花月宮

Open Now

Now Closed

好似好耐冇出街打邊爐，見今日天氣突然間又轉返凍，最適合就係打個邊爐暖下身。好耐之前嚟過呢度食印象中幾好食，嗰度嘅環境真係幾舒服，夠晒大，仲好多卡位添。我哋今晚叫咗鴛鴦湯底，一邊係沙嗲湯底。個沙嗲一上嚟就已經超級香，入面仲要包咗啲鴨血，好夠味，連豉油都唔使點。另一個湯底係桃膠椰子雞湯，呢個湯底都好足料。係開始打邊爐之前仲特登試咗佢啖湯，又真係好甜，而且好香椰奶味。因為鴛鴦鍋嘅關係，佢只係跟咗個例牌份量嘅雞。嗰啲雞煮完之後仲好滑添，呢個湯底係幾值得嗌嘅。然後我哋叫咗個封門柳，上到嚟個顏色唔係好靚，比較深色。不過原來佢係成晚嘅MVP，因為好香牛味，而且仲好腍添。另外嗌咗個鴛鴦蚌，但係佢就唔係太新鮮，所以味道好一般。之後我哋叫咗個餃子拼盤，但係佢今晚冇晒辣子雞餃子，就俾咗兩款重複嘅鳳城餃子，賣相一般。但係每一粒咬開都係有好大隻蝦，而且啖啖肉好彈牙，真係搞不可以貌相。另外佢哋嘅黑松露餃子就冇蝦嘅，但係黑松露味就好香，可以一試。飲品方面，我哋兩個人叫咗一支竹蔗茅根，都分到每人兩至三杯，甜度啱啱好，感覺上又可以清熱氣。兩個人食咗千零蚊，打邊爐嘅話算係咁啦，不過兩個女仔嚟講都夠飽嘅。

花月宮 (屯門)屯門良德街8號珀御1樓101號舖-日本大扇貝（2隻）$88兩隻日本扇貝都大大隻，帶海鮮嘅鮮甜，口感鮮嫩～-手切頂級安格斯牛小排 ($298)牛小排取自牛嘅背部，肉質鮮嫩多汁，帶有豐富牛肉風味～牛肉經過精心處理同切割，確保了最佳質感同口感，牛味濃郁，正！-滋潤養顏雪蓮子桃膠椰子雞鍋 ($238)：呢個湯底由滋潤養顏雪蓮子、桃膠、椰子同嫩雞肉組成～雪蓮子同桃膠對皮膚有滋潤同保濕效果，椰子味道鮮甜，有奶油質感，性價比高-皇帝菜 $48-醬介 $18@ 1位

有時想飲茶食點心，又想坐得舒服、靜靜地有返個私人空間，呢到真係幾完美👍🏻好多卡位、走廊好闊，真心坐得舒服亦可以坐得耐🤗- 鮮蝦炸雲吞🥟夠香脆，蝦仔都夠多- 蝦餃皇🍤唔知有冇記錯平時飲茶叫蝦餃係3隻？但呢到有4隻🥰而且係好飽滿，好多隻蝦🤭- 香煎蘿蔔糕🥕煎得好香，外脆內軟，鍾意❤️- 北菇蒸滑雞飯🐔菇菇略嫌少左dd，雞都幾滑👍🏻整體來講，呢到既點心選擇未必好似酒樓咁多，但想真係坐低飲杯茶傾下計，都真係好好既選擇，而且點心係做得好味既！最後發現原來有得叫午餐，都幾豐富👍🏻👍🏻

第一年同老公食團年飯 天氣凍凍地屋企附近返完工打邊爐😍😍地方非常大裝修雅致食材有質素特登過嚟試冬瓜粒濃湯花膠雞😝😝一上枱 有驚喜濃湯香噴噴也半隻雞雞一啲都唔肥有雞味 先嚟一碗花膠雞湯非常香濃花膠份量好多有啲黏稠感 肌肉液保持嫩滑可以食晒唔使浪費每人飲兩三碗已經半飽🤣🤣慢慢打邊爐啦😍椰青 ～好清甜，大大隻，可以食埋椰肉新鮮花甲皇$ 128 超大隻 好新鮮，脹卜卜，非常鮮甜薄切牛舌心 $88有驚喜！牛味非常濃郁，落鍋3、4秒就食得，保持爽脆👍👍豬仔午餐肉$48打邊爐必點午餐肉，索晒湯汁，正😄見到佢哋有推出盆菜，新年可以試下😌

芫荽皮蛋鍋($88) + 美國頂級手切牛封門柳($238) + 自家製脆炸響鈴($58) + 風花雪月手打丸拼盤($168/12粒) + 山水滑豆腐($28) + 油麥菜($38) + 可樂($15) + 津路烏龍茶($18)(晚市/醬芥$18位/另加一) ★－:+:－:+:－:+:－:+:－:+:－:+:－:+:－:+:—★​再訪，屯門田景輕鐵站對面就係，裝潢光鮮清雅，有充足嘅空間，卡位間隔闊落好好坐，員工勤快；晚市1930前埋單交檯全單78折，抵🔥掃QR Code落單，湯底要個芫荽皮蛋鍋，有好多粟米同馬碲，專登加碟豆腐整個家常清熱下火湯😋手切牛封門柳，厚薄適中，入口帶濃郁牛肉香兼冇渣，唔錯；12粒手打丸拼盤有流沙黃金蝦丸+手打鮮蝦丸+手打墨魚丸+手打鮑魚丸+手打干貝丸+手打芝士墨魚丸共6款，粒粒足料冇欺場；炸響鈴極脆口，好食；油麥菜新鮮份量夠多👍🏻期待三訪！

地方環境十分大, 對於火鍋黎講係必需的, 因為火鍋菜式比較多, 需要的位置也多. 大大張台食野體驗都會開心d.醬料方面除左正常的醬油蔥花, 還有沙爹醬, 有好多餐廳沒有.湯底為沙爹湯, 只係個人喜好, 味道偏濃偏香. 花生味有小小重.手切頂級安格斯牛小扒 ($298)黎得火鍋牛一定要叫最頂級. 都無令我地失望既.牛肉本身厚身小小, 所以食落口感十分咬口及彈牙.牛肉味本身很濃不需要配牆料都可以. 肥度適中, 所以有小小油花味, 但又唔會太過容易食厭.黑松露餃子+蛋餃子呢到餃子都係特色之一, 主要入面料夠多, 夠大隻,飽肚感十足. 味道方面蛋餃就比較香小小入面肉就彈牙加埋我地湯汁都唔錯.黑松露方面, 松露香比較重, 加左小小野菌再進一步整香小小. 因為有野菌係入面相對肉會少d, 但口感會彈牙d.千竹輪入面有芝士流出黎, 打邊燼黎講幾好食. 要注意既係入面流出黎芝士剛整熟時十分熱.小心受傷就可以了.整體體驗十分好, 價錢合理, 環境好. 職員都熱情!

好凍好凍呀，我要打邊爐呀！肥肥朋友仔話去建生打，黎左呢間花月宮。好，醬料自己落左先。四川麻辣鍋，辣味十足，個鍋都好大架，可以落好多料去十下十下，而且個湯料仲有鴨血和豆腐。鴨血，見啲鴨血幾好味，再encore多一碟。白蟮片，呢個厚薄切得啱啱好，食落有肉得黎又爽脆，推介！滑雞片，雞肉彈牙而且雞味濃。薄切牛舌心，食落似爽爽地牛肉，驚牛舌人仕都可以試下。澳洲羊肉卷，唔太羶，配麻辣超正！新鮮豬頸肉，食落啖啖肉。烏冬滑滑，我就覺得好食過公仔麵。

今日晏晝去屯門食一盅兩件😚在屯門輕鐵建生站落車 步行三至四分鐘🚶‍♀️現代中國風設計 環境舒適闊落👍在優雅嘅環境下 享用點心 幾正😚鳳爪排骨飯這個蒸飯好有質素👍非常足量😚鳳爪皮脆肉爽 排骨肉質正常有咬口 明啦😏啲飯鬆軟 粒粒分明 又有飯香 正呀喂~~花月宮蝦餃皇這個都好抵食😚 隻隻大粒飽滿👍 蝦肉味鮮彈牙😋 食完之後已經飽飽地😆沙律蝦春捲去到酒樓 小不了叫碟香口嘢食🤭春捲皮薄鬆脆 混合咗沙律醬同粒粒蝦肉😋流心奶黃包入口柔軟軟糯👍 咬下去啲奶黃金沙醬即時流出來😍必食之選❤️

放假難得早起身，👦🏻👧🏻諗起一直想試好耐嘅屯門花月宮嘅點心，之前食過幾次都係晚市火鍋，今次可以食到點心啦！餐廳坐位闊落，環境舒適，又有電視睇，係度慢慢嘆茶真係幾舒服🥰～沙律蝦春卷 $32將春卷皮包住沙律醬同蝦肉，再卷成幼身條狀。春卷皮薄身炸到鬆脆口感，裏面食到粒粒蝦肉同香甜嘅沙律醬，滋味可口😋。花月宮蝦餃皇 $35蝦餃晶瑩剔透，蝦皮唔算好薄，有少少厚度但口感非常煙韌，入面嘅蝦肉份量好飽滿🦐，食落鮮甜爽彈😍。蜜汁叉燒包 $26包身做到鬆軟唔乾身，入面係甜甜嘅蜜汁叉燒餡，叉燒肉質肥瘦適中而且香口軟嫩🐷。鳳爪排骨飯 $33份量夠2個人食🍚，鳳爪同排骨都調得夠哂入味，香味滲透哂落蒸飯入面，淋上豉油食，真係一啖接一啖咁食哂。📍 花月宮 (屯門)屯門良德街8號珀御1樓101號舖

話說呢幾日突然又凍到飛起，緊係同屋企人拿拿聲打番個邊爐啦！有朋友食過話幾好食，咁就緊係又去試下，又真係幾好食！🍯｜花月宮特色鮑魚雞煲｜HKD 298食落BB辣，煲內有4隻鮑魚，好爽口。雞件有先烹調過，外表脆脆地咁，超掛汁上菜時有專人幫你繼續炒雞，一邊食雞一邊食芫荽，又好惹味又清新，食完雞煲再打邊爐，簡直回味無窮。🍯｜牛魔皇天梯拼盤｜HKD 588呢個拼盤不得了，包含本地手切既騸牯牛頸脊、安格斯牛小排、手切封門柳同一口牛柳粒。牛小排油香味一流，好似食緊和牛。封門柳同牛頸脊牛味濃，有咬口。牛柳粒一口咬落去成口都係油香，啖啖肉。一個拼盤滿足晒我哋呢D「食肉獸」，勁滿足！🍯｜澳洲羊肉卷｜HKD 128羊肉卷偏厚，重羊味，鐘意羊肉個陣羶味既話，會超鐘意食。我地完全食唔停口。🍯｜稻庭烏冬｜HKD 28超順滑，唔似超市買個D咁咁硬。一啖肉一啖烏冬，簡直樂不思蜀。

好耐無去一盅兩件😍難得今日早咗起身🤣就同老公去嘆下茶位於屯門嘅花月宮，中式古典裝修空間寬敞舒適👍🏼✨花月宮蝦餃皇巨型蝦餃皇👍🏼真係好大粒每粒都肥嘟嘟🤭好飽滿外皮煙韌透薄內餡蝦膠爽口彈牙鮮味十足✨山竹牛肉球口感軟腍😍咬落爆汁腐竹吸收晒牛肉汁精華鮮美多汁✨沙律明蝦角炸得超級酥脆可口咬落颯颯聲😋脆卜卜內有新鮮蝦肉，肉質鮮甜蘸上沙律醬，非常有風味✨XO炒蘿蔔糕每粒蘿蔔糕都有蘿蔔粒真材實料👍🏼好有口感每粒均勻沾有XO醬非常惹味🤤食到停唔到口

餐廳地點都幾方便，就係輕鐵站隔離🚋裝修高雅簡潔，卡位好闊落，私隱度極高‼️🔸蕃茄濃湯海鮮鍋🍅🦐🥔湯底一到，當然要試下味！湯底好鮮甜😍蕃茄薯仔湯底勁足料，入面有蝦有青口有墨魚仔🦐，蕃茄同海鮮味道好夾！淨係食湯底配料同薯仔都飽左🤣🔸蘇格蘭蟶子皇（2隻）蟶子好大隻！好乾淨，一啲沙都冇👍一甩殼就即刻撈起，好爽口，食得出既新鮮🥰🔸美國頂級手切封門柳上碟既時候職員有教我地淥20秒就夠，廢事嘥野😌牛肉切到好薄身，所以其實淖一淖已經食得。牛味好濃郁，唔會好似和牛咁油膩，但又完全唔嚡身😍推介‼️‼️🔸手打三色滑三款分別係墨魚、鮮蝦同干貝🐙打咭一流！除左外觀好靚之外，食落仲有驚喜👍每款都真材實料，仲要超級彈牙！🔸爽囗鮮蝦雲吞🔸唐生菜📍#花月宮 (#屯門美食)屯門良德街8號珀御1樓101號舖

花月宮 (屯門)屯門良德街8號珀御1樓101號舖芫茜皮蛋鍋以芫茜同皮蛋為主要材料嘅湯底。湯底濃郁鮮甜，芫茜嘅香氣彌漫整個鍋內，令人垂涎欲滴。而皮蛋的鹹香味道同湯底嘅鮮味互相輝映，令味覺更加豐富。湯底入口滑溜，帶有微微辣味，十分開胃。湯底內還加入了豆腐、蔬菜同蝦仁，增添了口感層次。整體上，呢個芫茜皮蛋鍋係一個鮮美而且健康嘅選擇，非常適合喜歡湯底濃郁嘅食客。牛魔皇天梯拼盤結合咗多款頂級牛肉嘅豪華拼盤。首先，佢有頂級騸牯牛頸脊，肉質鮮嫩多汁，經過細心手切，每一片都保持著原汁原味。其次，仲有頂級安格斯牛小排，肉質有彈性，帶有濃郁嘅牛肉味道。最後，係頂級手切封門柳同一口牛柳粒，兩者都有著極其嫩滑嘅口感，入口即化。整個拼盤色澤鮮豔，令人一見難忘。餐廳嘅服務亦值得一讚。服務員熱情友善，細心解答客人嘅問題，令人感到賓至如歸。餐廳環境舒適雅致，裝潢簡潔大方，令人感到放鬆。

呢間打邊爐，真係好正啊！招牌蟹皇蟹肉餃，每隻餃都有好多蟹肉，鮮甜好味，真係令人食到好開心。然後，佢哋嘅手切頂級安格斯牛真係一絕！牛肉好嫩好滑，有牛味，入口即化，肉汁好豐富，啖啖都係享受。而且，佢哋嘅皇帝菜都好青翠，食到鮮甜味。另外，我揀咗佢哋嘅黑松露野菌鍋，真係豪華又美味！鍋裡面有各種野菌同香濃嘅黑松露味，令人垂涎欲滴。入口滋味濃郁，飽滿同香氣四溢。如果你鍾意食魚，一定要試下佢哋嘅脆骨腩！好脆口，肉質嫩滑，真係一口接一口，令人難以抗拒。最後，我仲要推介手打干貝丸，每粒丸子都用心製作，干貝鮮甜嫩滑，有嚼勁又彈牙，絕對係正宗嘅美味。佢哋嘅菜式精緻美味，新鮮，可以一試再試。

😝嘢食質素高質新鮮，所以幫襯過好幾次，花月宮係建生入面，寶田站對出2分鐘就到，超方便！今次值得推介大家叫"花月宮特色四格鍋"四格嘅湯底足料到😂勁多材料！！👍🏼最出色都係藥膳花雕花膠醉雞鍋！好濃醉酒附送嘅雞湯花膠，超飽同抵食！😌第二格，好食係黑松露野菌鍋，黑松露味好重，非常之吸引，我淨係飲都飲咗兩碗黑松露湯😂！😝第三格四川麻辣鍋，麻子非常重，用嚟煮公仔麵烏冬超級好食😂！😚最後嗰格係蕃茄濃湯海鮮鍋，我哋淥蔬菜，粟米超級甜！！🥳非常夾👍🏼好味🌟🌟🌟🌟🌟🉐😚叫咗個主菜牛🥰牛魔王天梯拼盤，包括本地牛肩脊/安格斯牛小排/封門柳/一口牛柳！直接用，又食到火鍋湯底！所以係首選牛拼盤！好味🌟🌟🌟🌟🌟🉐🥹韭菜餃係我每次都會叫！非常之唔錯！鍾意韭菜夠多？半肥豬肉啱啱好，皮薄，夠大隻！好味🌟🌟🌟🌟🌟👍🏼田園拼盤貨源非常新鮮，每次都會叫！好味🌟🌟🌟🌟🌟