Flying Pig Bistro

Open Now

Now Closed

西營盤高街有好多間西餐，今日就決定試吓flying pig ，呢間裝修都幾得意，全部都係啲飛天豬仔…..今日中午12點去食，叫咗兩個set lunch，$128 一份，我哋嗌咗一個香煎煙肉豬肉卷，配凱撒沙律，另一份橄欖油芝士意粉配南瓜湯，份量都幾多，煙肉卷味道香口，薯蓉好好味。沙律好食，芝士橄欖油蒜頭意粉都好食(但有少少辣，因為加咗胡椒)南瓜湯都好好飲…..最後仲有甜品同埋餐飲。$128 呢個價錢來講我覺得係非常好…..等我下次再試吓高街其他餐廳先

港島西食評系列 ~關鍵詞：１個人、工作日午餐第４站：高街62號店名：Flying Pig Bistro餐廳類型：fusion提前訂座：沒有，但不用等位。繼續１個人在西營盤高街尋覓美食，本來想試十字冰室，但要等位，天氣太熱，受不了！惟有改地點。改到十字冰室附近的 Flying Pig Bistro，點了Set lunch，包括以下的：#餐前麵包：有３片，質感比較韌，不喜歡。#前菜：炸豬肉球配燒烤醬，１份有２粒，切開是滿滿的手撕豬肉，配上芝士，好味！#主菜：煎比目魚柳配薯蓉，比目魚不算大塊，肉質挺嫩的，薯蓉加了蒜油，惹味。#是日甜品：玉桂蘋果忌廉杯，就是傳統蘋果批的餡料，沒有了外面的酥皮，伴忌廉，飯後一點甜，nice！#餐飲：點了凍檸檬茶，酷暑天喝１杯，爽！總體感覺：裝修比較清新，食物味道不錯，不足是坐得比較擠。

Felt like having a slow long lunch and there were tons of choices on High Street. Flying Pig seemed to have a more diversified menu than other standard "western cuisine" restaurants.I picked the lunch menu Porchetta $128, an Italian recipe of slow-roasted pork belly. Very fat pork! Only 1/3 of the pork was meat. Some part of the skin was burnt, and other parts were not crispy. No matter how much I chewed I couldn't swallow. It's supposed to be fennel stuffed rolled pork but obviously it was not

朋友生日好隨意book左西營盤嘅餐廳發現係幾高質嘅Pet Friendly 餐廳當日都有2枱有帶寵物黎進餐，狗狗們都好乖叫左2個set dinner Starter 係西蘭花忌廉湯，比起出面西餐廳嘅西蘭花味更重，更濃郁Main dish叫左個肉眼扒 medium肉質重牛味啱啱好medium唔會過熟煮得好有質素唔會好鞋朋友叫左個威靈頓羊排個人可能因為太高期望值反而覺得一般不過羊肉真係十分重羊味，而且煮得好冧中意食羊可以一試最後甜品係朱古力卷，好食Main dish都好大份，所以甜品細細份剛好

食店: 🐷Flying Pig Bistro @ 西營盤張梁點餐👦🏻👧🏻1）$168《Smoked Duck Fennel Orange Salad》評分（10分滿分）：8⃣食評💬：好足料！成座山咁高嘅沙律，仲有好多塊煙鴨胸，鴨胸肉質嫩，咸香啱啱好，再配埋新鮮嘅橙同車厘茄，食落特別fresh!2）$298《Lamb Wellington》評分（10分滿分）：9️⃣食評💬：威靈頓牛肉我都未食過，今次食咗威靈頓羊肉先🤣賣相好靚好巨大，底部係菠菜同埋特製醬汁，外面鬆脆嘅酥皮包住肉質嫩滑嘅羊肉，味道唔太騷，唔係食開羊嘅都可以試吓，而且口感好特別，值得一試！3）$98《Homemade Apple Strudel》評分（10分滿分）：8️⃣食評💬：維也納蘋果卷，食落有陣陣嘅玉桂味，唔會太甜，再配上香滑嘅cream好夾，4）$78《Avocado Smoothie》評分（10分滿分）：8️⃣食評💬：牛油果沙冰🥑有好重嘅薄荷同乳酪味，有益得嚟又好好味～

🤍Flying Pig Bistro🤍位於西環的小角落，店鋪裝修以豬做主題，牆壁同埋餐具全部都係豬仔🤣🤣小編中午去同朋友一人嗌一個lunch set，包埋飲品， 湯同埋甜品，聽講lunch set啲野食期期都會轉下香辣番茄通粉 ($128)通粉酸酸地，但唔係特別辣，啲汁份量都剛剛好，小編超級鐘意番茄味食物，完全是小編的取向狙擊🥰🥰意粉份量唔算多，但加買湯同甜品對小編黎講就啱啱好😆肉眼牛扒陪薯條 / 沙律 ($128)薯條唔係特別脆，不過牛扒煎得啱啱好，肉汁都幾多☺️鐘意食牛扒可以一試，不過份量就比較少當天個湯係蘑菇湯，小編本身唔係特別鐘意蘑菇湯，不過個湯飲落會食到一粒粒蘑菇粒，都幾真材實料😆朋友都話幾好飲總體黎講餐廳野食都唔錯，而且口味都比較特別，偶爾想食下其他口味的話可以一試😆建議同朋友嗌唔同set share食🤪P.S.店員姐姐都好靚😆

試過附近好幾間餐廳dinner☺️呢間係其中一間不錯的Set dinner 叫左ribeye😗Set dinner comes with wine 🍷🥂都幾岩情侶黎食🍽佢既薯條係無限量供應🥹我覺得佢既配菜好味 菠菜好味😋但係冇得任食的😆🤣Ribeye熟度ok 味道正常 但唔會話好surprise咁一切正常😌紅酒一般但跟佢個set dinner的佢另外送咗個甜品仔純粹覺得隻碟好靚好可愛😆🤣整體來講都值得一試😀🤪

放假約左朋友去西營盤行下，細個一路都係住西營盤呢頭，近呢幾年一路發展變成蘇豪嘅一部分，愈黎愈多酒吧Cafe餐廳進駐。今次黎到Flying Pig食Lunch，地點都好方便，一出地鐵站行5分鐘左右就到💪🏽🟡 Chicken and Waffle $138中Size嘅雞髀🍗 肉汁豐富，炸得啱啱好，外脆內軟。而個Waffle亦都好脆，唔會好似出面有啲地方咁整定擺左係到都唔知幾耐咁淋晒先拎上枱😮‍💨🟡 Veggie Breakfast $138一上枱都嚇嚇，分量夠晒大，特別欣賞個烤蕃茄同炒蘑菇，但個量多到一個女仔食唔晒😂

假日同約左朋友去西環搵食， 行左一陣就比個餐廳招牌吸引左。 再睇埋個menu 就二話不說決定入去醫肚。brunch menu 選擇豐富。 完全照顧到各人口味。價錢亦都非常公道。餐廳裝修符合返主題。chicken and waffle.好靚既煎蛋， 炸雞夠晒juicy, waffle 鬆脆。surf and turfrib-eye, 一食就知來貨有保證。sunny side up 煎得蛋邊夠脆， 蛋黃生熟岩岩好。餐廳服務員親切有善。 食物質素好。 值得一試

今日朋友很開心要求請食飯所以就過嚟試了這間西餐食晚市$298一位前菜有湯及沙律二選一朋友點的湯視覺上感覺一般而沙律方面是羽衣甘藍加芝士粉加少少醬汁感覺上沙律好食好多主菜方面朋友點了肉眼扒我點了威靈頓羊肉卷，上碟方面他的肉眼牛扒吃落很有口感七成熟不錯吃的，而我的威靈頓羊肉卷表面積酥皮10分趣口羊肉10分嫩口醬汁好味溝了少少酒。反而我覺得這個羊肉卷好食過他的西冷牛扒值得推介有點失望的是他的是日廚師甜品，千層朱古力卷味道很普通但要等成20分鐘製作時間不值得餐廳環境寬敞播着英文音樂很輕鬆主菜我覺得值得試食。

約了和契姐聚一聚，她選擇了這間餐廳因為可以帶埋狗狗出來見我🐶🥰。侍應們都非常友善，亦有其他帶狗狗來用餐的客人。食物方面就一般，我們只叫了兩樣東西。因不想食啖啖肉，所以選擇了light 些的食物，但可惜太鹹了！ 有改善空間🦾青口太鹹了！但薯條好食，炸得個皮好脆👍🏻。這個蘑菇side dish 太鹹了！用了薯條去「送口」😅可愛的碟子design:值得一讚是他們的水果冰水，好好飲的！第一啖飲到士多啤梨味，第二啖飲到檸檬味…..，好過癮😆

星期日晚同屋企人叫外賣食左1/6舊豬手後發現入面唔熟😱仲係紅當當嘅血色，都未切到近骨🤯🤢然後菠菜更加係老到咬唔爛擺咗入口嘅一pat渣咁出返嚟完全唔知呢餐食咗乜

同朋友經過高街，行咗成條街就決定食呢一間餐廳，見到佢哋嘅lunch menu都有幾多選擇，而且個價錢都合理。只需$118，就包左頭盤、主菜、甜品同嘢飲。入到去職員都好有禮貌，而座位都幾多又唔會太迫！咁頭盤方面我就揀咗佢哋嘅鴨胸沙律同迷你漢堡包。沙律都好新鮮，而且配合埋香醋，酸酸地非常之開胃，鴨胸肉都幾多，個沙律份量都好大份👍🏻個迷你漢堡包係手撕豬肉，一啖放落口就啱啱好，豬肉都唔會好乾，而且非常Juice！主菜就叫咗佢哋嘅三文魚，三文魚嘅質感好滑，配合埋佢哋嘅芥茉醬、香蔥、其他香料等，真係好好食🥰 而最後甜品係Apple crumble，佢哋焗到外脆內軟，而且唔會好甜，啱晒我嘅口味！

星期六晚同朋友二人帶埋狗狗去咗呢間寵物有善餐廳, 因為之前見到呢間餐廳可以帶狗狗坐入冷氣座位。訂位後致電該餐廳告知我哋會帶狗狗去, 職員話最近收到其他食客嘅投訴, 所以安排我哋必須坐喺近門口嘅四人吧枱：兩個座位喺餐廳內, 而另外兩個座位喺餐廳外面(睇吓餐廳門面照片就明白)。我們帶狗狗去餐廳, 明白佢哋嘅處境, 所以接受。當我地去到餐廳時, 職員亦都重申帶狗狗去只可以坐呢個座位。但我哋叫咗食物之後, 發現入邊有一張枱五個人及一隻狗狗, 職員叫經理過嚟解釋, 經理話佢哋有五個人, 而且同佢哋講咗如果有食客投訴就要即刻離開。當時覺得好唔公平, 兩次同我哋講只可以坐出邊, 但發現對其他食客有唔同安排。擾攘一輪後經理先至提出安排我哋坐室內嘅二人枱。我哋需要位置俾狗狗坐, 所以拒絕掉位。呢間餐廳嘅食物ok, 不過座位安排影響咗我哋嘅心情。提醒大家想帶狗狗去呢間餐廳, 要問清楚座位安排, 如果天氣太熱, 要考慮吓可唔可以接受門口位。

Have been here before and last time wasn’t so bad. This time I brought some friends over but totally disappointed. The chicken thigh on the chicken waffle is downsized to half, and the meat is dry, with a soggy waffle. Out breakfast steak is pretty much tasteless. Very blend and dry as well. Drink tasted like can juice. Very disappointing overall.