Fog Bar & Restaurant

Open Now

Now Closed

今日收工時落大雨 掛完紅雨又黃雨 決定係尖東公司附近與同事搵個地方食Dinner~結果我地係拍完八達通機減兩蚊後 於半島中心一行出去 見到一間望落幾有隱世feel 名為"Fog" 既外國餐館 便行入去試試一行到餐廳 我同我位同事見到入面既裝潢 好有驚喜室內設計好特別 天花掛著唯美既粉色系花緞 好有少女感廚房及水吧係以Open Kitchen形式呈現 環境十分乾淨 仲放滿阿拉伯風情既擺設~ 十分IG-able 肚仔都餓啦，我同朋友都揀緊食咩～Menu好多選擇 樣樣都想嗌咁xd 我地叫左個Set Dinner,係包一個前菜,一個主食,一款甜品,及一杯飲品~ 都只係$100!  首先,前菜我地揀左Greek Salad~ 沙拉好清新 有生菜,青瓜,車厘茄, 再配上希臘沙拉唔少得既Feta Cheese! 讚 飲品就叫左Iced Lemon Tea, 配以syrup, 茶味好香主菜方面,我地揀左 Beef Stew with Garlic Bread (燉牛肉配蒜蓉包) 牛肉煮得十分香 肉質軟腍 蒜蓉包點埋個燉汁黎食 超級美味! 除左套餐外,我地仲點左一客 Chicken and Cheese

Fog Bar 室內天花位置掛滿花束裝飾感覺好有心思；座位寬敞，令人坐得舒服；隔離有室外座位，放工嚟飲酒食飯都好relax。我同朋友點了午餐套餐包餐飲，可揀湯或沙律，各揀了一份；意大利蕃茄濃湯味道濃郁，令人好開胃。沙律加入醋汁調味，配搭爽脆蔬菜，味道好fresh。夏威夷雞肉手拉薄餅 🍕$888吋 pizza 好大塊，熱騰騰出爐，聞到香噴噴嘅芝士，而且仲可以拉絲，餡料有烤雞同菠蘿，雞肉香嫩，咬落有香甜菠蘿、三色椒，薄批pizza口感香脆，必食推介。挪威煙三文魚忌廉汁意粉 $88煙三文魚肉質細嫩鮮美，忌廉汁好creamy，意粉好掛汁，滋味十足。香草燉牛肉湯麵 $58麵條軟硬適中，牛肉燉煮後口感軟腍，添加了香草增加風味。🏡Fog Bar & Restaurant 📌尖沙咀麼地道67號半島中心地下G35號舖

Fog Bar & Restaurant🥂｜尖沙咀 異國風情西餐 獨自享受 美好的 me time💕｜🤔呢間係位於尖沙咀半島中心嘅bar & restaurant，雖然地址寫係尖沙咀，但係由尖東站行過去會快少少🤣 呢間推出左一個Italian Combo Set，好食又抵食，價錢只係$88，有兩款前菜，十款main course同八款set drink任君選擇。而今次我就揀左以下呢個set🍅意大利蕃茄濃湯個湯一上枱就聞到好香嘅蕃茄味，食落味道都好濃郁，仲有少少嘅蕃茄粒，對於中意蕃茄嘅朋友一定好吸引。雖然份量唔算好多，但係作為前菜就好足夠🍝挪威煙三文魚忌廉汁意粉望落好似好啖味，但係食落味道啱啱好，煙三文魚亦都唔會太咸，仲有忌廉汁，淋太多會變湯意粉，淋太少就冇味，而呢個忌廉份量適中，啱啱好透入每一條意粉當中。🍹檸檬紅茶係炎炎夏日，飲返啖凍檸茶會令人格外精神，呢間餐廳仲好貼心噉另上糖醬，客人可自行調配甜度

尖東百週年紀念公園旁邊嘅呢間餐廳，絕對係禾稈冚珍珠。呢度有個好抵食嘅 Italian Deluxe Set，$100 / 四道菜（前菜，主菜，飲品同甜品），飲品仲可以揀生啤，呢個真係值回票價。前菜嘅希臘沙律係簡化版，只有生菜，青瓜，蕃茄仔同 feta cheese，不過由於食材新鮮，dressing 好味，所以真心唔錯。主菜我揀咗 8 吋西蘭花芝士手拉薄餅，pizza 嘅配料只有芝士，紅洋蔥同西蘭花，又係超級簡單，雖然味道稍為偏淡，但係餅底夠薄夠脆，呢度加返唔少分數。後來問職員要咗支 Tabasco，落幾滴，味道當堂提升唔少。最後甜品係一粒非常細嘅果凍物體，呢個雖然紫色好靚，但係味道就...🙈，可以不吃。

喺尖東返工看似唔驚無嘢食，餐廳確係有唔少，但質素平庸都要大排長龍…😕，所以如果有時間嘅話，我會選擇行遠啲去厚福街嗰邊。不過呢排落雨☔️，就求其係附近搞掂算。我同同事幫襯咗「Fog Bar & Restaurant」，見門口有個特價餐就一於試吓。小店面積唔大，下午一點半鐘去到全場爆滿👏。室內裝修比想像中有心思，因為天花板吊咗唔少花束💐，再配合埋綠葉牆身，帶比人一種小花園嘅感覺。後尾先發現原來佢仲有一排室外座位，放工嚟飲酒食飯都幾Chill。我哋入到嚟認真睇餐牌先發現唔止得特價餐🙈，意式三道菜午餐相對貴少少，但款式吸引好多，而且仲包前菜同飲品。除咗午餐外，佢仲有好幾本餐牌，估唔到咁細間舖都煮到咁多菜式😳。午餐前菜可揀湯或沙律，我哋各要咗一份。🍅意大利蕃茄濃湯Creamy Tomato Soup非常濃郁，茄味酸酸的，好開胃。🥗希臘沙律Greek Salad並非單靠醋汁調味，蔬菜新鮮，再加埋羊奶芝士粒，夠清新。挪威煙三文魚彩椒手拉薄餅Norway Salmon & Mix Bellpepper Pizza($88)，🍕Pizza直徑如餐牌所述為八吋，新鮮滾熱辣焗起，直頭係燙手程度🔥，所以芝士嘅拉

今日收工，朋友約我嚟食呢間fog bar & restaurant .之前我都冇食過呢間舖頭，入到去見到佢有得叫套餐，我同朋友分別叫咗兩個餐。首先係挪威煙三文魚沙律，三文魚煮得幾香，配合埋啲沙律醬同沙律菜十分之開胃。意大利蕃茄濃湯啲蕃茄切得好碎，方便入口。雞肉芝士西蘭花焗飯嗰啲雞肉幾好咬口，加上佢表面有芝士、青椒同紅椒，令人回味無窮。雞肉薄餅既餅皮係手拉既，食落特別鬆脆，加上大大塊既雞肉同拉絲芝士，就咁食或者餸酒都係唔錯既選擇。去得bar一定唔少得薯條，薯條表面有黑椒，炸得又夠脆，值得一試。

好耐無嚟食，原來都幾多人食，天花有啲紫色嘅花吊落嚟對我個高度嘅人其實無乜影響，不過對高嘅人就會整倒頭😅檯有啲細，木櫈有少少唔舒服。餐牌選擇都多，由58至88不等，有餐湯同飲品。餐湯係南瓜湯。個焗雞飯幾好味，仲有啲翠玉瓜，係有少少鹹。

其實很久以前，我在七月已經曾經有考慮過，光顧位於「尖沙咀東」商場「半島中心」地下舖位的西餐廳「Fog Bar & Restaurant」，只可惜第一次來到「半島中心」發現「Fog Bar & Restaurant」沒有開門營業。三個月之後，我嘗試再一次提早從「西貢」坐車前往「尖沙咀東」，看看上次沒有開門的「Fog Bar & Restaurant」，今次有沒有正式開門營業。結果我終於看到「Fog Bar & Restaurant」開門營業，只是我發現「Fog Bar & Restaurant」店舖，把所有的餐檯餐櫈分布在店內店外不同位置，空內用餐區裡面冷氣比較大，溫度比較涼快。所以我最後選擇了，坐在「Fog Bar & Restaurant」店舖裡面的檯櫈，然後打開晚餐餐牌，看看餐廳晚餐裡面有什麼食品可以享用。結果很多食客跟我一樣，都怕了戶外偏熱氣溫，選擇坐在餐廳裡面用餐。雖然「Fog Bar & Restaurant」也有單點食品餐牌，但是由於「Fog Bar & Restaurant」有提供晚餐套餐，所以有「選擇困難症」的我寧願享用套餐，套餐裡面標示了下午五點前的價錢跟晚餐價錢，下

是晚又係等男友放工之夜。今晚他放晏左，腦海突然諗起附近呢間有Set Dinner,而且價錢不貴，就入去試喇。餐廳面積唔大，大約有5-6張台。當晚都有4台客已坐，其中一台只嗌了啤酒同花生，兩個男人談天喝酒，睇落好開心。我同男友嗌左兩個Set dinner。Set dinner 前菜可以揀湯/沙律，1個main course 同一杯餐飲。 湯係雜菜湯，味道唔係平時飲開果種味道，不過唔係難飲！等左唔係好耐，意粉就先上。白汁雞皇意粉成碟超 級 多 雞肉！！真係多到你唔信😂 餐廳仲加左蘿蔔同青豆（唔係一粒粒），下次再黎食會叫餐廳走蘿蔔青豆 （因為我食意粉唔中意有呢兩樣😂）整體碟意粉一啲都唔乾 但又唔多汁，恰到好處，而且雞肉份量多面好食。 男友嗌左個pizza。佢Comment係普普通通。下次黎佢可能嗌牛扒果個😂 薯條係另外散叫，份量好大兜，而且係我至愛嘅扭紋薯條喔 總結，呢間餐廳位於尖東噴水池旁邊但可能面積較細 不太起眼。餐廳晚市Set Menu 只不過是$100，而且有pizza, pasta, beef 揀，真心不貴。味道同價錢絕對吸引我會再去幫襯。而且佢又有提供酒類飲品+一大電視瑩幕，不

未試過落錯單錯得咁離譜，仲要服務差態度差！一行四人一心去支持呢間餐廳，當中有三個餐同一杯野飲都落錯單，而重點係店員多次要求我哋接受我哋冇叫嘅食物。第一次送錯2碟意粉，我哋要求店員check單同換返，店員A拒絕幫我哋，催左幾次佢都不斷重複要等落單嘅店員B去處理，叫佢收返錯嘅餐佢又唔肯。等左十分鐘，店員B終於出現，仲大條道理話冇三文魚所以幫我哋轉左另一碟意粉，但問題係你落單時冇講啊！我哋反映返佢應有嘅盡任後，無奈地照要左兩碟錯嘅嘢。點知，齋啡又落錯左變左latte，同店員B講換返杯齋啡，佢又想企圖叫我哋接收埋杯錯嘅嘢飲，我哋話朋友唔飲得奶佢先肯換。差唔多成個鐘後，我地仲爭一個餐未黎，同店員A催左一次後，因為唔係佢落單嘅關係，佢再次唔理我哋，交俾店員B處理。點知店員B又再次落錯單，又再次要求我哋接收個錯嘅餐，我哋好堅持要返原本叫個餐，佢先不情願地俾返個餐我哋。價錢係尖東嚟講算平，但真係貼錢買難受，仲要俾10%服務費，換來如此差勁嘅服務。絕對無下次，bye

Fog bar and restaurant ▫️喺尖沙咀熟食就熟路d啦，但係喺尖東一帶都好少去搵食，今次特登去咗尖東嘅意大利菜餐廳Fog bar and restaurant到食下，舖面環境細細，略嫌有點逼夾，而且我地係下午去食嘅，鋪頭就唔係好夠冷氣，會覺得有啲熱，坐得冇咁舒適，但係環境佈置都幾令，夜晚去飲嘢都應該幾chill🥂▫️Seafood Lover海鮮大會($165@12吋)呢到嘅pizza係有8吋同12吋簡嘅，今次就簡左12吋嘅，pizza底就係薄批，食落好脆口，不過我都係中意厚批底嘅pizza多d，會似食緊麵包嘅口感咁🤣😍而材料係有雜錦海鮮、洋蔥同芝士，海鮮就有三文魚、魷魚同蝦。不過其實識落就普普通通冇咩特別。▫️墨西哥牛肉炒飯配脆片（$160）一開頭以為配上嘅脆片係可以點樣放喺個牛肉炒飯到，原來係DORITOS嘅芝士脆片脆片另上😂而炒飯嘅味道唔係好夠、食落有啲淡，另外牛肉嘅質感食上去好似豬手咁🤨但牛肉嘅份量都好多▫️Chicken Carbonara佛羅倫斯雞肉白蘭地汁煮意粉（$170）唯一值得一讚嘅就係佢哋嘅卡邦尼意粉，份量十足，醬汁係非常多，而且又好creamy🤤意粉煮得

入都去環境好舒服, 播緊啲好放鬆既音樂, 雖然唔係好大地方. 外藉店員好熱情招呼, 於是我就跟左佢好有heart既dinner set介紹, 燉牛肉同埋菠菜白汁雞肉意粉. 先講燉牛肉, 淋身得黎彈牙既, 又不失牛既纖維口感, 而且調味係出晒牛既天然味道, 並唔會被調味料遮蓋.然後食個菠菜白汁雞肉意粉, 亦都係味道恰到好處, 菠菜blend埋落奶同忌廉做個sauce, 佢唔會重味, 但食完個after taste仲有食材既香味係度.好有地道外國烹調feel, 於是望一望廚房, 煮野食果個真係外藉人仕黎, 一舊水一個set食到好食地道野, 真心讚最後, 慢慢品嚐埋杯wine, 完美既一餐~~

行行吓嚟到尖沙咀，見到一間小店。餐牌寫住印度黃薑咖喱飯，隔離個牌寫住意大利pizza + pasta。咁特別嘅combination梗係要入去試吓。叫咗一個黃薑牛肉飯，夏威夷pizza同埋beef bolognese。黃薑牛肉飯冇咩特別，咖喱味都好香。唔係好食到黃薑味，但係牛肉好入味! 夏威夷pizza應該係即整，芝士可以拉出嚟! 餅底唔會特別厚，材料新鮮! 絕對係一個用心整出嚟嘅pizza! Beef bolognese分量十足，肉碎醬好多，味道適中! 侍應亦都非常之好服務，非常熱情。同每一個食客都好好傾! 絕對係一間良心小店!

無圖，影唔落手。個餐全名叫「正宗印度薑黃咖喱燉牛腩配香飯」首先同我食過嘅正宗印度咖喱係兩回事，佢只係普通茶記牛腩飯加咖喱汁（而且唔係印度咖喱！）完全冇薑黃味，香飯亦只係普通白飯...完全違反商品說明條例🤦🏻‍♀️個餐都唔平架，連埋加一都要$86。可唔可以俾少少誠意，至少唔好難食過茶記嘅牛腩飯啦。另外叫左個凍檸茶，飲左一啖就飲唔落去...糖漿落哂都唔甜，而且根本冇茶味，凍檸茶似乎又係得檸檬係真係有😪第一次去呢間餐廳，亦都唔會再去。我諗西餐廳真係專注做返西餐好，唔好再sell咩正宗印度餐。不倫不類。

假日黎尖沙咀行街街🛍，係血拼之前梗係要醫下肚先。我地就揀左哩間外籍人士主理既西餐廳。店舖既裝飾非常有心思，仲有花花🌾💐垂落黎，岩哂鐘意打卡既食客。我地揀左兩個Lunch Set，分別係佢地主打既咖哩同薄餅🍕。等左一陣，就到齊喇。意大利辣肉腸芝士手拉薄餅8” $88 配挪威三文魚沙律連餐飲沙律賣相唔錯，細細個估唔到煙三文魚🐟份量都算多，食落都不過不失，略嫌醬汁多左啲。🍕Pizza下面墊左層格網等佢透氣得黎保持香脆，平時比較少見。個底真係又薄又脆，啲料都好足。但相對比較簡單，只有辣肉腸﹑芝士🧀﹑菇同紅洋蔥粒🧅。同埋真係唔好睇少8寸，食食下都幾飽。北印度薑黃咖哩燉雞肉玩配香飯 連餐飲 $78咖哩🥘比想像中稀，食落好重香料香味，而且啲雞味入哂啲汁。反而啲雞🐔就變相無咩雞味，食落個肉質有啲啲梅，似係燉左好耐咁。我比較失望係個飯🍚，明顯過濕同偏爛，令到配上個咖哩汁都失色左。整體黎講，我會推介黎試下Pizza或者其他野，如果想食咖喱可以揀返同區既重慶手足👳🏾‍♀️。值得一提係佢啲碗碟都好特別，好有風格，食物打卡都靚📸。仲有用餐完畢，店員送上糖果同朱古力做餐後點心，可惜我地已經食唔落。作為同路人👨🏻‍🤝