湯圓就好受落 各取所需啦😂🔸桂花烏龍奶蓋茶配懸浮棉花糖 $55純粹諗住打下卡開心下 誰知好飲喎 唔死甜 甚或帶點層次 個熊貓小匙仲好得意添·食完睇下同層Miffy展 路過祥仔X清仔拉麵店 又突然影相拎左小禮物🎁再隨逛一下就閃人啦·