鳥語 (Closed)

喺厚福街一向都多樓上特色café, 有日loop IG 見倒位於籃馬大廈10樓嘅Floom Floom走森系＋榻榻米風，食物又好吸引。Happy Friday約埋好姐妹們行街順便試下！menu主打特色西餐：意粉、飯、前菜、小食，窩夫，特飲同甜品等，餐牌仲好鬼靚！🍗烤美國野春雞洋肚菌雜菇汁 (2人份）：用鐵盤上枱超巨型又烤到勁靚嘅春雞，成個盤滿滿香氣撲鼻嘅洋肚菌雜菇汁！美國春雞都幾大隻，皮薄香脆，切落去已知肉質超嫩滑，雞脾部分更加軟嫩無比！連雞胸都好淋易入口！底層仲有滿滿雜菇汁嘅意大利飯，飯粒煙韌口感豐富，份量好足！ 推介！🍄🍝白松露雜菌雪糕意粉： 最吸晴一定要點雪糕意粉，原來個雪糕球係白松露cream cheese! 店員提我地打哂卡後就將個cream cheese 撈勻，咁個意粉就夠哂creamy同rich！意粉煮到剛剛好！麵質彈牙好好味！松露fans 一定鐘意！🌽🥑粒粒牛油果粟米配牛油酥餅：牛油酥餅乾身唔油膩，配搭粒粒牛油果粟米一齊食好fresh好清新！ 🧇花生醬蕉焦煙肉croffle： 面層有焦糖脆脆嘅香蕉🍌，加埋煙肉條同粒粒花生醬，食落估唔到都幾夾！croffle香脆可口，唔錯

今次去左尖沙咀既樓上Cafe，一進門口旁邊就已經有一個仙人掌打卡位，加埋落地大窗、水泥牆同木造榻榻米，好適合同閨蜜到這裡聊天，呢到除左環境吸引外，食物都一樣咁打卡able架！彩虹沙律彩虹沙律顏色十分鮮艷，有紅色既車里茄、橙色既南瓜蓉、黃色既粟米、綠色既牛油果同紫色既紫椰菜，加上芝士碎，味道清新得黎又惹味。白松露雜菌雪糕意粉 意粉上既雪糕筒造型並非真既雪糕，而係白松露忌廉芝士製成，食前要將白松露忌廉芝士拌勻，白松露味道濃郁，忌廉芝士入口順滑，配料除雜菌外，仲有細細條既蘆筍，新鮮爽脆。明太子大蝦富士山飯富士山造型飯伴以大蝦同三文魚子，賣相相當吸引，配料有雜菌同蘆筍，拌明太子汁，越食越開胃。牛油果Latte 上面係用牛油果打成既牛奶，店員提議可先飲牛奶，再拌匀Latte。雪糕梳打士多啤梨味梳打配上一球雪糕，士多啤梨味相當濃郁。Tiramisu croffleCroffle非常之酥脆，Croffle上插上了一個小心心，裡面裝住了咖啡，可按個人喜好再添加，還有一球雪糕，十分滿足。

餐廳有兩個招牌打卡食品幾有特色，今次我就無叫到雪糕意粉，淨係叫左個富士山飯，因為身邊唔少朋友都飛去日本旅行，但我仲未搶到機票飛日本，唯有夠望住個飯止癮…① 富士山黑豚肉咖哩飯 $118加左蝶豆花落個飯度去做到呢個咁靚既富士山造型，日式咖哩唔算杰身，少少偏甜而唔覺得辣。豚肉份量算多，薄身有少少咬口，整體中規中矩。② 牛油果忌廉海鮮意粉 $108無叫雪糕意粉其實係因為見到有牛油果，開頭我以為係用牛油果整成忌廉，原來自己FF太多。不過呢碟意粉幾多牛油果，隻蝦大隻又爽口，仲有幾多料，食落夠Creamy，正。③ 特濃朱古力香蕉牛乳Smoothie $58④ 蘋果紅菜頭蜂蜜牛乳Smoothie $58兩杯Smoothie都幾大杯，朱古力味濃但唔係好覺香蕉味，越飲越覺得甜；另一杯幾清新，唔會太甜。

推薦： 🍉🍉🍉 (3/5)  味道： 🍉🍉🍉 (3/5)  價錢： 🍉🍉🍉 (4/5)  打卡： 🍉🍉🍉🍉 (4/5)  位置： 🍉🍉🍉🍉🍉 (5/5)  回訪： 🍉🍉🍉 (3/5)  富士山黑豚肉咖哩飯 $118 🍉🍉🍉賣相係靚，但係其實叫個陣都有擔心過到底好唔好食🙈 結果食落係正常嘅，唔算好出色，不過不失，咖哩係日本個種偏甜嘅咖哩，辣度溫和，抵讚嘅係黑豚肉都幾多，片裝上所以食落唔會太韌，睇落份量唔多但係都夠食原隻軟殼蟹配羅勒青醬意大利飯 $148 🍉🍉🍉🍉反而呢碟對我嚟講更加吸引，軟殼蟹原隻上，都幾大隻，口感酥脆，唔會有油膩感，咬落唔會成口油，亦都唔會太乾身，青醬偏淺色(本身expect佢會深綠色啲😂)，食落香濃basil味，Creamy感中等，米嘅軟硬度因人喜好而異，呢碟食落係軟身啲，我自己嚟講再硬身少少都接受到，不過因為香港人普遍都係prefer食軟熟嘅飯，所以都理解嘅👍牛油果香蕉抹茶奶昔 $48 🍉🍉🍉🍉雖然我唔鐘意食牛油果，但係佢令到呢杯嘢飲嘅texture變得好smooth，就算唔鐘意牛油果都飲得落口，香蕉味好出好香，抹茶味就唔好明顯後記   💟 呢間餐廳最出名就係雪糕意

第一次嚟比人包咗場食唔到好彩今次冇白行本身唔係太肚餓所以……Mocha味道一般 影相📸️一流狗狗糖花糖好可愛玫瑰Latte朋友話好甜煙肉蛋牛角包窩夫$68好食仲以為嗰一pat 真係雪糕牛油果溫泉蛋多士（酸種包）配沙律$78我最鐘意食嘅牛油果朋友唔太鐘意食牛油果🥑都話好食富士山戚風蛋糕$68本來想食富士山豆腐芝士蛋糕同巴馬火腿布袋流心芝士法式吐司但係店員話星期日賣哂未返到貨上次食唔到好彩今日食得番下次唔揀星期一嚟嚕

去左尖沙咀睇戲，記得 Open rice有提及過呢間餐廳，就walk in 睇下有冇位…..環境係乾淨同舒服既，人數唔多，我地入去前，有2枱人，當時係星期六既點幾鐘….食物睇樣唔差，算有設計過，但味道真係唔太岩我地，叫左個飯同意粉，意粉係 ok既，但啲牛就麻麻哋；最令我地失望既係個飯，啲飯好似係雪過但又番熱透既質地，我地真係唔太識欣賞…. 以呢個價錢，唔值喎⋯⋯打卡位，如果係食物嘅話，可能係我哋叫錯左😢😢 服務態度係ok既，有幫我哋加水。

☺️ 周末要去一趟尖沙咀做嘢，搞掂咗就去食餐好少少嘅！［ 亂闖試飲試食 ］🍽 富士山黑豚肉咖喱飯 😋😋😋😋🌁 富士山飯嘅造型，非常吸睛！打卡一流！唔好以為得個樣📸，有日式咖喱嘅香甜微辣，豚肉都入味！飯量多，而咖喱汁又啱啱好撈得晒！👍🏻☕️ 榛子朱古力奶配懸浮棉花糖 😋😋😋😋😋🌰榛子味濃，發現佢哋將榛子打成碎，沖落好濃厚嘅朱古力🍫！好正！好濃郁！唔係死甜！棉花糖令成杯朱古力醒神晒！😎午餐 💵💵💵💵 約港幣$190/人💁🏻‍♀️ 小編好幾年前幫襯過佢哋一次，已經好印象深刻！之後都有去食過佢哋嘅分店！好值得大家去試下㗎！😉🙆🏻‍♀️ 最後，喜歡嘅話，歡迎follow @foodirectory.hk

呢間餐廳最出名嘅係雪糕意粉！佢地嘅menu係手畫嘅，好特別，店員上菜快、食物味道不錯💕，btw杯抹茶latte係小編飲過最濃嘅一杯🤤：-1️⃣「粉紅鳥語雪糕忌廉海鮮意粉🍝🍦($138)」原本以為佢得個樣，點知原來好睇又好食🤪！意粉充滿忌廉香味，蝦仁超級爽口、有牛油香🦐~Pink creamy seafood pasta: with prawns👍🏻-2️⃣「焦蜜鳳梨牛扒牛油果飯🥩🥑($148)」呢個就正常發揮la，牛扒同牛油果熟度都啱啱好🥑，配上香甜鳳梨好開胃，btw蛋黃撈飯一流~Grilled steak and avocado rice bowl with caramelised pineapple👍🏻-3️⃣「雜莓忌廉芝士牛角包窩夫🫐🧇($68)」呢個好味！佢croffle好香脆，而個醬好香莓味，好fresh，冇得輸🍯~Mixed berry and cream cheese waffle 👍🏻-4️⃣「抹茶拿鐵(H)🍵($40)」抹茶味甘香濃郁，呢杯真心世界級，係濃到可以用抹茶醬嚟形容(小編有同店員特別交代要濃d😆)，另加qq懸浮棉花糖(+$10)~Matcha latte: super r

Cafe格局，但環境過於嘈吵，音樂過大，坐近廚房前的窗邊位，仍要忍受機械製作時的聲音。如果想閒聊休閒傾計，絕對不是一個好選擇。。食物質素不錯：雪粉意粉：打卡一流，質素Ok菇飯：意大利飯輕微濕了一丟丟，但也不大影響小食選擇較少，揀左一份薯條🍟薯條：炸得太乾身，基本上只吃了一半。總結就是打卡一流，但閒聊環境就不是最好。——————————————————————————從網上評測選中這家餐廳，看中打卡的金字塔飯&雪糕意粉🍝一心過來試下，再約見好幾個月沒見的朋友。。打電話Book位，會講清楚用餐時間1.5小時，這點加分。。8點入座，餐廳比想像中細，有榻榻米、長枱及窗邊卡位，大致容納9-10枱，座位有限，想黎就最好Book位，不然白行一敞。

首先，環境，一眼望晒😳。食物，望餐牌5顏6色賣相奇特😳，喜好畫畫的朋友或許喜歡，點了稍為正常的煙肉蛋牛角包窩夫$68，上菜拎埋黎異常細份，以為兒童餐😳，食物below average，窩夫好硬😵‍💫，蜜糖mix煙肉成件事錯晒😑。窩夫相比土瓜灣的H****Nuts，同價位人地好食好多，又鬆軟。本身想點蘋果甘筍牛乳沙冰，誰知侍應話無，難道蘋果同甘筍是季節性食物😳？餐牌點解唔寫明😑，最後點了草莓乳酪沙冰$58，完全冇牛奶的味道，只有酸🤢。用餐體驗，食物器皿用不銹鋼碟，真係第一次見😳，同本身行既夢幻風格南轅北轍，碟底唔平又細，一路切窩夫一路轉，搞到成隻手蜜糖☻️，超級尷尬☻️。沙冰裝太滿，倒汗水超多，正常既應該比個杯墊，搞到成枱面都係水🙄。第一次寫食評，希望睇完既朋友幫襯前3思而後行😉相片已經冇心情影喇。

鬧市中的文青cafe🗻尖沙咀厚福街有好多野食 最尾去左呢間bookmark左好耐既日式洋食cafe！可以同朋友吹下水之餘又可以坐下(๑´ω`๑)======================👅 富士山黑豚肉咖哩飯 $118呢個見咁多人推介 就叫左試試～🗻賣相果然好靚 食落咖哩味道都唔差 不過覺得汁/肉多啲既話 可以餸多啲飯會好啲～整體味道不過不失～👅 薯條配雙色醬牛油果松露蛋黃醬 $58牛油果醬較淡味 而松露蛋黃醬初頭食就好似普通沙律醬 但越食就食得出松露既味道！薯條都唔算幼 配埋醬係幾好食(￣∇￣)👅 藍色富士山拿鐵 $52賣相靚 飲落味道都唔差～👅 Mocha $45🌟+$10配懸浮棉花糖🌟加左粒棉花糖係面好qq der(˶‾᷄ ⁻̫ ‾᷅˵)味道都ok 加埋半溶棉花糖就甜甜地 唔使落糖都得～======================⭕️食物賣相好靚！⭕️環境舒服 係可以同朋友傾計慶生既好地方 仲有塌塌米可以坐架！ 🌟想坐塌塌米的話記得book定位好啲喔🌟總結味道不過不失 但咖哩飯就麻麻地 價錢都唔係話平 食set lunch應該抵食啲～▫️味道：3/5服務：3.5/5環境：4/5 ((環境定

餐廳主打富士山黑豚肉咖喱飯同埋創意雪糕意粉 menu上面亦有好多gimmick嘢for打卡(⁎⁍̴̛ᴗ⁍̴̛⁎) Cafe裝修都幾特別 一入去就見到一大塊霓虹燈牌 亦設有榻榻米同普通座位 我哋都幾好彩有得坐榻榻米 感覺去咗轉日本咁🇯🇵另外menu仲係手繪 勁靚♪(´ε｀ )粉紅鳥語雪糕忌廉海鮮意粉 ($138)餐牌有四款雪糕意粉 每款都好吸引 我就揀咗粉紅鳥語雪糕忌廉海鮮意粉 其實上面個層係cream黎 加上雪糕筒就做到好似雪糕咁 一開頭我地以為係雪糕都唔太敢嗌 大家唔好俾佢個造型呃咗啊🤣🤣海鮮都算足料 上面有3-4隻蝦同魷魚 啲蝦都幾爽口🦐上面層cream勁邪惡 意粉煮得啱啱好 撈埋啲忌廉一齊食令到啲意粉好creamy🤤撈埋一齊仲變咗粉紅色 少女心出哂嚟(⁎⁍̴̛ᴗ⁍̴̛⁎) 但唔知係咪放係意粉上面 略嫌個雪糕筒淋咗少少🥲同埋食完有啲濟 飽咗成晚😂😂𝕄𝕒𝕥𝕔𝕙𝕒 𝕃𝕒𝕥𝕥𝕖 ($40) 加配懸浮棉花糖 (+$10)嘢飲全部都可以加$10加配懸浮棉花糖係上面 勁cute o(*////▽////*)q 幾有驚喜❣️以為只係打卡唔會好特別 但上面有厚厚一層抹茶 配上棉花糖同鮮奶 甜度啱啱好 建議嗌返熱 抹

今次同去左鳥語見識一下富士山。黑豚肉咖喱飯富士山嘅外型，豚肉嫩滑，咖喱味香濃。挪威三文魚胖溫泉蛋紅菜頭天使麵加咗紅菜頭嘅意大利麵入口彈牙，食嘅時候加上一隻溫泉蛋，好好味呀！！三文魚煎嘅時間恰到好處，肉質鮮嫩，柚子蜜糖雞翼外皮香脆，柚子蜜糖甜甜，非常美味。藍富士山拿鐵連咖啡都係富士山。無論賣相 同 味道都相當吸引， 加上環境非常舒適，內含大量打卡位。

香港的cafe文化如日方中，確實係有D良莠不齊⋯亦少見其特色，所以我好少介紹cafe🤨 依家鳥語係幾年前已經嚟過，那時候不過不失，估唔到隨着時間有所進他🤩今日再訪是驚喜中的驚喜🤩不得不讚嘆其心思！餐牌有人手繪製，可愛的插圖和手寫餐點好有特色！爭啲想攞咗返屋企😂不足千尺單位內，餐枱排列密度不高，尚算寛躺。我坐在牆邊榻榻米座位，悠閑自得過了一個下午🤭🔸月見大啡菇白松露野菌意大利饭$108像小碗大小的大啡菇盛着金黃蛋黃，用叉子慢拌蛋黃，同香濃又iuicy既大啡菇混和，切開之際，蛋黃緩緩隨着裂縫深進意大利飯。伴隨菌香和白松露香🔸粉紅鳥語雪糕急廉海鮮意粉＄138極盡創意的一道料理，以紅菜頭忌廉造成球狀，加上雪糕筒變成超可愛的雪糕意粉！吃之前要先來個影相時間📸 忌廉將雪糕般creamy, 拌入整盤意粉令口感額外香滑香濃，意粉質地好彈牙掛汁，以cafe 來講,呢碟意粉質素屬於超班👍🏻🔸牛油果甘藍蜂蜜牛乳沙冰 $58冇點沙律，來杯飲得的蔬果，呢杯牛油果甘藍冇額外加糖，牛油果自帶軟滑口感加埋甘藍的清爽，飲咗成杯菜落肚😋健康加分🔸草莓乳酪牛乳沙冰 $58粉紅色造型亮麗可愛！火烈鳥圖案令造型更加分 🦩

今晚同壽星女birthday dinner壽星女特別鍾意打卡果啲好女仔好夢幻既餐廳於是就選左呢間野😂.食完既感覺就係太普通基本上食完走出度門就唔會記得啲野食既味野飲都好普通咁既價錢出面真係大把選擇😅😅.我地叫左一個忌廉煙三文魚意粉同牛油果煙肉雞蛋窩夫野飲就叫左藍蝶豆花同白桃玫瑰花茶.忌廉煙三文魚意粉叫做可以接受有煙三文魚既意粉都難煮得難食不過佢三文魚好少 得啲碎碎咁叫做還可以啦個窩夫根本唔係窩夫黎更加似係手抓餅嘅感覺😅😅好怪 而且份量勁細😅😅.壽星女叫既花茶好淡 佢話無咩味好失望同埋想講凍花茶同熱花茶既分別就係叫凍既佢會俾杯冰你😅😅 真係是是但但.最後叫左個甜品先前預先訂咗生日寫字畫花要另加$15但只得Happy Birthday同埋一個小貓面好失望話哂其他餐廳99%都係免費畫碟俾你😅😅加咗錢都係得呢啲行貨😅😅.好評一睇都知係打手可一不可再🫣