Food Oriental (Closed)

油飯香氣撲鼻，雞脾滑到唔介意食埋個皮所有配菜都令個雞脾飯既味道再昇華個雞湯真材實料 好似飲緊阿媽啲老火湯咁可惜11月1日就要結業 🥲係我永遠心目中既世一海南島雞脾飯😍

找到這間外賣為主的食店，午餐很多時都唔想食飯，免得之後飯氣攻心，所以傾向選擇麵類。見到無骨海南雞可以配薯粉，仲要係椰子湯底，即刻有咗決定。雞嘅質地都嫩滑，即使係雞胸都無問題👌薯粉本身無味，好依賴湯底決定佢好唔好食。可惜椰子湯係偏清淡，變相令薯粉都唔會吸到任何味，成碗薯粉都因此係無乜味。

已經外賣過好多次，打電話自取好方便，大約十分鐘就拎得！。環境餐廳入面有兩個位，不過絕大部分人都係外賣！門外有好多位比你等外賣。。服務個個店員都好有禮貌，講純正廣東話！外賣就會拎出店外比你。。食物今日想食海南雞脾飯，都幾惹味，我最鍾意食配菜酸青瓜～個酸辣醬都幾好味～買海南雞飯仲有椰子雞湯送。但食完之後，我同同事成個下晝都超級無敵口乾…。價格雖然最近加左幾蚊價，但都合理，灣仔都好難搵得呢個價錢又幾好味的午餐～

其實唔係第一次幫襯有時食晏間唔中都會幫襯性價比唔錯之餘味道都唔錯👍🏻-青咖哩豬頸肉飯椰味夠 少甜但本人算食得辣！！所以我覺得呢間嘅青咖哩唔辣但好香好惹味配白飯好容易一啖接一啖-豬頸肉好香 煎到邊邊微焦加埋青咖哩汁一個番工日嘅午餐黎講真係好滿足-以前其實食開佢嘅冬蔭功 夠辣！夠香 仲意冬蔭功嘅同好者都值得一試-另外 同事嘅海南雞飯睇落都好吸引下一次打算試試佢

食過好多次呢間小店...終於的起心肝寫食評~公司附近其實好多海南雞既選擇...呢間小店係我會不停encore~今日叫左海南雞脾飯~雞肉好滑...好入味!!!我平時都唔太食油飯既...不過唯獨呢間小店既油飯我會食...因為香而不油...配菜就有我最like既醃青瓜~酸酸地好開胃~!!值得一提既係佢地送既椰子雞湯...顏色睇落好似好清咁...飲落似老火湯~好好飲!!!

灣仔返工既煩惱就係諗食咩，基本上最平都要$50-$60，但係自從遇到呢間灣仔海南雞飯，就無煩惱喇（間餐廳叫food oriental，但我地都已經叫左佢做食海南雞嗰間已經食過好幾次喇：無骨海南雞脾飯配椰子雞湯海南雞脾無骨超嫩滑，雞油飯唔會好油好好味，配埋滿滿椰子味既椰子雞湯應該可以無限次再食蔥油雞扒蛋飯配洛神花梳打份量好足，太陽蛋好靚，蔥夠晒脆嫩，雞扒就燶左少少，雞扒底仲放左兩條菜芯，不錯吃！另外今次加左個洛神花梳打，酸酸地好醒胃又健康海南雞喇沙湯粉好大碗而且湯麵分開，唔怕淋晒。糖心蛋超正，個喇沙湯底好惹味好夠椰香，豆卜吸湯超正！少少美中不足係呢隻海南雞無去骨，不過同平時一樣咁嫩滑可以再食印尼炒飯份量好夠，太陽蛋好靚，飯好惹味亦好足料，飯入面有雞肉一齊炒。另外仲有沙爹雞肉串，超級好食少少美中不足係蝦片唔夠脆。因為係即炒即燒所以會等耐少少，但呢個飯一定會再食

聽講汕頭街好多好嘢食我4點零無啦啦餓🥲就走咗去打個白鴿轉但來回行左2次都未揀到餐廳最主要係灣仔區貴😒閒閒地都100蚊個lunch無100都80……終於比我見到呢間唔起眼嘅鋪頭🤭🤭有40幾蚊個飯專做外賣的叫左個泰式青咖哩魚柳飯一食驚為天人🥘🥘🥘🥘絕對會再回顧第一平第二真係好好食聽人講青咖哩同香咖哩係唔辣嘅🌶🌶🌶但呢個辣架我接受之餘仲愈食愈過癮咖哩有明顯椰香同香草味質地唔會杰撻撻拌飯一流非常夠味😍啲魚先係極品🐟🐟炸到勁脆左入面超滑超多汁完全無比啲咖哩汁浸腍曬啲飯粒粒粒分明有咬口成件事好高分🍚原來仲有做到會外賣架睇下幾時搞party都會試下order😁😁😁

👍🏻無骨海南雞髀飯 $49雞肉嫩滑，雞皮偏肥🤪甜醬油淋左係面有啲似豉油雞但咁樣反而蓋過左雞味，有啲可惜😣配料有薑蓉、炸蒜同青瓜粒油飯有淡淡既雞油香，好均勻👍🏻呢度會將平時另上既甜醬油直接淋埋落個油飯度個飯食落會甜甜地😋妹仔大過主人係附送既椰子雞湯超正👍🏻🤤！椰子味好濃郁又無味精，直頭想另嗌多碗🤣味道：7/10性價比：8/10-📍Food Oriental灣仔汕頭街27號地下#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #灣仔 #灣仔美食 #灣仔好去處 #灣仔打卡 #海南雞飯 #海南雞 #FoodOriental #囍帖街 #利東街

﹊﹊﹊﹊﹊﹊﹊﹊﹊﹊﹊﹊☞無骨海南雞飯 44$無骨既雞真係岩哂好似Fat9咁懶既人 食落口啖啖肉就岩😹佢啲雞既份量唔孤寒 都幾大舊 雞夠滑身有咬口 食落去陣雞味夠新鮮🤤佢個配菜青瓜都唔係閒等角色黎 我諗佢啲青瓜要夠新鮮先可以就算擺係個飯既面 都可以令到啲飯有勁大陣既青瓜味🤭同埋好抵讚係佢個油飯 食落口真係粒粒分明唔係一patpat 個飯好出色🥰👍🏻另外佢會跟個辣醬 個辣醬陣味好特別 唔係係出面街食到既普通辣醬黎 但佢又唔係話好辣 但就有辣既香味 加落去個雞飯到食會令到個雞飯昇華左🤩但Fat9覺得個湯先係重頭戲 搶哂海南雞飯既風頭😆個湯勁濃味 個椰子味都好重 如果佢個份量再多啲就好 佢呢個湯係用杯裝跟埋個飯 下次Fat9再去食我深信我會加錢買多杯黎飲😳!!﹊﹊﹊﹊﹊﹊﹊﹊﹊﹊﹊﹊↬味道: ☻ ☻ ☻ ☻/5↬服務: ☻ ☻ ☻ ☻/5↬環境: ☻/5

因為之前試咗呢間舖頭嘅海南雞飯 同飲咗佢嘅湯 覺得幾好食好飲 仲要唔貴 所以今日就再次幫襯 不過就想試下佢嘅其他餐睇完餐單之後就用咗whatsapp落單外賣今次試咗嘅係印尼炒飯 $50 入面有一隻太陽蛋 兩串沙爹雞串 少少酸青瓜 同少少蝦餅炒飯入面主要嘅配料有 麥豆 蝦米 同雞肉粒 食落有香料嘅味道 唔知點解仲好似幾有蝦味 不過就有少少油 都算合理 但配住啲酸青瓜嚟食咬完一嚿再食就好似無咁油 有少少少微辣 整體都唔錯 而雞串就每一啖都有好濃厚嘅香料味 而放係飯盒入面果陣個頭就點住些少沙嗲醬 美中不足嘅係蝦餅食落唔脆 感覺就好似有啲“通風”咗咁嘅感覺 麻麻地有機會可以再試下該舖頭嘅其他嘢 對於要求唔高嘅我性價比極高 屬於價廉物美 $50而言直頭係無得彈 如果有埋湯飲就perfect了

下午茶。外賣餐牌嘅份量係三件為主，所以圖中大部分都係叫左兩碟嘅size。- 絲網春卷的脆皮比較厚一些，炸得太厲害。- 左上角咖吔西多士同左下斑蘭西多士，黎到我都剪開左一半，兩樣都係之前無食過只不過try try，比想像中好食，起碼食落唔會過甜，外賣黎到時都焗淋左喇，但唔似港式多士一淋左就唔想食。- 墨魚餅蝦餅其他一般、無魚味蝦味整體口味普通啦，無特別好食的。餐牌以三件嘅少份量為主，所以就算只係想兩個人食叫外賣，都可以叫多啲款式，叫做menu彈性啲。亦因為少份量，驟眼睇單價唔算貴，但味道一般我之後未必會再叫。😂

今日無飯帶。成日食黎食去都係公司附近個條街諗番同事介紹汕頭街附近有間食無骨海南雞飯咁就一於去試下揀左要雞脾肉~$49有埋杯椰子雞湯..邊到搵XD雞脾肉嫩滑有彈性, 加埋薑蓉~正啊油飯粒粒分明旁邊嘅青瓜係用醋醃左, 可以解一下油飯個油膩但我不斷諗如果個青瓜加埋蒜蓉落去調味應該都幾正🙊🤣其實我真係好鐘意飲湯一打開個蓋.. OH MY!勁香椰子味🤩個湯勁清唔會話好油食完個飯飲番杯熱辣辣嘅椰子雞湯真係勁滿足，成個人暖哂😊最重要係冇味精飲完之後唔會話好口渴或者眼瞓

見到公司有個同事日日都食海南雞 於是搵日終於去咗試呢間 睇下咩解咁吸引佢必食既海南雞飯（特別點了雞脾肉） 對於我呢啲懶人嚟講 最好就係食無骨既雞肉 所以呢盒飯正正合我意 雞肉好鮮美嫩滑 原汁原味 富有彈性有嚼頭 加埋薑蓉真係一流 加上油飯真係冇得頂 油飯粒粒分明而不黏膩 咁好味都只係$49 感覺呢個價錢係香港難搵到咁高水準既飯盒美中不足係雞肉唔多 如果再多啲就更好了～買飯還加送雞湯 未飲已聞到香香的椰子味 飲下去都幾濃味 不過我自己較愛清淡既湯 所以冇飲哂我們還點了清菜 菜就冇咩特別 純粹覺得食多啲菜健康啲而已😂除外 還點了咖哩薄餅 （其實即係手抓餅） 因為同事想健康點 於是走咖哩😂😂 因為唔會好油既關係 淨手抓餅都已好好食 最後點了豬頸肉冬陰公河粉 呢個相比海南雞飯一般 冬陰公湯重蕃茄味 所以比較酸 但係啲菇幾好味 同埋豬頸肉口感唔會好硬 👍🏻不過鋪位得8個位到 較狹窄 如果滿座 建議外賣係附近食🤤

係灣仔，成日食lunch都排長龍，真係好難搵位。記得同事話呢間小店唔錯，就諗住試下佢。鋪頭真係唔大，堂食只有大概8個位，但買外賣嘅人就好多，果然係有D人氣。Menu 選擇有好多，第一次先試試佢最出名嘅無骨海南雞髀飯（$49）仲附送埋椰子雞湯。海南雞飯真係好有驚喜，佢嘅雞滑之餘夠入味，不得不提嘅係佢嘅飯，同平時嘅油飯唔同，佢入味之餘一D都油膩，仲要好入味，平時食好少飯嘅我都不經不覺食哂成個。仲有嘅係佢嘅配醬都好好味，尤其係薑蓉，佢會加左秘制豉油，配合得好好。佢仲配埋一個紅色嘅醬，同平時唔同，佢有少少紅椒同蕃茄嘅味，又配得幾好喎。不得不提係佢嘅椰子雞湯，雖然係跟海南雞飯送嘅，但真係落足料，好好飲。呢間真係性價比高嘅小店，下次要試埋佢其他東南亞菜。

同少爺拍拖諗住去睇錶，佢就帶咗我嚟呢度食海南雞飯。少爺話見到平時呢度有好多人買外賣，佢估應該味道都唔差。鋪頭細細，只係得一張長方形枱，可以坐到六個人。我哋兩個人都一齊叫咗海南雞飯，個飯仲跟一杯雞湯。價錢一啲都唔貴，每個飯只係$44。有別於一般海南雞飯，平時出面食嘅會比三個醬，一個辣椒醬，一個薑蓉醬，再加一個豉油醬。佢呢間鋪頭只係比咗個辣椒醬，薑蓉同埋豉油已經接咗吱咗響啲雞同埋飯上面。個飯係有味飯，我食到有蒜頭嘅皮，應該真係跟足傳統方法落蒜頭去煮。味道適中。啲雞好滑，全部熟透，無帶紅。少爺話啲飯，好食過好多海南雞飯。我自己都認同。個雞湯上面有杞子，我估應該冇味精，因為飲完都冇口渴嘅感覺。短短半個鐘頭嘅食飯，已經好見到好多人出出入入買外賣，同等外賣。呢度嘅海南雞飯真係值得推介。