Food Oriental (Closed)

趕住返工發現左間幾好食既馬來西亞餐廳，就入去食一個快餐，無花巧既店名，沒有華麗裝修，海南雞飯較出色既小店，佢所賣嘅海南雞係出名外滑內嫩、雞味突出，佢嘅海南雞做到雞皮同雞肉之間，仍然保留到一層啫哩狀嘅膠原蛋白，如果隻雞唔夠嫩，同埋處理得唔好嘅話，呢層膠原蛋白係絕對唔會出現，簡單啲講，就係靚雞先會有；配埋雞油飯的確香口，肉骨茶美味，原來肉骨茶對預防風濕，有滋補功效。湯底配料十足，入口肉質味濃郁，簡簡單單食到幾有風味的午餐

雖然汕頭街是灣仔一條毫不起眼的小街，但是美食不少，店外總有人排隊。Food Oriental 是一間以外賣為主的店。店內有6個座位堂食。我點了無骨海南雞飯，四十五元包椰子雞湯一杯。就算堂食店方都用外賣盒裝及使用外賣餐具，不太環保。海南雞飯都很嫩滑，份量正常。不過飯及配料比較油，而且飯不夠熱。以四十五元來說，不能要求太多。

今天下午茶到了這家馬來小店，這個時段的茶餐都非常便宜。午市賣的40元一份海南雞飯，下午茶賣38元還可以自選一項小吃，有蝦餅，咖哩角等。不過另一款的茶餐20元就有兩隻酥炸雞全翼連一款飲品，所以選擇了這個。飲品方面可以選汽水或者是椰子雞湯。從其他食評知道他們的椰子雞湯是非常美味的，當然就選擇它了。店內也是基本上外賣為主的，勉強放了兩張桌子給堂食也就沒有其他地方了，所以點完外賣後就要站到外面等候。雞翼大約5分鐘就做好了，也是十分快捷的。首先試試出名的椰子雞湯，味道清甜，可以喝出陣陣椰子味道。而且喝完後也不會口渴，應該沒有加味精等。至於雞翼，酥炸的味道調教得香濃惹味，跟椰子湯是個很好的配搭。

一直想試。所以於昨日下午三點幾終於的起心肝走去買。下午茶餐係扺食啲，因為有嘢飲又有小食，不過因為想試埋傳說中嘅椰子湯，同埋老公嘴刁要食雞脾肉，我就order咗一個正價飯，同一個下午茶份量。老公話雞脾肉要加$5, 呢個錢唔慳得，因為好食好多。但我食嘅下午茶係雞其他部分嘅肉，我都覺得已經好好食，又夠滑。湯，真係好飲，又甜又潤。雞飯好味，我見飯係上晒黑色，應該已經調好晒味，咁樣仲好，夠晒方便。附餐我自選的蝦多士都好好食，好脆。不過下次會試埋蝦餅。自己第一次去，好多問題提問，店職員都很有禮貌同耐性去解答。👍🏼👍🏼👍🏼

見飲食男女介紹，呢間位於灣仔嘅新餐廳，就去試試，鋪頭細細，坐到6個人到， lunch time 都唔少人，都係坐滿，叫左個海南雞飯試試，個雞油飯好香，好似有啲椰子味咁，啲飯唔會太硬太軟，又唔會太濕，偏向乾身，口感啱啱好。個雞好滑，雞味唔濃，偏淡，但咁嘅價錢，有咁嘅質素，都算好抵食。椰子雞湯好清甜，唔似味精湯。老板好好，食完會問問顧客嘅意見，關心下客人嘅口味。呢啲就係小店嘅特色，下次會試試其他野。.無骨海南雞脾飯（包椰子雞湯） $45

睇雜誌見到公司附近有間主打HK$40無骨海南雞飯連湯。今日中午同同事過去搵食。電車路修頓球場對面幾步路就見到。小段經營，只有六個位，主打外賣。除咗海南雞飯仲有咖喱、喇沙、冬陰公同埋泰式小食。 HK$40,份量都唔少。多HK$5仲可以要無骨雞脾。雖然係雞胸但依然肉質嫩溜，唔嚡，配上特製辣醬，味道唔錯。飯一早已經用湯汁同香油混好，非常好味。仲配有酸青瓜同菠蘿，清新開胃。椰子雞湯，一點油花都見唔到。椰子味香濃，但頗咸。用心小店，下次會再幫襯。

暫時呢間係香港食過最好食嘅海南雞。店面雖小，啱小倆口嚟食。我揀咗喇沙，椰香係未上台都已經聞到，海南雞夠晒滑，喇沙嘅雞係好食過飯嘅雞🤔🤔係因為個湯底問題？粉底係兩種：米粉同粗？麵，同喺新加坡食過一樣～兩個人真係唔好叫兩份，加小食，如果唔係你真係會飽到嘔。甜品有一個榴蓮泡芙，Cream可揀硬定林，朋友揀咗硬，質地好似雪糕，可以一試。另外拎收據係可以過對面合作店家飲咖啡，可惜我地已經飽到嘔，唔係都想歎返杯🤤🤤

今日中午放飯時間打算食西餐，點知大排長龍，食飯時間得一個鐘，等唔到啦，唯有四圍行下，再搵過間。行到汕頭街，見到間好細間嘅泰國菜，入面得2張摺枱，四張鄧仔，再有張類似吧枱，兩張高鄧，一眼望哂，主打外賣。禁岩有2位用餐人士食完，我地就決定坐底食。我同朋友Share食，叫左個印尼少飯，$45 有隻煎蛋，2串串燒，飯量都多，飯炒得好有鍋氣，而且味道好夠，飯炒到一粒粒分明，夠乾身。然後我地再叫左個海鮮冬陰公油麺$45，有3隻蝦，都唔細隻嫁。冬陰公湯煮得幾好，唔太甜唔太辣，好惹味，份量都正常。跟餐加$10 有泰式飲品，我地叫左一樽椰子水同一樽檸檬蘭香子，兩款味道都特吃，唔算好甜。店鋪的確好細，好多人會打電話叫左外賣先，然後再過黎拎，所以好多人出出入入。如果你選擇堂食，好有可能係禁比人撞到，如果你唔想迫嘅，就叫外賣啦，灣仔抵食又好味之選。

見到網上話呢度新開左海南雞店 立即過來試下！ 店內堂食位置比較少 所以我買左外賣晚餐回家食！買左無骨海南雞飯 $40雞比較少 油飯都幾多 可惜我唔記得叫走薑🙈送椰子湯 無渣 只有幾粒杞子 同埋只得半杯 味道都幾濃幾甜 不過甜得有少少假 好似係椰子糖味有醬汁奉送 但顏色都係有啲假 應該係自家調配既小食拼盤 $58有串燒x2 香葉雞x2 春卷x2 蝦餅x2家人好鐘意食！話幾好食 我都冇份試就食晒了😂大家有興趣可以試下下午茶 好似幾抵食👍🏻

海南雞飯套餐的雞湯真材實料、美味！另外，飲品選擇也特別。舖仔細細，用料足，份量適中，啱食。下次再試其他套餐。老闆親切，好傾，去開灣仔想平平地、簡簡單單一餐的一餐的好選擇。

愉快再推~Food Oriental既下午茶✨一次滿足我幾個願望✨份量同味道啱晒我！海南雞飯可配一個小食，我選左蝦多士💖真的好好味！蝦多士整得啱啱好，好脆，香口，蝦肉夠彈，重要有塊生菜吸晒啲油，一點都不覺得膩😋平時午餐的海南雞飯有三個醬俾你，下午茶就已經調好味。。啱晒我呢d唔知落咩醬既懶人😂而且，呢個海南雞飯用炸蒜，所以食完唔洗怕個口會有異味！重點是！連汽水都只係$38!!!!汽水重有檸茶😍

偶然在灣仔汕頭街發現這間小店，在醫館旁 ，只有6個座位，對著行人路。營業時間1130-2130，星期日休息。點了外賣海南雞飯附三種醬汁、椰子雞湯一小杯。看樣子不錯，好像很正宗（？）呢！海南雞稍嫌不夠嫩滑，不過雞味香，飯味更香！雞肉份量充足，男士可能覺得飯份量不夠。椰子雞湯第一啖入口，好香椰子味，有幾粒枸杞，友人嫌湯太咸，我覺得味道OK! 是我的午餐速食之選！

難得過左正常午飯時間先出去食，當然要試d特色餐廳啦，今次選了呢間，之前見網上推介，想來試好耐了。去到門口，見到裡面得6個座位，好彩都有空位，咁就堂食了，叫左個海南雞飯配椰子雞湯（$40），經濟實惠，先上一杯椰子雞湯，本來對椰子類麻麻，無乜期望，諗住會好淡，點知雞湯味濃，夠晒味，推介👍🏼👍🏼👍🏼👍🏼👍🏼。之後就來左主食，用外賣膠盒裝住既，油飯味濃郁，雞入味得來口感鮮嫩，一啲都唔鞋，連雞皮都食埋，推介👍🏼👍🏼👍🏼👍🏼👍🏼唯一可以改善的地方就係個飯有啲一嚿嚿，其他都唔錯，可惜未有試到小食，下次再試。

在灣仔搵食愈來愈貴，想四十元左右食到一餐的店子十分難尋，這天看到這間Food Oriental，價錢係呢區算便宜，便試吓它是否得個「平」字的頹飯。此店以外賣為主，店內只有三數座位。看見大多顧客都外賣此店主打的海南雞，便花四草野食個無骨海南雞飯，另加五蚊要雞脾位。味道還可以，D油飯加左香茅，挺香口，但稍嫌油香差少少。雞脾都算滑，但感覺唔係比好靚的雞脾位我，雞皮唔算厚，可是爽滑程度一般。而肉的份量也不多（當然同價錢成正比）。唔係幾鍾意店家將黑醬油及薑蓉預先加落飯同雞到，令我失去調味的自主性，而唔算太辣的辣椒汁醬則另上，味道倒是三款佐料中最好。反而其附送的椰子雞湯是全餐的亮點，好清甜，應沒有下味精，唯份量好少，唔多夠喉。整體而言呢個價錢也不能太苛求，雞飯總算味道還可以，起碼不是頹飯也。

近日於報章雜誌及互聯網上都睇到不少有關灣仔新店「Food Oriental」o既好評，喺公司講咗成個禮拜都未有行動，會計姐姐週四幫老闆買飯時終於忍唔住，提議不如一齊試一試個超人氣「無骨海南雞飯」，佢可以去完銀行順便買返黎。無骨海南雞飯（$40）：每客雞飯包有椰子雞湯一杯，不過小肥因敏感問題未有一試。我地幫老細叫雞飯，點知佢第一句評語係「唔夠雞」。。。平心而論，以$40一個飯盒黎講，份量個人可以接受，無奈海南雞件乾嚡帶韌，飯粒仲要又凍又唔夠軟熟，莫非店名所謂之「東方食物」其實係「凍方」所調？！三人食後感想一致，區內不難買到一盒平過又好味過依盒「無骨海南雞飯」o既燒味飯，真係諗唔到有咩理由會再幫襯囉！