Food Combo (Closed)

很久也沒有入過屯門工作, 襯著去那裡見客的時間看看那裡有甚麼好吃的地方. 來到V-City對面, 之前去還未完全起好的天生樓, 除了Green Common外, 也有這家外表光鮮的Food Combo. 它主打除了西餐外, 也有香港名物焗豬扒飯, 下午茶時段五十多元, 中價水平但以原個煎Pan方式上枱, 感覺不錯.焗豬扒飯三大元素: 豬扒, 炒飯底和蕃茄汁, 後兩者這裡有一定進步的空間. 豬扒厚實多汁, 口感還算嫩滑, 沒有用上鬆肉粉的痕跡. 除了豬扒外還附上全熟煎蛋, 算是佛心. 蕃茄汁加上原塊芝士, 焗在上面加添拉絲感和鹹香, 但蕃茄出水太多, 汁液變得過於水狀, 也令芝士質感有點怪.問大較大的是炒飯底, 其一口感過於濕潤, 沒有炒飯的乾爽感, 令其濕潤的是水不是油, 所以還是吃得下. 蛋黃算是能平均沾在飯粒上, 但由於它用的飯米身相當圓潤, 沾上蛋黃的面積比一般長身米煮成的炒飯少, 在這處理上如能改善一下, 相信會更完美.

今日全日天陰落雨，天氣有點涼。晏晝去食黃店，見食評推薦鮮茄焗豬扒飯。入門口先量體溫，然後被安排坐在疏落既位置，保持各客人距離，原先有兩枱客。座位寬敞，坐得舒服，點左焗豬扒飯，可能即焗既關係，等左15分鐘左右，落單時有特別講要多汁，因為比較鍾意食濕潤d軟軟既飯。等緊既時間，望一望周圍環境，木櫈，雲石的枱面，枱上有隔板。個布局幾舒適。個焗飯到左，有隔熱套抱住手柄，女店員送餐時還提醒一聲「小心熱」。特別要多汁，亦有多到，滿滿。睇表面芝士焦，好吸引。用刀叉切豬扒時，冒住熱熱的煙，真係剛焗好怕不小心碰到燙到手。茄塊同豬扒都軟嫩多汁，易咬唔癡牙。個汁甜甜酸酸撈底下既蛋炒飯真係好味。豬扒一塊，唔算太厚，茄肉好大舊。熱熱食好正！芝士都多，就算係茶餐份量亦足夠飽。因為我本身就餓緊，所以解決一個焗飯完全無問題。就黎食完個飯，杯熱飲仲未到，我有點奇怪，唔通係漏左？定特意安排就黎食完先上野飲？就主動講，「差杯熱朱古力」，然後店員就即沖，杯熱朱好好飲~唔會太淡、太稀、太甜。係高質熱朱古力，恰好當天氣溫低，好凍又落雨。茶餐$52、加熱飲$3。食曬，飽。幾好食。

💛黃店🔱今次要介紹嘅食物就係位於屯門！📜”Food Combo (屯門)📌 地址:屯門鄉事會路88號The Parkville地下6號鋪🕐營業時間: 11:30-21:30🍽分店地區: 屯門📝評價💬📢 正餐去食價錢一定3位數🥲下午餐去食就有機會平又正😍😍😍 有次經過見到雙眼發光🤩🤩🤩真係估佢吾到！有雞翼有薯角😋😋不過雞翼就單骨🥲但個汁真係好入味好夾好fresh👍🏻✨容易食飽飽💛💛💛環境又坐得舒服 岩曬同朋友吹水😆🤩KS評分 💫5分最高🌟🏵環境指數:⭐️⭐️⭐️⭐️🏵味道指數:👅👅👅 👅🏵抵食指數：💰💰💰💰🏵回購指數:❤️❤️❤️❤️歡迎餐廳合作/試食🥰 可DM聯絡📩#美食推介 #屯門美食 #屯門黃店 #黃色經濟圈 #黃店推介 #黃店 #黃店系列#foodhk #hkfoodie #美食分享 #hkfood #食好西 #吃貨 #hkfoodig #hkfoodlover #食評 #foodiehk #foodieksk屯門 #foodiehk #foodieshk #hkfoodies #foodpics #852food #相機食先 #香港美食指南 #hkfoodblog #一路食一路pos

之前已經食過Food Combo，一直都覺得幾好食，耐耐地又返嚟幫襯食午餐。今次叫咗All Day Breakfast 同芒果大蝦沙律，加$10仲有餐湯/沙律同飲品。All Day Breakfast 好豐富呀，有煙肉，香草腸，烤豆，黑松露炒蛋，沙律，蒜蓉多士，南瓜薯餅，我覺得香草腸同南瓜薯餅最好味，非一般嘅香腸，薯餅香脆熱辣辣，正！芒果大蝦沙律，唔使講，之前食過知道好味，所以見午餐有當然唔放過。餐湯我哋轉埋沙律，結果我哋有好多沙律食，好開心呀👍餐茶揀咗凍熱情果芒果紅茶，淡淡地啱晒我，但如果嗜甜就會嫌佢唔夠味。我哋揀咗平日十二點半就到，所以唔使等位，又坐得舒適，係午餐推介食肆之一。

話說之前係呢間店常客，自疫情之後好少去，今日去到，有位女侍應染啡髮中長度，因為三人坐枱嘅問題，我地轉去一張近距離d嘅枱，個女侍應好無禮貌嘅眼神啤過嚟，之後仲好明顯咁同哂全店員工講是非，咩服務態度，送餐黎就咁擺底完全黑面，真係食到成肚火，以前覺得食物幾好服務幾好，今日之後以後唔會再去幫襯！如果管理層見到，麻煩調教一下員工唔好當住客人面前狂講客人是非！第一次寫食評！

// Drool-Worthy Eats in Tuen Mun ✨ //.It’s weekday again and for those who are striving for a work-life balance💯, nothing’s better than treating yourself a delectable meal during a precious lunch period!🍽.▪️Spanish Lobster Seafood Paella - 西班牙龍蝦海鮮飯▪️This appealing seafood paella consisted of many ingredients, including a whole lobster🦞, shrimps🦐, salmon, mussel, baby octopus, sliced sausage, etc...It was perfectly cooked and everything was wonderfully seasoned!💯 Not to mention that this was served

屯門Vcity附近都唔算多野食，見到哩間都頗多好評，今日終於黎試試。點幾兩點鐘黎到，唔駛等位。有午市套餐，50幾蚊至百幾蚊都有（加$10有湯／沙律+飲品）， 加埋中位價錢大概$80-90， 話平唔算太平。招牌焗豬排飯味道中規中矩，豬排都幾嫩滑，番茄汁稍微唔係太夠，食到後尾冇哂汁，炒飯底唔算太乾身，所以炒飯有少少一嚿嚿，同埋冇我最鍾意嘅菠蘿☹️。番茄湯正常。番茄大蝦扁意粉炸蒜幾香口，大蝦新鮮，加埋羅勒葉碎，整體係好食嘅，份量都算幾多。太過中規中矩嘅關係，冇咩特別評價，相比同區其他餐廳來講係好食嘅，但係要加$10先有湯同飲品，$80-90一個套餐黎計，價錢有少少貴，不過回頭都會嘅。食物：4/5環境：4/5服務：3/5CP: 3/5回頭： 4/5

下午茶時間，經過市中心，商場內的店舖都是連鎖店，唯有到街外走走。之後，發掘到這小店。雖然店內只有一枱客人，但座位間都顯得有點擠迫。蘋果肉桂西多士，新鮮熱辣出爐，大量蘋果肉在香脆西多士上，自己切開9件。第一口吃下去，好好味，最中意蘋果肉桂的配搭。不過，再吃多幾件，就覺得略甜有點滯，一定要同朋友分享。檸檬蜜糖雞翼配薯角，一樣新鮮熱辣，炸雞翼不會乾身，而且有肉汁，真心驚喜。薯角亦好香口，可以瞬間清盤。真正的平靚正，完。

放工約三五知己食晚餐同朋友一到食飯一到傾計 選擇餐廳希望坐得舒服同坐得耐多數餐廳係入坐前溫馨提示入坐起計2小時用餐而今日介紹嘅2間餐廳都無特別講明去過幾次都無試過俾人趕走(笑) 第一間叫做Food Combo餐廳裝潢比較簡單光線明亮一入餐廳Waiter放底餐牌同推介是日精選當日我同朋友選擇了 龍蝦汁意粉配龍蝦肉套餐$158(套餐已包粟米忌廉湯、沙律、餐飲、檸檬雞翼 ) 海鮮燴飯配龍蝦肉套餐$188(套餐已包粟米忌廉湯、沙律、餐飲、檸檬雞翼 )加15蚊有芝士蛋糕 食物質數好高質 檸檬雞翼外脆內軟粟米忌廉湯極Creamy龍蝦汁意粉配龍蝦肉超多汁、龍蝦肉極多 重有大量菇係個意粉到 海鮮燴飯配龍蝦肉一樣龍蝦肉極多有極多不同種類海鮮係飯到食極都重有(笑) 呢間餐廳整體食物質數高試過幾次暫時無中伏同埋每次食物質數都保持水準環境乾淨員工友善附近就係商埸V City 同西鐵站地點都易搵(笑)

我外賣自取，眼見佢得1枱客（即2個人），所以想入去等。店員即話我有BB車，又問我有冇量體溫，我一入去已經量左啦。坐低之後，另一店員衝出嚟，又再叫我泊埋一邊，話一陣會有客驚阻到人，我本身已經泊埋左，既然係咁丟難我，我唯有走出門口等，結果10mins 之後，依然得1枱客（即2個人）。

老公做完野返黎 諗住出去食個下午茶 再順手睇下 vcityhk 既 babyshark 呢間起vcity新墟出口果邊行去5分鐘左右 方便抵食有兒童餐具 加分🔸傳統西多士 $35賣相唔頹 食落亦唔頹 蜜糖牛油罪惡感很夠 西多士鬆軟勁好切 夾層亦飽飽滿滿🔸鮮茄焗豬扒飯 $52份量多而好味 老公話好過連鎖果啲多多聲🔸凍朱古力 $10正正常常 湯圓妹滿意🔸凍檸茶 $5大大杯 檸有檸味 唔係得個無味既薄片 茶有茶味 埋單$100都唔駛 無投訴啦😂會再黎既

1️⃣[ 葡國雞飯🍛 ］ʜᴋᴅ58✍🏻 份量夠晒大 男仔都一定夠食雞扒好大塊 差唔多有隻碟咁大😚而且肉質滑嫩 皮亦煎到好脆好香口🥓葡汁調味啱啱好 唔會過鹹撈飯一流而且配料薯仔同紅蘿蔔都好入味好腍午市嚟講質素唔錯😝🌟推薦指數：7.5/102️⃣ [ 檸蜜雞翼🍗 ] ʜᴋᴅ12/2✍🏻 呢個炸得十分香脆唔會有陣油膱味淋上特調檸蜜汁 酸酸甜甜 好惹味好正🤩🌟推薦指數：7.5/10______________________________🥑整體嚟講🥚呢間食物以午市來講10分出色而且價錢唔算貴 份量亦大碟係食過一次之後就成為咗我嘅飯堂😋😋😋好味指數：7.510🏃回頭指數：7.5/10🔎🏷️ #letus新界 #我要吃掉全世界 #letus地道系列 🔍

餐廳主打各類西式，晚市有set有飯麵可以散叫。夜晚6點半左右到，餐廳已經接近滿座，由落單到上菜，唔駛等好耐。叫左combo set中既food combo什扒黑椒汁脆薯角($152)，葡國雞飯($68)。豬扒好大塊，軟林，醃得入味。煎蛋煎得靚，一刺個蛋黃，d蛋黃汁流出黎，好治癒。南瓜薯餅香口，南瓜甜。薯絲蝦好食，薯絲圍住蝦再炸，有陣陣薯香味。蝦肉彈牙。而是日餐湯係蕃茄濃湯，蕃茄味真係好重，仲有蕃茄蓉。另一個餐既雞扒煎得夠香，肉嫩。個飯既份量好多，食哂超飽。葡汁唔膩，而且有大量蔬菜一齊煮，肉菜兼備。整體，就算唔加set，就咁食都好飽。加set就多左d食物可以試下。服務好，環境坐得舒服。

帶小朋友去午飯，經過門口見到寫住學生有優惠減$10，心諗60-70蚊一個午餐有優惠都可以接受，所以入去試下。 入正提，叫了個焗飯，食物質素一般般，唯一好係夠熱。 食完埋單，叫小朋友攞張八達通去埋，收銀姐姐好快手就啫咗八達通，我發覺沒有減十蚊就問收銀姐姐，佢黑住面同我講話佢唔知道個小朋友係學生，當時小朋友係著住校服，孭住書包，手上揸住學生證向住個收銀員。 咁我就問佢而家可以點處理，收銀就答交易已完成冇得處理。成件事即是明曬，我都費事再同佢講咁多即走。唔想俾優惠就唔好貼出嚟，埋單時又諸多理由唔去畀優惠。印象真係好差。 不會再幫襯！

晚餐外賣自取有8折，本身餐廳已有一張外賣menu，最平5x蚊就買到一個餐，包熱飲/汽水，都幾抵。介紹下今次食嘅野：鮮茄焗豬扒飯 $72 （8折$57.6）豬扒size適中，豬扒肉質啱啱好，唔會過硬，亦都醃得幾入味。茄汁係偏酸，中意偏酸茄汁嘅朋友就啱哂喇！😋飯上面都有幾夠大蕃茄美中不足係炒飯底，蛋唔算好多，冇炒到粒粒分明，飯質偏冧，同埋茄汁份量唔夠撈飯，剩返大概四分一係食白飯。芒果大蝦沙律 $62 （8折$49.6）成盒沙津最好食係蝦，煎得好香！😋芒果都幾甜，幾新鮮。沙律醬有檸檬味，酸酸甜甜，醬料上落咗少少嘅醋，幾開胃。沙律菜嘅份量都幾多，亦都好新鮮，建議沙津醬可以多返d，呢個份量唔夠撈哂成個沙津。黑松露蘑菇意粉 $66 （8折$52.8）意粉質地偏軟，黑松露味可以濃一點，不過淡淡的黑松露加忌廉，食完唔會好膩，意粉醬比較稀，蘑菇份量都幾多，成盒食都夠飽，整體質素都係同價錢配合嘅，幾十蚊黎講都算係不過不失。加配蜜糖雞翼 $12/2隻 （8折$9.6）蜜糖雞翼係炸嘅，可能外賣拎返屋企都有一段時間，外層就冧咗。雞翼本身有醃過，都有啲味，但係個蜜糖醬唔夠多，就同食普通炸雞翼冇咩分別，但味道都係正