花香 (Closed)

見到好多人post咗呢間勁靚嘅造型食物飲品相，行開K11就試試，當日星期六，見對面D餐廳排哂隊，反而呢間唔使排，店內食客得5，6個，心諗唔會出事啩，我喺門口企咗大約2分鐘，職員見到我安排咗我入座，然後order咗一杯凍嘅藍色富士山飲品，同粉紅富士山咖哩豚肉飯，等咗10分鐘，飲品先上，見到杯飲品已經有d失落，網上見到其他人post嘅富士山飲品好靚，個杯連入面嘅飲品都模倣成個富士山一樣，但我個杯……(請看圖)☹，見食物未到，就同杯飲品影個獨照先，諗住等埋碟飯就嚟個合照，所以都未飲過一啖，等呀…等…等…等…，見杯富士山開始溶，都未等到粉紅富士山出現，就放棄開始飲啖先，味道還可以，沒有太大驚喜(可能d冰溶咗，所以味道有點淡)😐，大概由落完order開始起計等咗20分鐘左右，我終於見到粉紅富士山喺我面前，當然都有點失望，真係不得不讚賞其他人嘅影相技術(還是真係其他人個山靚過我個山，喺openrice見到其他人嘅富士山好靚)，好快地簡單幫兩座山影咗個合照，就急不及待試試個味道(因為都已經冇哂mood同等到餓)……第一啖試咗咖哩個味道先(眼見個咖哩有點稀，所以都預咗個味道唔濃郁) 誰不知……🥶唔熱嘅

係網上見到呢間餐廳既野食好靚. 就同朋友黎試下啦一入到去, 係滿滿既少女風. 比粉色包圍住, 佢仲有一個好靚既影相位可以比大家影相間餐廳細細地, 黎食既客人大多數都係女仔. 可能個環境真係幾吸引, 不過坐位好硬. 我覺得麻麻地舒服佢餐牌都好靚, D食物圖片好吸引. 我叫左一個都幾熱門既膠原滿滿熔岩飯佢個樣好靚, 飯係蛋炒飯, 綠色係紫菜碎, 連帶有D肉燥汁。個樣好豐富, 我以為味道都應該好有層次,只不過 D 飯無味, 個肉燥都無乜味只係聞落好香, 如果中意清淡既會好岩食, 我就有D 失望朋友點左個蝦沙律. 等左好耐先黎. 蝦沙律個外貌吾及熔岩飯靚, 但係佢味道又吾錯喎食食下黎左個飲品, 真係好可愛佢吾止外形可愛, 味道都好好, 我吾捨得食左隻豬呀 佢面頭有D桂花, 成杯野滑得黎帶點花香呢到好岩中意打卡既朋友, 佢D 食物飲品外形好靚, 但味道方面就一般啦。

呢間餐廳位於K11地庫， 一出地鐵站就係，十分方便。環境方面，有打卡的背景，其實幾靚。好喇到食物方面，餐牌上嘅飲品，每杯都好靚好精緻，叫咗士多啤梨同綠茶，首先綠茶嗰杯，有一大堆cream，上面有個綠茶雪糕，好creamy，但亦好heavy, 至於士多啤梨個杯，啲cream都係好重嘅士多啤梨味，但係就冇雪糕，但係成杯野好香，兩杯野都好靚，打卡一流，佢哋味道亦好，唔錯！至於個Tea set方面，其實都係俾你打卡嘅，鹹點方面，都唔錯，我覺得鹹點出色啲，種類比較多，又有食用花點綴一下，幾靚。啲甜點方面，最鍾意就係嗰個蛋白餅，因為個樣超靚，但係其他甜點，就有啲過甜，如果樣樣野都太甜，成件事就甜到漏！地方都算坐得舒服嘅👍🏻

餐廳主要以粉紅色佈置，真係好靚💕連野食都好靚😍～岩岩開將既時候已經好想去😚呢度啲飲品都好靚，但因為個日飲左太多野，最後冇叫到😖-✨慢煮和牛伴牛肝菌葱飯比起碟意粉，個人更加鍾意呢個飯🥰 (不過真係個個人口味唔同🤣我既朋友就唔太鍾意)。飯混合左薏米同小米，增加左口感🤪但飯粒的確係偏硬，可以軟返啲會更好。醬汁濃郁，不過其實食落係帶少少苦味，不過我幾鍾意😝牛肝菌同和牛粒份量比得一啲都唔吝嗇🤓最驚喜係個和牛粒💯！肉質軟腍帶脂香，重牛味，冇咩筋唔會難咬👍🏻-✨花香特色大蝦卡邦尼意粉意粉靭度適中，份量唔算好多，但啲蝦就隻隻都幾大隻😆啲汁真係好多，唔洗怕啲意粉唔夠味😛面頭仲有少少芝士碎同蔥花，撈埋粒蛋黃，提升味道😋-✨紫薯蛋餅配鮮奶麻糬蛋餅唔算好酥脆(不過可能我地擺耐左🤣)，麻糬好軟糯整得幾好！不過我覺得整體有啲偏甜，味道就普普通通，冇咩驚喜🤣

🐽蛋蛋拉絲蛋餅 $68餅皮幾脆，但唔係煙韌個隻皮，蛋同芝士既份量都幾多，加埋甜甜地既台式醬，但建議一定要襯熱食，因為凍左既話啲芝士就會硬左🤔••••••••••••••••••••••••••••••🐽 明太子鹽酥雞 $78呢道菜差唔多等到食哂其他野先黎，但真係都幾失望，炸粉好厚，因裏面既雞肉唔滑，成舊食落就好粉同實，而且又冇咩味🤨，但個明太子醬就幾好食，辣辣鹹鹹咁••••••••••••••••••••••••••••••🐽大啡菇薯條配雙色醬 $68好似鹽酥菇咁，菇都幾juicy，但本身既調味比較淡，所以一定要沾埋雙色醬（牛油果醬同黑松露醬），牛油果醬比較清新，令炸菇冇咁油膩，而黑松露醬就會濃味啲，其實配咩都唔會難食得去邊🙊••••••••••••••••••••••••••••••🐽膠原滿滿熔岩飯 $98好創新既菜式，西班牙黑毛豬滷肉加桃膠飯，滷肉汁鹹淡適中，加埋桃膠粒，食落都幾得意，多左種口感😂••••••••••••••••••••••••••••••🐽提拉米蘇 $58賣相好靚，提拉米蘇既飲品版，上面有cream同可可粉，下面就係類似美式咖啡，旁邊會配上一條手指餅，啲cream

今日晏晝去咗食，真係第一次有間餐廳令到我要特登寫低😥一共兩個人嚟，我哋各自嗌咗一碟意粉同埋一杯嘢飲本身打算叫黑松露意粉，由於店員話賣晒咁我就揀過第二樣。落單過程全程問咗兩三條問題，店員全程扮聽唔到冇答過，成間餐廳坐得一兩枱真係冇可能唔聽到，直到我俾返個答案問佢是非題問佢係咪佢先Hea答我一句，服務態度真係頂唔順。（一個染咗頭髮嘅女仔）然後嘢食嚟到，我分別嗌咗白松露意粉同埋一杯曲奇飲品。白松露意粉味道唔錯，成個設計同埋調味都幾好食，但啲意粉真係好硬。。如果正常返啲真係可以叫好食。但杯飲品就真係過分咗，超級細杯。唔係講緊話我睇完Menu自己估計佢係咩樣，然後嚟到不成正比。而係個Menu大大幅影咗出嚟杯野係咩樣，我本身諗住佢係咪冇呢隻杯，然後我見到隔離枱係有用呢隻杯裝第二個嘢飲的😅最後都要讚下，幫手最後賣單有個男仔服務員，服務態度好好。可能太大對比，佢同我講嘢我打咗個凸，可能都唔敢相信佢係係呢間鋪度做嘢，點解會突然有個咁有禮貌，都叫做幫呢間野加返少少分。🥲

近日尖沙咀好多鏡仔打卡位，就出去熱鬧下之餘，再搵一間靚靚既餐廳，食個飯，打個卡💕🌈牛油果彩虹沙律：色彩繽紛，樣樣都係好健康，又有蝦，又有帶子，牛油果熟得岩岩好，再配上黑椒生雞蛋，幾特別既食法。蝦又夠爽。🐔明太子鹽酥雞：粒粒雞都好大哦～明太子醬唔會過咸又好味。🦀軟殼蟹黃金咸蛋蝴蝶粉：係完整一隻軟殼蟹呀🤩配咸蛋味，好正，可以食唔停口。不過蝴蝶粉方面，就有少部分煮得未夠淋。🗻粉紅富士山白咖喱黑豚肉飯：一上菜就哇一聲，好靚哦！咖喱都香同唔係辣個種，豚肉都有咬口，再配上咁靚既飯，無得輸👍🏽☕️黑糖酒釀拿鐵配懸浮棉花糖：友人一號的，上面仔豬仔，覺得可愛😍🥤竹炭雲石拿鐵：友人二號的，外表好有feel ，不過飲既時候，可能會出現好似食完芝麻糊咁，牙齒會變黑哦😄🍹Oreo曲奇奶蓋茶：友人三號的，大大塊曲奇，再有奶蓋同茶既層次感，睇到都覺得靚。🍹髒髒草莓奶綠：係我啦！上菜時都幾震撼，無諗過杯野都幾大，同咁多cream，第一口食cream，好幸福呀，同好肥呀！真係天使與魔鬼既化身。杯飲品茶味就唔係好夠，奶味都一般，唔知係咪食咗cream 先飲，所以覺得唔係好夠味。整體來講係用「價錢買漂亮」試吓一次半次都可以。

服務: 唔太得…..一去到門口無員工過黎，咁就企一陣等，點知突然閃左三個人過黎企喺我右邊，個女員工就即時過黎了，仲即時比左位佢地三個😡咁我又費事嘈諗住仲有位，點知有兩張吉枱係用黎隔開唔比人坐既，女員工叫我留電話，咁算啦，但等左半個鐘未有電話就落去問下諗住有排就唔食，點知落去女員工話打左比我無人聽，你要等多陣啦咁….即係比左我張枱人啦？！但我話我無miss call wo, 睇返原來佢寫錯我電話no.! 我老公話聽住我講no.無錯既但佢寫錯，咁我唔去問咪有排呆等？都算…之後佢話有人埋左單抹埋就得，咁我唔知邊張枱啦。隔左陣佢叫我寫紙仔，又叫我探熱，探完就行我就以為入得啦，跟住佢點知佢又同人執枱又拎野，我咪問你係咪帶緊位定點？佢先叫我等等！其實探完熱你係咪應該同我講聲等等呢？等我唔使on 居居咁跟住你行左個圈！味道:野食就以打卡餐廳黎講算好食，兩個飯兩個野飲$3xx, 中間價。但個粉紅富士山d黑豚肉有d鞋。另外嗰個飯黎到只係微暖，好快就凍。但其實d野食都頗耐先到，仲諗住即煮，但如係應熱辣辣先啱？野令就好淡杯tiramisu 咖啡仲有d苦….環境: 間鋪比想像中細, 其實唔太多打卡位。有個好細

係尖沙咀行街行到肚餓，係K11 Art Mall見到呢間Floom Floom有下午茶食，價錢又唔算好貴，就入去食下。店內環境好靚，有個角落充滿少女風格，啱晒打咭🎀📸葱蔥和牛粒伴牛肝菌飯🍚和牛粒好好味，牛味好重，切到都幾大粒，啖啖肉食好正！仲有好多菇同豆角，好豐富！而且醬汁好濃，飯粒分明，食落口感唔錯，仲好惹味！ 紅燒小籠包湯麵🍜小籠包即叫即蒸，夠哂熱，有5粒都幾大粒，味道正常，但個湯麵有點普通，望落好似好濃味，但食落好淡口，麵條係偏幼同扁身，口感尚算可以接骨木花soda攪拌棒勁可愛，係隻好得意嘅熊仔，飲落都好fresh，幾好飲玫瑰soda攪拌棒同樣好吸睛，係貓咪造型，味道都唔錯，飲到甜甜哋嘅玫瑰味

係K11 想食個 relax lunch，見好似唔錯就撞入去。叫咗個脆脆排骨意粉，凍cappuccino 。粉紅色坐椅矮到坐唔到，轉對面坐卡坐。頂！從來未坐過咁唔舒服嘅櫈，又硬，又斜，高度同枱又配合唔到。個意粉一嚟到真係嚇一嚇，份量少到一個點，痴線架，得4啖嘅意粉，一個小朋友都未必夠食啦，何況一個大人？個waitress見我個錯愕樣就幫我問廚房，當然話係standard 份量。咁你哋嘅standard 都幾低wo。味道就意粉有意粉味，排骨有炸過囉。簡直唔係打算俾你食，只係想賺錢交租。仲夠膽收人$88 up 一個lunch，真係勁過份。成間野都勁差，食茶餐廳仲好啦。除非你真係好鐘意打卡放相上網呃like啦。等執啦⋯⋯

今日約女仔fd 食lunch 難得放假梗係想搵啲打卡嘅地方 之前同事食過呢間餐廳推介俾我我哋揀咗lunch time去 雖然被安排坐喺最出嘅位置 不過因為Cafe喺b2 來往人流唔算多，都算清靜 有位朋友叫咗胡麻老虎蝦伴冷麵沙律 味道普通 份量極少我同另一位朋友就叫咗脆脆排骨伴牛肝菌意粉 排骨都幾香脆同大份 意粉就味道正常，不過覺得份量太細 最出色反而係桂花烏龍奶蓋茶配懸浮棉花糖 今次整咗獨角獸出嚟，桂花烏龍十分清香，配合奶又唔會太膩 暖暖地飲好舒服另外又試咗接木骨梳打 有薄荷檸檬嘅味道幾清新 整體來講呢間都係主要比較適合打卡，個粉紅色蝴蝶結牆真係好靚😍但係就未必食得飽😂

本身其實呢間唔係今日既first pick，不過好似係IG見過同埋個lunch set menu都ok就入去試下💛order咗脆脆排骨焙煎芝麻醬拌麵，熱蜜桃烏龍茶，是日餐湯番茄忌廉湯～麵同我預想有啲唔同😂以為會係粗少少既台式拌麵但實物係有啲偏日式既素麵，拌開食都滑溜，口感比我想得好，芝麻醬濃稠度正好，除咗芝麻香仲有der der酸，感覺非常清爽開胃～排骨大片但比較薄身，唔乾不過都唔算好脆口，有落五香粉調味，單食略有少少🤏油，配住拌麵食就好好多，我食排骨果時先明白點解個拌麵芝麻醬會帶酸味，係解膩用😂番茄忌廉湯唔錯，撈勻飲番茄味同忌廉balance既幾好，唔會太淡又唔會覺得膩～蜜桃烏龍就普普通通啦，反而係個杯比較有驚喜？飲到尾個底有一個富士山突出黎😆脆脆排骨焙煎芝麻醬拌麵 6.5/9店員好nice不過食物就未有驚喜，同埋個份量個人覺得偏細少少🙈

呢間餐廳真係非常好👍🏻服務好，野食好，環境又好。去食個日係我朋友既正日生日，我預先打左電話留左位，餐廳既位吾多，所以預先訂位會好啲佢地既食物好靚，又好好食，我地兩個人叫左軟殼蟹咸蛋蝴蝶粉，蝴蝶粉好重咸蛋味，係有一粒粒既咸蛋係度，軟殼蟹都好正蛋餅都好好食，佢同我食開既蛋餅好吾同，佢係脆既，入面有芝士好滿足。仲叫左鹽酥雞，炸得好脆好香，份量好足夠。仲叫左個好靚既生日蛋糕，係手工蛋糕。店員好好人，主動幫我地影相。

呢道打卡同樣幾靚，因為之前掃左街仲飽緊，所以叫唔道太多野食，配搭同煮法同鳥語一樣新穎，不過感覺鳥語會勝一籌～ 雖然見網上既評價都唔錯，但今次試既味道方面麻麻地，唔知其他菜式會唔會好啲。話說呢道無birthday plate，不過有box cake，如果想慶生打卡既都不妨試下，呢道既打卡指數都算高～(5 😍 係滿分，🤩係半分）原隻軟殼蟹黃金鹹蛋蝴蝶粉 🦀️ (好味指數：😍😍😍）— $138蝴蝶粉好好食～ 個醬唔係平時食黃金蝦嗰種金黃起沙既質地，而係幾creamy既卡邦尼汁，跟住再有啲鹹蛋黃粒，食既時候咬開就會有少少起沙既感覺，可能呢個係西式同中式煮法既唔同，不過都好好，蝴蝶粉又好掛汁，汁都夠杰身！不過軟殼蟹拉低左唔少分數，蟹好大隻，不過食得出唔係咁新鮮，雖然咬落都鬆脆，但係食到有少少油溢味，睇得出炸粉下面既蟹喺色澤上已經係黑黑地色，而唔係平時既橙色，如果唔係個蝴蝶粉拉翻高個分，應該會唔合格...紫薯蛋餅配鮮奶麻糬 (黑糖漿) 🍠🥛 (好味指數：😍😍😍🤩）— $68蛋餅厚左啲，都算酥香，紫薯味道算幾出同香甜，鮮奶麻糬口感軟滑，有少少煙韌，係台灣奶奶麻糬既質感，再加埋甜甜地既黑糖漿～ 呢幾種配

❤️推介指數: 8/10 等候時間: 0min (平日15:00)———————————————————————🍳#炸排骨拉絲蛋餅 $78 (8/10) 呢個我覺得個蛋餅就普通啦但個炸排骨好脆🤤而且有拉絲效果🍜#紅燒小籠包湯麵 $78 (8/10) 紅燒湯底唔辣食唔到辣都可以吃個小籠包仲好吃唔硬的😌🥑#牛油果香蕉抹茶 +$16 (7/10) 呢個相信係健康飲品😚應該因為有牛油果所以冇咩味🥺不過我朋友飲完好濟😅🍵#髒髒抹茶拿鐵 +$16 (8.5/10) 杯野偏苦冇咩甜味超喜歡杯野面頭嘅雪糕加上抹茶粉小編飲唔曬杯野😂好飽呀加+$16有呢杯野值得啊😆———————————————————————🤩小編有話想講1.個人認為下午茶的話偏貴的🤭但佢份量都幾多嘅😏2.佢啲位坐得唔係好舒服🥺去到就會明😂