福臨門 (利文樓)

Open Now

Now Closed

很多年沒去過。服務好多了，很殷勤。環境很豪華。價錢也偏貴。最好吃是就焗蟹蓋,很多蟹肉，中間夾著洋蔥絲，幹身而沒有醬汁，很可口很香（$180）。油泡班球($600)很不錯，很新鮮，但加菜遠加了$120有點太坑人。半隻炸子雞不過不失($280)。蟹肉蛋白炒飯很普通，蟹肉很少，飯很硬，不值$300。紅酒炆牛尾牛舌味道不錯，但肉不夠軟。反而送的甜點核桃酥很精彩，很鬆脆很多核桃，而且微暖，是剛弄好的，好吃。

  同屋企人食飯， 諗唔到去邊度食 。車 駛着駛着， 來到福臨門的門口 ，第一次黎呢度食飯。我哋嗌咗鮑汁柚皮 ,炸子雞. 鹹魚雞粒炒飯 ,生菜包乳鴿鬆, 炒芥蘭。整餐飯我最欣賞個鮑汁柚皮。用煲仔上,保持溫度!鮑汁 味道香濃 ;至於柚皮, 雖然柚皮 本身 的味道不算突出, 但勝在厚薄適中 ,柚皮掛了濃郁鮑汁, 垂涎欲滴!炸子雞也很不錯 ,皮夠脆， 配上鹽和檸檬汁 ，很能提味！食到最後，叫咗個芒果布甸。 是我見過最好的。 上面鋪了一層芒果汁 更突顯出甜品的鮮味！

I was searching for a good dim sum place in Hong Kong and few online articles recommended this place. It was suggested this is a place for the rich. I was hoping that the quality of the food warrants the price but I was wrong. The food was only standard and nothing exceptional. This place is only for those who wanted to recognized to be rich. Lei Garden is far better.

Great service, tasty food, nice environment! Famous for their dessert. And both dessert dim sums we ordered were super yummy! The assistant manager Bee is extremely nice!

母親大人生日, 在下諗住帶佢同屋企人飲餐靚茶慶祝一下, 諗過去酒店中菜廳, 但覺得好似冇咩誠意, 所以決定去有 “富豪飯堂” 之美譽既福臨門, 淨係聽過名都夠晒勁, 仲要係大劉去開果間 – 灣仔店. 在下知道呢間野堅出名, 所以老早就喺2個星期前訂定枱 (事實證明在下做得啱, 因為當日見到大量客人想walk in, 都被知客婉拒).<災難級安排>訂左1點鍾, 慣例早到10分鍾, 被告之張枱未ready, 不過已經埋緊單, 要我地喺地下大堂等多陣, 雖然冇諗過黎呢啲高級中菜廳都要等位, 不過畢竟係在下早到, ok既~ 但一等就等左25分鍾, 者係成1點15分先上去… 明明訂左1點鍾…唉… 而呢25分鍾都算難過了, 要母親大人山長水遠入黎飲茶, 仲要佢等, 感到有少少安排失當同不孝…不過更難過既就係喺等候期間不停有 “熟客” 入黎, 知客直接帶佢地上餐廳, 就好似有人去到迪士尼樂園買Fast Pass, 一次過打晒百幾人尖. 在下都曾經用過Fast Pass, 所以在下理解的… 人有貴賤之分, 熟客有熟客既待遇, 只不過, 當你喺大堂門口一直無了期咁等待既時候出現一班遲黎先

朋友極力推薦話要嚟福臨門，食得真係夠曬奢侈啦，我最記得個價錢系5600蚊！！朋友話呢度嘅豬肚魚翅羹特別好食，不過要提前一日預訂。服務員阿姨好有禮貌，茶依然點嘅系鐵觀音。鮑魚。一直都唔覺得鮑魚好食，口感乾身，鮑魚汁反而比鮑魚好味炒飯。有雞肉、瑤柱，飯嘅口感都算粒粒金香，不過稍為咸咗少少，再淡翻啲就perfect啦乳鴿，燒得幾靚，無多餘嘅油脂，乳鴿啖啖肉，比較肥美~·魚翅點嘅系普通排翅。口感覺得有啲腥，食落都幾滑~~燕窩當甜品上嘅，好味！！香甜絲滑

如果不想在未試過之下食$3k per head的套餐, 不妨跟我一樣，先試試單點餐牌吧。妙齡鴿真的算不錯，炸得乾身而肉香。但印象中已結業的石歧佬做得更juicy。服務員提議我們點一隻便足夠，因為其他菜式份量不少，感覺專業而且照顧到客人的需要，加分！XO醬炒牛肉用的是靚料，肉腍身但有牛香，炒得夠鑊氣，調味惹味得來平衡，不會過鹹或辣。補回張乳鴿醬汁，用檸檬汁較為少見。質素一級棒的釀蟹蓋！ 絲絲鮮蟹肉塞到頂曬角，無得彈！比坊間一味用cream base sauce同配料填位的美味N倍！真材實料無得輸！ 令男友很歡喜的玻璃蝦球！咁靚、大隻同晶瑩通透的大蝦球確是不多見，簡單清炒已經爽鮮味美！仲有最靚嘅燒腩仔！肥瘦相間好靚啊，皮也脆。真的要挑便是肥一點會更好食、滑身。但潮流興食得健康一點，選用較瘦的腩肉也無可厚非。醬汁配料小擺盤非常精美齊全埋單才不到二千！下次有機會才試比較高級的食材吧。食完明白為什麼叫大劉「飯堂」，其實菜式並不刁鑽，味道亦不太複雜，依靠的是最基本的靚料和煮功，的確有高級住家菜的感覺呢！不知大劉最常點的又會是甚麼哈～

朋友極力推薦的，說很多名人食家都很喜歡每天去福臨門度食野，但係價錢就相對貴好多，在尼一帶的名氣都算好高，但係因為臨時起意，所以都要了點時間book位置的。乳鴿的話從來都系細細一隻的，而且師傅手藝好好，掌握的火候很準確，乳鴿的肉質非常的嫩，系真正的嫩，一點都沒有過火的嚡嘴感，最好食的是乳鴿的皮，脆而滑，正。鮑魚價錢系我食過最貴的，我認真的，但係福臨門的鮑魚卻打破了我對鮑魚的歧視，味道很正，雖然我以前不喜歡食鮑魚，但是也認為尼間的鮑魚味道同口感都系我食過的頂級。燕窩的味道就一般般喇，沒有甚麼好說的，而且價錢又貴，侍應真的很熱情周到的，食飯過程都很開心。

『識飲識食』，是在下畢生追求的人生目標。朋友都知道小弟饞嘴兼好酒，言語間都說在下『識飲識食』，實在愧不敢當，但在下確實熱愛飲食。向『識飲識食』這人生目標邁進，除了要裝備大量的飲食知識外，到處飲飲食食，增進經驗同樣重要，因此我把個人收入接近三份之一都用作增進經驗，儘管如此，依然有許多名氣餐廳酒樓，小弟『好想幫襯而未幫襯』，沒法子，中學時經濟科第一課堂已教：『人擁有的資源有限，但慾望卻是無限』。今天光顧的名人飯堂福臨門，小弟在十多年前已想光顧，唯因為種種不同原因而未能成事，本想在數週前的母親生辰惠顧晚飯，一嚐炆班翅、炸子雞及荷葉飯等滋味，卻因母親選擇吃西餐而告吹，今天終有機會到這富豪飯堂用膳。到達目的地，先左顧右盼，看看有否名人在座，啊！沒有。在家看了超過三十多篇關於福臨門的食評，竟然沒有一篇附上餐廳的室內照片，一向『膽粗粗、面皮厚厚』的我當然不會懼怕被人喝止拍攝而放棄，拍攝過程順利，照片都是大大方方在大廳拿出手機拍攝的。這是2字三樓，座位數目約100，用餐尾段曾問侍應房間是否設在樓下二樓？得到回覆是中午全店不設房間，晚市二樓會間房，而中午時段二樓只招待熟客。我問：『熟客係咪指劉生同一眾名

A painting near our table.I've been taking a Cantonese class in Wan Chai and using the opportunity to try some places I've always wanted to go. Before the winter break, we'd tried to go to FLM, but when we showed up they had no seats. This time I called about an hour before lunch and got us a table for 7 on a Saturday.Dubbed "The Cafeteria for the Wealthy," I was certainly tickled to see one woman wearing her sunglasses indoors. I didn't see anybody I recognized, but then again, I don't know mos

早前老闆請我食大餐，因為年尾工作太忙既關係！所以一直無update! 而家見得閒d一定要讚下呢間高級食府我地係食晚飯！叫左個貴賓b餐2000蚊位！第一道菜係紅燒大排翅！份量當然足料食落爽爽咁！有口感下一道菜就係鵝掌吉品鮑，鮑魚柔靱！有溏心效果！鵝掌同鮑魚配合埋個濃郁既鮑魚汁！美味無窮食完想食多一隻囉再下道菜就係紅燒乳鴿！應該係我食乳鴿以黎最好味既一次非常難忘，肉汁依然！唔乾身！識食一定食埋個乳鴿頭！最後成隻乳鴿變成碎骨好變態咁，但係堅好食！另外散叫左個咕嚕肉！味道唔會太酸！咕嚕肉上既粉漿唔會好厚！酸酸甜甜幾惹味！食左個焗蟹蓋。因賣相唔特別無影相！但味道唔錯，大量蟹肉已拆肉釀係蓋內！蟹肉鮮甜，最後黎埋個椰汁燕窩！又係夠哂足料，多到好似食緊麥皮咁口感豐富！總結，味道一流！比得呢個價錢會比番呢個質數！

先講何謂動物人參, 係蛋中膽固醇最低, 半個月才生一次蛋, 鴨蛋也。點矜貴? 比雞蛋細, 而且蛋殼好薄, 很易破, 來貨都要冷水浸, 所以特別矜貴!官燕釀竹笙卷伴鴨蛋, 個名已冇得輸啦, 竹笙釀入官燕, 配上鴨蛋,組合出好食的食物前菜四小碟之蒜片牛柳粒 牛味唔濃, 唔洗點嚼都吞到椒鹽田雞腿 肉質彈牙椒鹽中蝦, 脆到連殼食燒鳳肝, 唔太粘口, 但可以再燒香d大紅片皮乳豬指定動作, 招牌菜, 必吃之一, , 每之食都是保持水準, 真功夫, 來到時仲係暖暖地, 通常預你食埋豬腳仔, 表面看似燒得好燶, 但 d味入哂骨, 要試下。吉品鮑, 糖心啦, 腍滑中帶嚼勁，味道一流仲有蒸老鼠班, 成2斤重, 皮一定厚啦, 肉都要出力趙啦, 冇計!

福臨門，素有'名人飯堂'之稱，是一個我一直也很想要去吃吃的地方-- 不論是午餐吃點心，或是晚餐吃傳統菜式也是，早前終於有機會了，就是飯局的關係，就是可以大伙兒吃到很多不同的菜式。蜜汁燒鳳肝，窩貼明蝦，蒜片牛柳粒，蜜汁叉燒，雞子戈渣：先來的是幾道前菜小吃，場面已經是相當豐富了。蜜汁燒鳳肝是我挺喜歡的，比相像中的要腍身且香喔。叉燒走的不是腍得像黑毛豬蜜味濃郁的那種，倒是傳統那種有質感的，也不錯喔！窩貼明蝦則是很穩當的水準，油分不過多。大紅片皮乳豬：這隻乳豬可說是這個晚上的亮點之一，先是見到原隻且起出脆皮的乳豬，已令人眼前一亮。脆皮有濃郁烤的香氣，肉的部分則是大件富口感的，靠骨的部分是分外的好吃。粉葛鯪魚豬踭湯：光從湯名了解到其材料已知道是吸引的，從呈上的湯渣更見其足料，很好喝。蛋黃八寶鴨：福臨門的八寶鴨是不容錯過的，光是鹹蛋黃已有很多隻在，鴨肉不鞋身，就是一口可以吃到很多材料喔！當紅炸子雞： 雖然在中菜廳已是見怪不怪，可是值得一提的是當晚吃到的雞皮是特別的薄而脆，雞肉也是挺嫰的。蘿蔔牛根腩：個人認為牛腩質素是平實的，倒是那牛根很有魔力，比平常吃到的要粗身和黏口，感覺有滿滿的骨膠原呢。生炒糯

是晚參加了一個網上飯局,首次走進這間富豪飯堂,餐桌上不是什麼名貴的鮑參翅肚,但却吃到一頓比普通酒家水平高很多的粤菜,雖然價錢接近$800大元,但仍然覺得價錢合理。

靚太61歲大壽，美麗如昔，祕訣是保持心境開朗，從來不到美容院，設宴福臨門，我們有口福。三樓全層，四張大枱，估計客人有六十多人。美酒自然少不了，進門已經奉上香檳，餐後大家竟然不劈紅酒，KO整支XO！四代同堂，長輩在場，相機不可以胡亂吃先，餸菜全相欠奉，咁都無所謂，只談精彩的。前菜6款，最特別的是雞子戈渣。酷似炸豆腐，只看外表，容易與椒鹽豆腐混淆。廣府老菜，現在已經少有店子會做，大家無須擔心它是雞子，其實材料是雞蛋，只因混合粟米粉及上湯來炸，餡料口感不像雞蛋那麼滑，反而有少少沙沙粒粒感，似雞子；戈渣是北方話鍋炸的意思。炸至金黃色，香口惹味，皮煙韌內蕊軟腍，不鹹不淡，口感不俗。大紅片皮乳豬是褔臨門之招牌菜式之一，確實燒至皮薄如紙，香脆惹味。而且全只乳豬盡用，除了片皮外，豬骨連肉斬件，包括豬頭，不會保留任何部分作他用。紅燒大排翅因為環保原因，近年大家已經少吃魚翅，但傳統大菜，壽宴少不了。福臨門出品，排翅份量多如粉絲，並非最粗大但亦不脆弱，可惜高湯不夠濃郁，似乎少放了金華火腿，是否主人家要求或是現代健康版就不知道了！欠一些醇厚濃郁的滿足。伴以芽菜丶青蔥及火腿絲亦是一般的配搭，並不供應紅醋，自信心