Fog Bar & Restaurant

Open Now

Now Closed

🤍Fog Bar & Restaurant (尖沙咀)🖤尖沙咀麼地道67號半島中心地下G35號舖Happy Friday一班fd飲野，尖東有間意大利酒酒吧，可以同朋友食下小食飲杯啤酒Chill下🍻雖然地方唔太，但環境優美，天花掛上好多紫藤花裝飾🌸，打卡好靚，有outdoor 同indoor揀。🍖杜拜香料秘制串燒雞肉$160:一份有4串，每串有4-5舊肉，作佐酒小食好抵，皮脆肉滑好香口。🍕香草烤雞肉$115(8吋): Pizza係手作，即叫即整熱辣辣，批薄好脆易入口。薄餅超級足料主要餡料有雞肉、三色甜椒🫑、洋蔥🧅、🥗，面上鋪上大大塊太陽蛋🍳，芝士🧀拉絲好邪惡。🍺Stella Artois (Belgium比利時)$45 2杯呢款啤酒喝起來麥味比較淡，淡爽唔太濃烈。2點至9點係Happy hour 時間💃 啤酒買一送一。坐得耐飲得杯都好抵食。🤩

最近科學館有恐龍化石展🦖，去參觀之前梗係喺尖東食飽飽先啦。一直都覺得尖東噴水池同海旁一帶環境好chill🥃，比起繁榮嘅尖沙咀多一點寧靜同外國感。今餐喺噴水池房嘅意大利餐館用膳，由外國廚師主理，有家庭料理嘅感覺，有$58/88/100 lunch set🍾，亦有單點菜式，性價比唔錯————————————————👅Italian Combo Set（$88）🔸餐湯/沙律🔸👍🏻 兩個都叫咗羅宋湯，好香洋蔥蕃茄🧅，有啲辣度，可能意大利口味會重啲😆🔸主菜🔸👍🏻夏威夷烤雞肉手拉薄餅8‘’：即叫即焗，批底好似餅乾咁脆脆的🍕，大塊烤雞加色彩鮮艷嘅彩椒，影相都搶眼啲👍🏻挪威煙三文魚忌廉汁意粉：三文魚份量都唔少喎，忌廉汁好香濃😋，有紅蘿蔔豆角更加健康🔸餐飲🔸除咗茶/咖啡/汽水，仲有生啤同紅白酒選項，lunch都要開始happy hour啦🥳.👅手工秘製啤酒炸雞（$98）👍🏻 溝咗啤酒嘅炸皮特別鬆化🍺，雞肉已經去骨，所以啖啖肉，配啤酒一流啦！————————————————🚩總結：格外親切嘅餐廳酒吧———————————————— 🌟注意：另收10%服務費————————————————📍 Fog Bar

適逢Weekend想飲返兩杯，又嚟到尖東酒吧區一帶，貪佢有得食、有得飲，仲要坐得夠舒服😬今次嚟到呢一間Fog Bar&Restaurant，餐廳正正對住市政局百週年紀念花園，位置方便、易搵🤪價錢相宜，一個set有前菜、主菜、餐飲、甜品，晚市都係做緊$100！Stella Arotis ($45/pint)去酒吧必飲嘅生啤🍺重點係呢度只係收緊45蚊一杯，平過市面上唔少酒吧，相當抵飲！跟餐嘅一杯白酒，消暑、開胃，淺嚐好滿足～沙律菜好開胃嘅一碟沙律前菜，有幾粒原粒芝士！Milan Tender Beef Stew with Crispy Garlic Bread ($100) 米蘭燴牛肉配香脆蒜蓉法式麵包好經典好傳統嘅米蘭名菜，而家已經唔係好多地方可以食到😮牛肉炆得好入味，份量唔少添。兩塊蒜蓉包好香蒜味，沾少少醬汁食係一流🤪Thai Spicy Baked Chicken Wings ($98)泰式甜酸焗雞翼雞翼用泰式甜辣醬醃，醃得好入味😋雞翼表面塗滿蜜糖，賣相好靚仔，送酒一流嘅一道小食😝飯後甜品，造型幾得意～

📌 Fog Bar & Restaurant📍尖沙嘴 Tsim Sha Tsui🔍 環境室內有啲日式酒吧嘅感覺🍷🍷，坐落超舒服，仲掛滿花花添🌼🌼出面露天就更加適合啲有寵物嘅客人啦🐶🐱🔍 服務侍應好快手同體貼，基本上一叫就嚟🙈-(👑爲推薦）▪️ 煙三文魚田園沙律 (set dinner $88 included )▫️挪威煙三文魚忌廉汁意粉 👑▪️夏威夷雞肉手拉薄餅▫️啤酒炸雞 $98▪️ 橙汁-❥ ❥ 煙三文魚田園沙律沙律菜配上煙三文魚作為開胃菜啱啱好🔥❥ ❥ 挪威煙三文魚忌廉汁意粉超級大份，一定夠飽🙈好香奶味，仲可以見到芝士拉絲添🧀忌廉汁配著咸咸地嘅煙三文魚一食就停唔到口啦😉😉❥ ❥ 夏威夷雞肉手拉薄餅即叫即整，餅底好脆😝😝配搭菠蘿同彩椒，鍾意蔬菜嘅你一定唔少得😉❥ ❥ 啤酒炸雞呢個係餐廳推介外皮超級酥脆，配着黃芥末醬根本停唔到口🙈🙈-▫️味道：8/10▪️賣相：9./10▫️環境：9/10▪️價錢：7.5/10▫️服務：9/10▪️Overall: 8.5/10-🔍#CY_尖沙嘴 #CY_西餐廳 #CY_意粉 🔗#fogbarandrestaurant #西餐廳 #tstfood #tsimshatsu

尖東一間多國菜餐廳之選⋯⋯又有酒set ，又有午餐set，多款套餐任你選擇，地方夠情調，又有氣氛，打卡環境不錯，有室內和室外，喜歡享受大自然的可以坐室外，喜歡嘆冷氣的我就坐室內😇而且呢度嘅員工好有人情味同禮貌，笑容親切，令人食得好舒適😊—————————-午市套餐：意大利蕃茄濃湯：濃郁蕃茄味道的餐湯🍅挪威煙三文魚🍣忌廉汁意粉🍝：軟硬適中的意大利粉、足料的三文魚🍣😋意大利即磨咖啡：濃郁濃厚香滑的味道——————————-午市套餐：挪威煙三文魚沙律🥗：新鮮蔬菜沙律，更有煙三文魚的配搭，實在好吃😋杜拜秘製咖喱🍛：香濃咖喱雞肉配飯：第一次食杜拜咖喱又不錯，味道亦適合香港人的口味⋯⋯檸檬紅茶：大熱天時又夠哂冰冰凍凍👍——————————🥯手工焗蒜蓉包：包上面放了滿滿的芝士和蒜蓉，實在令人吃得滋味😋——————————尖東有間Fog & Bar…有酒共渡happy hour其實開心🥳簡…單就、在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-　

細個成日去麼地道打躉貪呢度嘅bar 夠晒抵原來半島中心出面呢間先係抵中抵$88有沙律🥗主菜飲品平時點杯嘢閒閒地都$60有pizza、飯、意粉簡想冇咁飽又我，當正餐又得Cheese Salmon Pizza好靚仔～個批抵係脆身嘅食落好輕怡菠菜意大利雲吞個汁有basil味💕中間釀嘅餡都好rich又飲咗杯virgin mojito 最欣賞佢唔太甜又有blend爛薄荷葉紫藤花嘅吊飾都好igable跟set呢份salad細細兜但個汁好正

尖東呢區好多酒吧餐廳，呢間有戶外同室內座位，主打中東．杜拜菜式Lunch Set幾十蚊好抵食。全部菜式都係即叫即製「夏威夷烤雞肉手拉薄餅」Pizza好足料，熱辣辣，拉不斷嘅芝士拉絲...批底厚度適中，唔會太厚好似麵包咁。「意式田園芝士焗玉米脆片」呢款三角形嘅粟米片，味道好濃郁，加入半溶芝士．翠玉瓜．西蘭花．蘿蔔粒．洋蔥絲粟米片依然脆卜卜，口感好豐富「泰式冬蔭功牛肉麵」無諗過泰式口味都有，牛肉大大粒好軟腍湯底好香，重點係$58包埋飲品真係好抵食。「橙汁．檸檬茶」除咗基本飲品之外，仲有好多mocktail / 酒精飲品可選擇，下次收工可以過嚟Happy Hour

放工💼之後過嚟尖東🚇同朋友仔 Chill 吓食個晚餐🍽，揀咗呢間 Fog Bar & Restaurant 因為佢有多款 $100 四個 courses 嘅套餐，好抵食！雖然餐廳🍴唔係好大，但原來入面裝修係🌿田園風，仲吊住好多🤩紫藤花做裝飾，有啲驚喜🥰。套餐🍽有意大利雜菜濃湯🥣或者希臘沙律🥗可以揀，而且仲包埋餐飲🥤，幾抵食。🇮🇹意大利雜菜濃湯🥣用料足，味道都幾🤤濃郁。米蘭燴🐂牛肉配香脆🧄蒜蓉法式麵包🥖份量十足👍。燴🐂牛肉味道香濃😋，不過我覺得有部分牛肉可以再🔥燴得腍啲🤏。🧄蒜蓉法式麵包🥖好香脆🤤，沾上燴🐂牛肉汁十分美味🤩。我哋揀揀咗呢個叫尖東滋味嘅 pizza 🍕 ，因為呢個度係尖東丫嘛😆！呢個🍕 pizza 有八吋大，入面主要有彩椒、黑橄欖🫒同埋菠蘿🍍，夠薄夠香脆又多🧀芝士，幾唔錯😋。除咗套餐之外我哋仲加咗個🇩🇪德國🌿香草🔥烤🐂牛仔腸🤤，味道香濃好惹味🥰。套餐🍽最後仲有個🤏迷你綠茶🍵布甸添！

難得同老公，一家三口去尖沙咀博物館玩，順便食個晚餐，今次有囝囝鍾意既意粉既餐廳。呢間餐廳有西式，特別之處係有中東菜式，佢既套餐十分抵食，晚餐一百蚊一個餐，包前菜，主菜同埋飲品，有得揀另外一個套餐仲會配甜品。前菜有蕃茄菜湯，味道唔會太酸，有雜菜味，唔錯。沙律有煙三文魚同生菜同蕃茄，三樣都新鮮，正。我地叫左白汁雞皇意粉，大人細路都岩食，料多，雞肉美味，有不少雜菜，幾好。呢個杜拜咖哩牛肉飯，幾特別，同平時食既咖哩唔同，特別濃郁，拌飯十分惹味，牛肉鮮嫩，配菜既紅蘿蔔同青豆，份量也不少，值得一試。呢個係烤雞肉薄餅，份量很大，一個人食晒會好飽，雞肉唔會老，剛剛好，烤得脆卜卜。套餐跟三杯飲品，叫左橙汁俾小朋友，我地飲左生啤同檸檬茶，全部都正常發揮，唔錯。最後仲有特色甜品食，開心，係幾唔錯既異國菜選擇，黎尖沙咀會再食多次。

🔥好味指數：7/10 .#soulmatefoodie食在尖沙咀 .去尖沙咀科學館附近嘅一間酒吧餐廳估唔到佢係地舖但係價錢都可以咁平😳😳晚餐Set Dinner $100 就包咗餐湯或沙律🥗+主菜+飲品+甜品😮真係平到你唔信😂😂飲品仲可以揀紅白餐酒🍷/啤酒🍻.🍕叫左個夏威夷烤雞手拉薄餅（八吋）$100可以選擇意大利蕃茄濃湯或者挪威煙三文魚沙律🥗薄餅份量都唔算細 餅底係薄批新鮮熱辣辣脆口 絕對對得住個價錢😚.米蘭燴牛肉蒜蓉法包 $100配左蕃茄濃湯🍅蕃茄湯都幾濃郁 不過有朋友就覺得有啲鹹🧐燴牛肉嘅汁味道不錯👍🏻點配蒜蓉包好香口但係牛肉質地就鞋咗啲🥲俾我一定會揀返食pizza😂.另外散叫左幾個main courseFish & chips 脆魚薯條🍟$220👍🏻呢個真係要大力推介🥳😝😋D魚肉係超級嫩滑！新鮮炸起熱辣辣好好食😋仲可以點配黑松露醬蛋黃醬☺️.🍗杜拜香料秘製串燒雞肉 $160 有四串呢個都係有驚喜嘅雞肉👍🏻用咗特別嘅配料醃製食到有少少孜然香味😋肉質都唔錯 朋友都大讚👍🏻.PS最後杯野飲個拉花真係笑左🤣🤣.總結嚟講呢間餐廳嘅set dinner真係好抵推介大家叫Set dinner

_____好味指數：🌟🌟🌟🌟抵食指數：🤑🤑🤑🤑尖沙咀以我嘅認知係一個每到lunch time都會好逼嘅地方，點知原來行遠少少去尖東就舒服好多～仲可以望住個噴水池景食飯添🤣✅前菜挪威煙三文魚沙律三文魚切開細細件容易入口🐟可以撈埋沙律一齊食😊✅白汁雞皇意粉🍝相當健康，雞肉亦夠嫩🐔白汁份量多，汁比較稀但味道又啱啱好幾唔錯😄✅經典芝士蕃茄肉醬焗長通粉配意粉就食得多，長通粉就比較少試😊呢個配搭都幾唔錯👍🏻番茄肉醬帶微酸，好開胃✅泰式甜酸焗雞翼（8隻）餐廳用咗無激素本地雞🐔雞翼肉質鮮嫩且肥美，醬汁係餐廳自己調配嘅泰式甜酸醬，非常惹味🔥本身擔心食唔曬咁多隻，點知好味都食唔停口🤣

🚩 Fog Bar & Restaurant 近排真係成日出嚟尖東，又到午飯時間梗係搵吓周圍有咩嘢食～喺門口經過就見到餐廳入面掛滿花花，好似好chill咁就入咗嚟試吓啦 〰️〰️〰️〰️〰️〰️〰️〰️〰️〰️〰️〰️〰️〰️〰️🌈意大利蕃茄濃湯+夏威夷雞肉手拉薄餅 8”+意大利即磨咖啡 $88蕃茄濃湯入面雖然冇蔬菜粒，但係飲到超多蕃茄蓉，酸度亦都夾得啱啱好，好開胃🤤薄餅超級足料，面頭鋪滿芝士雞肉同埋菠蘿，底層仲有好多三色椒！值得一讚嘅係佢薄餅底下面墊咗個鐵網，幫手疏氣，即使新鮮出爐，都唔會比啲水蒸氣整到淋啤啤～🌈煙三文魚沙律+杜拜咖喱烟牛肉配飯+白餐酒 $88沙律醬落左胡麻醬基本上都冇得輸，細細碗入面都有三片煙三文魚🥹杜拜咖喱比一般嘅咖喱稀少少，入口較輕盈！不過都有咖喱應該要有嘅辣味同埋香味，牛肉份量好多而且好入味，超級好送飯～估唔到套餐除咗一般嘢飲之外，仲有餐酒同埋生啤比你簡，唔需要額外加錢喔！酒鬼男朋友就算中午都唔放過，都要飲返杯白酒🫠🌈手工秘製啤酒炸雞 $98新鮮即叫即炸，炸漿薄得黎好脆身～炸雞配咗蜜糖芥末醬，的確幾好食！不過雞肉用嘅係雞胸肉，比較鞋口，而且本身就冇醃過，全靠佢嘅蜜糖芥末醬挽救下🥲#Kyla

今日嚟尖東食午餐，呢間餐廳嘅職員好親切熱情❤️餐廳佈置好靚，天花頂加咗好多紫藤花裝飾💐有套餐餐牌，另外仲有for素食者嘅餐牌意大利蕃茄濃湯🍅蕃茄味濃郁，酸甜開胃，濃稠度適中，味道好天然。挪威煙三文魚沙律🥗煙三文魚幾新鮮，配上新鮮爽脆嘅青瓜🥒同蕃茄🍅等蔬菜🥬好refresh🍕挪威煙三文魚彩椒手拉薄餅 8” Pizza 配料豐富，有煙三文魚，彩椒🫑，水牛芝士🧀，餅皮焗得香脆，芝士有拉絲效果；廚師好細心切開咗8份，方便share食👍🏻泰式甜酸焗雞翼醬汁甜甜酸酸好開胃，加咗黑椒有少少辣好惹味，雞翼焗得好香脆，內裏肉質嫩滑，好多肉汁，非常香口🤩白汁雞皇意粉🍝同一般食到嘅意粉有啲唔同，醬汁比較稀，味道亦比較淡，意粉軟熟，配上烤雞肉，有家庭菜風味。精選甜品係🍌香蕉朱古力凍飲，朱古力加咗少少酒好香酒味，伴香蕉好夾。

Fog Bar & Restaurant尖沙咀麼地道67號半島中心地下G35號舖Fog Bar 見幾特別, 本身是酒吧, 個野食MENU又好豐富, 有港式架麵餐, 也有西式架PIZZA, SALAD 等, 亦都有中東特式架菜。門口露天位置有張桌, 想食煙或者帶狗狗架食客就可以坐戶外， 曬下太陽開揚D, 怕熱又可以坐室內有冷氣。有SET LUNCH, 有SOUP, SALAD, MAIN COURSE 都只係$88元, A LA CARTE 種類多。意式三道菜午餐點了份$88SET LUNCH, 意大利蕃茄濃湯客人加了些香料, 飲落幾特別$88肉醬焗飯，經典架牛肉蕃茄肉醬，加小小芝士焗製，yummy一份三文魚芝士PANINI一份, PANINI壓烤表面香脆，芝士溶掉同三文魚，用手拎來食。$58 烤蜜糖雞扒連蔬菜, 包飲品，個雞有蜜糖甜，幾惹味天花板紫色吊花都幾少女心, 好吸睛。外面有海風，好舒服

尖東附近好多酒吧，上次都試過嚟呢度飲嘢，嘢飲嘅選擇有好多。黎過兩三次都未試過過佢嘅食物。這間餐廳有別於只提供小食嘅酒吧，是食店加酒吧的形式運作，門外還有不少坐位。值得一提嘅係餐廳環境優美，適合同朋友一齊飲杯嘢、嘆世界，室內室外嘅環境都唔錯。今次決定試試佢嘅食物，晚餐時段套餐劃一$100，價錢頗實惠。套餐包括湯或沙律、主食、甜品和飲品，飲品的選擇有很多，例如細生啤、即磨咖啡、紅/白餐酒、凍飲都唔需要加錢。前菜選擇了蕃茄湯，味道濃郁，甜甜地幾可口。第一個主食是煙三文魚薄餅，薄餅很薄，香脆又易入口，三文魚的份量很多，配上洋蔥、芝士和蕃茄，值得一讚。第二個主食是芝士肉醬長通粉，牛柳粒都幾多，配上好多芝士碎，鹹香惹味。甜品是香蕉朱古力，幾片香蕉配上朱古力做甜品，幾特別。飲品選擇有好多，就算揸車或者唔鍾意飲酒嘅朋友都可以有好多選擇。非酒精飲品有得揀果汁、梳打水、牛奶、奶昔等等。